Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Rusia, Kina dhe Irani po synojnë të mposhtin demokracinë. Çdo fitore do t’u japë ndihmë të tjerëve dhe do t’i trimërojë më tej këta diktatorë. Ne duhet të sigurojmë një fitore totale të Ukrainës dhe humbjen e pushtuesve rusë.
Nga Liz Truss “Wall Street Journal”
Shtetet e Bashkuara e kanë udhëhequr prej 7 dekadash botën e lirë. Gjatë Luftës së Ftohtë,
ishte fuqia amerikane, ajo që e frenoi me sukses kërcënimin komunist që vinte nga Bashkimi Sovjetik. Duke bashkëpunuar me kryeministren britanike Margaret Thatcher, presidenti amerikan Ronald Reagan ishte i palëkundur në atë betejë, duke e quajtur një “perandori të së keqes” Bashkimin Sovjetik.
Bota do të përfitonte akoma më shumë sot nga ky lloj lidershipi amerikan. Dhe unë shpresoj që zgjedhjet e vitit presidenciale të rikthejnë në Shtëpinë e Bardhë një republikan. Në SHBA duhet të ketë një udhëheqje konservatore, që ajo të jetë sërish mjaftueshëm e guximshme për t’i quajtur regjimet armiqësore si të liga dhe një kërcënim për botën e lirë.
Shumë nga ne në botën perëndimore, u vetëkënaqën me humbjen e armiqve tanë komunistë, dhe besuan se fitorja e lirisë dhe demokracisë ishte e përjetshme. Në realitet asnjë fitore e tillë nuk është e përhershme. Perëndimi e lejoi Kinën të anëtarësohej në Organizatën Botërore të Tregtisë si një vend në zhvillim - me kushte të favorshme që i gëzon edhe sot e kësaj dite - ndërsa Presidenti Xi Jinping u bë president i përjetshëm, shtypi demokracinë dhe lirinë e fjalës në Hong Kong dhe mbështeti shkeljet e të drejtave të njeriut në provincën Xinjiang. Ndërkohë, Irani po mbështet terroristë si Hamasi, dhe po zhvillon aftësitë e tij bërthamore, dhe kjo në kohën kur SHBA-ja po pret më kot që Teherani të nënshkruajë marrëveshjen mbi programin e tij bërthamor, ose siç njihet ndryshe Plani i Përbashkët Gjithëpërfshirës i Veprimit.
Dhe ambiciet territoriale të Vladimir Putin janë gjithnjë e më armiqësore. A është e habitshme që këto regjime kanë vazhduar të ecin përpara pa u ndëshkuar, dhe veprimet e tyre nuk janë denoncuar siç duhet nga të tjerët? Për shembull, dështimi për të marrë masa ndëshkimore pas shkeljes së “vijës së kuqe” nga regjimi në Siri, dhe tërheqja e trupave nga Afganistani nga ana e Amerikës, i inkurajoi më tej këto regjime.
Unë e pashë efektin e këtyre veprimeve gjatë kohës që isha pjesë e kabinetit qeveritar britanik si Ministri e Jashtme dhe kryeministre. Dhe ndërsa jam krenare që Britania e Madhe u bë vendi i parë në Evropë që e furnizoi me armë Ukrainën, do të preferoja që ne të mos kishim qenë në asnjë moment në atë situatë.
Rusia, Kina dhe Irani po synojnë të mposhtin demokracinë. Çdo fitore do t’u japë ndihmë të tjerëve dhe do t’i trimërojë më tej këta diktatorë. Ne duhet të sigurojmë një fitore totale të Ukrainës dhe humbjen e pushtuesve rusë.
Që ta anojmë ekuilibrin në favorin e Ukrainës, ne duhet të sigurohemi që kjo e fundit të ketë një avantazh ushtarak të dukshëm kur përballet me një ushtri ruse të mbështetur nga armë iraniane si dhe diplomatikisht nga kinezët. Ukraina ka aktualisht një nevojë urgjente të arrijë epërsinë ajrore, ose nëpërmjet avionëve më të fundit perëndimore ose dronëve të përparuar që mund të mbështesin trupat e vijës së parë të frontit.
Po ashtu ne duhet të lejojmë anëtarësimin e shpejtë të saj në NATO. Moska mbetet ende peng i iluzionit, se ushtria e saj mund të përballojë fuqinë e Uashingtonit. Por Perëndimi duhet të garantojë që Ukraina të ketë armët që i nevojiten për t’i dhënë Rusisë një goditje nokauti.
Kjo do t’i dërgonte një mesazh të hapur regjimeve dashamirëse ndaj Rusisë në Kinë dhe Iran. Sa i përket Kinës, ne duhet t’i sigurojmë Tajvanit armë dhe aftësi mbrojtëse, të cilat ne e dimë se i zotëron edhe Pekini. Udhëheqësit e biznesit në Perëndim, duhet të ndalojnë së gënjyeri veten në raport me presidentin kinez Xi, i cili duhet të etiketohet për atë është, një diktator totalitar.
Ndërkaq duhet të braktisim njëherë e mirë marrëveshjen mbi programin bërthamor të Iranit, dhe të vendosim sanksione më të ashpra ndaj Teheranit. Nuk duhet t’i jepen më para në dorë një regjimi, që ka financuar terroristët dhe fushatat e tyre terroriste.
Gjatë Luftës së Ftohtë, SHBA-ja udhëhoqi një aleancë të botës së lirë, duke përfshirë Britaninë e Madhe dhe Japoninë, në kontrollin e eksporteve drejt Kinës dhe vendeve komuniste të Evropës Lindore. Ajo duhet të udhëheqë sërish botën e lirë për të siguruar që ne të mos eksportojmë teknologji ose mallra, të cilat mund të përdoren një ditë kundër nesh. Pra të kemi një NATO ekonomike.
Së fundi, të gjithë ne në Perëndim duhet të ndalojmë degradimin që kemi lejuar të zhvillohet brenda shoqërive tona, i cili sulmon vlerat anglo-amerikane të patriotizmit, lirisë dhe familjes. Qofshin këto teprimet antikapitaliste të ambientalistëve ekstremistë apo axhendat radikale të lëvizjes Woke, që po promovohet në shkollat dhe kampuset tona, ne duhet urgjentisht të kundërshtojmë çdo lloj ideologjie që e dëmton mënyrën tonë të jetesës dhe që i ndihmon armiqtë tanë. E ardhmja e Perëndimit varet pikërisht nga kjo.
Shënim:Liz Truss, ish-Ministre e Jashtme dhe ish-kryeministre e Britanisë së Madhe.
Nga Nouriel Roubini “Project Syndicate” Që nga publikimi i raportit mbi “Kërcënimet e Mëdha” në tetorin e vi...
Foto ilustruese Nga Sabino Cassese “Corriere della Sera” Çfarë shkoi keq në këtë botë? Së pari pandemia ...
Foto ilustruese Nga Damien Phillips “The Spectator” Edhe pse kaloi kryesisht pa vëmendje, javës që shkoi pati si rrallëher...
Ben Blushi Disa ditë më parë kur Kosova po luante futboll me Izraelin po mendoja se pse Izraeli nuk është antar i NATOs. Izraeli k...
Ben Blushi TIRANË- Ben Blushi ka treguar një episod që i ka ndodhur teksa po shkonte nga Tirana në Kosovë. Me anë të...
Nga Lily Lynch “Social Europe” Në vitin 2018, kryeministri i Shqipërisë, Edi Rama, deklaroi se vendi i tij nuk do të lejonte ...
foto ilustruese Nga Luke Coffey “Arab News” Komisioni Evropian, dega ekzekutive e Bashkimit Evropian, ka rekomanduar fillimin e bisedimev...
Pas sulmit të tmerrshëm terrorist të Hamasit ndaj Izraelit më 7 tetor, dukej e pashmangshme që Izraeli të hakmerrej në nj&e...
Joe Biden dhe Xi Jinping SHBA- Republika Popullore e Kinës, është një shtet leninist, i drejtuar nga një parti që beson...
Manastiri i Gracanicës “Ata që nuk e njohin të kaluarën dhe vendin e tyre janë si foshnja” – nuk dinë asgj&...
