Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
Dosja e Erion Veliajt/ Avokati Ndreca nuk u paraqit, gjobitet me 50 mijë lekë! Shtyhet seanca 21 Korrik, 10:54 Dosja...
“Nuk shiten malet, është mundësi për pronarët dhe emigrantët” Rama: Paketa e Maleve, nuk anulohet 21 ...
•Sot në Shkup ëshë mbajtur një takim joformal mes liderëve të shteteve anëtare të NATO-së nga rajoni i Ballkanit dhe shefin e aleancës, Jens Stoltenberg. • Në takim do të marrin pjesë kryeministri i Shqipërisë, Edi Rama, president i Kroacisë, Zoran Milovanoviq, dhe kryeministri i Malit të Zi, Millojko Spajiç, kryeministri i Sllovakisë, Robert Fico dhe kryeministri i Maqedonisë së Veriut, Dimitar Kovaçevski. •Para takimit, kryeministri Edi Rama tha për mediat se ky takim është i rëndësishëm pasi vjen në një kohë kur luftërat dhe krizat mund të rrezikojnë edhe rajonin. •Në konferencën e përbashkët pas takimit, Rama kërkoi rritjen e forcave të NATO-s në Kosovë dhe garantimin e kufirit mes saj dhe Serbisë. • Ai bëri gjithashtu kërkesë për përshpejtimin e procedurave për ngritjen e bazës detare të NATO-s në Porto Romano. •Në takim, kryeministri i Shqipërisë propozoi ndërtimin e një formati të Samitit të NATO-s me Ballkanin Perëndimor, ku të jenë të pranishëm, jo vetëm vendet anëtare të NATO-s në rajon, por dhe vendet partnere të aleancës. • Shefi i NATO-s, Jens Stoltenberg tha se do të shqyrtojë propozimin e Ramë, i mbështetur edhe nga presidenti kroat për takime në bazë më të rregullt dhe më me tepër vende pjesmarrëse. •Stoltenberg tha se aleanca nuk sheh ndonjë rrezik të drejtpërdrejtë ushtarak për ndonjë nga vendet e rajonit, ndërsa shprehu shqetësimin për situatën në Kosovë dhe në Bosnjë.
5 artikuj për këtë temë.
SHKUP- Sekretari i Përgjithshëm i NATO-s Jens Stoltenberg, në konferencën e përbashkët për shtyp, pas takimit me liderët e Shqipërisë, Maqedonisë së Veriut, Kroacisë dhe Malit të Zi, Stoltenberg iu përgjigj pyetjeve të gazetarëve lidhur me tensionet dhe rrezikun e një konflikti në rajon.
Stoltenberg tha se aleanca nuk sheh ndonjë rrezik të drejtpërdrejtë ushtarak për ndonjë nga vendet e rajonit, ndërsa shprehu shqetësimin për situatën në Kosovë dhe në Bosnjë.
“Nuk shohim rreziqe të drejtpërdrejta ushtarake ndaj ndonjë vendi, shohim me shqetësim tensione në Kosovë dhe Bosnjë. Jemi aleatë të rajonit do të shqyrtojmë propozimin e kryeministrit Edi Rama, i mbështetur edhe nga presidenti kroat që të takohemi në bazë më të rregullt dhe të ftojmë më tepër vende”, tha kreu i NATO-s.
Kryeministri Edi Rama tha se gjatë takimit ka propozuar ndërtimin e një formati të Samitit të NATO-s me Ballkanin Perëndimor, ku të jenë të pranishëm, jo vetëm vendet anëtare të NATO-s në rajon, por dhe vendet partnere të NATO-s, vendet e tjera të Ballkanit Perëndimor që s’janë të pranishme, si dhe pjesa tjetër e vendeve anëtare që janë në kufi me rajonin dhe që kanë interes të drejtpërdrejtë për stabilitetin dhe procesin demokratik të rajonit.
Sa i përket Kosovës, ai tha se NATO është vigjilente dhe ka shtuar prezencën.
“Në Kosovë kemi zmadhuar prezencën tonë me përafërsisht 1 mijë ushtarë dhe armatim më të rëndë. Jemi më vigjilentë dhe prej së afërmi monitorojmë situatën dhe gjithmonë do të bëjmë atë që është e nevojshme për të mbrojtur dhe për të siguruar ndihmë për aleatët tanë. Ballkani Perëndimor është pikë shumë e rëndësishme për NATO-n. Ne jemi aleatë të rajonit. Ne kemi histori, prezencë këtu dhe kemi përgjegjësi të ndihmojmë që të sigurojmë po aq edhe prosperitet. Prandaj ky takim ishte i rëndësishëm dhe vetëm në pika të shkurtra do të përmend se Po padyshim do të shqyrtoj propozimin e kryeministrit Edi Rama, të mbështetur edhe nga Presidenti i Kroacisë që ato që duhen të shqyrtojmë dhe zhvillojmë është që të takohemi në bazë më të rregullt dhe të ftojmë më tepër vende”, tha Stoltenberg.
SHKUP- Kryeministri Edi Rama në konferencën e përbashkët në Shkup me shefin e NATO-s, Jens Stoltenberg dhe liderët e rajonit, tha se Shqipëria është e bindur që Kosova duhet të ndihmohet që të përshpejtojë integrimin e saj në NATO.
Ai falënderoi presidentin kroat që i ka bërë jehonë këtij qëndrimi në çdo tryezë të përbashkët të NATO-s.
Rama theksoi se është absurde që Kosova të pengohet në këtë proces ndërkohë që gjithë NATO është jo vetëm më e vëmendshme ndaj Kosovës, por më e angazhuar gjithashtu.
“Ne jemi të bindur që Kosova duhet të ndihmohet që të përshpejtojë integrimin e saj në NATO. Ndaj me (presidentin e Kroacisë) bindjen absolute, që është absurde që Kosova të pengohet në këtë proces ndërkohë që të gjithë së bashku në NATO jemi jo vetëm të vëmendshëm, por edhe të angazhuar në Kosovë aktualisht. Dhe kahja euroatlantike e Kosovës është jashtë çdo lloj diskutimi. Ndërsa hezitimet për ta njohur Kosovën nga vendet e BE, NATO-s, janë jehonë e një të shkuare që është gjithmonë më pak relevante në krahasim me të tashmen që ka sjellë kaq shumë sfida të reja dhe që kërkon shumë më tepër unitet dhe shumë më tepër vështrim strategjik”, tha ai
SHKUP- Kryeministri i Shqipërisë, Edi Rama në konferencën që po mbahet pas takimit me liderët e vendeve anëtare të NATO-s të Evropës Juglindore, kërkon përshpejtimin e procedurave për ngritjen sa më parë të bazës detare të NATO-s në Porto Romano. Ai theksoi se Shqipëria është gati të bashkëfinancojë në këtë projekt.
"Dëshiroj të theksoj edhe kërkesën që aplikimi i Shqipërisë për të bashkëfinancuar me NATO-n bazën e re detare të NATO-s në Porto Romano të procedohet sa më shpejt.
Sepse besojmë se çdo gjë që ndodh hap pas hapi e përforcon vlerën e strategjike të një investimi të tillë jo thjesht për Shqipërinë, as për rajonin por për vetë NATO-n që do fitojë një tjetër akses të shpejtë në këtë anë të Europës për çdo rast të mbrojtjes së nevojshme.
Shqipëria ka përmbushur me buxhetin e vitit 2024, objektivin e financimit të Mbrojtjes me 2% siç është struar nga tryeza e NATO-s për të gjitha vendet anëtare. Do vazhdojmë të jemi të përkushtuar për rritjen e kapaciteteve dhe shtimin e efiçencës së forcave tona të armatosura.", tha Rama.
SHKUP-Në Shkup po zhvillohet mbahet konferencë e përbashkët për shtyp e Sekretarit të Përgjithshëm të NATO-s Jens Stoltenberg, kryeministrin e Republikës së Maqedonisë së Veriut Dimitar Kovaçevski, me Presidentin e Republikës së Kroacisë, Zoran Milanoviç, kryeministrin e Republikës së Malit të Zi, Millojko Spajiç dhe kryeministrin e Republikës së Sllovenisë, Robert Fico.
Kryeministri Edi Rama kërkoi rritjen e forcave të NATO-s në Kosovë dhe garantimin e kufirit mes saj dhe Serbisë, ku sipas tij doli në pah rrezikshmëria e lartë për destabilizim dhe përshkallëzim të konfliktit.
"Duhet me çdo kusht të mos përsëritet. Për këtë arsye theksova edhe sot në takim domosdoshmërinë e rritjes së numrit të forcave të NATO-s në Kosovë dhe për të garantuar kufirin mes Kosovës dhe Serbisë, i cili faktikisht është jashtë kontrollit dhe i cili është në shërbim të aktiviteteve ilegale të trafikut të armëve, të drogës, aktiviteteve të cilat pastaj ngatërrohen sic e dimë të gjithë edhe me aktivitetin politik me sfond ultra nacionalist që shkakton devijime të rënda si ai i Banjskës, ku humbi jetën një punonjës i policisë së Kosovës dhe ku qartësisht doli në pah rrezikshmëria e lartë për destabilizim dhe përshkallëzim të një konfliktit që ka vetëm një vend për t’u trajtuar në tryezën e dialogut të ndërmjetësuar në BE mes Kosovës dhe Serbisë.", tha Rama.
SHKUP- Kryeministri Edi Rama ndodhet në Shkup, ku do të marrë pjesë në takimin e liderëve të pesë vendeve anëtare të NATO-s nga Europa Juglindore. Para nisjes së takimit, kryeministri Rama uroi në shqip shqiptarët e Maqedonisë së Veriut ditën e bekuar të alfabetit. Ai u shpreh se ky takim është i rëndësishëm pasi vjen në një kohë kur luftërat dhe krizat mund të rrezikojnë edhe rajonin tonë.
"Dua t’ju uroj gjithë shqiptarëve këtu në Maqedoninë e Veriut ditën e bekuar të Alfabetit. Për ne nga ana tjetër më vjen shumë mirë që sot mblidhemi këtu, kur për të gjithë është një moment luftrash dhe krizash të rënda që kanë potencialin të rrezikojnë drejtpërdrejt edhe rajonin tonë. Vijmë në një moment kur të gjithë duhet të fokusohemi tek mbrojtja e asaj që kemi arritur, që është jo pak, një paqe e brishtë e përgjithshme.", tha Rama.
