Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
Dosja e Erion Veliajt/ Avokati Ndreca nuk u paraqit, gjobitet me 50 mijë lekë! Shtyhet seanca 21 Korrik, 10:54 Dosja...
“Nuk shiten malet, është mundësi për pronarët dhe emigrantët” Rama: Paketa e Maleve, nuk anulohet 21 ...
TIRANË- Presidenti i Republikës, Ilir Meta mori pjesë dhe përshëndeti “Forumin Botëror për Kulturën dhe Një Paqe të Drejtë” që po zhvillohet në Valeta, nën kujdesin e Presidentit të Maltës, George Vella. Në fjalën e tij përshëndetëse, Meta përmendi luftën që po ndodh në Ukrainë, duke e cilësuar atë si një periudhë të errët jo vetëm për Ukrainën po për të gjithë botën. Meta përsëriti mesazhin se ruajtja e paqes në Ballkanin Perëndimor është shumë e rëndësishme për të gjithë Evropën, duke theksuar këtu edhe harmoninë ndërfetare që ne kemi si popull.
“I nderuar President i Maltës, Sh. T. Z. George Vella! Shkëlqesia Juaj Marzouq Al-Ghanim, Kryeparlamentari i Shtetit të Kuvajtit, E nderuar Presidente e Kosovës, Sh. S. Znj. Vjosa Osmani, I nderuar President Sh. T. Z. Stjepan Mesiç, Të nderuar kryetarë të Parlamenteve të vendeve përfaqësuese, Kryetarë dhe përfaqësuesit e organizatave dhe fondacioneve kulturore, shoqërisë civile dhe botës akademike! Të nderuar të ftuar! Jam i nderuar që marr pjesë në Forumin Botëror për Kulturën e Një Paqe të Drejtë, 2022. I shpreh mirënjohjen time Presidentit të Maltës, Sh.T.Z. George Vella, për mikpritjen e kësaj veprimtarie, për organizimin e këtij forumi, që mbahet veçanërisht në momente kaq dramatike – kur paqja, lidershipi i vërtetë, ndërmjetësimi dhe pajtimi midis kombeve dhe popujve janë një domosdoshmëri dhe urgjencë.
Teksa ne po flasim këtu, raketat dhe bombat po hidhen drejt qyteteve, spitaleve, shkollave dhe shtëpive të Ukrainës. Shumë civilë kanë humbur jetën dhe shumë të tjerë janë plagosur. Kjo është një periudhë e zezë jo vetëm për Ukrainën, por për të gjithë botën. Ajo tregon se të gjithë liderët botërorë dhe të gjithë aktorët kryesorë në politikë-bërje, në vendet e tyre dhe në arenën ndërkombëtare, duhet të jenë vigjilentë dhe të mos e marrin kurrë paqen si të mirëqenë. Të gjithë ne jetojmë nën të njëjtin qiell, por shikojmë horizonte të ndryshme. Udhëheqja e vërtetë përfshin vizionin dhe vendosmërinë për të shikuar përpara, drejt një të ardhmeje më të ndritur, duke i shërbyer popullit, vendit si dhe duke mbrojtur paqen.
Udhëheqja e vërtetë do të thotë që të jesh i aftë për të parashikuar çdo rrezik potencial si dhe për të vepruar paraprakisht, duke punuar pa u lodhur e duke i frymëzuar njerëzit drejt rrugës së tolerancës, gjithëpërfshirjes dhe harmonisë mes qytetarëve dhe kombeve. Udhëheqja e vërtetë tregohet nëpërmjet shembujve dhe jo vetëm fjalëve dhe opinioneve. Udhëheqësit e vërtetë punojnë për të mbrojtur paqen në çdo kohë, dhe ata mund të parandalojnë konfliktet vetëm duke mundësuar dhe konsoliduar demokracinë për kombet e tyre. Vetëm demokracia mund të parandalojë luftën dhe të ndërtojë besim mes kombeve. Nëse qeveritë ofrojnë demokraci dhe begati në vendin e tyre për qytetarët e tyre, atëherë do të ketë respekt të ndërsjellë midis kombeve dhe qytetarëve të tyre, pavarësisht nga origjina, feja, etnia, forca dhe madhësia.
Sot në botë ka shumë konflikte dhe ato janë ndezur nga udhëheqës të papërgjegjshëm, përjashtues dhe të dhunshëm. Udhëheqësit jodemokratikë i shtypin popujt e tyre, përçajnë kombet dhe u hapin rrugë ambicieve ekspansioniste, duke shkaktuar konflikte dhe duke kërcënuar paqen. Bota sot po përjeton rritjen e rrymave populiste, nacionaliste dhe ekstremiste në disa vende, të cilat mbështesin me nostalgji ekspansionizmin, ringjalljen e koncepteve shtet-komb, ndarjet etnike e deri te ndryshimi i kufijve territorialë fatkeqësisht. Ngjarjet e fundit në Ukrainë duhet të jenë një mësim dhe një kambanë alarmi për të gjithë liderët botërorë dhe aleancat demokratike. Një thirrje zgjimi për përpjekjet e eksperimenteve territoriale në rajone të tjera. Prandaj, duhen bërë përpjekje të mëtejshme dhe duhet të ndërtohen mekanizma më të fortë për të siguruar paqen në rajone të tjera të kontinentit dhe të botës.
Ruajtja e paqes në Ballkanin Perëndimor është gjithashtu thelbësore për paqen e Europës dhe botës siç e kemi parë deri më tani. Ne jemi të përkushtuar për të promovuar paqen dhe për të bërë gjithçka për të ndaluar çdo konflikt në rajonin tonë. Ruajtja e paqes në rajonin e Mesdheut është thelbësore për të tashmen dhe të ardhmen e shumë vendeve dhe kontinenteve, sepse rajoni i Mesdheut është djepi i qytetërimit. Ky rajon i bukur dhe magjepsës ka shërbyer për mijëra vjet si një urë kulturore, historike dhe tregtare midis vendeve mesdhetare dhe kontinenteve të ndryshme, ku Malta është një shembull i kësaj. Një mozaik magjepsës i kulturave dhe popujve të ndryshëm, aq i pasur me histori, vlera dhe tradita të kaluara dhe të tashme, që e bëjnë qytetërimin mesdhetar kaq unik dhe me ndikim në trashëgiminë botërore, çështjet ndërkombëtare, si dhe një potencial dhe kontribues të madh për paqen botërore në të ardhmen. Është i bekur me qytetërime të mëdha dhe shumëllojshmëri kulturore, me histori dhe besime fetare të ndryshme, me kombe, burime natyrore e turistike, me popuj të mrekullueshëm dhe mikpritës.
Është vërtet një thesar botëror që duhet trajtuar si një trashëgimi e përbashkët, që duhet të bashkojë popujt dhe jo t’i ndajë ata. Rajoni i Mesdheut përballet me një sfidë, jo vetëm për të ruajtur dhe forcuar paqen, por edhe për të mbrojtur mjedisin, trashëgiminë kulturore, zgjidhjen e çdo konflikti të mundshëm, marrjen e masave kundër efekteve të ndryshme klimaterike dhe të përqendrohet në edukimin e të rinjve si dhe mbi të ardhmen e tyre të begatë, që duhet mbështetur gjithmonë mbi paqen. Vlerat tona më të mira kombëtare, dashuria për vendin dhe popullin tonë, toleranca për të tjerët, besimi në Zot dhe respektimi i integritetit njerëzor, duhet të bashkojnë vendet tona dhe qytetarët tanë, si dhe të shërbejnë si thelbi i paqes dhe bashkimit. “Paqja nuk arrihet përmes dhunës; ajo mundësohet vetëm nëpërmjet mirëkuptimit!’ – ka thënë Ralf Emersoni, kështu që nuk ka vend për dhunë, përfshirë këtu edhe ekstremizmin fetar.
Harmonia ndër-fetare dhe bashkëjetesa janë arritur shumë herë në të shkuarën dhe mund të shndërrohen në realitet për çdo komb. Shqipëria është një shembull i tillë për botën dhe për shekuj me radhë mbetet një model paqeje dhe harmonie mes komuniteteve fetare. Të gjitha besimet në Shqipëri i bashkojnë njerëzit edhe më shumë nën dashurinë për vendin. Dhe kjo na bën krenarë dhe unë dëshiroj të falenderoj për këtë gjë edhe më shumë Imzot George Frendon e Maltës, i cili ka dhënë një kontribut të jashtëzakonshëm në forcimin edhe më shumë të harmonisë dhe bashkëjetesës fetare në Shqipëri. Qeveritë duhet të investojnë në arsimin dhe rininë, të cilat janë bazat e tolerancës në një shoqëri dhe perspektiva e së ardhmes, dhe vetë themelet e arkitekturës së paqes.
Duhet bërë arsimi i fëmijëve në shkolla me një kulturë paqeje dhe tolerance, rritja e tyre duke i brumosur me shmangien e gjuhës së urrejtjes, pa diskrimin racor, fetar apo etnik. Ato duhet t’i përkushtohen promovimit të tolerancës dhe harmonisë, bashkëpunimit ndër-kulturor, arsimimit të brezave të rinjë me vlerat e pasura historike dhe kulturore të popujve të Mesdheut. Udhëheqësit e vërtetë duhet të luftojnë varfërinë dhe pabarazinë, sepse ato sjellin konflikte sociale dhe mund të ndezin radikalizmin duke paraqitur kërcënime ndaj harmonisë dhe qëndrueshmërisë vendase dhe rajonale. Të nderuar të ftuar, Paqja mbetet gjithmonë e brishtë dhe e kërcënuar, prandaj duhet të punojmë për të, çdo sekondë dhe çdo minutë. Nuk është një dhuratë, por duhet fituar dhe mbrojtur në çdo kohë. Nëse jemi neglizhentë dhe jo vigjilentë në paqe, një ditë do të zgjohemi në luftë. Misioni i çdo lideri dhe aspirata e çdo kombi duhet të fokusohet rreth paqes dhe begatisë. Duke ju shprehur edhe një herë mirënjohjen për këtë forum të rëndësishëm, që po ofron një kontribut të madh për paqen dhe harmoninë mes popujve, ju faleminderit!”
(I.A/dosja.al)
Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?
TIRANË- Ish-nënkryetari i Bashkisë Lushnje, Gentian Nushi, i cili është arrestuar për tender korruptivka kërkuar ndryshim mase. Mësohet se Nushi ka kërkuar...
TIRANË– Komisioni Qëndror i Zgjedhjeve ka miratuar kërkesën e Ambasadës së SHBA në Tiranë që të ketë vëzhguesit e saj në zgjedhjet e pjesshme të 6 ma...
TIRANË- Vendimi i 1 muaj më parë i qeverisë shqiptare për të mos lejuar personat nga SHBA që të qëndrojnë për një 1 vit në vendin tonë pa patur nevojë për ...
DURRËS– Ish-kryeministri Sali Berisha ka denoncuar shkeljen e embargos nga ana e shtetit shqiptar dhe autoritetet në portin e Durrësit ndaj Rusisë. N...
TIRANË- Presidenti Ilir Meta ka postuar nëj video nga protesta që thirri më 2 mars të vitit 2020. Me anë të një postimi në Facebook, Meta shkruan se një po...
LUSHNJE- Kryeministri Edi Rama ka deklaruar se sot ‘Ballkani i Hapur’ është më i rëndësishëm se sa ishte dje. Gjatë një takimi me qytetarët në Lushn...
TIRANË- Deputeti i Partisë Demokratike Lefter Gështenja ka deklaruar se sot kanë dorëzuar në SPAK provat që qeveria Rama ka vjedhur 430 milionë euro nga in...
LUSHNJE- Kryeministri Edi Rama ka deklaruar se ukrainasit do të donin që të ishin në Shqipëri momentalisht. Gjatë një takimi me qytetarët në Lushnje, Rama tha s...
TIRANË- Kryetari i Partisë Demokratike, Lulzim Basha, bashkë me kandidatin për Bashkinë e Lushnjës, Indrit Sefa, kanë takuar qytetarë dhe biznese të këtij ...
RROGOZHINË- Ish-kryeministri Sali Berisha është takuar ditën e sotme me qytetarët e Rrogozhinës. Gjatë fjalës së tij, Berisha u ka bërë thirrje qytetarëve ...
