Nëna dhe foshnja ndërruan jetë në Tiranë, kryhet ceremonia mortore, familjarët: Është një fatkeq&eu...
"Fatzi Xhafaj e nisi vëllanë në Itali pas denoncimit të Salianjit"/ Berisha: Edhe sikur deputeti të gënjente, shpi...
"Shëndetësia"/ Socialistët bojkotuan mbledhjen, Vokshi: Urdhëruan të hiqet edhe transmetimi live, kush pengon punë...
"Te legalizimet duhet shumë fokus", Rama-kryebashkiakëve: Shijaku është bashkia model për këtë proces...
•Kur kanë kaluar javë nga '14 Maji', KAS po vijon shqyrtimin e kërkesave të partive për rezultatin. •Sot, u rinumëruan votat për tre qendra votimi në Elbasan, ku në fund rezultati për kryetarin e bashkisë mbetet i pandryshuar. •Komisioni i Ankesave dhe Sanksioneve deklaroi se rezultati pas rinumërimit të fletëve, ishte në përputhje me atë të dalë nga pajisjet elektronike. •Po ashtu, Komisioni i Ankesave dhe Sanksioneve ka rrëzuar kërkesën e koalicionit “Bashkë Fitojmë” në lidhje me këqyrjen e provave që janë të gjitha fletët e votimit të vlefshme dhe të pavlefshme për zgjedhjet në bashkinë Belsh. •Rinumërimi i votave për kryebashkiakun e Rrogozhinës ka përfunduar. •Diferenca mes kandidatëve është 23 vota nga 30 që ka qenë më herët, por rezultati nuk ka ndryshuar, duke bërë që Edison Memolla nga Partia Socialiste të mbetet sërish fitues.
6 artikuj për këtë temë.
TIRANË- Sot përfundoi rinumërimi i votave për bashkinë e Rrogozhinës. Në 55 qendrat e votimit janë gjetur në total 10.237 vota të vlefshme dhe 273 të pavlefshme.
KAS njofton se fitues është shpallur kandidati i Partisë Socialiste, Edison Memolla me 5.129 vota, kundrejt 5.108 votave të marra nga kandidati Shkëlqim Hoxha. Nga përllogaritja, diferenca mes dy kandidatëve është ngushtuar, pasi është 21 nga 30 vota që ishte para rinumërimit.
Në seancë u diskutua edhe në lidhje me votat e burgut të Rrogozhinës, ndërkohë që vendimi do të merret nesër.
TIRANË- Sekretari për çështje ligjore në PD, Ivi Kaso reagoi pas rinumërimit të votave në Rrogozhinë të cilat nuk ndryshuan asgjë sa i përket kandidatit fitues. Ai kërkoi që të mos njihet kutia e burgut, pasi sipas tij nuk është ngritur sipas parashikimeve të Kodit Zgjedhor. Ai po ashtu shton se nga shtetasit që kanë votuar aty vetëm 2 e kishin vendbanimin në Rrogozhinë
'Duhet të hiqet qendra e burgut, nuk u ngrit sipas parashikimeve të Kodit Zgjedhor'- tha Kaso.
Kandidati i PS, Edison Memolla u shpall fitues me 5129 vota, ndërsa kandidati i koalicionit “Bashkë Fitojmë”, Shkëlqim Hoxha ka marrë 5108 vota, duke ngushtuar diferencën nga 30 vota në 21 vota./Dosja.al
TIRANË- Ka përfunduar rinumërimi i votave për kryebashkiakun e Rrogozhinës. Diferenca mes kandidatëve është 23 vota nga 30 që ka qenë më herët, por rezultati nuk ka ndryshuar. Edison Memolla nga Partia Socialiste është i zgjedhuri i qytetarëve të Rrogozhinës edhe pas rinumërimit.
Nga këto 23 vota, 2 janë ende në diskutim pasi nuk gjenden në kuti dhe është vendosur të kontrollohet në kutitë e këshillit bashkiak për të parë nëse do të jenë aty. I gjithë procesi është ndjekur nga kandidati i koalicionit “Bashkë Fitojmë”, Shkëlqim Hoxha./Dosja.al
TIRANË- Kandidati i “Bashkë Fitojmë” për bashkinë e Rrogozhinës, Shkëlqim Hoxha, i cili humbi pas përmbysjes së rezultatit në kutinë e fundit ku votuan të burgosurit e IEVP Rrogozhinë dhe rivali i tij doli me 23 vota më shumë, ka ndjekur me vemendje procesin e rinumërimit të votave.
Kjo shihet qartësisht edhe në këtë foto, pasi Komisioni i Ankimimeve dhe Sanksioneve nisi rinumërimin e votave për kryetarin e bashkisë së Rrogozhinës.
Koalicioni “Bashkë Fitojmë” kërkoi rinumërim dhe shpalljen e pavlefshme të kutisë së burgut të Rrogozhinës, që vulosi fitoren e Edison Memollës.
Pavarësisht se ankimimi i tyre u rrëzua me votat e tre anëtarëve të KAS, dy anëtarët e tjerë, Elvis Cefa dhe Ledio Braho shfrytëzuan hapësirën që i jep ligji, për të kërkuar rinumërim të të gjitha kutive të votimit në Rrogozhinë, përfshirë edhe atë të burgut.
Në muajin maj, në një intervistë për “News24”, Hoxha tha se kjo kuti është një kuti anonime, me zero transparencë. Për më tepër ka konflikt interesi, pasi sipas tij, babai i kandidatit është shef regjimi në policinë e burgut, dhe po ashtu kunati i tij punon infermier në burg.
TIRANË- Ditën e sotme u rinumëruan fletët e votimit në tre qendra votimi në Elbasan. Pavarësisht rinumërimit, rezultati ishte sërish i njëjtë. Komisioni i Ankesave dhe Sanksioneve (KAS) deklaroi se rezultati pas rinumërimit të fletëve, ishte në përputhje me atë të dalë nga pajisjet elektronike.
“U rivlerësuan fletët fizike në QV 23/73 fraksion 1, 24/81 fraksion 1 dhe 24/83 00, dhe nga rivlerësimi dhe rinumërimi i fletëve fizike për kryetarë bashkie, rezulton se ato përputhen plotësisht me rezultatin e transmetuar nga pajisjet elektronike në sistemin e KQZ-së”, u shpreh anëtari i KAS-it, Ledio Braho.
Kujtojmë se Bashkia e Elbasanit u fitua nga kandidati i Partisë Socialiste, Gledian Llatja, i cili mori 36,122 vota. Ndërkaq, kandidati i koalicionit “Bashkë Fitojmë”, Luçiano Boçi arriti të sigurojë, 27,952 vota./Dosja.al
TIRANË- Komisioni i Ankesave dhe Sanksioneve ka rrëzuar kërkesën e koalicionit “Bashkë Fitojmë” në lidhje me këqyrjen e provave që janë të gjitha fletët e votimit të vlefshme dhe të pavlefshme për zgjedhjet në bashkinë Belsh. Por sipas relatorit Ledio Brahos, dy prej anëtarëve i kërkuan KQZ që të paraqesë në cilësinë e provës të gjitha kutitë për zgjedhjet e 14 mjit për bashkinë Belsh dhe të gjitha kutitë e votimit që kanë të bëjnë për zgjedhjen e kryetarit të bashkisë.
“KAS pasi u tërhiq për vendim me shumicë votash rrëzoi kërkesën e ankuesit të subjektit ankimues “BF” në lidhje me këqyrjen e provave që janë të gjitha fletët e votimit të vlefshme dhe të pavlefshme për zgjedhjet në bashkinë Belsh. Megjithatë duke qenë se ankesa ishte bërë në bazë të nënti 136, pika 1 shkronja c e kodit zgjedhor, dy anëtarë të KAS në zbatim të pikës tre të këtij neni i kërkojmë KQZ që të paraqesë në cilësinë e provës të gjitha kutitë për zgjedhjet e 14 majit për bashkinë Belsh dhe të gjitha kutitë e votimit që kanë të bëjnë për zgjedhjen e kryetarit të bashkisë. Seanca për këqyrjen e këtyre provave do të lihet nesër në datën 6 orën 13:30”, tha Braho.
