Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
Dosja e Erion Veliajt/ Avokati Ndreca nuk u paraqit, gjobitet me 50 mijë lekë! Shtyhet seanca 21 Korrik, 10:54 Dosja...
“Nuk shiten malet, është mundësi për pronarët dhe emigrantët” Rama: Paketa e Maleve, nuk anulohet 21 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
TIRANË- Kryetari i Partisë Demokratike, Lulzim Basha iu përgjigj sot kryeministrit Edi Rama, i cili dje, pas prezantimit të planit të demokratëve për rimëkëmbjen e ekonomisë, tha se Basha është “shalqi me provë”. Në një vizitë që zhvilloi sot në një fasoneri në Vorë, Basha tha se kryeministri nuk merr masa, por është kthyer në një sharlatan që del në televizor. Basha përsëriti thirrjen që kryeministri dhe qeveria të marrin përsipër të realizojnë planin e propozuar nga PD për rimëkëmbjen ekonomike, që sipas kryedemokratit nuk është programi elektoral për fushatën, por një plan ndihme për këto 6 muaj.
“Plani që kemi prezantuar këtë javë nuk është plani ynë elektoral por është plani për 6 muajt e fundit të kësaj qeverie. Sepse për fat të keq, këto 6 muaj ende drejton një kryeministër palaço që vetëm shan po nuk e fsheh dot të vërtetën. Në vend që të ndihmojë njerëzit, vazhdon të bëjë palaçon. Sa do të shajë, të vërtetën nuk e fsheh dot! Taksat të shkojnë për të ndihmuar biznesin dhe shqiptarët. Sot dhe ditë për ditë nuk do lodhem së përsërituri që nuk ka kohë për sharlatanizma por për të marrë përgjegjësi sepse vendi është në krize dhe tryezat e shqiptarëve janë bosh”,-tha Basha.
Më tej, kryetari i PD foli edhe për ekonominë. “Sa i përket ekonomisë, drejtimi kryesor është fuqizimi i biznesit dhe i sipërmarrjes. Ky sektor është lënë pas dore sepse paratë shkojnë në çdo drejtim tjetër përveç tyre. Një drejtim tjetër është rimarrja në punë e atyre që janë hequr. Plani që kemi shpalosur këtë javë nuk është programi ynë elektoral. Është plani për këto 6 muaj të fundit të kësaj qeverie, duam apo s’duam ne drejtimin e ka akoma një njeri, i cili në vend të marrë masa, vazhdon të bëjë sharlatanin apo palaçon nëpër ekrane. Sado të merret dhe të shajë me gjuhë vulgare një të vërtetë nuk e mbulon dot. Tavolinat e shqiptarëve janë boshatisur për shkak të politikave të tij, xhepat e shqiptarëve janë boshatisur për shkak të çuarjes së parave në grushtat e një kaste të vogël oligarkësh dhe sipërmarrja shqiptare po vuan. 75% e biznesit nuk nxjerr më fitim dhe kjo reflektohet tek shifrat galoponte të papunësisë që janë shumë më të larta se gënjeshtrat që prodhon ditë për ditë makineria e propagandës. Plani i rimëkëmbjes antikovid nuk është plani ynë elektoral, por thirrje për qeverinë që të lërë palaçollëqet. Janë afro 100 mijë të papunë dhe jo 50 mijë siç thonë shifrat zyrtare.”-tha Basha.
Fjala e plotë e Lulzim Bashës
Kam ardhur sot në një ndërmarrje fason në aksin Tirane – Durrës, e cila funksionon prej më shumë se 15 vitesh. Ka pasur në të kaluarën deri në 500 punonjës, tani ka vetëm 170 pasi ndodhet nën presionin e krizës ekonomike. Pas 7 vitesh amullie keq-menaxhimi, dështimi dhe premtimesh të pa mbajtura, gjithë shqiptarët e kanë kuptuar se ka ardhur koha për një ndryshim. Këtë javë ne kemi shpalosur planin tonë kundër pandemisë. Planin e rimëkëmbjes ekonomike i përbërë nga 5 drejtime kryesore. Sa i përket ekonomisë, drejtimi kryesor është fuqizimi i biznesit, i sipërmarrjes që lidhet me punësimin dhe që është lënë krejtësisht pas dore dhe që po vuan si asnjë biznes tjetër në Ballkan. Ose më mirë të themi në Kosovë, Maqedoni dhe Mal të Zi, sepse paratë që këta paguajnë si taksa, shkojnë në çdo drejtim tjetër, përveçse për të ndihmuar sipërmarrjen dhe për të ndihmuar punonjësit. Një drejtim tjetër i rëndësishëm është rimarrja në punë e atyre që bizneset janë detyruar t’i largojnë nga puna për shkak të krizës, apo të vetëpunësuar që janë detyruar të mbyllin bizneset e tyre. Këto janë dy drejtimet kryesore, por natyrisht edhe mbështetja e atyre që kanë humbur vendin e punës dhe që janë në pamundësinë e tyre për të blerë ushqimet e përditshme, për veten dhe për fëmijët. Këto janë dy arsyet kryesore pse ka rënë konsumi. Plani që kemi shpalosur këtë javë, nuk është programi ynë elektoral, siç, nga padija apo nga dashakeqësia janë përpjekur ta shpalosin disa. Është plani për këto 6 muaj, sepse këto 6 muaj janë të fundit për këtë qeveri. Duam s’duam ne, drejtimin e ka akoma një njeri, i cili në vend që të marrë masa për t’i ardhur në ndihmë njerëzve, vazhdon të bëjë sharlatanin dhe palaçon nëpër ekrane. Me shpresën që duke përdorur propagandën, do të fshehë të vërtetën. Sado të merret me opozitën, sado të merret e të shajë me gjuhë vulgare prej palaçoje, një të vërtetë nuk e mbulon dot: Tavolinat e shqiptarëve janë boshatisur prej vendimmarrjeve të tij të dështuara, të gabuara dhe korruptive. Xhepat e shqiptarëve janë boshatisur për shkak të çuarjes të të gjitha parave në grushtet e një kaste të vogël oligarkësh dhe sipërmarrja shqiptare po vuan dhe është në kufijtë e ekzistencës. Vetë shifrat zyrtare tregojnë që 75 % e biznesit nuk nxjerr më asnjë fitim ose është në humbje, dhe kjo po fillon të reflektohet tek rritja galopante e papunësisë, që natyrisht është shumë më e lartë se sa gënjeshtra që prodhon ditë për ditë makineria e propagandës. Ndaj dua ta them edhe njëherë qartë dhe shkoqur: Plani ynë i rimëkëmbjes anti-COVID nuk është programi ynë elektoral, por është kërkesa që të ndalë vjedhjet këto 6 muajt e fundit dhe t’i çojë paratë e shqiptarëve ku kanë nevojë shqiptarët. Tek afro 100 mijë të papunë, jo zyrtarisht, zyrtarisht 50 mijë të papunë. Tek sipërmarrja që po vuan, me theks të veçantë biznesi i vogël, ku kemi propozuar një çek prej 1 mijë eurosh për çdo biznes të vogël. Tek sipërmarrja që rimerr në punë ata që kanë humbur vendin e punës, ku kemi propozuar që për çdo person që rimerret në punë, shteti të disbursojë 200 mijë lekë të vjetra apo 20 mijë lekë të reja. Tek pensionistët me një çek prej 20 mijë lekë të vjetra në muaj për person, për të mbuluar shpenzimet shtesë të pandemisë dhe dyfishimin e ndihmës ekonomike. Ndërkohë, siç u tha qartë, jo vetëm nga biseda me sipërmarrësit sot, por me çdo sipërmarrës, duhet të kemi një mekanizëm frymëmarrje për biznesin, garanci sovrane që funksionon për biznesin, jo vetëm për një grusht oligarkësh që janë përfituesit e vetëm të garancisë sovrane sot. Duhet të konceptohet në mënyrë të tillë, që paratë të shkojnë aty ku kanë nevojë njerëzit, aty ku ka nevojë sipërmarrja, jo të zhduken në xhepat e klientëve të qeverisë. Nuk kam ardhur këtu për planin elektoral, kam ardhur t’iu them se këto gjashtë muaj do të jenë muaj edhe më të vështirë se gjashtë muajt që kemi kaluar, dhe këtu është momenti për të marrë masat që nuk u morën. Gabimet u bënë, por të paktën të mësohet nga gabimet, sepse faturën nuk po e paguan as Edi Rama, as ministrat e tij të krimbur në para, as oligarkët që e rrethojnë e që jetojnë në luks sheikësh, por po e paguan e gjithë pjesa tjetër e Shqipërisë, njerëzit punëtorë, sipërmarrësit punëtorë, punëmarrësit e tyre që mbajnë familjet e tyre me bukë. Këto zonjat këtu që shikoni, këtu prapa meje, po i paguajnë fëmijët e tyre, po paguajnë sistemin shëndetësor, po paguajnë sistemin arsimor. Prandaj sot e ditë për ditë, nuk do të lodhem duke kërkuar përmes ndihmës tuaj. Nuk është koha për palaçollëqe dhe sharlatanizma, nuk i hedh hi syve njeriu duke u sjellë si palaço dhe duke sulmuar nga mëngjesi deri në darkë opozitën, por të marrë përgjegjësitë të paktën këto ditë që i kanë mbetur sepse është vetëm përgjegjësia e tij që kriza ekonomike është thelluar dhe do të vazhdojë të thellohet, që sipërmarrja është në prag të falimentimit, që numri I të papunëve është rritur, që tavolinat shqiptareve janë bosh. Po kur e rrethon veten me një grusht të korruptuarish dhe luks të shfrenuar, e ke të pamundur të kuptosh se çfarë po ndodh edhe 500 metra larg teje dhe po iu them që në qendër të Tiranës e në periferi të Tiranës sot njerëzit nuk kanë lek madje nuk kanë mundësi as të futen në listat e dyqaneve. Këtu ka arritur kriza ekonomike në vend, kjo është e vërteta përtej shfaqjeve dhe propagandës së Edi Ramës. Prandaj nuk ka kohë për të humbur. Duhet urgjentisht plani që ne kemi shpalosur të rimëkëmbjes ekonomike anti-COVID, duhet të jetë tani në funksion sa ka kohë, pastaj për tu marrë me kopjet e shëmtuara dhe në kuptimin politik, vetëvrasëses që i bën planit tim ekonomik. Ka kohë për tu marrë me ato se e patë para disa ditësh të dilte e të thoshte se do ndalojë inspektorët. Domethënë ti i paske lënë inspektorët 7 vite dhe tani do i ndalosh që erdhën zgjedhjet?! Por kemi kohë kohë të flasim për këto. Nuk kam ardhur këtu për planin elektoral. Kam ardhur t’ju them që këto 6 muaj do të jenë muaj edhe më të vështirë se këto 6 muaj që kemi kaluar. Dhe ky është momenti për t’u marrë masat që nuk u morën. Gabimet u bënë, por, të paktën, të mësohet nga këto gabime, sepse faturën nuk po e paguan as Edi Rama, as ministrat e tij të krimbur në para, as oligarkët që i rrethojnë, që jetojnë në luks sheikësh, por po i paguajnë e gjithë pjesa tjetër e Shqipërisë, njerëzit punëtorë, sipërmarrësit punëtor, punëmarrësit e tyre, punonjësit që mbajnë familjen me bukë, këto zonja që shikoni ju këtu, po i paguajnë fëmijët e tyre, po i paguan sistemi shëndetësor, po i paguan sistemi arsimor. Prandaj, sot e ditë për ditë nuk do të lodhem duke kërkuar përmes ndihmës tuaj si media ta përcillni mesazhin: Nuk është koha për palaçollëqe dhe sharlatanizma. Nuk i hedh hi syve njeriu duke u sjellë si palaço dhe duke sulmuar nga mëngjesi deri në darkë opozitën. Të marrë përgjegjësitë të paktën këto ditë që i kanë mbetur, sepse është vetëm përgjegjësi e tij, që kriza ekonomike është thelluar dhe do të vazhdojë të thellohet, që sipërmarrja është në prag të falimentimit, që numri i të papunëve është rritur, që tavolinat e shqiptarëve janë bosh. Po kur e rrethon veten me një grusht të korruptuarish në luks të shfrenuar, e ke të pamundur të kuptosh se çfarë po ndodh edhe 500 metra larg teje. Po ju them se, në qendër të Tiranës dhe në periferi të Tiranës, sot njerëzit nuk kanë lekë, nuk kanë mundësi as të futen në listat e dyqaneve. Këtu ka arritur kriza ekonomike në vend. Kjo është e vërteta përtej shfaqjeve dhe propagandës së Edi Ramës. Prandaj nuk ka kohë për të humbur. Urgjentisht, plani që ne kemi shpalosur, i rimëkëmbjes ekonomike anti-COVID duhet të vihet tani në funksion se ka kohë pastaj për t’u marrë me kopjet e shëmtuara, dhe në kuptimin politik, vetëvrasëse, që i bën programit tim ekonomik. Ka kohë për t’u marrë me ato. E keni parë para disa ditësh, kur thoshte; do të ndaloj inspektorët, dmth, ti i paske lënë inspektorët shtatë vite, tani do t’i ndalosh, sepse erdhën zgjedhjet. Por kemi kohë të flasim për këto. Ekspertët tanë do të japin përgjigje për çdo pyetje. Sot jam këtu për të nënvizuar edhe një herë emergjencën para së cilës ndodhemi. Është një emergjencë ekonomike, është një emergjencë shëndetësore, është një emergjencë që prek fëmijët tanë nëpër shkolla, është një emergjencë sociale.Nuk pret koha, prandaj kemi dalë përpara me një propozim konkret. Përgjigja e djeshme ishte përgjigja e një njeriu të papërgjegjshmëm, që refuzon të pranojë realitetin, refuzon të pranojë përgjegjësitë e tij për këtë realitet. Thirrja ime sot nga terreni, nga e vërteta siç është, me ju prezent, vendosjani mikrofonin kujt të dëshironi, sipërmarrësit, punonjësve apo kujtdo tjetër në këtë ambient industrial në aksin Tiranë-Durrës, është kjo që ne po themi: biznesi është në krizë. Biznesi ka nevojë për ndihmë. Sipërmarrja ka nevojë për ndihmë. Të punësuarit kanë nevojë për ndihmë. Të papunët kanë nevojë për ndihmë. Pensionistët kanë nevojë për ndihmë. Nuk është koha për t’u fshehur pas batutave. Është koha për të marrë përgjegjësi. Është koha për t’u kthyer shqiptarëve paratë e taksave, që kanë paguar gjithë këto vite. Ata meritojnë sot mbështetjen dhe jo një grusht mafiozësh inceneratorësh dhe koncensionesh korruptive.
Ditën e djeshme, PD dhe kryetari, Lulzim Basha prezantuan një plan me 5 pika për rimëkëmbjen ekonomike. Kjo paketë ka një shtrirje për një periudhë 6 mujore dhe siç kryedemokrati bëri me dije kap shifrën e 312 mln euro, ose 52 mln euro në muaj. Ky plan është i përbërë nga 5 pika; mbështetje dhe përgatitje e sistemit shëndetësor; arsimi i sigurt të fëmijëve; ndihmë për biznesin e vogël. Basha propozoi 20 mijë lekë për pronarët që marrin në punë punonjësin e larguar, dyfishim të ndihmës ekonomike, çek 1000 euro për biznesin e vogël, çek 2 mijë lekë të reja për pensionistët.
(F.g/dosja.al)
1 vit nga zgjedhjet e 25 prillit si e shikoni gjendjen e vendit:
TIRANE- Deputeti i opozitës parlamentare në Kuvend, Korab Lita bëri me dije bojkotin e mbledhjes nga ana e deptuetëve të opozitës. Në komisionin e Ligjeve, Lita...
TIRANË– Ish-deputeti i Partisë Demokratike, Enkelejd Alibeaj ka deklaruar sot se Partia Demokratike po bën gati padinë për ministrin e Brendshëm, San...
TIRANE- Kryetari i Komisionit të Ligjeve Ulsi Manja, replikoi sërish me deputeten Rudina Hajdari. Manja tha se mbledhja e Komisionit të Ligjeve nuk ndryshon dhe...
TIRANË– Ish-deputeti i Partisë Demokratike, Çlirim Gjata ka paralajmëruar një padi penale për inceneratorin e Tiranës. Në një deklaratë të bër...
TIRANË- Deputetja Rudina Hajdari kërkoi bojkotimin e mbledhjes në Komisionin e Ligjeve, ku palët politike po diskutojnë për ndryshimet nen për nen, për hap...
TIRANE– Në ambientet e Kryesisë së Kuvendit, Komisioni për Cështjet Ligjore po zhvillon një diskutim për listat e hapura dhe koalicionet. Gjatë mbledhjes Myslim...
TIRANË- Damian Gjiknuri, përfaqësues i PS në Këshillin Politik, iu përgjigj deputetes Rudina Hajdari, e cila kërkoi shtyrjen e mbledhjes së Komisionit të L...
TIRANE–Ditën e sotme është mbledhur Komisioni për Cështjet Ligjore në ambientet e Kryesisë së Kuvendit. Deputeti Myslim Murrizi propozoi gjatë mbledhjes që të t...
