Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Për Berishën, protesta dhe vendimi janë një lajm i rëndësishëm jo vetëm për demokratët, ndaj edhe paralajmëroi kryeministrin Edi Rama se ai nuk do të mund të ketë kurrë stabilitet pa votë të lirë. Po ashtu në fjalën e tij, numri një i Partisë Demokratike, kritikoi edhe ambasadoren amerikane në Shqipëri, Yuri Kim.
TIRANË- Kryetari i Partisë Demokratike Sali Berisha ka zhvilluar një takim me strukturat drejtuesëve të degëve numër 8, 9 dhe 10 të Tiranës, ku edhe ka kërkuar ndihmë për grumbullimin e qytetarëve në datën 3 mars. Kjo pasi më 3 mars, opozita ka paralajmëruar një protestë, në të njëjtën ditë që pritet edhe një vendim i Gjykatës së Apelit për çështjen e vulës së PD-së. Për Berishën, protesta dhe vendimi janë një lajm i rëndësishëm jo vetëm për demokratët, ndaj edhe paralajmëroi kryeministrin Edi Rama se ai nuk do të mund të ketë kurrë stabilitet pa votë të lirë. Po ashtu në fjalën e tij, numri një i Partisë Demokratike, kritikoi edhe ambasadoren amerikane në Shqipëri, Yuri Kim.
"Kemi një moment të rëndësishëm që është protesta e 3 marsit. Nuk ka dhe nuk mund të ketë paqe për Edi Ramën, stabilitet me Edi Ramën. Teza e revolucionit. Ata të cilët na sugjerojnë ne, apo shprehen se po lëkundet stabiliteti u themi haptas se nuk mund të ketë kurrë stabilitet pa votuar shqiptarët të lirë. Iku koha kur shqiptarëve u diktohej që të ulnin kokën, nuk e ulin më kokën ata, para askujt, ata do të ecin deri sa qytetarët shqiptarë të votojnë të lirë. Në kulmin e zgjedhjeve më të këqija në histori, besoj se ju kujtohen zgjedhjet e 25 prillit. Armata e patronazhistëve për herë të parë e nxjerr, e organizuar duke vjedhur të gjitha të dhënat tuaja personale që në mirëbesim ja kishit dhënë qeverisë, si në çdo vend tjetër normal. Armata e bandave në të katër anët e vendit, tonelatat e narkoeurove, buxheti i shtetit, shteti elektoral u vërsulën mbi popullin opozitar. Çdo gjë ishin, por vetëm zgjedhje nuk ishin. Do të mbahet në mend në histori, se si guvernatorja shkoi natën e zgjedhjeve për të përgëzuar zgjedhjet. Se si Mathju Palmer të nesërmen do të shprehte padurimin për të bashkëpunuar me Edi Ramën, duke shkelur rregullat më elementare që asaj që thotë ‘urime për zgjedhjet’ gjë që të cilën e bëri ambasadori i SHBA në Vjenë. Por ai ishte i lirë, ishte një shërbëtor i vendit të vet, pa lidhje Mcgonigalike. Ndaj dhe duhet ti njohim këto. Nuk e kemi shesh me lule këtë betejë, por e kemi betejë fisnike, për idealet tona, për të ardhmen tonë dhe ne jemi të pathyeshëm në këtë betejë,"-tha Berisha.
Edhe sot, kryetari i Partisë Demokratike Sali Berisha ka përsëritur akuzat për vdekjen e 22-vjeçares nga Kenia, Joy Ayoko. Përsëri Berisha tha se krỉmỉ mbulohet nga qeveria. Por sot, komentoi edhe shpalljen të pafajshëm nga Gjykata e Lartë të asaj që njihet si “Hakmarrja për drejtësi”.
"Nuk po ndalem në zinxhirin e pafund të vendimeve politike gjyqësore. Keni dëgjuar ju për vajzën 22-vjeçare, e dini ju ku fle vrasësi apo jo? Në qeveri, në qeveri. Po, po vrasësi i saj fle në qeveri, mbulohet nga qeveria, mbulohet nga Edi Rama. E masakruan dhe asnjë hetim, çdo gjë u bë që të prishej çdo hetim. Por turp i madh, ajo kishte ardhur në Shqipëri, nuk ka akt më racist më të ulët. Prishën çdo provë për të mos hetuar njeriun e qeverisë. ‘Hakmarrja për drejtësi’, 17 të vrarë të ekzekutuar, 28 plaçkitje me armë, thyerje bankash, arkash, drejtësia e re i dha pafajësinë. Edhe 17 lopë po të kishte vrarë një njeri do të kishte marrë një dënim. Kanë marrë 17 vetë dhe janë sot të gjithë për shkak të Edi Ramës dhe janë miq të Edi Ramës dhe të Olsi Ramës. Klani Rama është klani më i rrezikshëm mafioz i Europës. Revolucioni është jetik, jo vetëm për demokratët, për PD, për çdo shqiptar që e do këtë vend. Për çdo shqiptar që do që Shqipëria të jetë një vend normal. Ky grup, kjo organizatë kriminale që drejton sot, urren për vdekje shqiptarët dhe ju garantoj ju jo vetëm demokratët, edhe socialistët e ndershëm dhe ata pa parti. Hajduti urren gjithmonë viktimën e tij. Atë që vjedh edhe e urren dhe urrejtjen e ka si ngushëllim për aktin që ka kryer,"-shtoi ai.
Sa i përket korrupsionit, Berisha tha se për të zgjidhur çështjen e inceneratorëve duhet "ndjekur paraja" e shtoi se Arben Ahmetaj e la të kuptohej se pas tyre fshihej Erion Veliaj, kryebashkiaku i Tiranës. Për të, numri një i PD-së, tha se paratë shkojnë në offshore në Holandë.
"Po dalin të gjitha të dhënat në dritë, në mënyrën më të përsëritur. Kemi bërë të qartë se përgjegjësi numër një me distancë është Edi Rama për djegësat, se kryehajduti i aferës është Edi Rama. Pse do ta akuzoj unë atë si ish-kryeministër për një gjë të paqenë, jo kurrë, për faktin e thjeshtë nëqoftëse enti, agjencia kombëtare e prokurorimit i thotë kryeministrit se kjo procedurë është e paligjshme dhe nuk mund të përdoret, kryeministri në rast se e përdor e ka sipërmarrjen e vet atë dhe do të vjedh aty. Se kurrë nuk i lejon vetes të firmosë një akt të tillë. Këtë ka bërë Edi Rama. Ndaj dhe Arben Ahmetaj tha se nuk isha unë aq i fuqishëmsa të lëvizja qeverinë. E vërtetë ajo, nuk e lëviz dot ministrin, qeverinë e lëviz vetëm kryeministri. Këtu të jemi fare të hapur. Arben Ahmetaj ka pa asnjë diskutim përgjegjësitë e veta, se përpiqej të paraqitej dorëjashtë, por nuk është dorëjashte, sepse ka sigluar, një lloj miratimi që merret, të gjitha dokumentet që i kanë shkuar, nuk ka firmosur, kontratën e Tiranës, por ka ndenjur si që shikon krimin dhe nuk bëzan. ‘Ndiq paranë’ tha. Ku është ‘ndiq paranë’? Erion Veliaj është, pse është Erion Veliaj. Sepse kontrata e djegësit të Tiranës është për tu bërë me para private dhe pavarësisht nga kjo, nga thesari, nga paratë tuaja janë disbursuar për llogarinë e Ramës dhe Veliajt dhjetëra milionë euro. Prandaj ndiq ku shkojnë. Shkojnë të Erion Veliaj. Nga Erion Veliaj, ju them unë shkojnë në Holandë dhe ofshore. Por këto janë paratë që i kalon Edi Rama aty. Kjo ndodh me Durrësin."
Sa i përket tenderave, përmendi edhe njëherë Rea Xhillarin, vajzën e Linda Ramës.
"Nëse ju merrni tendera, a mundet që familjarët e kryeministrit të marrin pjesë në tendera. Jo kurrë. Nuk keni dëgjuar dhe nuk do të dëgjoni kurrë të marrë pjesë në tendera publike familjarë i një kryeministri që kërkon të jetë transparent. Pa merrni pak, shkoni e shifni të dhënat. Dhjetëra tendera fiton baxhanaku i Edi Ramës, burri i motrës së Linda Ramës. Dhjetëra, dhjetëra. Dhjetëra tendera fiton thjeshtra. Thjeshtra fiton në një kompani arkitektësh, në rregull. Mund të jetë e zonja, nuk kam asnjë vërejtje. Por nuk mund të fitojë tenderat njëri pas tjetri ajo kompani, se Europa ka me dhjetëra kompani, bota ka me qindra kompani. Se ajo, për definicion ajo kompani përjashtohet nga tenderat. Dhe të gjithë këta, Erion Veliaj, kjo ministrja e Kulturës, çdo tender do ti fitojë ajo kompani ku punon thjeshtra e Edi Ramës. Për të mos thënë, Olsi. Nuk ka më të rrezikshëm, më peshkaqen në kuptimin absolut të fjalës. Olsi Rama është njeriu që përcolli Genti Xhixhën, furnitorin kryesor të fabrikës së miellit në Xibrakë. E përcolli nga Shqipëria. Olsi Rama i del emri si eminenca gri e të gjitha lojërave të fatit në Shqipëri. Pra çfarë është kjo betejë e jona, ky revolucion. Ky revolucion është për të shpetuar çdo shqiptar nga kjo organizatë kriminale që i varfëron, mjeron që po i largon shqiptarët nga Shqipëria,"-e mbylli Berisha fjalën e tij.
Edi Rama TIRANË- Klientët në një nga bankat më të mëdha të Shqipërisë u tronditën pak para Krishtlin...
Merrick Garland and Jim Jordan SHBA- Departamenti i Drejtësisë po "mbwrthehet" për përleshje me republikanët e Dhomës së...
Dritan Abazoviç dhe Edi Rama MALI I ZI- Mbledhja e dytë e qeverisë shqiptare dhe malazeze do të bëhet ditën e nesë...
Charles McGonigal dhe Edi Rama TIRANË- Kryeministri Edi Rama do të përballet më 2 mars me Opozitën për takimet me ish-agjenti...
Skënder Muço dhe Enkelejd Alibeaj TIRANË- Deputeti Enkelejd Alibeaj ka prezantuar kandidatin e grupit të tij për zgjedhjet lokal...
Ilir Meta TIRANË- Kreu i Partisë së Lirisë Ilir Meta ka krahasuar Kukësin me Prizrenin. Në një postim në Facebook, ...
Ervin Resuli TIRANË- Ervin Resuli, sipërmarrës dhe njëkohësisht ekspert i problemeve bujqësore e blegtorale e kryetar i Shoqa...
Edi Rama, Dorian Duçka TIRANË- Kryeministri Edi Rama dhe konglomerati kinez i energjisë, CEFC, dyshohet të kenë nisur raportin e...
Taulant Balla FIER- Kreu i grupit Parlamentar të Partisë Socialiste, Taulant Balla deklaroi sërish se SHBA dhe Britanisë së Madhe,...
Edi Rama, Dorian Duçka TIRANË- Konglomerati kinez, CEFC i ka rrënjët më të thella sesa me shpërthimin e skandalit McGo...
