Berisha: Dosjen e Lindave të AKSHI-t e ka mbyllur përfundimisht Rama, Gys Agasi ka bërë masakër në kadastër ...
GJKKO rrëzon Metën! Kërkesa për transmetim ‘live’ të seancës dhe dalja nga kafazi i xhamit, nuk pranoh...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
TIRANË– Në dukje ai shfaqet si një klient normal. Hyn në supermarket. Përshëndet. Mandej drejtohet te sirtarët. Mbasi kontrollon disa produkte ushqimore çapitet drejt seksionit të alkoolit. Aty i qetë kontrollon çmimet, dhe zgjat duart te pija më e shtrenjtë. E merr dhe e fut nën veshje.
Kjo është skena e një vjedhjeje në një nga dyqanet e Tiranës e ilustruar nga kamerat e sigurisë.
Po vjedhin ushqime patjetër që është një fenomen, produkte që nga sallamrat, gjalpë dhe artikuj bazikë shprehet për gazetën Si, M. L. , një 63-vjeçar që ka një biznes familjar dhe që prej dy dekadash shet ushqime pranë zonës së Porcelanit. Vetëm M.L ka denoncuar tri herë në polici dhe në të tria rastet, të kallëzuarat janë gra në moshë që tentojnë të fusin në çanta apo rroba produkte ushqimore dhe ndonjëherë edhe kozmetikë.
“Nuk mund të them me çfarë ka lidhje, me pamundësinë për të paguar apo ngaqë kam vendosur kamera sigurie, por jam i sigurt që të gjithë ata që i kam kapur shpërthejnë në lot dhe kërkojnë mëshirë. Ata tregojnë se s’kanë mundësi”, thotë M.L për gazetën Si.
Hetimi
Rasti i të riut A. C, mosha 18 vjeç dhe i kallëzuar në komisariatin numër tre, zbulon se në fakt disa nga artikujt e luksit nuk vidhen nga supermarketet për t’u konsumuar nga hajduti.
A. C, është një hajdut shëtitës që jeton në Elbasan dhe në polici sipas zyrtarit të departamentit të vjedhjeve shpjegon se përse ai vjedh pije alkoolike.
“Po, i kam marrë dy shishe Jack Daniels, në dy raste të ndryshme. I vodha sepse ato janë të shtrenjta dhe më duhen lekë, pasi kam gjyshen sëmurë. I vodha për bukën e gojës, tregon i riu në procesverbalin e policisë me oficer të policisë gjyqësore O. D.
Kamera e sigurisë e tregon hajdutin shëtitës dhe nën moshë teksa fut nën xhup pijen alkoolike, ndërsa në dorë mban të ekspozuar një shishe limon soda.
Denoncuesi shpjegon në komisariatin numër 3. “Ai u afrua për të paguar te kasa, administratori i kërkoi të shkonte pas tij. Ai menjëherë kërkoi falje dhe nxori nga xhupi pijet. Por meqenëse ky djalë na shfaqet edhe herë të tjera duke futur nën ndërresa redbulla dhe pije të shtrenjta, vendosa që ta denoncoj”.
Policia tregon për gazetën Si se A.C është referuar në gjendje të lirë jo vetëm për shkak të moshës, por edhe nga vlera e ulët e dëmit që shkon gjithsej 7 mijë lekë të reja.
Përse vjedhin?
Një adoleshente përfundoi në polici për laptopin të cilin dyshohej se e kishte vjedhur ajo.
Humbja e kompjuterit del me ngjyrë të zezë u denoncua nga një shtetas bullgar, që pasi vërejti që në dhomën e vajzës së vogël mungonte kompjuteri ka njoftuar menjëherë zyrën konsullore. “Nga këqyrja e të dhënave daktiloskopike shkruan fillimisht policia dyshojmë që vjedhja është kryer pa thyerje”.
Dhe teksa dyshonin se këtë vjedhje mund ta kishte kryer një vajzë e re, që besohet se bën pjesë në një grup hajdutësh, shtetasi bullgar paraqitet sërish në komisariat dhe e tërheq denoncimin.
“Ime bijë mendonte se e kishte sjellë në banesë, por realisht ajo e kishte harruar në shkollë, më saktësisht në fund të mikrobusit së bashku me çantën”.
Hajdutë profesionistë
Por hajdutët e ushqimeve dhe të biçikletave janë shqetësimi më i vogël për policinë. Edhe ata që kanë filluar vjedhin me maska anticovid. Një trend i ri hajdutësh të konsideruar profesionistë po bastisin banesat e të pasurve. Në këtë pikë mes agjentëve të komisariateve qarkullon edhe një legjendë, hajdutët kanë hyrë në banesa zyrtarësh të lartë dhe kanë bastisur miliona lekë që mbahen në të zezë.
“Po, kemi dyshime për një grup, ose mund të mos jetë edhe grup që studiojnë biznesmenë të caktuar apo edhe individë për të cilët krijohet bindja që mbajnë në shtëpi shumë të konsiderueshme që nuk i depozitojnë dot në bankë. Disa prej tyre denoncojnë, dhe bëhet fjalë për ata që i kanë të arsyetuara vlerat monetare apo edhe bizhuteritë e shtrenjta. Ne kemi dëgjuar që diçka e tillë, pra një bastisje shtëpie i ka ndodhur edhe një ish-ministri, si dhe një zyrtari të lartë në polici. Por asnjëri prej tyre nuk ka dorëzuar kallëzim, mes nesh thuhet që janë angazhuar detektivë privatë për t’i zbuluar hajdutët”, rrëfen zyrtari i rendit për gazetën Si, sipas të cilit kjo risi nuk është thashethem, por diçka që po ndodh realisht, madje edhe mes kriminelëve të cilët në një rast kanë rrëmbyer nga banesa kasafortën me një shumë të konsiderueshme.
Përse nuk denoncohet?
Shpjegimin e ka për këtë pyetje një agjent pranë drejtorisë qendrore të policisë. “Nuk kanë se si tregojnë pasi pyetja e parë që ju drejtohet në polici do të jetë, cili është burimi i këtyre të ardhurave dhe natyrisht në rastin e ish-zyrtarëve nga disa fusha të institucioneve përfshi edhe doganat, asnjëri prej tyre nuk ka se si t’i justifikojë milionat e grabitura apo bizhuteritë super të shtrenjta”, thotë në anonimitet zyrtari.
(f.m/dosja.al)
1 vit nga zgjedhjet e 25 prillit si e shikoni gjendjen e vendit:
TIRANË– Mikael Qosja i shpallur në kërkim për rolin e tij si vëzhgues në atentatin me tre viktima në Elbasan, ku mbetën të vdekur, Endrit Dylgjeri (Alibej)...
DURRËS– Tifozët Kuq e Zi kanë marrë një nismë të veçantë. Ata kanë vendosur që të ndërtojnë dy qendra shëndetësore në bashkitë Durrës dhe Shijak , ...
TIRANË- 15 të vdekur dhe 1089 raste të reja me koronavirus. Ky është bilanci i Covid-19 në Shqipëri gjatë 24 orëve të fundit. Ministria e Shëndetësisë në ...
DIVJAKË– Pas 5 ditësh nën ujë, sipërfaqet e tokave bujqësore në Tërbuf të Divjakës janë kulluar.Uji është larguar nga një mijë hektarë tokë e mbjellë...
TIRANË– Vajza e cila u godit nga efektivja e policisë në Kombinat pasi nuk kishte maskë me vete ka treguar për ‘JOQ’ se nuk ishin të vetmet pa maskë në rru...
FIER– Gazetarja Klodiana Lala, ka nxjerrë detaje të tjera në lidhje me vrasjen e Shkëlzen Kastratit në Fier.E ftuar në News24, Lala ka thënë ndër të tjera se kr...
TIRANË-Një ngjarje e paprecedentë ka ndodhur mëngjesin e sotëm në zonën e Kombinatit në Tiranë. Në një video shihet një vajzë që është goditur me shuplakë ...
LAÇ– Banorët e një pallati 5 katësh e kanë kaluar natën jashtë nga frika e shembjes së tij. Kronika e ‘TopChannel’ tregon transformimin që ka pësuar rrug...
TIRANË– Kreu i Policisë së Vlorës, Artion Duka ka zhvilluar sot seancën dëgjimore para Komisionit të Jashtëm të Vlerësimit, në kuadër të procesit të Vettin...
