Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Politikanët tanë zgjidhen me drejtim gishti, në biseda rastësore në korridore; dikush lëshon një emër dhe ajo që fillon si ide në erë kthehet në një thashethem, pastaj, në fshehtësi të hapur, dhe më vonë, në rend partie, pas kulisave dhe pagesave, pas premtimeve për poste dhe kthime nderesh, bëhet realitet. Bëhet aq shumë realitet saqë në kohën kur arrin tek ne votuesit është bërë një e vërtetë e padiskutueshme.
Ne vazhdojmë të besojmë se jemi ne që i zgjedhim, ata, në qendrat e votimit, por e vërteta është se kur të vijë dita e votimit, gjithçka tashmë është vendosur. Dikush më tha një herë se gjysma e vendit qeshi kur Edi Rama mendonte se do të drejtonte vendin dhe do ta eleminonte Fatos Nanon, por sot më pak se dy dekada më vonë ne jemi të dënuar të dëgjojmë papagallin dhe t’i paguajmë rrogën dhe qejfet atij dhe familjes së tij politike, të vuajmë kusuret, të pranojmë të jemi të ofenduar.
Problemi ynë me politikanët nuk është se ata do të na drejtojnë për katër vjet, por sepse ne jemi të detyruar t’i mbajmë ata gjithë jetën. Në 25 prill nuk është problemi a do të rrijë në pushtet Rama apo do të vijë Basha, problemi është se këta njerëz në pushtet apo jo nuk do të ikin kurrë nga jetët tona.
Këta politikanë që emërohen nëpër korridore, pasi zgjidhen një herë, nuk pranojnë ta lëshojnë më karrigen, ata duan ta marrin me vete kudo ku shkojnë, dhe hidhen në sulme duke kërcyer mbi shpinat tona me karrigen ngjitur pas të pasmes. Vrapojnë sa nga një parti në tjetrën, krijojnë parti të reja e të vjetra, bëhen analistë e mendimtarë, bëjnë gjithçka munden dhe nuk mundem, sepse rëndësi ka që të mos na zbresin nga shpina.
Në etjen e tyre për të vazhduar “mbretërimin”, kryeministrat tanë historikish emërojnë e heqin ministra sipas situatave. Njërin e vendosin se është shumë i Iëçitur, pastaj e heqin se nuk e godiste mirë topin, njërin e vendosin se e ka idhull shefin e madh, pastaj e heqin se nuk e bënte të mirë kafenë e kështu me radhë. Por kushdo që të zgjidhet gjithmonë do të jetë nga “familja e madhe e sundimtarit”, mund të jetë ai ose ajo që i krehë flokët, ai ose ajo që i bën selfie me Ismail Qemalin, ai ose ajo që i bën masazh kur është i lodhur.
Për të na “mahnitur”, ata na nxjerrin përpara disa gra “heroina” të cilat e duan shumë, o Zot sa shumë, po shumë fare atdheun e tyre, e duan aq shumë sa sakrifikojnë familjet dhe fëmijët e tyre vetëm e vetëm që ta bëjnë këtë atdhe të lulëzojë dhe të na e bëjnë jetën tonë përditë e më të lumtur.
E ne tashmë të qetë se jetët tona dhe të fëmijëve tanë janë të sigurta duhet të brohorasim dhe ti urojmë që të “marrin nga ditët tona” a i marrtë purtha (d.m.th diarreja) shalët, siç thonë nga zona jonë.
Por mos mendoni se këtë sëmundje e ka vetëm partia në pushtet. E gjithë politika jonë ka të njëjtën sëmundje ngjitëse. Ajo po kujdeset me detaje në mënyrë të tillë që jo vetëm të mos ikin nga pushtetet që kanë zaptuar por po punojnë përditë për ta dëmtuar aq shumë sistemin sa ne të mos kemi asnjë mundësi tjetër zgjedhjeje dhe as zgjidhjeje.
Gjëja më e trishtuar është se në tridhjetë vjet asgjë nuk ka ndryshuar madje situata është përkeqësuar. Tani ka një numër të madh politikanësh dhe deputetësh të cilët, megjithëse vijnë nga vende të ndryshme, nuk kanë asnjë përgatitje apo fytyrë për të dhënë zgjidhje. Megjithëse, duhet thënë, se në një demokraci aq të brishtë sa e jona, nuk nevojitet asnjë përgatitje për të arritur zyrat publike; sot më shumë se kurrë, politika është bërë streha e mediokrit. Arsyeja se përse po na mbyt mediokri në drejtim, se përse çdo ditë shtohet numri i njerëzve pa përmbajtje që na drejtojnë është se “sundimtarët” tanë i zgjedhin të tillë në mënyrë që t’i menaxhojnë më mirë, sepse mediokri, njeriu pa thelb, nuk ka mendim dhe nëse nuk ka mendim s’ka as veprim.
Mediokrët e politikës sonë të cilët njohin shumë mirë këpëratat, që jehojnë parlamentin me qethjet ballaboks, që bëjnë tërmete dhe nuk e “rruajnë” fare, na bëjnë të “qeshim” me lot sepse sot pikërisht këta kanë jetët tona në dorë.
Është kurioze që në një vend jo monarki si Shqipëria, opsioni më i mirë për të përparuar në jetë është të jesh trashëgimtar i mediokritetit. Dua të them trashëgimtar politik i tij, njësoj si trashëgimtarët e bizneseve të cilët trashëgojnë paratë e familjes apo si trashëgimtarët e mbretërive.
Jam duke folur për të gjithë ata “mbretër e trashëgimtarë” që e kanë kthyer shtetin në biznesin e tyre familjar, por unë sot nuk e kuptoj nëse kjo konsiderohet fyerje, apo është një kompliment!?
1 vit nga zgjedhjet e 25 prillit si e shikoni gjendjen e vendit:
Prej disa ditësh jemi duke lexuar nëpër media dhe portale për sekuestrimin e pasurive të shtetit shqiptar në kuadër të shlyerjes së shumës që Becchetti fitoi në...
1.E pata përdorur në fund të vitit 1989, pastaj edhe më 1990, derisa u shtua në numër lista e njerëzve që bënin adresim të tillë dhe që më bindnin se ata po e f...
TIRANË– Presidenti Ilir Meta, mbrëmjen e sotma ka folur dhe për raportet me bashkëshorten e tij Monika Kryemadhi.I ftuar në emisionin “Opinion&...
Shpërndarja e ushqimeve nga organizmat e mëdha e deri tek ato që kryejnë shitjen përfundimtare (njësitë e shitjes), ose kur flasim për prodhimin, nga fermeri në...
Qetësia e 1 janarit, u prish nga lajmi i bujshëm i 500 mijë vaksinave, që Kryeministri kishte regjistruar më parë, për ta shpallur në ditën e parë të vitit. Ka ...
Angela Merkel ka të drejtë: diçka ka ardhur, ka ardhur në të gjithë botën gjatë vitit 2020, diçka që askush nuk e priste. Në fjalimin e saj tradic...
TIRANË– Më pak se 4 muaj kanë mbetur nga zgjedhjet parlamentare të 25 prillit. Por jo te gjithë qytetarët mund të votojnë.Komisioni Qendror i Zgjedh...
TIRANË- Moderatorja Arbana Osmani ka bërë bilancin e 2020 duke peshuar gjërat e mira dhe momentet e trishta.Në një postim në Instagram, ajo ka treguar se 2...
“U gjet armiku që nuk na pranuan në BE, që ikin dritat, që s’kemi ujë, që jemi pa gjykata, që një skizofren e kemi në krye, që borxhi ia kaloj malit të Dajtit. ...
Brezit të para viteve 90-të i janë bërë duart gjak nga duartrokitjet për miqësinë Shqiptaro – Kineze, ndërsa brezi i sotëm që fatmirësisht nuk e jetoi atë kohë ...
