Akuzohet për shpërdorim detyre dhe tjetërsim prone, GJKKO lë në burg ish-kryebashkiakun e Himarës Jorgo Goro
Akuzohet për korrupsion dhe shpërdorim detyre, jepet sot masa e sigurisë për kryebashkiakun Jorgo Goro 26 Mars, 07:37 ...
Akuzohet për korrupsion dhe shpërdorim detyre, jepet sot masa e sigurisë për kryebashkiakun Jorgo Goro 26 Mars, 07:37 ...
Miratohet në Këshillin e Sigurimit rezoluta për armëpushim të menjëhershëm në Gazë, SHBA abstenon ...
Sulmoi me sende të forta efektivin e policisë në Shkodër, identifikohet autori (EMRI) 25 Mars, 17:45 Godit...
"Nuk ka lidhje me zjarrin te urgjenca/ Flet për mediat Ministrja e Shëndetësisë Koçiu pas largimit të Ficos: Nj&...
TIRANË- Ministri i Brendshëm, Sandër Lleshaj zhvilloi ditën e sotme një takim me drejtuesit e Policisë Rrugore, në kuadër të zbatimit të masave për rritjen e sigurisë në rrugë. Në njoftimin e shpërndarë, Policia bën me dije se brenda pak javësh, në Kuvend pritet të shkojë paketa me ndryshime në Kodin Rrugor, e cila parashikon ashpërsimin e masave për një sërë shkeljesh.
Ministri Lleshaj, gjatë fjalës së tij, u kërkoi drejtuesve qendrorë dhe vendorë të Policisë Rrugore, të fokusohen në punën e tyre në disa drejtime të rëndësishme, nën moton “Vizion zero”, që synon zero viktima deri në vitin 2050. Lleshaj theksoi se edhe parkimet dysh duhet të luftohen si virus.
Fjala e Sandër Lleshajt:
“Në qoftë se do t’u referohemi treguesve krahasimorë për vitin 2020 dhe të njëjtës periudhë të vitit 2019, konstatojmë se kanë ndodhur 985 aksidente rrugore, me 141 të vrarë, 143 të plagosur rëndë dhe 988 të plagosur lehtë. Krahasuar me të njëjtën periudhë të vitit 2019 kemi, më konkretisht 233 aksidente rrugore më pak, ose -18 % më pak se e njëjta periudhë e vitit të kaluar; 19 të vrarë më pak, ose -12 % në krahasim me të njëjtën periudhë të vitit të kaluar; 64 të plagosur rëndë më pak, ose -33%, dhe 324 të plagosur lehtë, më pak, ose -26%.
Pra, nëse do t’i kthejmë në përqindje krahasimin e pasojave që kanë ardhur nga aksidentet, është siç e përmenda më lart. Duke analizuar numrin e aksidenteve sipas kategorive të rrugëve ku kanë ndodhur këto aksidente, rezulton për në 9-mujorin e vitit 2020, krahasuar me të njëjtën periudhë të vitit 2019, – pavarësisht se në material unë përmenda 9-mujor, por është normalisht deri ditën e djeshme, – ka një ulje në të gjitha kategoritë rrugore për numrin e aksidenteve. Theksojmë se zbatimi i planit të operacioneve, kombinimi dhe kryerja e fushatave sensibilizuese në rrjetet sociale, ka ndikuar ndjeshëm në uljen e numrit të aksidenteve dhe pasojave të tyre që lildhen me shpejtësinë tej normave të lejuara, mospërdorimin e rripit të sigurimit dhe kaskave mbrojtëse, përdorimi i mjetit nën ndikimin e alkoolit, përdorimi i telefonave celularë gjatë drejtimit të mjeteve dhe pjesëmarrja e biçiklistëve në aksidente. Veç gërshetimit të promocionit që ne kemi bërë në rrjetet sociale, në uljen e numrit të aksidenteve ka ndikuar edhe aplikimi i Tispol-it, i cili është zhvilluar pothuaj në të njëjtën kohë dhe me të njëjtin program në të gjithë vendin, bazuar në një program të hartuar nga departamenti i sigurisë dhe Drejtoria e Policisë Rrugore, për shkelje të veçanta, të cilat janë edhe burim kryesor i aksidenteve me pasoja, qoftë fatale në humbjen e jetëve të njerëzve, por qoftë edhe në dëmet materiale”, tha Veliu.
“Në fillim të këtij viti kemi deklaruar që viti 2020 është një vit i rëndësishëm, i cili është quajtur edhe Viti i Sigurisë Rrugore, me objektivin e intensifikimit të përpjekjes për të ulur në mënyrë të ndjeshme numrin e aksidenteve dhe të pasojave të tyre. Për fat të mirë, duhet thënë që treguesit për këtë vit janë pozitivë për një sërë arsyesh, ku sigurisht puna e mirë e Policisë është njëra nga arsyet. Ne kemi ende një koeficient të lartë humbjeje të jetës njerëzore në raport me vendet e BE. Sigurisht BE është zona më e sigurt në botë sa i përket sigurisë rrugore, se ka standardet më të larta në këtë fushë. Por në raport me BE në këtë fushë ne jemi prapa dhe këtu duhet ta masim veten.
Në strategjinë europiane për sigurinë e rrugëve, do të shihni se ajo ka 8 indikatorë.
I pari, merret me shpejtësinë. Mat se sa është përqindja e mjeteve që nuk respektojnë limitet e shpejtësisë dhe e ndjek këtë tregues. Ky është një tregues që duhet ndjekur, çfarë tendence ka ky tregues. Po rritet numri i atyre që e tejkalojnë apo po ulet? Si e masim këtë? Patjetër që na duhen instrumente për ta matur, na duhen mjete, na duhet teknikë, radarë, trajnime e shumë gjëra por është një tregues që ne duhet ta ndjekim për të parë se si shkon ky tregues. Shqiptarët, po tentojnë ta respektojnë, apo të mos e respektojnë limitin e shpejtësisë.
Një tregues tjetër, i dyti në listë, është përdorimi i rripit të sigurimit dhe i sistemeve të sigurimit për fëmijët. Është po ashtu një ndër kontribuesit kryesorë; mosmbajtja e këtyre sistemeve të sigurimit, për të rritur apo fëmijë, është një ndër shkaqet dhe faktorët kryesorë në rritjen e fataliteteve dhe të pasojave. Sa i përket fëmijëve, neglizhencat janë alarmante, shkeljet janë masive, papërgjegjshmëria është e rëndë. Ende nuk kemi arritur të përcjellim këtë mesazh fort te qytetarët e këtij vendi. Jeta e fëmijëve ka vlerë më shumë sesa jeta jonë. Fëmijët duhen ruajtur me përparësi dhe vendosja e sistemeve të sigurisë për fëmijët, në të gjithë llojet e automjeteve, është detyrim ligjor, dhe nuk duhet lejuar kurrsesi abuzimi këtu. Toleranca këtu është me pasoja vrastare.
Çështje tjetër e rëndësishme – dhe ky është KPI3 në Strategjinë Europiane – është ai që ka të bëjë me masat mbrojtëse për çiklistët dhe motoçiklistët. Mungesa e mjeteve mbrojtëse për çiklistët dhe motoçiklistët është burim i madh fataliteteve dhe i aksidenteve të tjera. Tani nuk dua t’ju them se si është kjo gjendje në Shqipëri, e dini më mirë se unë, sepse i shihni përditë sesi udhëtohet në Shqipëri, në biçikletë apo në motoçikletë.
Gjendja në këtë fushë është e rëndë. Një pjesë e madhe as nuk e kanë gjëkund të shkruar në koshiencën e tyre që, kur blejnë biçikletën, duhet të blesh edhe pajisjet mbrojtëse, që duhen për të hipur në të. Ata tashmë do të përdorin rrugët e dedikuara dhe jo atje ku është rruga e dedikuar të dalin në krah tjetër. Sepse është ngushtuar hapësira në përdorim të automjeteve tashmë dhe është dhënë hapësirë për çiklistët. Por tashmë çiklistët nuk mund të futen në zonën e ngushtuar të automjeteve, sepse e rëndojnë trafikun dhe rrisin mundësitë e aksidenteve.
KPI 4, ose indikatori i katërt i performancës sipas BE, është përdorimi i alkoolit, përqindja e shoferëve që përdorin alkool. Mbetet ende i lartë, edhe shifrat tuaja tregojnë që me gjithë masat, me gjithë ndëshkimet, mbetet i lartë ky tregues. Ky tregues duhet ulur dhe duhet ulur në mënyrë të përqendruar duke e orientuar punën tonë aty ku risku është më i lartë.
Kur është risku më i lartë për alkool?! Nuk është në orën 8 të mëngjesit, nuk është as në orën 9, as në orën 12, por janë orët e pasdrekes. Ku janë vendet kryesore ku mblidhen ata që mëkatojnë në fushën e alkoolit? Lokalet e natës, restorantet e të tjera me radhë. Dhe duhet që puna të orientohet këtu.
I pesti, – sipas kësaj strategjie europiane, – është përdorimi pajisjeve çorientuese, ose telefonit, pajisjeve elektronike të dorës, të cilat shpërqendrojnë, ose pajisjeve shpërqendruese në makinë. Kjo po ashtu duhet të jetë në katalogun e detyrave të përditshme të punës së çdo punonjësi të policisë rrugore, kontrolli i kësaj. Unë e di që janë masa të vogla, por ne duhet t’i aplikojmë edhe këto masat e vogla që kemi, derisa të bëjmë ndryshimet në Kodin Rrugor, të cilat pastaj do ta rrisin shumë më tepër peshën.
Tjetër është siguria e automjetit, ana teknike e makinës. Pak na qëllon të shohim që bëhen kontrolle. Kur bëhet një kontroll, ndalohet një mjet për një arsye të caktuar, kontrolli duhet të shtrihet me atë rast, duke kontrolluar edhe për armë, edhe dokumentet, dhe të tjerat. Është përgjegjësi e jona të denoncojmë, apo të hetojmë rastet kur konstatojmë dhënie të kolaudimeve të parregullta. Se ka dhe kolaudime që mund të jetë në rregull me letrat, por makina bën tym, nxin gjithë lagjen kur ecën dhe aty gazrat i ka në rregull.
Janë treguesit që lidhen me sigurinë e infrastrukturës rrugore. Siguria në qarkullim varet nga shumë gjëra. Nga ana subjektive janë njerëzit, sjellja e shoferëve, ana teknike janë mjetet dhe infrastruktura që është rruga. Këto janë tre elementët kryesorë që e përcaktojnë sigurinë.
E fundit KPI 8, është ajo që ka të bëjë me sjelljen në rast aksidentesh. Si sillemi në rastin e aksidentit?! Dihet që aksidentet prodhojnë pasoja, por trajtimi i tyre është shumë i rëndësishëm që mund t’i zbusë pasojat, ose mund t’i thellojë. Ndihma e parë, ruajtja e vendit, etj, etj., masa të cilat janë me rëndësi jetike, që çojnë në reduktimin e fataliteteve. Trajtimi profesional i një vendngjarjeje aksidenti, mund të sjellë kursim jetësh njerëzore. Parkimet dyshe duhen luftuar si virus, nga Policia e Shtetit dhe nga Policia Bashkiake.
J.V/Dosja.al
1 vit nga zgjedhjet e 25 prillit si e shikoni gjendjen e vendit:
TIRANË– Mediat greke kanë komentuar takimin e Ministrit të tyrë të Jashtëm, Nikos Dendiasme kryeministrin e Shqipërisë Edi Rama ku fokusi kryesor ishte &cc...
TIRANË- Partia Demokratike i është ëprgjigjur kryeministrit të Shqipërisë Edi Rama i cili publikoi shifrat e mbështetjes financiare që qeveria ka dhënë për...
TIRANË– Ditën e sotme presidenti i vendit, Ilir Meta ka publikuar disa foto me kampionin ri të botës, Robin Krasniqi. Meta shkruan se puna, përkushtimi dhe...
TIRANË- Mëngjesin e sotëm kryeministri Edi Rama ka publikuar shifrat e mbështetjes financiare që qeveria ka dhënë për bujqësinë. Rama thekson se zgjerimi i...
TIRANË- Mëngjesin e sotëm kryedemokrati Lulzim Basha ka publikuar rrëfimin e Gani Ramës, pronar i një lokali në Tiranë. Ky i fundit shprehet se gjatë vite...
TIRANË– Ish-kryeministri Sali Berisha tha se ka pasur një dakordësi me Greqinë për të çuar në Hagë çështjen e detit gjatë qeverisjes së tij. ...
TIRANË– Ishulli i Barketës është bërë temë diskutimi. Koloneli Myslim Pashaj pretendon se ajo nuk është ishull por një cekëtinë shkëmbore dhe se nuk i përk...
TIRANË- Deputeti i Partisë Socialiste Ervin Bushati u shpreh mjaft optimist për fitimin e zgjedhjeve parlamentare të 25 prillit, duke mos i kursyer elozhet...
TIRANË– Ish-drejtori i Drejtorisë së Çështjeve Juridike e Konsullore, Ksenofon Kristafi ka folur lidhur me ministrin e Jashtëm grek, Nikos Den...
TIRANË– Moderatori Arjan Çani ka hedhur disa aludime lidhur me kollaren e kryeministrit Edi Rama sot gjatë takimit me ministrin e Jashtëm grek, Niko...