Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
Dosja e Erion Veliajt/ Avokati Ndreca nuk u paraqit, gjobitet me 50 mijë lekë! Shtyhet seanca 21 Korrik, 10:54 Dosja...
“Nuk shiten malet, është mundësi për pronarët dhe emigrantët” Rama: Paketa e Maleve, nuk anulohet 21 ...
• Arrestohen 25 persona në të gjithë vendin në kuadër të operacionit 'Sundimi i ligjit'. • Në nisje të këtij operacioni u përfshinë 1852 punonjës policie, nga Forcat e Sigurisë Kombëtare, Reparti Special “RENEA”, Drejtoria e Forcës së Posaçme Operacionale dhe strukturat e drejtorive vendore të Policisë. • 19 prej të arrestuarve ishin të shpallur në kërkim kombëtar, një tjetër në kërkim ndërkombëtar. • Të arrestuarit e operacionit janë: Rubin Gjeta, Erjol Hajdari, Arber Denizi, Shpëtim Sharra, Markos Berberaj, Kristian Fermosi, Andjon Matarangasi, Fatmir Hoxha, Qazim Musteqja, Blerim Kullaj, Serxho (Jetmir) Dosku, Emilton Pjetri, Trazhgim Maçi • Midis të arrestuarve, rezulton dhe Mërgim Lazri, 26-vjeçari i kërkuar për vrasjen arkitektit italian Roberto Mottura në Torino. • Gjatë operacionit janë sekuestruar 9 armë, zjarri, sportive e gjahu, një mjet prerës dhe sasi e konsiderueshme municioni luftarak; lëndë narkotike cannabis sativa dhe kokainë, si dhe një shumë e konsiderueshme parash të përfituara.
4 artikuj për këtë temë.
SHKODËR-Në kuadër të operacionit “Sundimi i ligjit” mes 25 të arrestuarve është arrestuar dhe Kristian Fermosi, i akuzuar për atentatit ndaj ish- drejtorit të ALUIZN-it Ardian Kiri. Ai u përplas me Kristian Fermosin, konflikt i cili u përshkallëzua dhe me ndërhyrjen e vëllait të Kirit, Davidit.
Kiri ka qënë drejtor i ALUIZNI-t në Shkodër, mirëpo rezulton se ka qënë dhe i akuzuar për një vrasje. Atë të Marjan Martinit. Martini është vrarë në vitin 2013 në fshatin Gur i Zi.
Në atë kohë, u raportua se Martini vdiq aksidentalisht, pasi dy grupe të rinjsh ishin duke u konfliktuar me njëri-tjetrin. Kujtojmë se ngjarja ka ndodhur në Shkodër disa kohë më parë, ku nuk ka asnjë të dhënë konkrete për rrethanat, por që Fermosi mendohet t’i ketë zenë prite Kirit për ta vrarë, por atentati ka dështuar.
TIRANË-Mërgim Lazri është 26-vjeçari i arrestuar ditën e sotme në kuadër të operacionit "Sundimi i ligjit", i cili rezultonte i shpallur në kërkim ndërkombëtar. Ai njihet si një nga tre shqiptarët të cilët kryen vrasjen në bashkëpunim në Qershor të vitit 2021 ndaj arkitektit 50-vjeçar, Roberto Mottura. Në vrasjen e arkitektit, i cili u ekzekutua gjatë një grabitje në shtëpinë e tij, dy shqiptarët e tjerë që morën pjesë ishte Flogert Syla dhe Emirjon Margjini. Ky i fundit pranoi gjatë senacës së Tetorit 2021 autorsinë e krimit dhe dy shqiptarët e tjerë u liruan, ku më pas u shpallën sërish në kërkim.
I kërkuari Lazri rezultonte si një person i përfshirë në trafik të lëndve narkotike dhe në vjedhje. Në rrjetet e tij sociale 26-vjeçar reklamonte një jetë mes parave dhe pasionit për armët.
Në një fotografi ai mban një pushkë, në një tjetër një pistoletë të kalibrit 22, si ajo e përdorur për të qëlluar dhe vrarë arkitektin dhe para tij janë disa kartëmonedha 500 euro pranë 3 iPhone -ve.
Kujtojmë se arkitekti ndërroi jetë gjatë grabitjes që ndodhi në vilën e tij në rrugën Campetto 33, natën midis 9 dhe 10 qershorit 2021, nga sulmi që iu bë nga banda e shqiptarëve. I goditur në arterien femorale, arkitekti e humbi jetën para syve të gruas dhe djalit të tij 12 vjeç. Gjykata e Torinos e liroi pas mbajtjes së autorsisë Lazrin disa muaj më vonë.
TIRANË-Operacioni “Sundimi i ligjit” për të cilin janë angazhuar 1852 forca policie dhe RENEA kanë rënë në pranga 25 persona, 19 prej tyre ishin të shpallur në kërkim kombëtar, një tjetër në kërkim ndërkombëtar. Të arrestuarit janë kapuar në Tiranë, Dibër, Durrës, Fier dhe disa qytete të tjera.
Midis tyre është arrestuar 26-vjeçari Mërgim Lazri i shpallur në kërkim ndërkombëtar, për llogari të Italisë, i akuzuar për vrasje dhe për grabitje me armë. Më poshte do të gjeni emrat e zbardhur pas operacionit:
Të arrestuarit nga operacioni:
Qarku Tiranë/Shtetasit në kërkim: Fatmir Hoxha, Qazim Musteqja, Blerim Kullaj, Serxho (Jetmir) Dosku, Emilton Pjetri dhe Trazhgim Maçi
Shtetasit e arrestuar në flagrancë: Rubin Gjeta dhe Erjol Hajdari
Qarku Dibër/Shtetasi në kërkim ndërkombëtar: Mergim Lazri.
Shtetasit në kërkim kombëtar: Elson Gjoka dhe Edison Shehu.
Qarku Durrës/Shtetasit e shpallur në kërkim kombëtar: Arber Denizi, Shpëtim Sharra
Qarku Fier/Shtetasi i arrestuar në flagrancë: Markos Berberaj
Qarku Shkodër: Shtetasi në kërkim: Kristian Fermosi.
Qarku Berat: Shtetasi në kërkim: Andjon Matarangasi
Qarku Tiranë/Shtetasit në kërkim: Fatmir Hoxha, Qazim Musteqja, Blerim Kullaj, Serxho (Jetmir) Dosku, Emilton Pjetri dhe Trazhgim Maçi
Shtetasit e arrestuar në flagrancë: Rubin Gjeta dhe Erjol Hajdari
Qarku Dibër/Shtetasi në kërkim ndërkombëtar: Mergim Lazri.
Shtetasit në kërkim kombëtar: Elson Gjoka dhe Edison Shehu.
Qarku Durrës/Shtetasit e shpallur në kërkim kombëtar: Arber Denizi, Shpëtim Sharra
Qarku Fier/Shtetasi i arrestuar në flagrancë: Markos Berberaj
Qarku Shkodër: Shtetasi në kërkim: Kristian Fermosi.
Qarku Berat: Shtetasi në kërkim: Andjon Matarangasi
TIRANË- Arrestohen 25 persona në të gjithë vendin në kuadër të operacionit 'Sundimi i ligjit'. Në nisje të këtij operacioni u përfshinë 1852 punonjës policie, nga Forcat e Sigurisë Kombëtare, Reparti Special “RENEA”, Drejtoria e Forcës së Posaçme Operacionale dhe strukturat e drejtorive vendore të Policisë.
Deri tani, në kuadër të këtij operacioni, janë vënë në pranga 25 shtetas, nga të cilët: 19 shtetas të shpallur në kërkim kombëtar dhe 1 shtetas i shpallur në kërkim ndërkombëtar, kryesisht për vepra penale kundër personit, pronës dhe në fushën e narkotikëve; 5 shtetas janë arrestuar në flagrancë, për armë e drogë.
Gjithashtu, janë sekuestruar: gjithsej 9 armë, zjarri, sportive e gjahu, një mjet prerës dhe sasi e konsiderueshme municioni luftarak; lëndë narkotike cannabis sativa dhe kokainë, si dhe një shumë e konsiderueshme parash të përfituara nga veprimtaritë kriminale.
NJOFTIMI I POLICISË:
Policia e Shtetit/Nis operacioni policor kombëtar i koduar “Sundimi i ligjit”. Operacioni “Sundimi i ligjit”, në zbatim të planit operacional të miratuar nga Drejtori i Përgjithshëm i Policisë së Shtetit, për kapjen e shtetasve të shpallur në kërkim, të shtetasve që qarkullojnë me armë zjarri dhe të atyre që mbajnë në banesë armë, municion ose drogë.
Në nisje të këtij operacioni u përfshinë 1852 punonjës policie, nga Forcat e Sigurisë Kombëtare, Reparti Special “RENEA”, Drejtoria e Forcës së Posaçme Operacionale dhe strukturat e drejtorive vendore të Policisë.
Deri tani, në kuadër të këtij operacioni, janë vënë në pranga 25 shtetas, nga të cilët:
✅️19 shtetas të shpallur në kërkim kombëtar dhe 1 shtetas i shpallur në kërkim ndërkombëtar, kryesisht për vepra penale kundër personit, pronës dhe në fushën e narkotikëve;
✅️5 shtetas janë arrestuar në flagrancë, për armë e drogë.
Gjithashtu, janë sekuestruar:
✅️gjithsej 9 armë, zjarri, sportive e gjahu, një mjet prerës dhe sasi e konsiderueshme municioni luftarak;
✅️lëndë narkotike cannabis sativa dhe kokainë, si dhe një shumë e konsiderueshme parash të përfituara nga veprimtaritë kriminale.
Që prej orëve të para të mëngjesit të sotëm, si rezultat i angazhimit maksimal të strukturave të Policisë së Shtetit, në të gjithë vendin, për zbatimin e planit operacional të miratuar nga Drejtori i Përgjithshëm i Policisë së Shtetit, për kapjen e shtetasve të shpallur në kërkim kombëtar ose ndërkombëtar, të shtetasve që qarkullojnë me armë zjarri dhe të atyre që mbajnë në banesa armë, municion dhe/ose drogë, ka nisur operacioni policor kombëtar i koduar “Sundimi i ligjit”.
Në rang kombëtar, deri në këto momente:
-Në Dibër është kapur një 26-vjeçar i shpallur në kërkim ndërkombëtar, për llogari të Italisë, i akuzuar për vrasje dhe për grabitje me armë;
-19 shtetas të tjerë të kërkuar kombëtarisht: për tentativë për vrasje të dyfishtë në Shkodër; për plagosje të rëndë me dashje ose për armëmbajtje pa leje në Dibër; për llogari të SPAK-ut; në kuadër të megaoperacionit “Tempulli” (3 shtetas në Tiranë dhe 1 shtetas në Durrës); për raste të tjera në fushën e narkotikëve në qarqet Tiranë, Vlorë dhe Berat; për vjedhje në Tiranë dhe në Fier ose për veprimtari të tjera kriminale, janë kapur dhe janë vënë në pranga;
-3 armë zjarri (pushkë dhe 2 pistoleta), armë gjahu dhe municion luftarak janë sekuestruar nga Policia, në Dibër, Tiranë dhe në Fier. Të katër poseduesit e tyre janë vënë në pranga;
-61.5 gramë kokainë dhe 500 doza cannabisi janë sekuestruar në Tiranë dhe në Dibër, si dhe janë arrestuar në flagrancë 2 shtetasit që i posedonin lëndët narkotike, me qëllim shitjen.
Materialet procedurale për secilin rast i kaluan prokurorive përkatëse, për veprime të mëtejshme hetimore.
Operacioni “Sundimi i ligjit” vijon në të gjithë vendin.
Policia e Shtetit garanton qytetarët se është maksimalisht e angazhuar, për të vijuar aksionet dhe operacionet policore mbarëkombëtare, për përmbushjen e objektivave madhore: kapjen e shtetasve të shpallur në kërkim, të shtetasve që qarkullojnë me armë zjarri, që janë rrezik potencial për të kryer ngjarje kriminale, si dhe të atyre që janë të implikuar në veprimtari kriminale në fushën e narkotikëve.
Ftojmë qytetarët që të bashkëpunojnë më shumë me Policinë, pasi vetëm nëpërmjet bashkëpunimit me ju mund të realizojmë përmbushjen e misioneve të Policisë së Shtetit, garantimin e rendit dhe sigurisë publike, si dhe të zbatimit të të drejtave dhe lirive të qytetarëve.
