"Me Lulin kur e keni lënë për foto?", Rama i përgjigjet komentuesit: Fizikisht nuk puqemi por zemrën e kemi të lid...
Njohu pavarësinë e Kosovës, Kurti zhvillon bisedë telefonike me presidentin e Kenias: I bëra një ftesë pë...
Bisedat në Signal/ Trump dhe zyrtarët thanë se gazetari gënjen, Goldberg poston artikullin e ri: Njerëzit duhet t'i sho...
"Nesër shpalosim programin Shqipëria 2030", Rama: Nuk jemi si ata që premtojnë pensione 500 euro dhe naftën 5 cent dhe ...
Prej muajsh tashmë, studentë, mësues, fermerë madje dhe gjyqtarë kanë dalë në rrugë për të protestuar. Nuk kërkojnë asgjë më tepër sesa publikimin e emrave të atyre që kanë përfituar kontratën për të rikonstruktuar stacionin hekurudhor.
TIRANË- A live jemi? Serbi, Serbi, je shembull për t’u ndjekur! Në nëntor, një tragjedi tronditi Novi Sadin! 15 persona humbën jetën dhe dhjetra të tjerë janë ende në spital duke luftuar me plagët që u mbetën si shenjë e babëzisë dhe korrupsionit dhe qeverisë. Pa e menduar, në nëntor 2024, qytetarët e Serbisë dolën për të nderuar të vdekurit, por shumë shpejt dhimbja e tyre u kthye në zemërim. Qeveria “kukull” e drejtuar nga presidenti Aleksandër Vuçiç ka tentuar disa herë që të lajë duart me skandalin, duke përsëritur farsën që edhe ne shumë herë e kemi dëgjuar: Ta lëmë drejtësinë që të bëjë detyrën e saj.
Por askush nuk e ka dëgjuar se çfarë thotë! Prej muajsh tashmë, studentë, mësues, fermerë madje dhe gjyqtarë kanë dalë në rrugë për të protestuar. Nuk kërkojnë asgjë më tepër sesa publikimin e emrave të atyre që kanë përfituar kontratën për të rikonstruktuar stacionin hekurudhor. Kaq gjë qeveria serbe nuk e bën! Duket një ekuacion shumë i thjeshtë; Vuçiç dhe sëra e tij nuk nxjerrin asnjë dokument, për shkak se janë të lidhur tërësisht me kompaninë që ka bërë punimet. Ndaj për të “larë duart” kanë nisur një hetim dhe kanë marrë të pandehur thjesht ministrin e linjës.
Nga ana tjetër, qytetarët serbë kërkojnë drejtësi..me çdo kusht! Bllokimi i objekteve arsimore nisi fillimisht më 22 nëntor në Fakultetin e Arteve Dramatike pasi studentët u sulmuan gjatë një nderimi të heshtur për viktimat e incidentit të 1 nëntorit. Pas Fakultetit të Arteve Dramatike, shumë shpejt pasuan fakultete të tjera dhe shkolla të mesme. Protestat ende vazhdojnë dhe qytetarët kanë mbushur sheshet pa u trembur nga asgjë! Dhe nuk kanë nisur asnjë luftë të lehtë. Protesta e tyre po projektohet vetëm në mediat e huaja, rrjetet sociale dhe ato 2 media opozitare që i kanë mbetur Serbisë. Në të gjitha hapësirat e tjera të kontrolluara nga qeveria të jepet përshtypja se Vuçiç kërkon dialog me disa nxënës çapkënë që thjesht kanë lënë orën e mësimit.
Hera-herës i shpërndan video në rrjetet sociale duke i pyetur: Kur do flasim? Ju kujton gjë? Ju kujton sesi një protestë e ngjashme, po nga studentët në Shqipëri, u shua dhe që atëherë asgjë nuk ka pasur ndikim. Dhe këtu nuk po flasim për protestat e organizuara nga opozita, por për nevojat e qytetarëve. Serbët që kaq shumë i përçmojmë në rrjetet sociale dhe ekzaltohemi sa herë ka dritë të kuqe kamerash i shajmë nga të na vijë për mbarë, po na japin leksione! Kanë muaj që kanë zënë sheshet dhe nuk lëvizin nga aty. Dhe po flasim për një regjim tjetër nga i yni; kanë Policinë kundër, kanë shërbimin e shtetit; kanë dhe një shtet thellësisht nën thundrat e një presidenti.
Ne ç’bëjmë? Është rritur çmimi i naftës, mjaftohemi me një bord rregullator (I thënçin) që nuk bëri asgjë; janë rritur çmimet e ushqimeve, askush nuk flet; janë rritur çmimet e qerave dhe apartamenteve, askush nuk flet; s’ka para për rritje pensionesh, askush nuk flet; një fëmijë vritet në derën e shkollës dhe ministrja qesh në Kuvend, mjaftohemi me një xhiro roza-rozina deri tek Ministria e Arsimit; kryeministri ka dëshirë të ketë një “Eden” brenda kështjellës së tij, askush nuk flet; ish-zv.kryeministri del dhe denoncon skandale, askush nuk flet dhe askush nuk heton!
Mos ndoshta ka ardhur momenti që të hedhim sytë nga fqinjët tanë?! Po dakord, ne si popull kemi konfliktet tona me shtetin serb, madje-madje dhe plagë që do mbahen mend ndër shekujt, por ka një moment kur duhet të ndalemi dhe të analizojmë! Çfarë kanë serbët më shumë se ne? Një padrejtësi u është bërë dhe kanë kthyer vendin përmbys; e kanë bërë qytetarët, jo opozita!
Po shqiptarët kur do dinë të thonë “mjaft”? Kur do të dinë që të ngrenë kokë dhe të kërkojnë të drejtat e tyre? Kur do dinë të kërkojnë qoftë edhe zëshëm që të jetojnë një jetë dinjitoze? Kur? Përse gjithë këtë vlim gjaku që e përjetojnë për të sharë Serbinë dhe serbët online, nuk e përdorin për të marrë atë që i takon? As më pak, as më shumë! Sikur njëherë të ishin ngritur për çmimin e ushqimeve, ashtu siç janë ngritur për të mbështetur personazhe të njohur në reality show, do kishin krijuar një tjetër standart. Për ne, për askënd tjetër!
Çfarë duhet që të ndodhë më, që qytetarët të tunden dhe të reagojnë? Deri atëherë, nëse jemi live; Serbi, Serbi, je një shembull për t’u ndjekur!/Dosja.al
foto ilustruese TIRANË- Në 11 Maj, Qarku i Tiranës do të zgjedhë 37 deputetë, një më shumë se në zgjedhje...
Edi Rama TIRANË- Intervista e tretë e ish-zv.kryeministrit Arben Ahmetaj, ashtu edhe siç ishte njoftuar, zbuloi përpara publikut nj&e...
rexhep qosja KOSOVË- Me 17 dhjetor 2024 prej KQZ-së më erdhi ky mesazh: “Përshëndetje nga KQZ. Qendra jote e votimit ës...
foto ilustruese “Më kujtohet fare mirë ajo natë, më e llahtarshmja e jetës sime. "Elizer, o biri im, eja këtu! Dua t&e...
Edhe pse nuk kam kohë dhe dëshirë që të lexoj portalet "patriotike" dhe disa individë "patriotë" ndihem i detyruar që ...
foto ilustruese TIRANË- Një Hap Historik për Demokracinë Shqiptare Më 11 Janar 2025, shqiptarët në diasporë do t&e...
Saimir Kadiu Sot ne dreke ndoqem nepermjet RTSH, Koncertin e Vitit te Ri 2025 te Filarmonise se Vienes, nen dirigjimin e te madhit Riccardo Mutti. Kjo shfa...
qendra kombetare e kinematografise TIRANË- QKK është institucioni i vetëm ku kineastët dhe krijuesit e filmit mund të drejtoh...
foto ilustruese TIRANE- Një fotografi e Ajola Xoxës publikuar në vitin 2019 në Instagram bëri xhiron e portaleve në vend, p&e...
Linda Rama TIRANË- Nuk është e qartë përse bashkëshortja e Kryeministrit dhe televizioni ku ishte e ftuar zgjodhën pik&e...
