Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
Dosja e Erion Veliajt/ Avokati Ndreca nuk u paraqit, gjobitet me 50 mijë lekë! Shtyhet seanca 21 Korrik, 10:54 Dosja...
“Nuk shiten malet, është mundësi për pronarët dhe emigrantët” Rama: Paketa e Maleve, nuk anulohet 21 ...
•Partia Socialiste ka fituar bindshëm në zgjedhjet e Bashkisë së Kukësit. •Kandidati socialist Albert Halilaj ka marrë mbi 63% të votave, ndërsa Emri Vata i koalicionit “BF” numëron rreth 36.5% të votave, trend që i jep fitoren Halilajt. •Pas fitores, kandidati fitues, Albert Halilaj tha se kjo diferencë e madhe votash tregon që qytetarët duan njerëzit që punojnë. Po ashtu, ai u zotua se do jetë krah çdo banori të Kukësit. •Pandeli Majko, drejtues i PS-së për qarkun e Kukësit është shprehur se ky qytet i ka futur në borxh, me fitoren që morën për të udhëhequr bashkinë.
9 artikuj për këtë temë.
KUKËS- Kandidati për bashkinë e Kukësit Emri Vata ka komentuar humbjen që pësoi nga zgjedhjet në Kukës. Vata me anë të një postimi në Facebook, shkruan se patronazhistët dhe ministrat ishin në Kukës me torbën plot të lekëve dhe premtimeve. Po ashtu ai theksoi se ata sot mbyllën një fushatë, por jo misionin për të kthyer zgjedhjet e lira dhe të ndershme.
"Të dashur miq, të dashur bashkëpunëtorë, të dashur demokratë, të dashur kuksianë! Dua të falenderoj, së pari strukturën e Partisë Demokratike në Kukës dhe familjet e tyre për qëndresën dhe mbështetjen në këtë sfidë të pabarabartë në shumë drejtime. Demokratëve që më dhanë besim duke më votuar, u jam përherë mirënjohës. Miqve që më mbështetën vazhdoj të jem borxhli dhe mirënjohës. Përsëritja e asaj që të gjithë bashkë e kemi parë me sy është e panevojshme. Dua të theksoj se vetëm në pushtetin e Edi Ramës skandalet politike, morale dhe shoqërore nuk reflektohen në rezultat, por e thellojnë atë në favor të shkelësve.
Patronazhistët dhe super-ministrat ishin në Kukës me torbën plot, të lekëve dhe premtimeve, por tabloja e Kukësit të zbrazur në 10 vitet e pushtetit të tyre flet pa pasë nevojë për dorëzanë. Rezultati i zgjedhjeve, me gjithë deformimet, presionin, shitblerjet e votës, krimin shtetëror duhet lexuar me kujdes. Ne sot mbyllëm një fushatë, por jo misionin tonë që në Kukës dhe në gjithë Shqipërinë të kthejmë zgjedhjet e lira. Uroj që vota e çdo qytetari Kukësian , të mos shpërdorohet. Pa zgjedhje të lira nuk ka zgjidhje. Miqësisht," shkruan Vata.
TIRANË- Përfundon zyrtarisht procesi i numërimi i fletëve të votimit në garën për kryetarin e bashkisë së Kukësit.
Në 74 kuti të numëruara nga 74 që janë në total, rezulton se Albert Halilaj i Partisë Socialiste ka grumbulluar 13025 vota, ndërsa Emri Vata, kandidati opozitar i koalicionit “Bashkë Fitojmë” ka marrë 7431 vota.
Kandidati i PS ka siguruar fitoren me një diferencë prej 5594 vota më shumë se ai ai BF. Pjesëmarrja në këto zgjedhje në Bashkinë e Kukësit ishte 45.63%.
REZULTATI:
Albert Bislim Halilaj
13025 vota
63.67 %
Emri Haxhi Vata
7431 vota
36.33 %
KUKËS- Qytetarët e Kukësit kanë votuar ditën e djeshme për zgjedhjen e krybashkiakut të ri, pas video-skandalit ku ishte i përfshirë ish-kryetari i bashkisë, Safet Gjici.
Pas fitores së kandidatit të Partisë Socialiste, qytetarët e Kukësit janë shprehur se Halilaj e meritonte fitoren, ndërsa shtuan se video-skandali i Safet Gjicit pak muaj më parë në zyrën e Bashkisë, ku u shfaq duke kryer marrëdhënie seksuale nuk ka ndikuar në votat e tyre. Sipas tyre vota e tyre ka shkuar vetëm për kandidatin pa marrë parasysh atë që ka ndodhur më parë.
“E prisnim deri diku rezultatin. Siç duket kanë punuar shumë. Kandidati ka një opinion shumë të mirë. Me zhvillimet e mëparshme menduam se do të ndryshonte rezultat por siç duket nuk ndodhi ashtu. Zgjedhjet shumë të qeta shumë të mira, ka fituar më i miri. Ka ndikuar kandidati, djalë i mirë shumë. Kandidati ka qenë faktor kryesor në zgjedhje. S’ka lidhje ajo që ka ndodhur”- janë shprehur ato/
Albert Halilaj kandidati i Partisë Socialiste shpalli fitoren ndaj kandidatit të koalicionit "Bashkë Fitojmë", Emri Vata. Ndonëse janë ende dy kutitë e fundit pa u numëruar, diferenca e madhe e votave mes kandidatëve, bën që këto dy kuti mos të kenë ndikim në rezultat.
KUKËS- Ndonëse janë edhe dy kuti për të përfunduar numërimin në Kukës, Partia Socialiste ka shpallur fitoren, pasi kandidati i PS kryeson bindshëm ndaj atij të 'Bashkë Fitojmë'.
Albert Halilaj ai shprehu mirënjohjen ndaj qytetarëve për besimin që i dhanë ndërsa premtoi se do t’i japë Kukësit një promovim tjetër.
“Falenderoj të gjithë qytetarët për kulturën që treguan, votëbesimin iu premtoj që do t’i përfaqësoj denjësisht gjatë katër viteve me punë, përkujdesje dhe prani pranë cdo qytetari. Jam i zonës së Kukësit, kam punuar për vite në administratë, jam njeri i thjeshtë, pa bindje partiake do të jem krah çdo banori të Kukësit. Premtimi i pare që iu bëj është prezenca ime në lidhje me inbvestimet në infrastrukturë. Qeveria Ramas do të jetë prezent në çdo skaj të Kukësit për të përmirësuar çdo problem në lidhje me infrastrukturën. Kam një sërë projektesh për t’i ardhur në ndihmë Kukësit në lidhje me papunësinë, për të zhvilluar turizmin, për t’i dhënë një promovim tjetër Kukësit të lënë pas dore.”, theksoi ai.
Sipas të dhënave nga faqja zyrtare e KQZ, deri më tani rezultatet janë këto:
1-Albert Bislim Halilaj, 11808 vota
2-Emri Haxhi Vata 6746 vota
KUKËS-Drejtuesi i Partisë Socialiste për qarkun e Kukësit, Pandeli Majko është shprehur se ky qytet i ka futur në borxh, me fitoren që morën për të udhëhequr bashkinë.
‘Kjo është fitore e një djali që fiton në Kukës dhe që do tu shërbejë të gjithëve pa asnjë dallim partiak. I kemi një borxh të madh Kukësit. Ky borxh nuk shpërblehet me fjalë, por me vepra.’- tha Majko.
Partia Socialiste fiton zgjedhjet e së dielës në Kukës. Kandidati i Partisë Socialiste për Bashkinë e Kukësit Albert Halilaj ka fituar me një diferencë të madhe votash, mbi 5000 vota para përballë kandidatit Emri Vata nën siglën e koalicionit “Bashkë Fitojmë” të Sali Berishës dhe Ilir Metës./Dosja.al
KUKËS- Kandidati i Partisë Socialiste për Bashkinë e Kukësit, Albert Halilaj ka shpallur fitore në Kukës. Në foto shihet se Pandeli Majko dhe mbështetësit socialistë kanë nisur festimet me flamurin e Shqipërisë së Madhe.
Kur kanë mbetur edhe dy kuti të fundit për t'u numëruar, kandidati i PS kryeson bindshëm ndaj atij të 'Bashkë Fitojmë'.
Sipas të dhënave nga faqja zyrtare e KQZ, deri më tani rezultatet janë këto:
1-Albert Bislim Halilaj, 11808 vota
2-Emri Haxhi Vata 6746 vota
TIRANË- Kryeministri Edi Rama ka reaguar në lidhje me rezultatet e deritanishme në Bashkinë e Kukësit. Duke ndarë tabelën me votat e qytetarëve, Rama thotë se kandidati i Partisë Socialiste ka një avantazh të pakthyeshëm prej thuajse 3000 votash. Sipas kreut të Qeverisë, kjo është një fitore shembullore, që flet qartë për besimin dhe për pritshmërinë e qytetarëve kuksianë ndaj PS.
REAGIMI:
Kur janë numëruar pak më shumë se gjysma e kutive të votimit, kandidati i Partisë Socialiste për Bashkinë e Kukësit ka një avantazh të pakthyeshëm prej thuajse 3000 votash, i cili do të thellohet ende deri në kurorëzimin e një fitoreje shembullore, që flet qartë për besimin dhe për pritshmërinë e qytetarëve kuksianë ndaj nesh, si edhe për detyrimin tonë të madh ndaj tyre, për të bërë shumë më shumë akoma për Kukësin
FALEMINDERIT KUKËS, FALEMINDERIT TË GJITHËVE
KUKËS- Vijon numërimi i votave për kreun e ri të Bashkisë së Kukësit.
Në garë për kreun e bashkisë Kukës janë Albert Halilaj i propozuar nga Partia Socialiste dhe Emri Vata, kandidat i propozuar nga koalicioni “Bashkë Fitojmë”. Deri më tani kryeson kandidati i PS-së. Emri Vata ka marrë 5244 vota ndërsa Albert Halilaj 8886 vota.
Nga 74 kuti në total, deri më tani janë numëruar 52 kuti.
KUKËS- Vazhdon numërimi i votave në garën për kryetarin e bashkisë së Kukësit. Sipas të dhënave nga KQZ, deri më tani kryeson kandidati socialist Albert Halilaj.
Në 45 kuti të numëruara nga 74 që janë në total, Halilaj ka marrë 7211 vota ndërsa kandidati i “Bashkë Fitojmë” Emri Vata ka 4278 vota. Pjesëmarrja në këto zgjedhje ishte 45.63%.
Qytetarët e Kukësit votuan ditën e djeshme, në zgjedhjet e parakohshme vendore, për kryetarin e ri të bashkisë.
Procesi i votimit u mbyll në orën 19:00, pasi votuan rreth 50 për qind e zgjedhësve. Më pak qytetarë ushtruan të drejtën e votës, krahasuar me zgjedhjet e 14 majit, ku fitoi socialisti Safet Gjici, mandati i të cilit zgjati pak për shkak të skandalit seksual, ku ai u përfshi.
Në garë për të marrë drejtimin e bashkisë të Kukësit janë kandidati i Partisë Socialiste, Albert Halilaj dhe kandidati i koalicionit “Bashkë Fitojmë”, Emri Vata. Edhe në këto zgjedhje, Partia Demokratike zgjodhi që të mos dalë me kandidat./Dosja.al
