Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
Dosja e Erion Veliajt/ Avokati Ndreca nuk u paraqit, gjobitet me 50 mijë lekë! Shtyhet seanca 21 Korrik, 10:54 Dosja...
“Nuk shiten malet, është mundësi për pronarët dhe emigrantët” Rama: Paketa e Maleve, nuk anulohet 21 ...
Të dashur bashkëatdhetarë myslymanë,
Le të mos i mbyllim sytë : kemi një problem. Kaq shumë të vdekur, kaq shumë vuajtje për disa karikatura. Si mbërritëm deri këtu ?
Në fund të Mesjetës gjithë shtetet e krishtera apo myslymane jetonin nën të njëjtin regjim intolerance. Dyshimi më i vogël për blasfemi dhe përfundonit i varur në litar. Besimtarët e feve të tjera nuk gëzonin të njëjtat të drejta dhe mezi toleroheshin në shoqëri. Madje mund të themi që vendet myslymane, vecanërisht Perandoria Osmane ishin pak më tolerante ndaj hebrenjeve dhe të krishterëve sesa vendet e krishtera kundrejt hebrenjeve dhe myslymanëve. Më pas në Europë ndodhën 2 fenomene, ngushtësisht të lidhura, që krijuan shoqërinë në të cilën jetojmë sot në Francë dhe në vendet oksidentale : qasja shkencore dhe filozofia iluministe. U deshën 4 shekuj për këtë rrugëtim, nga shekulli XVI deri në fillimin e shekullit XX. Katër shekuj të gjatë, të dhimbshëm dhe të përgjakshëm. Në fund të këtij rrugëtimi u arrit, ndër të tjera, e drejta e blasfemisë.
Qasja shkencore kërkonte të shpjegonte botën në mënyrë racionale, nëpërmjet observimit dhe logjikës, pa ju përmbajtur të vërtetave fetare.
U desh së pari që autoritetet e krishtera të pranonin se Toka rrotullohej rreth vetes dhe jo rreth diellit. Galileu u detyrua nga Kisha të hiqte dorë nga zbulimet e tij. Në shekullin XIX zbulimet e Darvinit refuzoheshin ende në emër të Biblës. Por qasja shkencore u imponua gradualisht. Në sajë të shkencës sot dijmë më shumë mbi universin, njeriun dhe natyrën. Qasja shkencore mundësoi gjithashtu progresin teknik. : nëse sot keni një telefon celular, televizion, veturë, dritë elektrike, fluturime me avion, trena, mundësinë për tu vaksinuar, radiografinë, të gjitha këto e plot të tjera janë falë shkencës që u zhvillua në Europë dhe që luftoi me shekuj kundër feve dhe të vëertetave hyjnore.
Iluminizmi ju kundërvu persekutimeve fetare, fanatizmit dhe supersticioneve. Volteri luftoi për të reabilituar Kalasin, të dënuarin në torturën e tmerrshme të rrotës për arsye se ishte protestant dhe sepse e dyshonin se kishte vrarë të birin se ai donte të konvertohej në katolik. Volteri luftoi për të reabilituar Kavalierin de la Barre, djalosh 20 vjecar që u torturua dhe ju pre koka për blasfemi. Mbi trup i gozhduan “Fjalorin filozofik” të Volterit dhe e dogjën.
Revolucioni francez e më pas ligjet e laicitetit të cilat u imponuan në fund të shek. XIX e në fillim të shek. XX shkojnë në të njëjtin drejtim : të pengojnë fenë katolike, ndonëse feja e shumicës së francezëve, qe të imponojë të vërtetn e saj, pushtetin e saj, të torturojë e të vrasë për blasfemi, si edhe tu japë të gjitha feve të njëjtat të drejta, pa imponuar asnjeren në sferën publike. Sepse ky është laiciteti.
Por katolicizmi nuk e braktisi kaq lehtë betejën edhe pasi humbi pushtetin. Ai synonte ende të mbretëronte mbi mendjet, të censuronte fjalën e lirë, të impononte një vizion të tejkaluar të Njeriut e vecanërisht të Gruas. Në 1880 e më pas në 1902 u desh të përziheshin jashtë Francës gjithë organizimet katolike që refuzonin tu nënshtroheshin ligjeve të Republikës. Jo disa hoxhallarë por mijra murgj murgesha dhe fetarë katolikë. Kjo nuk ndodhi pa rezistencë dhe pa dhunë.
Kritika, satira, tallja, blasfemia ishin mjetet që e cliruan Francën nga pushteti fetar. Sa kohë feja ishte fe e shtetit, ata që talleshin rrezikonin jetën. Pastaj Kisha katolike u detyrua të pranonte talljen e karikaturën. Ajo pranoi rregullat e demokracisë. Karikaturat dhe blasfemitë ishin ku e ku më të rënda e violente sesa karikatura e Muhametit tek paraardhësit e Charlie Hebdo që quheshin për shembull “Pjata me gjalpë” dhe më vonë “Hara-Kiri” madje edhe më vonë Charlie Hebdo ishte goxha më i ashpër me Krishtin sesa me Muhametin.
Imagjinoni një artist Felicien Rops që paraqiste Krishtin lakuriq në kryq në ereksion me një fytyrë demoni ! Ose “Hara-Kiri” paraqiste Virgjëreshën Mari të lumtur pas abortit ! Askush nuk i vrau. Përkundrazi, në 2015, një revistë katolike publikoi karikaturat e Krishtit sipas Charlie Hebdo ! Për të treguar që ishin të gatshëm ti pranonin ato.
Nëse sot jeni të lirë të praktikoni fenë tuaj në Francë, nëse keni të njëjtat të drejta si të krishterët, kjo është falë blasfemisë e cila pengoi fenë të aplikojë ligjet e saj. Myslymanët e kanë lirinë e tyre falë blasfematorëve.
Shumë njerëz e refuzojnë sot idenë e blasfemisë, jo vetëm myslymanët. Duhen « respektuar » fetë. Por pikërisht sepse nuk i kemi respektuar arritëm të clirohemi nga pushteti i feve dhe jetojmë në demokraci, në një vend ku të gjitha fetë janë të pranuara.
Charlie Hebdo nuk e tepron, Charlie Hebdo bën me kurajo punën e vet të një gazete satirike që i përvishet gjithë dynjasë, pas dallim feje ose origjine, sepse në demokraci kemi të drejtën të tallemi me të gjithë e me gjithshka.
Duhet të dini që Charlie Hebdo që mund të klasifikohet si ekstrem i majtë i është përveshur racizmit, extremit të djathtë, kristianizmit, politikanëve të të gjitha krahëve. Si edhe islamit barazisht me të tjerët. Përse lipsej të bënin përjashtim vetëm për islamin ?
Në Francë mund të kritikosh ashpër këdo, partitë politike, institucionet, politikanët, artistët. A duhet bërë përjashtim për fetë ?
Në Francë mund të tallesh me katolicizmin, judaizmin, budizmin pa rrezikuar jetën. Pse nuk mund të tallesh me islamin pa rrezikuar jetën ? Pse qënka islami përjashtim ?
Islami mund të kritikohet e të tallet si gjithë fetë e tjera, si gjithë besimet e tjera, si gjithë opinionet, sepse në demokraci, feja është thjesht një opinion, feja nuk është e shenjtë. Nëse nuk pranoni këtë atëhere nuk pranoni demokracinë. Kjo do të thotë që dëshironi të jetoni në një shoqëri pa liri shprehjeje, ku nuk kritikohet askush e asgjë, në një shoqëri pa blasfemi, ku feja u dikton njerëzve mënyrën e të jetuarit, kufijtë e sjelljes dhe të fjalës. Kjo ishte Franca e Mesjetës. Kjo është Arabia Saudite sot.
Islami është i kritikueshëm pikërisht sepse ai ende nuk pranon lirinë e shprehjes dhe lirinë e gruas. A njihni masakra dhe atentate të të njëjtës shkallë nëpër botë në emër të kristianizmit ? Islami është sot e vetmja fe në emër të së cilës vriten qindra të pafajshëm nëpër botë. Sa masakra vetem në Francë : supermerkati Kasher, Charlie Hebdo, Bataklani, karnavali i Nicës, fëmijët hebrenj të vrarë nga Muhamed Merah, profesori në Conflans ditët e fundit e të tjerë ? Sa atentate në Shtetet e bashkuara të Amerikës, në Spanjë, në Angli, në Belgjikë, nën klithmën « Allahu është i madh « ? Edhe organizatat totalitare islamike si Daesh, Al Kaida, gjykatat islamike somaliane ose Talibanët që gjymtojnë, presin koka dhe kryqëzojnë në emër të Allahut të krishterët, myslymanët shiitë, hebrenjtë, homoseksualët, gratë, blasfematorët ? Në sa vende islamike fetë e tjera persekutohen, gratë konsiderohen si inferiore, të rinj ekzekutohen sepse nuk kanë respektuar fenë ?
Këtyre vendeve dhe këtyre njerëzve u mungon revolucioni shkencor dhe fryma e iluminizmit. Ju mungon blasfemia !
Të kritikosh islamin nuk është « islamofobi », sëmundje imagjinare kjo e krijuar për të penguar çdo kritikë, aq më pak është racizëm që nuk ka lidhje fare. Të kritikosh ekstremin e djathtë a është ekstremdjathtofobi ? Të kritikosh kapitalizmin a është kapitalistofobi ? Të kritikosh katolicizmin a është katolicizmofobi ?
Të kritikosh islamin është ta vendosësh në të njëjtin nivel me të gjitha fetë dhe opinionet e tjera. Pra do të thotë ta respektosh. Të mos e kritikosh do të thotë të mendosh që islami është inkompatibël me demokracinë siç bëhet kujdes ma një fëmijë i cili nuk përballon dot të njëjtat gjëra si një i rritur.
Karikaturat e Charlie Hebdo, ato të gazetave daneze e sulmonin islamin pikërisht në çështjen e dhunës dhe intolerancës. Ky është një problem apo jo ? Reaksionet violente tregojnë që kishin të drejtë ! Vrasësit e Charlie Hebdo tregojnë që gazeta kishte të drejtë.
Ditën kur islami do të pranojë të përballet me problemet e veta në vend që ti konsiderojë si « islamofobi », ditën kur do të pranojë të tallet me veten dhe ta pranojë talljen me zemergjerësi e buzëqeshje, atëhere do të tregojë që është kompatibël me demokracinë, i aftë për autokritikë ashtu si katolicizmi sot. Atë ditë një karikaturë nuk do të jetë më shkak për masakra.
Uroj të më dëgjoni, sidoms ju që shokoheni nga karikaturat. Të kuptoni që këto janë ligjet demokratike, që kjo kryeneçësi që zgjon mendjet është çmimi i autokritikës dhe i progresit. Sikur një ditë fetë të kishin humor ? Sikur Xhamia e Madhe e Parisit të organizonte një ekspozitë të Charlie Hebdo ? Le të ëndërrojmë …
1 vit nga zgjedhjet e 25 prillit si e shikoni gjendjen e vendit:
TIRANË – Mbrëmjen e kaluar, Lori Hoxha festoi ditëlindjen mes miqve të saj më të dashur dhe njerëzve më të afërt. Motra e saj, Sara ka ndarë pak më parë nj...
SHBA- Turner Classical Movies, kanali televiziv amerikan i cili në programacionin e tij përfshin vetëm filmat më të mirë klasikë të krijuar deri në fillim vitet...
TIRANË – Ditën e djeshme, Trashëgimtarja e Top Channel, Lori Hoxha ka festuar ditëlindjen e saj ku mbushi plot 27 vite jetë. Nuk kishte si të mungonte një ...
SHBA- Lindur më 21 tetor 1980, ajo është pjesëtarja më e famshme e familjes së saj të njohur. Falë emisionit “Keeping Up With the Kardashians”, që ka filluar tr...
KINË- Tri raste të murtajës në Kinë u bënë kryefjalë kudo nëntorin e kaluar, duke na kujtuar se Murtaja, sëmundja mesjetare, ekziston edhe sot. Një strehë ...
TIRANË- Vetëm një ditë më parë Fjolla Morina ka zyrtarizuar lidhjen e saj me biznesmenin Fisnik Syla, ku ndau për herë të parë edhe një foto në llogarinë e...
TIRANË – Filmi “Miracle In Cell No.7”, ka marrë vëmendjen e të gjithëve nëpër botë po ashtu edhe në Kosovë dhe Shqipëri. “Miracle In Cell No.7”, i ci...
ZVICER- Reperja e njohur, Loredana, edhe pse është akoma në qendër të vëmendjes së mediave për jetën e saj profesionale dhe private, duket se vazhdon të jetë e ...
TURQI- Aktori i njohur Turk, Burak Deniz, edhe pse jetën e tij private e ka mbajtur larg mediave, këtë herë i ka surprizuar të gjithë duke e bërë publike lidhje...
SHBA- Producenti dhe menaxheri i personazheve VIP në mbarë botën, Simon Cowell, është shfaqur në publik për herë të parë pas 10 javësh mungesë. Producenti me or...
