"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
Ndërmjetësuesi për dialogun Kosovë-Serbi, Peter Sorensen zhvilloi takimin e parë trepalësh me kryenegociatorët e Kosovës dhe Serbisë që nga emërimi i tij.
BRUKSEL- Kosova dhe Serbia nuk kanë zhvilluar takim të nivelit të lartë që nga shtatori i vitit 2023. I ngarkuari i Bashkimit Evropian për dialogun Kosovë-Serbi, Peter Sorensen po bën përpjekje ta ndryshojë këtë. Ai tha se po bën përgatitje për organizimin e një takimi të nivelit të lartë në kuadër të dialogut Kosovë-Serbi. Sorensen takoi në Bruksel të martën në një takim të gjatë dhe për herë të parë së bashku që nga marrja e mandatit, kryenegociatorët e Kosovës dhe Serbisë, ku tha se "ka diskutuar për normalizimin e raporteve mes dy vendeve” dhe janë pajtuar që diskutimet të vazhdojnë së shpejti.
"Isha mikpritës i një takimi të gjatë në Bruksel mes kryenegociatorëve të Kosovës dhe Serbisë. Diskutuam lidhur me avancimin e normalizimit të raporteve të tyre në përgatitje të një takimi të nivelit të lartë të dialogut, për zbatimin e obligimeve dhe çështjet aktuale. U pajtuam që së shpejti të vazhdojmë diskutimin”, shkroi Sorensen në X.
Ende herët të flitet për rezultate
Për kryenegociatorin e Serbisë, Petar Petkoviç "është herët të flitet për rezultatet e Sorensen, meqë ka ndodhur vetëm një takim trepalësh”. Ndërsa për kryenegociatorin e Kosovës, Besnik Bislimi, ndërmjetësi i ri i dialogut, Peter Sorensen, ka një vizion të qartë se si të ecet përpara në këtë proces. "Për rezultate konkrete, është ende herët, por Sorenseni e ka pak a shumë një vizion të qartë se si të ecet në takimet e radhës. Javën tjetër do të dërgojë dy nga më të afërtit e tij në Kosovë e Serbi për të marrë informata shtesë dhe më pas, në fillim të korrikut, do të vendosë për hapin e radhës. Sorenseni do edhe një takim në korrik. Kjo tregon për mua që ai ka investim të madh në proces, ka dëshirë të shohë rezultat, por deri tash dihet se Serbia ka sabotuar procesin”, tha Bislimi. Ai tha se në takimin e 10 qershorit në Bruksel janë zhvilluar një sërë takimesh dhe, sipas tij, pjesa kryesore e takimit trepalësh ishin "diskutimet se si të ecet përpara sa i përket zbatimit të Marrëveshjes Bazë, për të cilën Kosova dhe Serbia janë pajtuar më 2023”.
Kryenegociatori i Serbisë, Petar Petkoviq, ndërkaq, tha se "Sorensen po përpiqet të ndihmojë në këtë proces”, por nuk deshi të flasë për rezultate. "Procesi është i yni dhe ne duhet të angazhohemi për të arritur përparim në dialog. Nga ana jonë ekziston një vullnet i qartë politik, por këtë po e presim prej kohësh nga ana e Prishtinës. Do të shohim, nuk do të doja të gjykoj Sorensenin bazuar vetëm në takimin e parë trepalësh. Le t'i japim një mundësi të tregojë veten dhe të shohim si do të duket rezultati nën ndërmjetësimin e tij”, tha Petkoviç.
Serbia insiston në formimin e Asociacionit të Komunave me shumicë serbe dhe uljen e tensioneve në veri. "Statuti për themelimin e Asociacionit duhet të bazohet në marrëveshjet e vitit 2013 dhe 2015, të arritura këto në kuadër të dialogut. Asociacioni duhet të duket në bazë të këtyre marrëveshjeve”, tha Petkoviç. Ndërsa, sa i përket uljes së tensioneve në veri, Petkoviq tha se, "për gjithçka që ndodh çdo ditë ne kemi dorëzuar sërish listën me veprimet më të fundit që çojnë në përshkallëzim”.
Opozita në Kosovë reagon pas takimit tre palësh
Në takimin trepalësh ndërmjet kryenegociatorëve të Kosovës dhe Serbisë me ndërmjetësin evropian Peter Sorensen, sipas kryenegociatorit Besnik Bislimi, është diskutuar edhe për personat e pagjetur, çështjen e funksionalizimit të interkonjeksionit me Serbinë dhe menaxhimin e integruar të kufirit. Për takimin trepalësh në Bruksel, ku mori pjesë zëvendëskryeministri në detyrë i Qeverisë së Kosovës, Besnik Bislimi, reagoi njëra nga partitë e deritashme opozitare, Lidhja Demokratike e Kosovës. Sipas kësaj partie, z. Bislimi "nuk ka mandat dhe as legjitimitet për të përfaqësuar Republikën e Kosovës në dialogun me Serbinë”.
"Mandati i qeverisë në të cilën ku Bislimi ka qenë emëruar kryenegociator nga ish-kryeministri Kurti ka përfunduar me certifikimin e rezultateve zgjedhore të 9 shkurtit. Andaj, Bislimi është vetëm ushtrues detyre, pa legjitimitet demokratik dhe pa miratim parlamentar për të marrë vendime në procesin e dialogut”, thuhet në reagimin e LDK-së. Sipas tyre, "negociatat me Serbinë janë çështje të interesit të lartë shtetëror dhe nuk mund të zhvillohen nga një qeveri në detyrë”. Kosova dhe Serbia zhvillojnë dialog për normalizim të marrëdhënieve që nga viti 2011, me ndërmjetësim të BE-së. Janë nënshkruar një sërë marrëveshjesh, por shumë nga to nuk janë zbatuar./ DW
Edi Rama TIRANË- Kryeministri Edi Rama ka komentuar kërkesën e bërë nga Unioni i Gjyqtarëve për rritje të...
Sali Berisha TIRANA- Kreu i Partisë Demokratike Sali Berisha ka marrë pjesë sot në një konferencë për shtyp ku tha ...
Sali Berisha TIRANA- Kreu i Partisë Demokratike Sali Berisha deklaroi sot se kryeministri Edi Rama po bën presione të jashtëz...
Sali Berisha TIRANA- Kreu i Partisë Demokratike Sali Berisha ka marrë pjesë sot në një konferencë për shtyp ku pyet dhe...
Sali Berisha TIRANA- Kreu i Partisë Demokratike Sali Berisha ka marrë pjesë sot në një konferencë për shtyp ku tha ...
Sali Berisha TIRANË- Kreu i Partisë Demokratike, Sali Berisha, ka publikuar sërish pamje të disa kartave të identitetit t&eu...
Personat e paraqitur në video TIRANA- Kreu i Partisë Demokratike Sali Berisha ka bërë publike gjatë një konference për s...
sali berisha TIRANË- Kreu i Partisë Demokratike, Sali Berisha, gjatë konferencës për shtyp ka denoncuar sërish procesin zgje...
Donika Gërvalla KOSOVA- Ministria e Punëve të Jashtme dhe Diasporës (MPJD) tha të mërkurën se është duke i ndj...
Sali Berisha TIRANË- Kreu i Partisë Demokratike, Sali Berisha, duke folur në konferencë me gazetarët ka reaguar ashpër pas v...
