E rëndë në Maliq/ Vritet polici gjatë operacionit për kapjen e një personi në kërkim, plagoset dhe një tjetër (EMRAT)
Ngjarja në Maliq/ Zbardhen edhe identitetet e efektivëve 4 Qershor, 08:49 E rëndë në Maliq/ Vritet p...
Ngjarja në Maliq/ Zbardhen edhe identitetet e efektivëve 4 Qershor, 08:49 E rëndë në Maliq/ Vritet p...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
SLLOVENI– Liderët e vendeve të Ballkanit Perëndimor dhe ata të Bashkimit Europian janë mbledhur ditën e sotme në Samitin e Brdos në Slloveni. Takimi duket se nuk ka pasur asnjë rezultat për zgjerimin! Ishte kancelarja në ikje, Angela Merkel, ajo që hodhi poshtë të gjitha “shpresat” për të caktuar një datë lidhur me pranimin e vendeve të Ballkanit Perëndimor në Bashkimin Evropian.
“Unë nuk besoj vërtet në përcaktimin e datave, besoj në përmbushjen e premtimeve tona: Pasi të plotësohen kushtet, pranimi mund të bëhet,”– u tha Merkel gazetarëve pas samitit të BE -së për Ballkanin në Slloveni. Sipas saj, vendosja e një afati do ta vendoste vendet e Bashkimit Europian nën presion, pavarësisht nëse kushtet nga vendet kandidate janë plotësuar ose jo.
Ndërkohë që pas takimit, të gjithë liderët dolën me një deklaratë ku thuhet se: BE-ja riafirmon mbështetjen e saj të qartë për Perspektivën Evropiane të Ballkanit Perëndimor dhe mirëpret angazhimin e partnerëve të Ballkanit Perëndimor në perspektivën evropiane, e cila është në interesin tonë strategjik reciprok dhe mbetet zgjedhja jonë e përbashkët strategjike. BE-ja konfirmon angazhimin e vet në procesin e zgjerimit dhe vendimet e marra prej saj për këtë, bazuar në reformat e besueshme nga partnerët, kushtëzimi i drejtë dhe rigoroz dhe parimi i meritave të veta. Ne do të intensifikojmë më tej angazhimin tonë të përbashkët për të çuar përpara transformimin politik, ekonomik dhe social të rajonit, duke njohur ndërkohë progresin e bërë nga Ballkani Perëndimor. Ne kujtojmë gjithashtu rëndësinë se BE-ja të mund të mbajë dhe thellojë zhvillimin e saj, duke siguruar kapacitetin e saj për të integruar anëtarë të rinj. Por sërish nuk ka një datë fikse për integrimin e rajonit të Ballkanit në unionin e BE-së. Kjo deklaratë u komentua me ironi nga kryeministri Edi Rama, i cili shtoi se nuk i kishin marrë asnjë mendim, por nuk harroi të kërkonte ndihmë e mbështetje për nisëm e Ballkanit të Hapur.
Por situata u përcoll ndryshe nga presidentja e Komisionit Europian, Ursula Von Der Leyen, e cila doli në një konferencë për shtyp bashkë me presidentin e Këshillit Evropian, Charles Michel dhe kreun e shtetit të vendit mikpritës së samitit, Janez Jansa. Menjëherë pas takimit, palët dolën me një deklaratë të përbashkët me zotimet që liderët e BE-së kishin ndërmarrë, ku theksi është vënë tek perpektiva europiane e rajonit të Ballkanit Perëndimor.
Në fjalën e saj para mediave, presidentja e Komisionit Europian, Ursula von der Leyen doli me një mesazh të qartë: BE nuk është e plotë pa rajonin e Ballkanit Perëndimor! Ndërsa shtoi se Bashkimi Europian ka një plan 30 miliardësh për zhvillimin e rajonit, duke vënë theksin edhe tek një treg i përbashkët. Teksa kriza e energjisë ka prekur të gjithë botën, edhe Von Der Leyen nuk mund të rrinte pa e përmendur duke u shprehur se po bëhen përgatitje serioze për të dhënë disa orientime, ndërsa shtoi se ndikimet ishin në rang global.
Ndërkohë që jashtë vendit ku u mbajt takimi u dhanë edhe mesazhet e para nga vendet e tjera që morën pjesë në samit. Presidenti i Serbisë Aleksandër Vuçiç është shprehur se do të zhvillojë një takim me kancelaren në ikje, Angela Merkel e Presidentin Emmanuel Macron pasi ata do t’i japin një porosi atij dhe kryeministrit të Kosovës, Albin Kurti. Ky i fundit tha se ka shpresë për sinjale për liberalizimin e vizave, dhe se Bashkimi Europian nuk është Europë pa Ballkanin Perëndimor. Ndërsa sa i përket dialogut tha se e vetmja zgjidhje është që Serbia të njohë Kosovën.
Përveç çështjes së negociatave, samiti i Brdos ka në fokus një sërë temash të tjera me interes ndërkombëtar si: marrëdhënia me Kinën, situata e pasigurt në Afganistan, marrëdhëniet e trazuara me SHBA-në për shkak të mosmarrëveshjeve me Francën për aleancën AUKUS në Paqësorin Jugor dhe rritja e çmimeve të gazit.
Por si është situata e integrimit të Shqipërisë në BE?
Vetëm pak javë më parë, agjencia e lajmeve Reuters, duke iu referuar katër diplomatëve dhe një dokumenti të brendshëm të BE-së, njoftonte se për shkak të shqetësimeve nga reagimet e shteteve anëtare, organizata nuk mund të bjerë më dakord për të dhënë garanci për anëtarësimin e ardhshëm të gjashtë vendeve të rajonit, as në këtë Samit.
Sipas Reuters, BE-ja ka planifikuar të përsërisë në takimin e nivelit të lartë të ditës së sotme premtimin e saj të bërë 18 vjet më parë për të dhënë “mbështetjen e qartë për perspektivën evropiane të Ballkanit Perëndimor”, por pa dalë në një asnjë marrëveshje konkrete. Shtetet e BE -së nuk kanë bërë të njohura pozicionet e tyre, por vendet e pasura si Danimarka, Franca dhe Holanda i druhen një fluksi migrimi dhe një përsëritjeje të siuatës së krijuar pas pranimit të nxituar të Rumanisë dhe Bullgarisë në vitin 2007.
Në mars të vitit të kaluar Këshilli Evropian vendosi hapjen e bisedimeve për anëtarësim me Shqipërinë dhe Maqedoninë e Veriut. Gjithçka u bllokua nga ‘vetoja’ e Bullgarisë. Madje Bullgaria u ka dërguar dhe një memorandum shpjegues vendeve anëtare të bllokut, i cili përbëhej nga gjashtë faqe me shpjegime të gjata historike të “ideologjisë shtetërore anti-bullgare” në Maqedoninë e Veriut.
(f.m/d.a/Dosja.al)
Iftar dhe politikë, a u prek Muaji i Ramazanit nga politikanët?
SLLOVENI– Presidenti i Francës, Emmanuel Macron në përfundim të samitit të Brdo foli për një situatë komplekse në Ballkan. Macron iu referua problemeve me...
TIRANË– Ish-zv.kryeministri i vendit, Erion Braçe ka dalë kundër protesës së sotme për rritjen e çmimeve, e cila u zhvillua sot para Kr...
Qeveria po përdor aktet normative duke ndryshuar buxheti për të bërë shpenzime të panevojshme në kohë pandemie. Akuzat janë ngritur nga opozita dhe përfaqësuesi...
GJIROKASTËR– Ish-kryeministri Sali Berisha ka zhvilluar takimin e gjashtë me demokratët në qytetin e Gjirokastrës. Fjalën e tij për “Foltoren”, Beris...
GJIROKASTËR– Një episod i “sikletshëm” ka ndodhur në ambientet e sallës ku u zhvillua takimi i radhës i “Foltores” së ish-kryeministrit Sali Berisha....
Bledi Çuçi Ministër i Punëve të Brendshme në një intervistë për gazetarin e Top Channel Muhamed Veliu, tregon se përse e përzgjodhi Gledin Nanon p...
SLLOVENI – Ditën e sotme në Brdo, Slloveni, është mbajtur samiti i Bashkimit Europian dhe Ballkanit Perëndimor dhe në të ka marrë pjesë edhe Kryeministri...
GJIROKASTËR- Ish-kryeministri Sali Berisha ka ndarë me demokratët e mbledhur në Gjirokastër detajet nga një takim që kishte me një qytetar nga Rrogozhina, ...
GJIROKASTËR– Lideri historik i Partisë Demokratike, Sali Berisha ka zgjedhur një tjetër pseudonim për kryedemokratin Lulzim Basha. Në fjalën e tij ng...
GJIROKASTËR– Ish-kryeministri i vendit, Sali Berisha ka analizuar paralajmërimin e pasardhësit të tij Edi Rama lidhur me krizën që ai paralajmëroi se...
