Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
Dosja e Erion Veliajt/ Avokati Ndreca nuk u paraqit, gjobitet me 50 mijë lekë! Shtyhet seanca 21 Korrik, 10:54 Dosja...
“Nuk shiten malet, është mundësi për pronarët dhe emigrantët” Rama: Paketa e Maleve, nuk anulohet 21 ...
Ahmetaj është deklaruar i pafajshëm për akuzat.
Arben Ahmetaj, zyrtar, deputet dhe ministër socialist me disa portofole përgjatë dy dekadave të fundit, pritet të përballet me arrest dhe akuza të rënda për korrupsion, pastrim parash dhe fshehje pasurie, në lidhje me skandalin e incineratorëve, tre kontrata famëkeqe të qeverisë së kryeministrit Edi Rama, të cilat kanë dërguar sakaq pas hekurave edhe ish-ministrin Lefter Koka dhe ish-deputetin socialist Alqi Bllako krahas shumë zyrtarëve të tjerë.
Prokuroria e Posaçme Kundër Krimit të Organizuar dhe Korrupsionit, SPAK, bëri të ditur të hënën se i ka kërkuar Kuvendit të Shqipërisë heqjen e imunitetit parlamentar të Ahmetajt me qëllim arrestimin e tij.
Në bazë të hetimit, SPAK tha se “ka paraqitur kërkesën për dhënien e autorizimit nga Kuvendi i Republikës së Shqipërisë, për arrestimin/heqjen e lirisë dhe ushtrimin e kontrollit personal dhe të banesës së deputetit: Arben AHMETAJ”.
Ahmetaj është deklaruar i pafajshëm për akuzat.
Detajet mbi akuzat nuk janë të ditura dhe shkresa e kryetarit të SPAK Altin Dumani për Kuvendin e Shqipërisë nënvijëzon nevojën “për të ruajtur sekretin hetimor” dhe kërkon që procedura e shqyrtimit të dokumenteve nga Këshilli i Mandateve të bëhet pa praninë e publikut për shkak se, sipas Dumanit, hetimet vijojnë për persona dhe fakte të tjera.
Arben Ahmetaj, 54 vjeç, ka qenë drejtues i administratës tatimore dhe më pas, zëvendësministër, gjatë qeverisjes së Partisë Socialiste 1997-2005. Ai u përball me akuza për korrupsion pas rënies nga pushteti në vitin 2005, në lidhje me skandalin e Albtelecom, kompanisë në atë kohë shtetërore të telefonisë, nga e cila u transferuan miliona euro përmes kontratave fiktive të interkonjeksionit me operatorë ruralë. Ahmetaj doli i pafajshëm në atë kohë. Ahmetaj deklaron se ka një pasuri familjare prej rreth 3 milionë eurosh.
Pas rikthimit të socialistëve në pushtet, në vitin 2013, ai u bë fillimisht Ministër i Ekonomisë dhe i Sipërmarrjes dhe më pas, Ministër i Financave. Ai u bë zëvendëskryeministër dhe ministër i Rindërtimit pas tërmetit të vitit 2019.
Qeveria shqiptare akordoi një kontratë për ndërtim incineratori në Elbasan në vitin 2015 me procedurë emergjente, e cila më pas u konsiderua si e paligjshme. Dy kontrata pasuan për një incinerator në Elbasan dhe një në Tiranë, e cila vijon të jetë aktive.
Aktualisht në burg nën gjykim gjendet ish-ministri i Mjedisit Lefter Koka, i cili përballet me akuza korrupsioni dhe pastrimi parash si dhe Alqi Bllako, ish-sekretar i përgjithshëm në ministri dhe ish-deputet, nën akuzën për korrupsion.
Ahmetaj është zyrtari më i lartë në gati tre dekada që përballet me akuza për korrupsion./Marre nga BIRN
Komisioni i Ligjeve TIRANË- Komisioni i Ligjeve ka shtyrë miratimin e projektligjeve për spiunët në funksione të larta drejtu...
Arben Ahmetaj TIRANË- Nesër në orën 16:00 do të mblidhet Këshilli i Mandateve për të shqyrtuar kërkesën e...
Presidenca TIRANË- Ka mbërritur në Presidencë propozimi i kryeministrit Edi Rama për Taulant Ballën ministër i Brendsh&e...
Edi Rama TIRANË- Kampi socialist nuk gjen qetësi. 'Dosja.al' raportoi pak orë më parë se kryeministri Edi Rama kishte anuluar taki...
Gazment Bardhi TIRANE- Kryetari i Grupit Parlamentar të PD, njëherazi anëtar i Këshillit të Mandateve, i ka kërkuar Kryetare...
Sali Berisha TIRANË- Kryetari i Partisë Demokratike, Sali Berisha komentoi kërkesën e SPAK për arrestimin e ish-zv.kryeministrit A...
Sali Berisha TIRANË- Kryetari i Partisë Demokratike Sali Berisha në një konferencë për mediat deklaron se emërimi i Taul...
PS TIRANË- Në mbledhjen e sotme të grupit të Partisë Socialiste është diskutuar edhe kërkesa e SPAK për arrest...
Lulzim Basha TIRANË- Lulzim Basha është zëri i radhës që ka reaguar pas kërkesës së SPAK, të depozituar d...
Gazment Bardhi TIRANË- Deputeti i Partisë Demokratike Gazment Bardhi kërkoi sërish mbledhjen e Këshillit e Mandateve në m&eum...
