Dita e 50-të e revoltës qytetetare/ Shqiptarët vijojnë qëndresën në shesh: Rama në burg, Berisha në burg
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Në këtë fushatë zgjedhore, Edi Rama po rreket gjithçmos të kapitalizojë pasojat e traumës së tij, njëlloj siç veprojnë një kategori fatkeqësh me pasojat e fatkeqësive të tyre. Në këtë drejtim, Edi Rama është i përngjashëm dhe i përkundërt me lypsarin në krye të rrugës ku banoj.
Jemi në ditët e fundit të fushatës për zgjedhjet e pushtetit vendor të 14 majit, e cila do të mbahen mend jo thjesht e vetëm për paligjshmëritë skandaloze që i paraprinë, por për anormalitetin dhe, mbi të gjitha, për perversitetin me të cilin e veshi Edi Rama.
Nuk besoj se ka mbetur ende një njeri normal, i cili të mos e ketë vërejtur anormalitetin e kësaj fushate zgjedhore, e cila nuk ishte përballje mes programeve dhe alternativave në lidhje me cilësinë e jetës së përditshme të qytetarëve, por një projeksion qartësisht i dukshëm i traumës së thellë psikike e mendore që i ka shkaktuar kryeministrit zbulimi nga autoritetet amerikane i implikimit të tij në korruptimin e ish kreut të kundërzbulimit të FBI-së Charles McGonigal. Personalizimi i përdhunshëm dhe despotik që Edi Rama i bëri fushatës, tregon qartësisht se projeksioni në fjalë nuk është askurrsesi i pandërgjegjshëm, një rrëshqitje frojdiane. Përkundrazi, është i qëllimshëm. Dhe pikërisht këtu qëndron edhe perversiteti, i cili është kompleks dhe shumëpërmasor.
Në këtë fushatë zgjedhore, Edi Rama po rreket gjithçmos të kapitalizojë pasojat e traumës së tij, njëlloj siç veprojnë një kategori fatkeqësh me pasojat e fatkeqësive të tyre. Në këtë drejtim, Edi Rama është i përngjashëm dhe i përkundërt me lypsarin në krye të rrugës ku banoj. Nga njëra anë, të dy po rreken të kapitalizojnë pasojat e traumave përkatëse - lypsari i moshuar humbjen e një këmbe, ndërsa Edi Rama trazimin, kaosin dhe tronditjen e thellë psikike e mendore që i ka shkaktuar trauma McGonigal. Nga ana tjetër, të dy janë teleologjikisht të përkundërt. Ndërsa përmes ekspozimit të këmbës së humbur në krye të rrugës lypsari synon të ngjallë bashkëpërfshirjen e kalimtarëve, përmes projektimit në çdo takim të trazimit, të kaosit dhe tronditjes psikike e mendore që i ka shkaktuar trauma McGonigal, Edi Rama synon që të çorodisë sa më tepër zgjedhësit, me qëllim që të ngjallë mospërfshirjen e tyre. Pjesë e këtij qëllim është dhe përpjekja të zhvlerësuar rëndësinë këtyre zgjedhjeve, qoftë përmes qesharakëzimit të tyre të drejtpërdrejtë me batuta, qoftë përmes futjes në rend të ditës të haragopjeve të gjithçfarëshme për t’ua larguar vëmendjen qytetarëve nga zgjedhjet, qoftë duke bërë thirrje të vazhdueshme që ditën e zgjedhjeve gratë t’i mbyllin në shtëpi me çelës “hudhrat” e tyre, që në zhargonin e tij shenjon “burrat”, dhe burrat t’i mbyllin në shtëpi me çelës “pjeshkat” e tyre, që në zhargonin e tij shenjon “gratë”.
Mospjesëmarrja në zgjedhje është votim i heshtur; dhe nuk është vetëm votim i heshtur, por edhe një zgjedhje e heshtur. Në shoqëritë moniste, mospjesëmarrja në zgjedhje është “jo” ndaj status quo-së, ndaj mosndryshimit të kështuqenies së gjërave. Kjo është edhe arsyeja përse diktaturave u intereson zvogëlimi i mospjesëmarrjes në zgjedhje. Në shoqëritë pluraliste, mospjesëmarrja në zgjedhje është një “pro” e heshtur ndaj status quo-së dhe një shpërfillje e nevojës për ndryshim, që do të thotë se çdo qeverie i shkon mjaft për shtat mospjesëmarrja në zgjedhje, pasi kjo rrit artificialisht dhe në përpjesëtim të drejtë peshën e votave pro qeverisë. Kjo është arsyeja përse mospjesëmarrja në zgjedhje ka raste kur nxitet nga forcat në pushtet. Edi Rama e ka të qartë, prandaj përpiqet gjithçmos që të rrisë sa më tepër mospjesëmarrjen në zgjedhje. Vetëm se në shoqëritë e tjera pluraliste nxitja për mospjesëmarrje në zgjedhje bëhet fshehurazi, ndërsa në vendin tonë, krejt i vetëdijshëm për pakënaqësinë e thellë të qytetarëve, Edi Rama u bën thirrje haptazi të mos dalin fare në votime, nëse nuk duan t’ia japin votën atij. E dëgjuat Majlinda Bufin çfarë i tha qytetarit të cilin po e “degjeneronte” për shkak të pjesëmarrjes së këtij në një takim të opozitës? “Nuk të kërkoj të votosh për mua. Nuk kam mbetur tek vota jote. Të kërkoj vetëm të mos shkosh të votosh. Kaq po të kërkoj.” Si në jo pak skandale, edhe në këtë skandal, Edi Rama është i pari. Ndërsa në shoqëritë e tjera pluraliste, forca në pushtet u bën thirrje qytetarëve që marrin pjesë masivisht në zgjedhje, pavarësisht se me një lloj shtirjeje dhe hipokrizie, Edi Rama, si burrë parimesh që është, duke e pasë zët shtirjen dhe hipokrizinë, me sigurinë që i jep lindja së prapthi e SPAK (KAPS), u bën thirrje haptazi qytetarëve të vet, që nëse nuk duan t’ia japin votën atij, mos të dalin fare në votime, duke zbuluar padashje, se pavarësisht se ka në dorë të gjithë aparatin zgjedhor, nga KQZ, KAS, KZ, deri te komisionerët dhe numëruesit e KZAZ-ve, pavarësisht se ka hedhur para pa hesap për blerjen e votës, ai është po aq i pasigurt se do ta votojnë, sa ç’është i sigurt për shkallën e gjerë të pakënaqësisë së thellë që ka mbjellur tek qytetarët me abuzimet që ka bërë me pushtetin. Dhe qytetarët kanë vetëm një alternativë: t’i përgjigjen me pjesëmarrje, të derdhen masivisht të dielën drejt kutisë së votimit. Një pjesëmarrje masive e të dielës do të ishte pa as më të voglin dyshim natyralizimi i duhur i zgjedhjeve si përgjigje ndaj anormalitetit dhe perversitetit të fushatës së Edi Ramës.
Ola Xama Disa ditë më parë në një shkrim në portalin oligarika.al, i titulluar “Shumë të mëdhenj pë...
Ben Blushi Nga Ben Blushi Aleksandër Dë Basevillen e pashë në kafen e Operas. Në Tiranë.Ti je princi i Libofshës, e pye...
Zgjedhjet presidenciale dhe parlamentare të 14 Majit 2023 në Turqi mund të konsiderohen si më të rëndësishmet në histo...
Shefqet Kastrati dhe Samir Mane “Too big to fail” është një teori ekonomike, e cila përshkruan situatën kur një k...
Nje pjese e shoqerise u befasua nga nje deklarate e kandidatit per kryetar bashkie te koalicionit Bashke Fitojme ne Libohove, i cili premtoi sherbim funeral f...
Shpëtim Doda Nga Shpëtim Doda Është më se e njohur shëmbëlltyra indiane e elefantit në errësirë, të...
Lutfi Dervishi Nga Lutfi Dervishi Në ditën e lirisë së medias është mbase rasti ideal për të ngritur dolli ...
Shaban Murati Një narcist me shtatë tuje nga ata, që mendojnë se mjafton mjekrra t’i dish të gjitha, pas hulumtimeve vetiak...
Klodian Tomorri KESH bleu 503 milione euro vitin e kaluar dhe leku jo vetem qe nuk u zhvleresua, por u forcua me 5.3 per qind ndaj euros. Kurse Ilir Beqja...
Chat GPT Chat GPT i zhvilluar nga OpenAI është një model gjuhësor gjithëpërfshirës që bazohet në arkitektur&eu...
