Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Mbyllet pas më shumë se tre orësh dita e pestë e protestës, zbardhen pesë kërkesat e protestuesve 4 Qershor...
Mbyllet pas më shumë se tre orësh dita e pestë e protestës, zbardhen pesë kërkesat e protestuesve 4 Qershor...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
TIRANË– Ministri i Drejtësisë, Ulsi Manja ka kallëzuar në Prokurorinë e Posaçme Kundër Korrupsionit e Krimit të Organizuar gjyqtaren e Tiranës, Klorinda Çela, e cila u denoncua nga vetë kryeministri Edi Rama pak ditë më parë. Në një deklaratë për mediat, ministri Manja tha se gjyqtarja ka marrë një vendim duke u ndikuar në interesa jo profesionale duke bllokuar investimet e qeverisë, vetëm pak ditë para se të shkarkohej si pasojë e procesit të Vettingut.
Për çfarë vendimi bëhet fjalë?
Bëhet fjalë për pronën te Liqeni, te Garda e Republikës, ku sipas Ministrit të Drejtësisë, Ulsi Manja kjo pronë ishte planifikuar që t’i vihej në shërbim të fëmijëve për ndërtimin e Teatrit të ri të Kukullave, duke mos e prekur godinën e vjetër. Ministri Manja sqaroi me detaje se prona që i përket shtetit, mbi të cilën do të ndërtohej Teatri i ri i Kukullave i është kaluar një subjekti privat në mënyrë të paligjshme me vulën e Çelës. Sipas ministrit, kjo gjë është bërë me mjaft nxitim nga gjyqtarja të cilën ai e konsideron si pjesë e ‘kap ça t’kapësh’, pa praninë e palëve dhe vetëm pak ditë para se të shkarkohej nga detyra.
“Haptazi në kundërshtim me ligjin ka bllokuar një investim serioz të qeverisë shqiptare, një nga objektivat e reformës në drejtësi ishte që ato gjyqtarë të larguar nga vettingu që kanë mospërputhje mes të ardhurave dhe pasurisë, të shkojnë në SPAK e Gjykata të marrin dënimin nga drejtësia, deri më sot nuk ka ndodhur, asnjë nuk është ndëshkuar nga drejtësia, nëse nuk llogarisim Llallën. Kjo është një kërkesë jo vetëm e popullit, por edhe e SHBA-BE. Unë jam me avokatin e shtetit, për të informuar publikut me një rast skandaloz të abuzimit me detyrën e gjykatësit, gjykatësja K.Ç, në gjykatën civile të Tiranës ka lënë të shkruar në formën e një thirrje nga drejtësia vendimin për të marrë peng fëmijët e kryeqytetit dhe me fëmijët e tyre, që qeveria i ka premtuar një qendre të re, me teatër kukullash, në hyrje të Liqenit të Tiranës, te Garda e Republikës, spostimi i gardës dhe hapja për fëmijët dhe bibliotekës, bëhet fjalë për një truall të shtetit, janë përgatitur projekt idetë për fillimin e saj, mirëpo gjykatësja K.Ç ka pasur një mendim tjetër, kur aspo ministria bëhet gati të nis punën, prona e shtetit na del me barrë. pala paditëse në tejkalim të asaj që i kalon me ligj kërkon masa sigurimi deri sa të shqyrtohet në themel, kundër ishte avokatura e shtetit, këshilli i ministrave, ministria e kulturës, gjykata nuk e shqyrtoi kërkesën, përcaktoi si datë 18 nëntor 2021, për zhvillim seance normale ku do të thirrej dhe ministria e kulturës, gjyqtarja i njoftoi të gjithë për këtë datë, ndërkohë që bëheshin gati për këtë seancë, në 21.10.2021 gjykata disponoi një vendimarrje për sigurim padie pa palët. Nuk gjykohet se ishte një vendim i ngutshëm pa praninë e palëve, në këtë logjikë nuk ka ndodhur asnjë fakt i ri që do justifikonte ngutjen e vendimit, palët po përgatiteshin duke grumbulluar prova dhe fakte, ndodhen përpara një vendimmarrje pa praninë e tyre, ky absurd ka ndodhur kur gjykatësja do të dilte në vetting, që në fund e shkarkoi se nuk justifikonte pasurinë. Pra, njoftohet nga KPK që do hynte në vetting, sapo mori dijeni, nxiton dhe në 21.10.2021, pra një ditë para vendosi në mënyrë të njëashme të marrë sigurim padie duke cenuar shtetin, veprimet e saj të kryera një javë para se të shkarkohej nga vettigu, për ne janë haptazi të marra sipas parimit, kap ca të kapësh, njësia anti korrupsion, dhe avokatura e shtetit i kërkojnë SPAK fillimin e menjëhershëm të hetimeve për këtë gjykatëse që ka dhënë një vendim flagrant, në kundërshtim me ligjin, skandaloz me interesin publik,”- tha Manja.
Ç’deklaroi Rama?
Kryeministri Edi Rama denoncoi më 24 dhjetor gjyqtaren e Tiranës duke mos i pëmendur emrin. Rama deklaroi se ka prokurorë dhe gjyqtarë që marrin vendime të paligjshme edhe kur nuk kanë kaluar procesin e vettingut si dhe i bëri thirrje SPAK që ta thirrte gjyqtaren në fjalë. Klorinda Çela e cila është shkarkuar në datën 27 tetor të këtij viti nga ana e Komisionit të Pavarur të Kualifikimit për shkak të shkeljeve pasurore të saj.
Ndërtesa ku sot ndodhet Teatri Kombëtar për Fëmijë (TKF) ose siç quhet ndryshe Teatri i Kukullave ka qenë selia e legjislativit shqiptar në vitet 1925-1944 dhe me ardhjen e komunistëve në pushtet ndërtesa shërbeu si selia e Këshillit Antifashist Nacional Çlirimtar. Më pas, kjo godinë prej 60 vitesh funksionoi si Teatri i Kukullave. Dosja.al raportoi në fund të muajit shtator të këtij viti se kjo godinë do të kthehej në muze, kurse fëmijët do të kishin një ambient të ri ku do të shijojnë shfaqjet me kukulla.
Ministria e Kulturës hapi dhe një tender me procedurë “shërbim konsulence” dhe me objekt “hartim projekti për ndërtimin e një objekti/qendre të re multi funksionale në funksion të së ardhmes së edukimit artistik të fëmijëve në kryeqytet, pranë Qendrës Kombëtare të Kulturës për Fëmijë dhe Teatrit të Kukullave”. Fondi për këtë tender ishte 41 666 667 lekë të reja pa TVSH dhe në dokumente shkruhej se kohëzgjatja e kontratës është 30 ditë.
(a.b;f.m/dosja.a)
Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?
TIRANË– Ambasada Gjermane në Tiranë ka dhënë sot një njoftim të ri lidhur me dhënien e vizave për familjet që bashkohen. Në njoftimin e bërë publik t...
ELBASAN – Ministri i Mbrojtjes, Niko Peleshi, i shoqëruar nga Shefi i Shtabit të Përgjithshëm gjeneralmajor Bajram Begaj, kreu i bashkisë së Elbasanit dhe...
TIRANË– Grupi i punës për zgjedhjet në Forumin Rinor të Partisë Demokratike ka publikuar udhëzimin për nisjen e procesit zgjedhor. Në deklaratën e le...
TIRANË– Gjykata e Posaçme Kundër Korrupsionit dhe Krimit të Organizuar ka përfunduar gjykimin e dosjes ‘339/1’ duke dënuar tre të ...
BULQIZË– Një rrëshqitje masive gurësh ka bllokuar të gjithë aksin rrugor Klos-Bulqizë. Mësohet se këtë mesditë, si pasojë e shirave të dendur e motit...
KURBIN – Gjykata e Kurbinit ka dhënë masat e sigurisë për 7 personat e arrestuar të enjten në kuadër të operacionit “Bushneshi”, pasi kishin k...
MONOPOLI – Dy shqiptarë, prej vitesh rezidentë në Itali, janë arrestuar nga karabinierët në Monopoli pasi lëviznin me pistoletë dhe municione.Ata u zbulua...
TIRANË – KLP shtyn seancën dëgjimore në ngarkim të magjistrates, me detyrë Prokurore në Prokurorinë pranë Gjykatës së Shkallës së Parë. Këshilli i La...
TIRANË– Një 22-vjeçar i identifikuar si Mirand Abazi, banues në Belgjikë është arrestuar teksa futej në Shqipëri. Sipas njoftimit të Policisë,...
TIRANË – Ministri i Mbrojtjes, Niko Peleshi, ka reaguar pas protestave të fundit të banorëve të Moravës, të cilët kërkojnë shpërblime të drejta të pronave ...
