Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
Dosja e Erion Veliajt/ Avokati Ndreca nuk u paraqit, gjobitet me 50 mijë lekë! Shtyhet seanca 21 Korrik, 10:54 Dosja...
“Nuk shiten malet, është mundësi për pronarët dhe emigrantët” Rama: Paketa e Maleve, nuk anulohet 21 ...
TIRANË- Qeveria në mbledhjen e sotme ka miratuar vendimin për krimjimin e një policie private e cila do të ketë kapitalin 100% shtetror. “Illyrian Guard” do të jetë në varësi të ministrisë së Brendshme dhe do të ofrojë shërbime për shërbime të ruajtjes fizike dhe juridike, publik dhe privat.(Lexo këtu)
Por krijimin e kësaj policie e ka paralajmëruar një javë më parë Kryeministri Edi Rama. Në fjalën e tij në Kuvend Rama u shpreh se krijimi i kësaj policie ka qenë një projekt i hershëm.
“Unë dua ta sjell edhe këtu, nxitjen, në mos të përditshme, të përjavshme për Ministrin e Brendshëm, për të përfunduar një projekt të nisur, që duhet bitisur, për krijim e kompanisë së sigurisë së Policisë së Shtetit, për të dhënë shërbime për objektet e rëndësisë jo të veçantë dhe për të futur në tregun e deformuar dhe jashtë çdo standardi të sigurisë së objekteve, një trupë të re, që do t’i krijojë mundësi shumë prej punonjësve që tanimë janë në një moshë të caktuar dhe nuk kanë më mundësi të na japin atë efikasitet që kërkohet, që të bëjnë një kalim të butë nga dalja nga shërbimi në Policinë e Shtetit, në daljen në pension. Pra, të kenë një periudhë të ndërmjetme, ku të mund të vazhdojnë të punojnë, ku të mund të fitojnë dhe ndërkohë ku të mund të rrisin në mënyrë të ndjeshme cilësinë e shërbimit të sigurisë së objekteve, duke shkurtuar kostot”, u shpreh Rama.
Më tej shefi i qeverisë shtoi se sot policit private janë turp dhe se futja në këtë treg e një kompanie shtetërore të policisë, një kompani e Ministrisë së Brendshme do të bëjë që tregu të bëhet konkurrues dhe kush nuk është i denjë për këtë treg të dali nga tregu.
“Kemi një industri të tërë rojesh private që, me përjashtime që përforcojnë rregullin, është jashtë standardeve. Kemi një numër të madh rojesh private që sot janë të keqpaguar, të keqtrajtuar, të diskriminuar dhe nuk arrijnë dot të japin shërbim për shkak se faturat e kripura që paguajnë institucionet për t’u mbrojtur me këto roje private shkojnë kryesisht në xhepin e pronarëve dhe nuk përkthehen as në shpërblime të denja dhe as në sigurime siç duhet për të gjithë.
Futja në këtë treg e një kompanie shtetërore të policisë, një kompani e Ministrisë së Brendshme do të bëjë që tregu të bëhet konkurrues dhe kush nuk është i denjë për këtë treg të dali nga tregu. Jo për të pasur një treg ku të ketë një monopol, por për të pasur një treg ku të ketë konkurrencë dhe ku shërbimi që ofrohet të jetë i atij niveli që garanton sigurinë e objekteve, pronës dhe integritetin e aktivitetit të tyre, gjë që sot nuk ndodh.
Sot jemi ende në kushtet, ku gjithçka mund të ndodhë në objektet që mbrohen me roje private. Sot jemi ende në kushtet kur, nëse ka ndonjë rast, siç ishin disa raste në momentin e atyre bllokimeve absurde të auditorëve në universitet, që shfaqnin nëpër ekrane trupat e policisë private, është për të ardhur turp. Turp nga vetja, turp nga shteti që lejon akoma operimin e këtyre lloj trupave. Por deri më sot, ose deri përpara disa kohësh nuk kemi pasur një përgjigje adekuate për këtë dhe projekti i filluar nga Ministri i Brendshëm më parë, që është marrë nga Ministri i Brendshëm sot, shpresoj të përfundojë, të vijë në këtë Parlament, të marri miratimin e Parlamentit dhe të krijojmë kushte për një lëvizje të duhur, në drejtimin e duhur në të gjithë këtë fushë veprimtarie që është shumë problematike dhe ku me siguri do të krijojmë të ardhura për Policinë e Shtetit, përveçse do të krijojmë urë për të gjithë ata që për shkak të një moshe të caktuar duhet të spostohen nga Policia e Shtetit, por që janë ende mjaftueshmërisht aktivë për të mos dalë në pension”, shtoi më tej Kryeminsitri.
Në fjalën e tij Rama theksin e vendosi dhe tek punësimi i policëve që janë në prag të pensionit, duke thënë se të gjithë policët do mund të punësohen në këtë kompani si një fazë tranzitore deri në daljen e tyre në pension.
(A.B. Dosja.al)
Tirana është boshatisur për ditët e pushimit. Cilën nga ritet e shenjta po ndiqni:
TIRANË- Ministri i Bujqësisë dhe zhvillimit Rural Bledi Çuçi, në një dalje për mediet deklaroi ditën e sotme se fermerët do të shpërblehen me...
FIER- Një korsi e By Pass-it të Fierit do të jetë e aksesueshme nga automjetet përpara nisjes së sezonit turistik. Punimet janë duke ecur me ritme të shpejta dh...
TIRANË– Ish kryeministri Sali Berisha ka publikuar mesazhin e një punonjësi të doganës së Durrësit, ku akuzon drejtorin e departamentit të përgjithshëm të ...
TIRANË- Ish-deputeti i Partisë Demokratike, Ervin Salianji, ka dalë në një konferencë për shtyp ku ka folur rreth përgjimeve të reja të publikuara nga ai, ...
TIRANË– Ish-deputetja e PD-së, Albana Vokshi në një konferencë për shtyp ka akuzuar kryeministrin Edi Rama se ka gënjyer në lidhje me rritjen e pagave ndaj...
TIRANË- Debate të forta në Komisionin e Ligjeve lidhur me detyrën e Oficerëve të Policisë Gjyqësore dhe ndryshimet në ligjin për Policinë. Ish-ministri i B...
TIRANË-Monika Kryemadhi, kryetarja e LSI-së, ka zhvilluar një takim me blegtorët e zonës së Radomirës së Kalasë së Dodës. Në një status në Facebook, teksa ...
TIRANE- Me hyrjen e Ambra Borovës dje dhe me konfirmimin e Korab Litës sot, Kuvendi do të ketë 100 deputetë. Ajo që filloi si proces dezertimi, tani po bëhet nj...
VLORË- Pas shkarkimeve në Tatime, e Dogana, zv.kryeministri Erion Braçe ka shkuar në Vlorë ku ka kryer disa inspektime blic në disa drejtori. Burim...
Në kuadër të aktiviteteve për 70-vjetorin e krijimit të NATO-s, Ministri në Detyrë për Evropën dhe Punët e Jashtme Gent Cakaj, zhvilloi një takim me Kryetaren e...
