Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
TIRANË– Partia Demokratike ka reaguar në lidhje me ngërçin e krijuar në Gjykatën Kushtetuese. Në një deklaratë për mediat, Sekretari i Përgjithshëm i PD-së, Gazment Bardhi u shpreh se kryeministri Edi Rama ka për qëllim ta ‘kapë’ Kushtetuesen dhe të ketë kontroll politik mbi të.
Bardhi shtoi gjithashtu se ngërçi në Kushtetuese shtyn bërjen funksionale të saj dhe bën që Shqipëria të mbetet peng i këtyre debateve duke mos përmbushur kushtet e vëna nga ndërkombëtarët.
Bardhi theksoi në emër të PD-së se mbështetin Presidentin Ilir Meta në lidhje me emërimet në Gjykatën Kushtetutese.
Ndërsa përsa i përket çështjes së z. Besnik Muçi pas vendimit të KPA-së, Partia Demokratike shton se nuk ka komentuar dhe nuk do të komentojë asnjë vendim të vetingut për përjashtim nga sistemi i drejtësisë, me të drejtë ose me të padrejtë.
Deklarata e plotë:
Në përgjigje të interesit të gazetarëve mbi çështjen e Gjykatës Kushtetuese, në emër të Partisë Demokratike të Shqipërisë, ka këtë reagim:
Lidhur me debatin për Gjykatën Kushtetuese, rikonfirmojmë qëndrimin se Edi Rama po tenton të kapë e kontrollojë politikisht Gjykatën Kushtetuese. Kjo cënon besimin e qytetarëve tek Reforma në Drejtësi. Kjo është në kundërshtim me qëllimin madhor që kishte dhe duhet të ketë Reforma në Drejtësi, që të shkëpuste drejtësinë nga politika. Kjo bie ndesh me kërkesën e partnerëve tanë ndërkombëtarë për drejtësi të pavarur.
Ne mbështesim plotësisht qëndrimin institucional dhe kushtetutes të Presidentit të Republikës për emërimet në Gjykatën Kushtetutese. Është provuar qartë dhe pa asnjë mëdyshje se Edi Rama kërkonte të vidhte një anëtar që i takonte ta emëronte Presidenti. Edi Rama shkeli Kushtetutën dhe ligjin, jo vetëm duke emëruar njëkohësisht dy anëtarë në Parlament, por mbi të gjitha, duke mos zbatuar kushtin kushtetues dhe ligjor që për çdo vend vakant duhet të kishte jo më pak se 3 kandidatë të vlefshëm. Nëse flasim për vendime në kundërshtim me Kushtetutën dhe ligjin, ato janë vendimet e emërimeve që ka bërë Parlamenti në kundërshtim të hapur me nenin 125 të Kushtetutës dhe pikën 5 të nenit 7/c të ligjit të Gjykatës Kushtetuese.
Lidhur me dërgimin e çështjes në Komisionin e Venecias, Partia Demokratike shpreh bindjen se për Shqipërinë dhe qytetarët e saj është me rëndësi themelore vënia në funksionim sa më parë e Gjykatës Kushtetuese.
Duke patur në konsideratë se Komisioni i Venecias nuk jep vendime por opinione, e vetmja pasojë do të ishte vonesa e bërjes funksionale të Gjykatës Kushtetuese dhe hapja e një debati tjetër mbi lexime të kundërta të cfarëdo opinioni të Komisionit të Venecias nga palët.
Shqipëria nuk mund të vazhdojë të mbetet peng i këtyre debateve. Shqiptarët nuk meritojnë të mbeten për muaj të tjerë pa Gjykatë Kushtetuese.
Për këtë arsye, vijimi i këtij debati vetëm sa shtyn bërjen funksionale të Gjykatës Kushtetuese, e zvarrit atë dhe pamundëson që Shqipëria të ketë Gjykatën Kushtetuese funksionale deri në fund të vitit.
Sa më gjatë pa Gjykatë Kushtetuese, sa më gjatë me gjyqtarë nën presion, aq më shumë përfiton Rama me vendimet e paligjshme, aq më shumë mbetemi peng në rrugën tonë drejt Bashkimit Europian.
Lidhur me çështjen e z. Besnik Muçi pas vendimit të KPA-së, qëndrimi ynë është se Partia Demokratike nuk ka komentuar dhe nuk do të komentojë asnjë vendim të vetingut për përjashtim nga sistemi i drejtësisë, me të drejtë ose me të padrejtë. Ka një numër vendimesh për përjashtim të cilat, në pamje të parë, të japin perceptimin e një padrejtësie, por detyra jonë nuk është t’i komentojmë ato. Në këto raste, ne nxisim këdo prokuror dhe gjyqtar ta kërkojë të drejtën e tij në institucionet vendase dhe ndërkombëtare.
Nga ana tjetër, ne kemi denoncuar dhe do të denoncojmë me vendosmëri dhe forcë çdo rast, kur vetingu mban në sistem njerëz të korruptuar dhe të lidhur me krimin, siç është rasti i gjyqtarit Ardian Dvorani. Ai e kaloi vetingun me ndërhyrje politike, edhe pse kishte miliona lekë pasuri të pajustifikuar.
Ngërçi në Gjykatën Kushtetuese është thelluar edhe më tej. KPA e shkarkoi Muçin për problemet me pasurinë si dhe problemet me pastërtinë e figurës, pasi ai u konfirmua më herët në shkallën e parë të vettingut, në KPA e më pas u dekretua nga presidenti Ilir Meta, gjyqtar kushtetues, pa marrë ende vendimin nga Vettingu. Gjykata Kushtetuese tashmë ngelet me 4 anëtarë, ndërkohë që për funksionimin e saj duhen 6.
(f.m/dosja.al)
Tirana është boshatisur për ditët e pushimit. Cilën nga ritet e shenjta po ndiqni:
Komisioni i Senatit për Marrëdhënie me Jashtë miratoi të mërkurën emërimin e diplomates Yuri Kim për postin e ambasadores së Shteteve të Bashkuara në Shqipëri.P...
TIRANË– Ministri i Brendshëm Sandër Lleshaj ka qënë i pranishëm ditën e sotme në Komisionin e Sigurisë Kombëtare. Teksa fliste për pagat e ulëta që paguhen...
TIRANË- Partia Demokratike me anë të ish-deputeti Bardh Spahia ka reaguar sot në lidhje me buxhetin që parashikohet të ketë ministria e Shëndetësisë vitin ...
BRUKSEL- Komisioneri për Migrim, Punët e Brendshme dhe Shtetësi Dimitris Avramopoulos ditën e djeshme përfaqësoi Komisionin Evropian në takimin Ministror të Dre...
Tiranë-Avokati Spartak Ngjela ka deklaruar se në një vend demokratik me këtë situatë do të ishte shkarkuar Presidenti i vendit.Sipas Ngjelës pasi Kuvendi të shk...
Tiranë- Edhe pse për më shumë se 10 ditësh është në arrati, Gjykata e Apelit ka vendosur të lërë në fuqi vendimin e shkallës së parë për Agim Kajmakun, atë të ...
TIRANË- Presidenti Ilir Meta ka dhënë sot një deklaratë jo të zakontë, pasi nuk foli nga zyra e tij po shkoi tek gazetarët e prisnin tek dera. Meta shkoi v...
Tiranë-Kreu i PD-së Lulzim Basha ka deklaruar kriza në vend sa vjen dhe thellohet se e vetmja zgjidhje janë zgjedhjet e lira. Ai ka theksuar se PD dhe opozita e...
TIRANË- Presidenti, Ilir Meta ka dalë sot në një deklaratë për mediat ku ka folur me tone të ashpra kundër disa ambasadorëve duke i quajtur “palaço”...
Tiranë– Për zhvillimet e fundit në vend në lidhje me gjykatën Kushtetuese “Zeri i Amerikës” ka bërë një rezyme të ngjarjeve, ku theksohet që në titull se presid...
