Sulmet në Lindjen e Mesme/ Anulohen bisedimet bërthamore mes SHBA-së dhe Iranit, Teherani kërcënon Amerikën, Britaninë dhe Francën me sulme: Mos ndihmoni Izraelin!

Foto

IRAN- Televizioni iranian po flet për një sulm të rëndë ndaj Izraelit në orët në vijim. Sipas televizionit shtetwror iranian, Irani do të nisë sulme të fuqishme dhe shkatërruese kundër Izraelit. Një zëdhënës ushtarak izraelit tha më parë se sulmet iraniane nuk kishin mbaruar dhe se Irani ka një arsenal që mund t'i shkaktojë dëme serioze Izraelit.

Zëdhënësi madje dha udhëzime për sigurinë publike, të tilla si mbyllja e shkollave që do të mbeten në fuqi deri në orën 20:00 të mbrëmjes së së dielës. Më herët, u raportua se këshilltari i lartë i Ajatollah Ali Khameneit, Ali Shamkhani, ndërroi jetë nga plagët e pësuara në sulmet ajrore izraelite.

Teherani kërcënoi Amerikën, Britaninë dhe Francën me sulme nëse do të provohej se ato e kishin ndihmuar Izraelin, ndërsa bisedimet bërthamore midis Shteteve të Bashkuara dhe Iranit në Jordani u anuluan.

Foto ilustruese

SHBA- Kreyministri izraelit, Benjamin Netanyahu i dërgoi urimet e tij për ditëlindje Presidentit të SHBA-së Donald Trump. Netanyahu ka gjetur kohë për të uruar Trump mes ofensivës ushtarake izraelite kundër Iranit. Ai e ka quajtur Trump një udhëheqës vendimtar dhe një mik të madh të Izraelit.

"Gëzuar ditëlindjen, President Donald J. Trump. Ti je një udhëheqës i jashtëzakonshëm, vendimtar, i guximshëm, me vizion dhe veprime të qarta. Ti bëre gjëra të mëdha për Izraelin", shkroi Netanyahu në një deklaratë me shkrim.

Deklarata e kryeministrit izraelit vjen pas komenteve të Trump rreth sulmeve izraelite, të cilat ai i përshkroi si "të shkëlqyera" dhe "shumë të suksesshme", disa orë pas fillimit të fushatës ajrore izraelite.

Netanyahu e përshkroi konfliktin me Iranin si pjesë të një lufte globale midis shoqërive të lira dhe një “regjimi kriminal” që kërkon të eksportojë dhunën ndërkombëtarisht.

“Armiku ynë është armiku juaj. Fitorja jonë do të jetë fitorja juaj”, theksoi ai.

Njëkohësisht, ai uroi ushtrinë amerikane për 250-vjetorin e themelimit të saj, duke e quajtur atë mbrojtëse të lirisë për dy shekuj e gjysmë. Irani mohon kategorikisht se po zhvillon armë bërthamore dhe ka akuzuar SHBA-në për bashkëpunim në sulmet izraelite, një pretendim që Uashingtoni e hedh poshtë.

Sulmet

IRAN- Zëdhënësi i IDF-së, gjeneral brigade Effie Defrin në një konferencë për shtyp tha se fokusi i sulmeve të Forcave Ajrore Izraelite në Iran gjatë ditës së kaluar ka qenë në Teheran. Ai u shpreh se pilotët e forcave ajrore po vazhdojnë të godasin dhe të kryejnë goditje të konsiderueshme në zona të ndryshme në Iran.

Pas sulmeve të natës ndaj mbrojtjes ajrore iraniane, Defrin thotë se qindra avionë dhe raketa luftarakë izraelitë aktualisht po mbajnë epërsi mbi Iranin perëndimor dhe Teheranin.

“Avionët po përfundojnë një valë sulmesh ndaj objektivave strategjikë të industrisë ushtarake, objektivave të programit bërthamor dhe zyrtarëve të lartë në udhëheqjen terroriste iraniane”, thotë ai.

Mediat shtetërore iraniane raportojnë se mbrojtjet ajrore janë aktivizuar rreth portit strategjik të Bandar Abbas, si dhe kryeqytetit të Teheranit, ndërsa sulmet izraelite duket se do të rifillojnë.

Starmer

LONDËR- Britania po zhvendos mjete shtesë ushtarake, përfshirë avionë luftarakë, në Lindjen e Mesme për të ofruar mbështetje në të gjithë rajonin. Këtë e konfirmoi vetë kryeministri i Mbretërisë së Bashkuar, Keir Starmer para gazetarëve.

“Ne po zhvendosim asete në rajon, duke përfshirë avionë luftarakë, dhe kjo është për mbështetje në rast emergjence në rajon”, tha Starmer.

Britania tashmë ka avionë luftarakë në Lindjen e Mesme si pjesë e një operacioni për të luftuar kërcënimet në Irak dhe Siri. Ekipet filluan përgatitjet për vendosjen e trupave të premten në mëngjes, kur ishte e qartë se situata në rajon po përkeqësohej. Një zëdhënës shtoi se janë vendosur avionë të tjerë për furnizim me karburant nga bazat britanike dhe se do të dërgohen avionë luftarakë shtesë.

Masoud Pezeshkian

IRAN- Presidenti iranian, Masoud Pezeshkian paralajmëron se do të ketë një përgjigje më të ashpër dhe më të fuqishme nëse Izraeli vazhdon të sulmojë vendin e tij. Ai theksoi se vazhdimi i agresionit do të përballet me një përgjigje më të ashpër dhe më të fuqishme nga forcat e armatosura iraniane.

Kjo deklaratë e presidentit ka ardhur gjatë një telefonatë me kryeministrin pakistanez Shehbaz Sharif. Pezeshkia gjithashtu ka zhvilluar një bisedë telefonike edhe homologun e tij turk, Recep Tayyip Erdogan. Ata diskutuan për konfliktin Izrael-Iran, si dhe çështje rajonale dhe globale.

Erdogan shprehu dënimin e tij më të fortë për sulmet e Izraelit ndaj Iranit dhe shprehu ngushëllimet e tij për popullin iranian për vdekjet. Në të njëjtën kohë, ai thuhet se vuri në dukje se Izraeli përbën një rrezik të madh për të gjithë rajonin.

Foto ilustruese

IRAN- Ministri i jashtëm i Omanit ka bërë me dije se bisedimet e planifikuara midis Iranit dhe Shteteve të Bashkuara mbi programin bërthamor të Teheranit nuk do të zhvillohen të dielën siç ishin planifikuar pas sulmeve të Izraelit që synojnë Republikën Islamike.

Badr al-Busaidi e njoftoi lajmin në mediat sociale. Kjo vjen pasi ministri i jashtëm i Iranit tha se çdo bisedim do të ishte “e pajustifikueshme” për shkak të sulmeve të vazhdueshme.

“Bisedimet Iran-SHBA të planifikuara të mbahen në Muscat këtë të diel nuk do të zhvillohen tani”, shkruan al-Busaidi. “Por diplomacia dhe dialogu mbeten e vetmja rrugë drejt paqes së qëndrueshme.”

Një raund i gjashtë ishte planifikuar të zhvillohej në Muscat, kryeqytetin e Omanit, përpara se të fillonin sulmet izraelite të premten. Tensionet mes dy vendeve u rritën pas sulmeve izraelite. Irani u u është kundër përgjigjur këtyre sulmeve. Izraeli ka kërcënuar se Teherani do të digjet nëse Irani vijon sulmet. Ministri izraelit i Mbrojtjes, Israel Katz, tha të premten vonë se Irani kishte “kaluar vijat e kuqe” duke qëlluar qendrat e popullsisë civile.

Netanyahu

IZRAEL- Dasma e djalit të kryeministrit izraelit, Benjamin Netanyahut është anuluar për shkak të tensioneve me Iranin. Ceremonia që do të mbahej sot kishte shkaktuar protesta dhe thirrje për tubime, me protestues antiqeveritarë që protestonin kundër dasmës ndërsa pengjet janë ende të bllokuara në Gaza.

Sipas Times of Israel, dasma e Avner Netanyahut me Amit Yardeni ishte planifikuar për të hënën në Kibbutz Yakum. Masat e sigurisë ishin të mëdha, me tela me gjemba brenda 100 metrave nga vendi i ceremonisë dhe mbyllje e hapësirës ajrore prej 1.5 kilometrash. Ceremonia ishte planifikuar të kryhej nga ish-kryerabini Israel Meir Lau. Çifti kishte vendosur të mos ftonte askënd nga bota politike.

Sulmet e Iranit vijnë në përgjigje të sulmit të paprecedentë të Izraelit ndaj objektivave bërthamore dhe ushtarake iraniane. Sulmet vranë disa nga udhëheqësit më të lartë të vendit. 320 persona të tjerë u plagosën, shumica e të cilëve ishin civilë sipas autoriteteve iraniane. Ministri izraelit i Mbrojtjes, Israel Katz, tha të premten vonë se Irani kishte “kaluar vijat e kuqe” duke qëlluar qendrat e popullsisë civile.

Abbas Araghchi

TEHERAN- Ministri i jashtën iranian, Abbas Araghchi ka zhvillluar ditën e sotme një bisedë telefonike me homologun e tij qiprot, Konstantinos Kompos. Në një deklaratë zyrtare nga Ministria e Jashtme iraniane mësohet se Araghchi i bëri thirrje Qipros që të marrë një rol aktiv në ushtrimin e ndikimit mbi vendet evropiane, me qëllim që t'i japë fund sulmeve të dhunshme të Izraelit,  

Sipas Ministrisë së Jashtme iraniane, gjatë bisedës telefonike Kompos bëri thirrje për përmbajtje dhe përdorim të diplomacisë në mënyrë që të shmanget përshkallëzimi i mëtejshëm në rajon. Araghchi shprehu pakënaqësi të fortë me ato që ai i quajti sulme izraelite ndaj objekteve bërthamore iraniane, si dhe humbjen e civilëve dhe akademikëve.

Ai deklaroi se Irani do të japë një përgjigje të fortë ndaj veprimeve të tilla, duke nënvizuar vendosmërinë e vendit të tij për të mbrojtur sovranitetin, popullin dhe sigurinë kombëtare. Ministri shtoi se Irani do të kërkojë përgjegjësi për këto akte përmes institucioneve kompetente ndërkombëtare. 

Pika qendrore e ndërhyrjes së Ministrit iranian ishte thirrja drejtuar Qeverisë Qipriote për të ndërmarrë hapa aktivë për të ndikuar në vendet evropiane që të kontribuojnë në ndërprerjen e veprimeve izraelite.

Araghchi i dërgoi një letër Presidencës së Këshillit të Sigurimit të OKB-së dhe Sekretarit të Përgjithshëm të Kombeve të Bashkuara, pas veprimit ushtarak të Izraelit kundër vendeve të ndryshme në Iran, duke përfshirë bazat ushtarake, objektet bërthamore dhe zonat e banimit, të cilat rezultuan në humbjen e jetës dhe lëndimet e komandantëve ushtarakë, profesorëve të universitetit dhe civilëve.

Në letër, pala iraniane e karakterizon veprimin ushtarak izraelit si një "deklaratë lufte" kundër Republikës Islamike të Iranit, duke kërkuar vëmendjen e menjëhershme të Këshillit të Sigurimit. Ajo thekson se sulmet izraelite përbëjnë një shkelje të hapur të sovranitetit dhe integritetit territorial të Iranit si një shtet anëtar i pavarur i OKB-së dhe përbëjnë një akt të hapur agresioni. Ajo gjithashtu riafirmon vendosmërinë e Iranit për të mbrojtur veten në përputhje me Nenin 51 të Kartës së Kombeve të Bashkuara.

Katz

IZRAEL- Ministri izraelit i Mbrojtjes, Israel Katz paralajmëroi udhëheqësin suprem të Iranit, Ajatollah Ali Khamenei, se Teherani do të digjet nëse vazhdon të qëllojë me raketa civilët izraelitë. Ai u shpreh se diktatori iranian po i merr peng qytetarët e Iranit duke sjellë një realitet në të cilin ata do të paguajnë një çmim të rëndë për dëmin flagrant që u është shkaktuar qytetarëve të Izraelit.

“Nëse Khamenei vazhdon të qëllojë me raketa në frontin e brendshëm izraelit, Teherani do të digjet”, tha Katz në një deklaratë.

Sulmet e Iranit vijnë në përgjigje të sulmit të paprecedentë të Izraelit ndaj objektivave bërthamore dhe ushtarake iraniane. Sulmet vranë disa nga udhëheqësit më të lartë të vendit.

320 persona të tjerë u plagosën, shumica e të cilëve ishin civilë sipas autoriteteve iraniane. Ministri izraelit i Mbrojtjes, Israel Katz, tha të premten vonë se Irani kishte “kaluar vijat e kuqe” duke qëlluar qendrat e popullsisë civile.

Kaja Kallas

IZRAEL- Përfaqësuesja e Lartë për Politikën e Jashtme të Bashkimit Evropian, Kaja Kallas përmes një postimi në "X" ka reaguar lidhur me sulmet dhe tensionet mes Izraelit dhe Iranit. Kallas ka bërë me dije se ka folur në lidhje me këtë çështje me ministrin e jashtëm iranian, Abbas Araghchi.

Ajo thekson se rreziku i përshkallëzimit është i lartë teksa shtoi se diplomacia duhet të mbizotërojë. Sipas saj BE ka qenë e qartë ndaj Iranit se nuk duhet të lejohet kurrë që të pajiset me armë bërthamore.

"Fola me Ministrin e Jashtëm Iranian @araghchi. Rreziku i përshkallëzimit të mëtejshëm në rajon është rrezikshëm i lartë. Diplomacia duhet të mbizotërojë. BE-ja ka qenë gjithmonë e qartë: Iranit nuk duhet t'i lejohet kurrë të pajiset me armë bërthamore. Vetëm diplomacia mund të çojë në një zgjidhje të qëndrueshme. BE-ja është e gatshme të mbështesë," shkruan ajo.

foto ilustruese

TEL AVIV- Izraeli ka vrarë nëntë shkencëtarë dhe ekspertë të përfshirë në programin bërthamor të Iranit gjatë sulmeve të tij ndaj vendit, tha ushtria vendase të shtunën, duke e rritur shifrën nga një numër i mëparshëm prej gjashtë personash.

Forcat Mbrojtëse të Izraelit (IDF) thanë se Ali Bakhouei Karimi, Mansour Asgari dhe Saeed Barji - ekspertë përkatësisht në mekanikë, fizikë dhe inxhinierë materialesh - u vranë nga sulmet ajrore të premten.

Vdekja e tyre u konfirmua nga agjencia gjysmëzyrtare e lajmeve Tasnim e Iranit. Izraeli kishte thënë më parë se kishte vrarë gjashtë ekspertë të përfshirë në programin bërthamor, së bashku me tre udhëheqës kryesorë ushtarakë.

Ministri izraelit i Mbrojtjes, Israel Katz, tha të shtunën se njerëzit në Teheran do të paguajnë një çmim të lartë nëse Irani vazhdon me sulmet me raketa, duke paralajmëruar se kryeqyteti iranian do të digjet.

“Diktatori iranian po i shndërron qytetarët e Iranit në pengje dhe po krijon një realitet në të cilin ata - veçanërisht banorët e Teheranit - do të paguajnë një çmim të lartë për sulmet kriminale ndaj civilëve izraelitë”, tha Katz pasi zhvilloi një takim mbi situatën me udhëheqësit e ushtrisë izraelite.

"Nëse Khamenei vazhdon të qëllojë me raketa në frontin e brendshëm izraelit, Teherani do të digjet”, shtoi Katz.

pamje nga sulmet

LINDJE E MESME- Ta quash Lindjen e Mesme si fuçi baruti, duket se është pak. Pikërisht në këtë rajon Izraeli nën kryeministrin Benjamin Netanjahu hodhi tani një shkëndijë shpërthyese. Me sulmin në shkallë të gjerë ndaj 100 objektivave nëIran, të justifikuar si "goditje parandaluese" kundër zhvillimit të mundshëm të armës bërthamore iraniane. Sulmet e Izraelit, edhe ndaj zonave të banuara në Teheran, sipas kryeministrit Netanjahu do të vazhdojne edhe për disa ditë.

Vështirë të parashikohen pasojat

Pasojat në rajon dhe më tej janë të paparashikueshme. Disa zhvillime megjithatë po konturohen qysh tani: Bisedimet e ndërmjetësuara nga SHBA-ja të nisura në Oman për programin bërthamor iranian u anuluan nga pala iraniane. Sulmi i Izraelit pasoi dy ditë përpara raundit të ardhshëm të bisedimeve.

Presidenti i SHBA-së Donald Trump i pati kërkuar qeverisë së Izraelit që të mos i pengojë bisedimet me ndonjë sulm. E pikërisht përpara se raketat izraelite të godisnin Teheranin, Trump postoi njoftimin, se ka shpresë për vazhdimin e bisedimeve. Që Netanjahu nuk i konsideron bisedimet për programin bërthamor, për këtë flet edhe vrasja gjatë sulmeve e Ali Shamchani. Shamchani ishte angazhuar prej udhëheqësit fetar Ali Chamenei si drejtues i komitetit për bisedimet më SHBA-në mbi programin bërthamor.

A mund të sulmojë Irani objektiva të SHBA-së?

Ndër çështjet e hapura është nëse Irani në goditjet e hakmarrjes do të shënjestrojë edhe objektiva të SHBA-së. SHBA konsiderohet mbështetësja më e rëndësishme ushtarake e Izraelit, që i mundëson të tilla sulme në shkallë të gjerë. Teherani vazhdimisht ka kërcënuar në të shkuarën me sulme hakmarrjeje ndaj bazave të SHBA-së në Lindjen e Mesme. Si rrjedhojë SHBA që përpara disa ditësh nisi me evakuimin e personelit dhe pjestarëve të familjeve të trupave të SHBA-së, që nuk janë të domosdoshëm në këto baza. Objektiva të mundshme ka shumë: Mes Egjiptit dhe Emirateve të Bashkuara Arabe SHBA-ja ka tetë baza të përhershme dhe disa baza mobile ushtarake, në të cilat janë të dislokuara rreth 50.000 ushtarë.

Në të vërtetë Irani nuk ka interes në një konfrontim ushtarak me SHBA-në, por nëse Teherani do të kundërgodasë, kjo varet se si dhe nëse administrata e SHBA-së do të distancohet nga sulmet izraelite. Ministri i Jashtëm Marco Rubio në një postim përbetohet, se SHBA në asnjë lloj mënyre nuk janë pjesëmarrëse në veprimet e Izraelit. Ai jep edhe paraljamërimin, që në asnjë mënyrë të mos shënjestrohen objketiva të SHBA-së.

Në Lindjen e Mesme në përgjithësi nervoziteti është i lartë. Vendet e rajonit e kanë kritikuar ashpër sulmin e Izraelit – edhe Arabia Saudite, që deri vonë ishte një kundërshtare e prerë e Iranit.

Akordi Abraham i vendosur gjatë mandatit të parë presidencial të Donald Trumpit për afrimin ndërmjet Izraelit dhe botës arabe – tani është ngrirë. Përpjekjet për afrim pësuan një praprktheu gjatë luftimeve të Izraelit në Gaza.

Arabia Saudite dhe Irani ndërkohë pas armiqësive të ashpra prej vitesh kishin filluar të afroheshin me ndërmjetësimin e Kinës. Marrëdhëniet e të dy vendeve ishin intensifikuar, madje të dy vendet synonin bashkëpunimin ushtarak dhe pritej të organizohej edhe një stërvitje e përbashkët. Si shenjë e fundit e afrimit shërbeu edhe vizita e ministrit saudit të Mbrojtjes Khalid bin Salman në Teheran. Atje vëllai i Mohammed bin Salman pati edhe një takim me udhëheqësin fetar.

Arabia-Saudite dhe të tjera vende të rajonit në asnjë mënyrë nuk duan të përfshihen në konflikrin ndërmjet Izraelit dhe Iranit, aq më pak nëse në të është involvuar edhe SHBA-ja. Irani në sfondin e një kundërshtari superior mund të ndjekë edhe kursin e një lufte asimetrike. Ndër veprime të tilla bën pjesë edhe prishja e nxjerrjes dhe transportit të naftës. Më 2019 sulmet me dron të milicëve jemenitë Huthi ndërprenë gjysmën e nxjerrjeve të naftës të sauditëve. Edhe në vitet që pasuan impiantet saudite të naftës vazhdimisht kanë qenë në shënjestër të sulmeve nga Jemeni. Ndaj nuk është habi, që në valën e sulmeve izralite janë rritur në masë çmimet e naftës.

Eshtë e paqartë, nëse Izraeli me sulmin e nisur do t'ia arrijë qëllimit të shpallur zyrtarisht, për të penguar ndërtimin e bombës atomike iraniane. Deri tani shumica e ekspertëve dyshojnë, që programi bërthamor iranian mund të shkatërrohet ushtarakisht. Sulmet madje mund të kenë efektin e kundërt, që pikërisht tani ta nxisin Iranin të konstruktojë bombën atomike. Por një veprim i tillë do të çonte në një garë armatimi atomik në Lindjen e Mesme. E për një gjë të tillë askush nuk mund të ketë interes./DW

foto nga demet

TEL AVIV- Një valë e re sulmesh me raketa iraniane goditi Izraelin të shtunën, duke i dhënë fund një nate sulmesh midis dy palëve. Autoritetet izraelite thanë se sulmet vranë tre persona dhe plagosën dhjetëra të tjerë.

Sulmet e Iranit vijnë në përgjigje të sulmit të paprecedentë të Izraelit ndaj objektivave bërthamore dhe ushtarake iraniane. Sulmet vranë disa nga udhëheqësit më të lartë të vendit.

320 persona të tjerë u plagosën, shumica e të cilëve ishin civilë sipas autoriteteve iraniane. Ministri izraelit i Mbrojtjes, Israel Katz, tha të premten vonë se Irani kishte “kaluar vijat e kuqe” duke qëlluar qendrat e popullsisë civile.

foto ilustruese

IZRAEL- Kanë kaluar pak më shumë se 24 orë që kur Izraeli nisi një sulm masiv me dy drejtime ndaj Iranit, me qëllim shkatërrimin e objekteve bërthamore të vendit dhe shkatërrmin e udhëheqjes ushtarake të Teheranit. Irani, i cili është zotuar për një "përgjigje shkatërruese" ndaj sulmit, nisi valë të shumta sulmesh vdekjeprurëse kundër vendeve në të gjithë Izraelin në orët e para të së shtunës, me të dyja palët që raportuan vdekje dhe qindra të plagosur. Sirenat u dëgjuan në Izrael deri në mëngjesin e së shtunës dhe shpërthime u raportuan në Tel Aviv, Jerusalem dhe Teheran, ndërsa konflikti në përshkallëzim kërcënon të përfshijë të gjithë Lindjen e Mesme në kulmin e një lufte më të gjerë.

Sulme gjatë natës: Forcat iraniane nisën sulme të shumta me raketa ndaj Izraelit gjatë natës. Korpusi i Gardës Revolucionare të Iranit tha se shënjestroi vendndodhje ushtarake dhe baza ajrore izraelite në sulmet me raketa të premten. Ndërkohë, sistemi i mbrojtjes ajrore i Teheranit ishte aktiv deri në orët e para të së shtunës pas një raundi tjetër sulmesh izraelite, raportuan mediat shtetërore iraniane.

Ndërhyrje dhe dëmtime: Ushtria izraelite tha se ndërhyri disa nga valët e fundit të raketave iraniane, por pati raportime për njerëz të bllokuar nën rrënoja dhe shtëpi të shkatërruara ose të dëmtuara. Ekipet e emergjencës iu përgjigjën thirrjeve për ndihmë. Shpërthime të forta u dëgjuan në Tel Aviv dhe Jerusalem.

Vdekjet dhe lëndimet: Autoritetet izraelite thanë se dy persona ishin vrarë në hakmarrje iraniane. Një burrë u vra dhe më shumë se 20 të tjerë u plagosën pasi një raketë iraniane ra pranë shtëpive në Rishon Lezion, në jug të Tel Avivit. Dhe një grua u vra kur një copë predhe ra në Ramat Gan, gjithashtu pranë Tel Avivit. I dërguari i Izraelit në Shtetet e Bashkuara tha më parë se rreth 40 persona ishin plagosur. Në Iran, të paktën 78 persona u vranë në sulmet izraelite, përfshirë zyrtarë të lartë ushtarakë, tha të premten i dërguari i Iranit në Kombet e Bashkuara, Amir Saeed Iravani. Më shumë se 320 persona u plagosën, shumica prej tyre civilë, shtoi ai.

Bazat e forcave ajrore iraniane në shënjestër: Ushtria izraelite tha se goditi dy baza të forcave ajrore iraniane - të përdorura për operacione raketash dhe dronësh - të premten. Ato ishin Baza Ajrore Hamadan në Iranin perëndimor dhe Baza Ajrore Tabriz, një vend për lëshimin e raketave tokë-tokë, në veriperëndim të vendit.

Paralajmërime për sulme të tjera që do të vijnë: Ministri izraelit i Mbrojtjes, Israel Katz, tha të premten vonë se Irani kishte "kaluar vijat e kuqe" duke qëlluar qendrat urbane dhe u zotua të paguante një "çmim shumë të lartë". Irani tha se do të shtonte sulmet e tij ndaj Izraelit dhe do të synonte bazat rajonale të çdo vendi që përpiqet ta mbrojë atë. Netanyahu e paralajmëroi Iranin të premten se "do të vijnë edhe më shumë".

Bisedimet bërthamore: Raundi i gjashtë i bisedimeve bërthamore midis Shteteve të Bashkuara dhe Iranit ishte planifikuar të fillonte të dielën. Presidenti i SHBA-së, Donald Trump, i tha Reuters se bisedimet e Uashingtonit me Iranin ishin ende në rrugën e duhur, megjithëse nuk ishte i sigurt nëse ato do të ecnin përpara. Trump i tha NBC News se Irani "mund të ketë një shans tjetër" për të bërë një marrëveshje bërthamore dhe sugjeroi që iranianët po i drejtoheshin atij.

Si arritëm këtu: Të premten në mëngjes, Izraeli nisi një valë sulmesh të paprecedentë ndaj Iranit, duke goditur vendet kryesore në programin bërthamor të vendit, si dhe zonat e banimit në kryeqytetin Teheran dhe duke vrarë disa nga udhëheqësit më të lartë ushtarakë të vendit. Izraeli ka këmbëngulur vazhdimisht për një opsion ushtarak për të ndaluar programin bërthamor të Iranit. Ai tha të premten se Teherani kishte avancuar një "program sekret për të montuar një armë bërthamore" dhe ishte më afër se kurrë që të ishte në gjendje të siguronte një armë të tillë. Irani ka këmbëngulur vazhdimisht se nuk po ndërton një bombë dhe se programi i tij bërthamor është për qëllime energjetike.

foto ilustruese

TEHERAN- Irani tha të premten se bisedimet me Shtetet e Bashkuara mbi programin e tij bërthamor ishin "të pakuptimta" pas sulmeve më të mëdha ajrore të Izraelit në territorin e tij, duke akuzuar Uashingtonin për mbështetjen e sulmit.

"Pala tjetër (Shtetet e Bashkuara) veproi në një mënyrë që i bën bisedimet të pakuptimta. Nuk mund të pretendosh se po negocion ndërsa në të njëjtën kohë ndan punën duke lejuar regjimin sionist (Izraelin) të shënjestrojë territorin iranian", raportoi agjencia gjysmëzyrtare e lajmeve Tasnim e Iranit, duke cituar zëdhënësin e Ministrisë së Jashtme iraniane, Esmail Baghaei.

Sipas tij, Izraeli "arriti të ndikonte" në procesin diplomatik dhe sulmi izraelit nuk do të kishte ndodhur pa lejen e Uashingtonit. Irani më parë kishte akuzuar Shtetet e Bashkuara për bashkëpunim në sulmet izraelite, por Uashingtoni e mohoi akuzën dhe i tha Teheranit në Këshillin e Sigurimit të OKB-së se do të ishte më mirë të negociohej për programin e tij bërthamor.

Raundi i gjashtë i bisedimeve midis Iranit dhe Shteteve të Bashkuara mbi programin bërthamor të Iranit ishte planifikuar të zhvillohej të dielën në Muscat, por nuk është e qartë nëse ato do të zhvillohen pas sulmeve izraelite ndaj Iranit.

Irani thotë se programi i tij i pasurimit të uraniumit është vetëm për qëllime civile, duke hedhur poshtë akuzat izraelite se po zhvillon armë bërthamore sekrete. Presidenti i SHBA-së, Donald Trump, i tha Reuters se ai dhe ekipi i tij e dinin që sulmet izraelite ishin të afërta, por vuri në dukje se ata ende shihnin hapësirë ​​për një marrëveshje mbi programin bërthamor të Teheranit.