Tragjedi në Turqi/ Përfshihet nga flakët një hotel në provincën Bolu, humbin jetën 66 pushues, plagosen 51 të tjerë, arrestohen 4 persona
66 viktima në Turqi/ "Kanë vdekur para syve tanë," zbardhen dëshmitë tronditëse për zjarrin në hotel: Dy...
66 viktima në Turqi/ "Kanë vdekur para syve tanë," zbardhen dëshmitë tronditëse për zjarrin në hotel: Dy...
"A do paraqiteshit në SPAK nëse merrni fletëthirrje për 21 Janarin"? Berisha: Mbështes çdo lloj hetimi të k...
14 vite nga protesta e 21 janarit, Rama: Drejtësia vonon po nuk harron, fëmijët e dëshmorëve po bëhen prindër...
Rikthehen reshjet e dëborës në Korçë, ARRSH apel shoferëve: Kujdes në këto akse rrugore! Pajisuni me g...
Sipas përshkrimit të faturës, pagesë është bërë për produkte të inteligjencës artificiale për mbrojtjen e institucioneve publike. Por ka një problem. Tenderi nuk gjendet i shpallur asgjëkundi. I vetmi informacion publik është ai se kontrata midis Autoritetit të Sigurisë Kibernetike dhe kompanisë First është lidhur në datën 7 tetor të këtij viti dhe ajo është sekret.
TIRANA- Në datën 15 nëntor, në databazën e thesarit të shtetit u shfaq një pagesë me vlerë 1.5 miliardë lekë ose 15 milionë euro. Përfituesi është një kompania e quajtur FIRST, e cila operon në fushën e Teknologjisë së Informacionit, ndërsa paguesi është Autoriteti Kombëtar për Sigurinë Kibernetike.
Sipas përshkrimit të faturës, pagesë është bërë për produkte të inteligjencës artificiale për mbrojtjen e institucioneve publike. Por ka një problem. Tenderi nuk gjendet i shpallur asgjëkundi. I vetmi informacion publik është ai se kontrata midis Autoritetit të Sigurisë Kibernetike dhe kompanisë First është lidhur në datën 7 tetor të këtij viti dhe ajo është sekret.
Por klasifikimi i kontratave sekrete nuk i çliron institucionet publike nga detyrimi për të publikuar shpalljen e tenderit dhe njoftimin e fituesit në Buletinin e Njoftimeve Publike. Ky është detyrim ligjor i patjetërsueshëm. Por në këtë rast, si shpallja e procedurës ashtu dhe shpallja e fituesit nuk gjenden në asnjë buletin. Kjo nuk ka ndodhur asnjëherë më parë, edhe në kontratat më sekrete të shtetit.
Askush nuk e di se sa është vlera totale e kësaj kontrate. Pagesa prej 15 milionë eurosh është vetëm pjesore dhe do të pasohet nga të tjera. Paralelisht askush nuk e di, nëse First është përfituesi i vetëm i kontratës apo e ka marrë atë në bashkëpunim me kompani të tjera.
Dhënia parash me shpejtësi rrufe
Nënshkrimi i kontratës në datën 7 tetor dhe pagesa e 15 milionë eurove vetëm një muaj më pas, ngre dyshime të forta. Kur u dorëzua shërbimi ose produktet tek AKSK? Kur u instaluan ato. Kur u morën në dorëzim? Dhe si u arrit që brenda një muaj të realizohen të gjitha këto dhe të përfitohet pagesa? Por këto nuk janë dyshimet e vetme përballë kontratës së majme supersekrete.
Në 5 vitet e fundit, Autoriteti Kombëtar i Certifikimit Elektronik dhe Sigurisë Kibernetike kishte shpenzuar gjithsej 4 milionë euro për të gjithë aktivitetin dhe shpenzimet e tij operative, përfshirë rrogat e punonjësve dhe çdo gjë tjetër. Në vetëm një dorë ai shpenzoi 15 milionë euro për First. Cfarë është kontrata supersekrete që tronditi buxhetin e AKSK?
Kapitalizmi i Katastrofës
Menjëherë pas Shqipëria u sulmua nga hackerat dhe infrastruktura dixhitale e shtetit kolapsoi, kryeministri Edi Rama paralajmëroi se qeveria do të investonte fuqishëm në sigurinë kibernetike. Në atë kohë, Edi Rama pati lajmëruar publikisht edhe një kontratë me kompaninë amerikane Jones Group, që zotërohet nga ish gjenerali Jones. Por kompaninë amerikane e përzunë dhe kontrata nuk u lidh asnjëherë. Arsyet nuk u morën vesh, ndonëse nën zë flitej që e pengoi AKSHI.
Pak muaj më parë qeveria miratoi një ligj për Sigurinë Kibernetike. Në relacionin e tij thuhet se në 5 vitet e ardhshme do të shpenzohen mbi 270 milionë dollarë për sigurinë kibernetike. Dhe paratë kanë filluar tashmë të fluturojnë.
Krijimi i katastrofave është mënyra më e mirë për të plaçkitur para pa iu nënshtruar disipliës buxhetore dhe filtrave ligjorë që mbrojnë interesat e qytetarëve dhe ngushtojnë hapësirat e abuzimit. Fatkeqësisht qytetarët shqiptarë janë duke e provuar në kurriz këtë në disa fronte.
Pesë vjet pas tërmetit të 26 nëntorit, Bashkia e Durrësit vazhdon të prokurojë miliarda lekë në tendera të mbyllur, që fitohen nga kompanitë e lidhura me drejtuesit e bashkisë kundrejt çmimeve në kokë të fondit limit. Deri në qindarkën e fundit. Deri tani, shpenzimet për Rindërtimin kanë kaluar në mbi 1 miliardë euro. Dhe shumica e tyre janë qerasur me tendera pa garë.
Pas tërmetit, u hap fronti i ri. Ai i shpenzimeve në tendera sekretë për Covidin. Edhe këtë herë kapitalizmi i katastrofës u shndërrua në arsye për të plaçkitur. Ministria e Shëndetësisë i bleu respiratorët me çmim 4 herë më të lartë se sa tregu, ndërsa kitet dhe pajisjet e tjera u blenë deri në 10 herë më shtrenjtë. Kjo u faktua nga SPAK, i cila gjithsesi i pushoi hetimet me një justifikim skandaloz. Atë se shkeljen nuk e kishte bërë ministrja e Shëndetësisë, por specialistët që ishin anëtar në komisionin e tenderit.
Tashmë Edi Rama ka hapur frontin e radhës të Kapitalizmit të Katastrofës. Ai është fronti kibernetik, ku dëngjet e parave po qerasen pa asnjë transparencë dhe pa asnjë llogaridhënie publike. Gjithmonë tek klientët e pushtetit.
First është një kompani e themeluar në vitin 2008. Pronari i saj me 100 për qind të aksioneve është Gëzim Hoxha.
Gjatë dy viteve të fundit kjo kompani ka faturuar mesatarisht 2 milionë euro të ardhura në vit, pjesa dërrmuese e të cilave vjen nga kontratat publike që ka me AKSHI-n. Pra një kompani e cila realizon vetëm 2 milionë euro xhiro në vit, merr me një dorë të vetme 15 milionë euro ose gati 8 herë më shumë se xhiroja e saj vjetore. Por nuk mbaron këtu.
Ironikisht First kishte një sërë kontratësh për sigurinë kibernetike të infrastrukturës dixhitale publike, kur mbrojtja dështoi dhe shërbimet online qeveritare ranë të gjitha.
As First as kontraktorët e tjerë privatë që përgjigjeshin për sigurinë kibernetike të shtetit nuk mbajtën asnjë përgjegjësi për dështimin e sistemeve të mbrojtjes, që u shkaktuan një dëm të pallogaritshëm qytetarëve shqiptarë. Tashmë është sërish e njëjta kompani, të cilës i besohet kontrata prej miliarda lekësh e sigurisë kibernetike të institucioneve shtetërore.
Teksa Igli Tafa, drejtor i AKSK dhe qeveria shqiptare ndajnë qindra milionë euro në kontrata supersekrete, për të njëjtat kompani, qytetarët shqiptarë mund të shohin sërish me sytë e tyre Kapitalizmin e Katastrofës nën veprim, që iu merr paratë e pensioneve, shkollave dhe spitaleve për t’i çuar tek Gëzimët e qeverisë.
ferdinand dervishi TIRANË- Fotografia që shoqëron këtë shkrim, e deputetit të Partisë Demokratike, Asllan Dogjani, p&eum...
foto ilustruese TIRANË- 28 Nëntor 1912, joveçse datë e shënjuar e shpalljes së pavarësisë, por sakaq moment ...
Akti i Pavarësisë, gjurmë kërkimi Figura 1. Gazeta Përlindja e Shqipëniës Gazeta “Përlindja e Shqipëni&eu...
Dr. Vasfi Baruti “29 Nëntori ditë fetsta e çlirimit të Shqipërisë nga pushtuesi nazifashist” është e ...
martin cani TIRANË- Që prej orës 13:00 të 18 nëntorit familja e të miturit Martin Cani nuk po gjen qetësi! Prindër...
TIRANË- Vetëm për rroga, SPAK dhe BKH kanë shpenzuar rreth 14 milionë dollarë! Altin Dumani, kreu i SPAK, foli dje për &ldq...
Osman Stafa Sipas dëshmisë së zonjës e cila ka transportuar 14-vjeçarin Martin Cani drejt spitalit, ambulanca e ka marrë dj...
Silvana Begaj Rama përballë vetes në 2025! Më kujtohen shpesh fjalët e babait tim i cili më thoshte: kurr mos thuaj fjalë...
Klodiana Lala Martini 14-vjecar nuk jeton më. Ai mbylli sytë përjetë nga një goditje me thikë në zemër. Aty, mu pra...
lutfi dervishi TIRANË- Elon Musk është emeruar të drejtoje Departmentin e Eficenses se qeverisë Amerikane. Administrata në S...
