Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Futja e opozitës në Këshillin Politik, u pa në janar si tradhti ndaj aleancës që opozita kërkoi me shoqërinë, për të ndryshuar rrënjësisht sistemin politik, duke garantuar: zgjedhje të lira, më shumë transparencë dhe demokraci brenda vetës dhe më shumë kontroll për qeverinë duke forcuar institucionet.
Ulja në tryezë me Damian Gjiknurin e dosjes 184 dhe me Rudina Hajdarin si përfaqësuese e “tradhtarëve” të ardhur nga lista humbëse, u komentua si nështrim ndaj sistemit dhe heqje dorë nga reformimi këtij sistemi politik të kalbur, prishje e aleancës që përgjatë 2019 u ndërtua me atë pjesë të shoqërisë që kërkonte ndryshim më të madh se karriget e pushtetit.
Pas më shumë se 6 muajsh, situata ka ndryshuar. Opozita “destabilizuese” tani është “politikisht korrekte”, duke u kujdesur për sistemin që doli më i shëndoshë nga marrëveshja e 5 qershorit.
Ndërsa ai që kërkonte stabilitetin e rrezikuar nga protestat e opozitës, Kryeministri, është në pozicionin e destabilizuesit. Bashkë me Myslym Murrizin dhe me deputetët e tjerë të fshehur në fundin e listave të opozitës, po rrezikon sistemin, për të bërë një reformë që i garanton fitoren. Thirrjet e ndërkombëtarëve injorohen me argumentin e sovranitetit të Parlamentit dhe kështu projekti ecën përpara. Ose më mirë eci deri të premten, kur gjërat ndryshuan.
Të enjten, Gazment Bardhi, sekretari i përgjithshëm i PD, deklaroi se ndryshimet e propozuara nga Rama dhe “opozita parlamentare” duhet të kalonin, sipas marrëveshjes, në Këshillin Politik.
Këshilli nuk pushoi së ekzistuari pas 5 qershorit, pasi në pikën 11 të marrëveshjes, thuhet se do vazhdojë punën për depolitizimin e administratës zgjedhore. Kjo pikë që e mbante gjallë Këshillin, u përdor si një mjet për të pezulluar, në mos për ta ndaluar, aventurën e Edi Ramës.
Pasi u hap dera e Pallatit të Kongreseve, të premten erdhën zhvillimet e vërteta…
Presidenti risolli propozimin e Këshillit Politik, si të Kristaq Kumes. Foli Me Lulzim Bashën dhe nuk kishte arsye që të fliste me Edi Ramën, i cili, pavarësisht trimërisë që e ka karakterizuar në shpalljen e sovranitetit, sytë i ka tek kundërshtarët.
U kap fort pas ftesës publike të Metës, e harroi sovranitetin e Parlamentit dhe iu kthye fuqiplotshmërisë së Këshillit Politik.
A ishte kjo një lëvizje e Metës? A lidhej me faktin që në të njëjtën ditë komisioni i Posaçëm Hetimor e zëvendësoi propozimin për shkarkim me një këshillim që nuk u kuptua as nga anëtarët?
Mesa duket jo. Propozimi i rimbledhjes në Pallatin e Kongreseve e pati zanafillën nga PD një ditë përpara. Ishte një lëvizje e koordinuar e opozitës, për ta rikthyer institucionin e Këshillit Politik dhe për ta kaluar atë që Komisioni i Ligjeve ka miratuar tashmë, tek institucioni jashtëparlamentar.
Rama e pranoi, duke treguar se nuk është parlamenti që i imponohet atij, por ai që i imponohet parlamentit dhe e trajton si paradhomën e tij.
Të hënën është mbledhja me një axhendë të thjeshtë; ndarje pikëpamjesh për ndryshimet Kushtetuese të miratuara nga Komisioni i Ligjeve dhe Këshilli i Rregullores. Pjesëmarrja e konfirmuar është kjo: Edi Rama, Damian Gjiknuri, Gazment Bardhi, Oerd Bylykbashi, Petrit Vasili. Kryetari i Partisë Demokratike, Lulzim Basha nuk do të jetë, pasi mbledhja përkon me vizitën e tij të parashikuar në Kosovë.
Është ftuar edhe Presidenti, si pjesë e opozitës, por, mesa duket, nuk ka konfirmim që do të jetë pjesë e tryezës. Rudina Hajdari e refuzoi takimin, duke e lënë tryezën me 5 pjesëmarrës, 2 nga PS dhe 3 nga opozita.
Nuk ka si të ketë ftesë për marrëveshje, sepse axhenda përcakton shkëmbim pikëpamjesh.
Opozita do të kundërshtojë rihapjen e Reformës Zgjedhore dhe do të hedhë poshtë propozimet për ndryshimet Kushtetuese. Mbledhja e Këshillit pritet të përfundojë pa marrëveshje të re, gjë që, në bazë të marrëveshjes së 5 qershorit, rrëzon iniciativën e Ramës. Ose do të rrëzojë marrëveshjen.
Por, përse opozita e bën këtë nëse nuk do të pranojë asnjë nga propozimet? A ishte kjo një tentativë për tu marrë vesh me Ramën? Duket se ulja në Këshillin Politik në kohën që Rama nuk po dëgjon më askënd, nuk ka lidhje me Kryeministrin dhe maxhorancën. Ajo ka lidhje me thirrjet e ndërkombëtarëve që të mos bëhet asnjë ndryshim i pamiratuar në Këshillin politik. Për këtë arsye opozita provokoi mbledhjen që u përshëndet menjëherë nga Komisioneri për Zgjerimin dhe Fqinjësinë, Oliver Varhelyi. Rënia e ndryshimeve në Këshillin Politik, i bën nul ata sipas marrëveshjes, por i heq edhe alibinë Ramës se ndryshimet që po bën nuk janë prishje e asaj që u firmon në 5 qershor.
1 vit nga zgjedhjet e 25 prillit si e shikoni gjendjen e vendit:
TIRANE- Kryetari i Partisë Demokratike Lulzim Basha do të zhvillojë të hënën një vizitë në Kosovë ku do të takohet me drejtuesit më të lartë të shtetit dhe poli...
VLORË– Kryeministri Edi Rama ka zbarkuar paraditen e sotme në Zvërnec për të zhvilluar një takim me strukturat e Partisë Socialiste në Vlorë.Takimi mes Ram...
TIRANË– Ish-ministri i Financave dhe Ekonomisë, Arben Malaj ka qënë i ftuar në emisionin ”Ekopolitikë”, ku ka folur edhe për marrëdhënien e tij me kr...
TIRANË– Kryebashkiaku i Tiranës, Erion Veliaj ka komentuar edhe akuzat për lidhje me të ashtuquajtur “oligarkë”.Në një intervistë për emi...
TIRANË– Ish-ministri i Shëndetësisë, Ilir Beqja ka qënë i ftuar mbrëmjen e djeshme në emisionin “Kapital” për të folur lidhur me amnistin...
TIRANË– Ish-ministri i Ekonomisë dhe Financave, Arben Malaj ka folur për bashkëpunimin e tij me ish-kryeministrin Fatos Nano. I ftuar në emisionin “Ekopoli...
TIRANË- Ministrja e Shtetit për Marrëdhëniet me Parlamentit, njëkohësisht dhe deputete e PS, Elisa Spiropali, ka folur sot për tërheqjen e PS-së nga shkark...
TIRANË- Ministrja e Shtetit për Marrëdhënien me Parlamentin, Elisa Spiropali, është shprehur sot në Shqipëri është një administratë zgjedhore militante. Sp...
TIRANË- Avokati Spartak Ngjela është shprehur sot se Edi Rama nuk mund të fitojë dot një mandat të tretë qeverisës për shkak të reformës anti-korrupsion. N...
