Çfarë shkaktoi reagime të shumta për incidentin në Mitrovicën e Veriut? 24 Maj, 19:45 Serbia l...
Ekzekutimi i Altin Arapajt në Greqi/ Avokati i autorit të dyshuar: Selimaj po shkonte ta çarmatoste prandaj plumbi shkoi në...
Helmimi i të miturve në Gramsh/ Prindërit paralajmërojnë protestë para kopshtit: Fëmija im ishte me temperatu...
"Kam besim në integritetin e tyre!" Berisha: Rama po bën çdo përpjekje për të ndërhyrë në raporti...
Pushimet e verës tashmë kanë nisur dhe një numër i të rinjve në Kosovë po planifikojnë të shfrytëzojnë disa ditë për të udhëtuar jashtë vendit. Disa prej tyre tashmë i kanë përfunduar pushimet, ndërsa ka edhe të tillë që në pamundësi financiare, nuk do të udhëtojnë.
Bregdetet në vendet fqinje, kryesisht në Shqipëri, janë destinacioni kryesor për të rinjtë nga Kosova. Disa prej tyre thonë se i financojnë vetë pushimet, ndërsa disa të tjerë varen ende nga financat e prindërve.
Të rinjtë e anketuar nga Radio Evropa e Lirë thonë se mundësitë për të shkuar më larg sesa bregdeti në Shqipëri, janë të pakta, e në veçanti për shkak të kufizimit të lëvizjes së lirë drejt vendeve të Bashkimit Evropian, marrë parasysh që për qytetarët e Kosovës ende nuk ka liberalizim vizash.
Shqipëria, destinacioni kryesor
Altin Ademi, student në kolegjin AAB në Prishtinë, thotë se gjatë studimeve është edhe duke punuar si kamerier. Pavarësisht se ai ka edhe pasaportë të Maqedonisë së Veriut dhe nuk ka ndonjë kufizim që të udhëtojë për turizëm, ai thotë se nuk do të shkojë më larg se në Shqipëri për pushime dhe se aty dëshiron t’i shpenzojë fitimet e veta.
“Varet, mbase nja 300 apo 400 euro, për një javë. Në fakt, unë e kam pasaportën e Maqedonisë së Veriut, sepse babanë e kam nga Shkupi. Por, në Shqipëri është më afër, më mirë, te njerëzit tanë dhe me ta jemi një. Është më afër dhe më qetë. Ndoshta më larg është edhe më mirë, por për momentin kështu i kemi mundësitë”, thotë Altini.
Blerona Racaj nga Klina, studente e matematikës në Universitetin e Prishtinës, thotë se pushimet e verës do t’i kalojë bashkë me prindërit dhe familjen në bregdetin e Shqipërisë. Pushimet thotë se do t’i financojnë prindërit.
“Nuk jam e punësuar, pasi që jam duke studiuar. Rrjedhimisht, na financojnë prindërit. Zakonisht qëndrojmë një javë në Shqipëri, për shkak se na pëlqen bregdeti shqiptar. Por, mbase edhe për shkak të mosliberalizimit të vizave, nuk mund të udhëtojmë më larg. Jemi mësuar në Shqipëri dhe për këtë arsye më shumë shkojmë atje”, thotë Blerona.
Duke pritur vizat
Fitim Merovci, një i ri nga Prishtina, thotë se i ka përfunduar studimet dhe tashmë punon. Ai i ka përfunduar edhe pushimet verore për sivjet.
“I kam përfunduar në Shqipëri, në Velipojë. Nuk kam qëndruar shumë, dy-tri ditë, sepse thjesht nuk na u duk shumë mirë. Na kanë mjaftuar dy-tri ditë, sepse po bëhet monotoni nëse rrimë më shumë. Varet edhe prej kushteve. Në qoftë se kushtet janë më të mira, mbase do të shkonim më larg, jashtë fqinjësisë. Të gjithë jemi duke pritur për viza, se çfarë do të ndodhë”, thotë Fitimi.
Eleta Emini, nxënëse e një shkolle të mesme në Prishtinë, thotë se planifikon që pushimet t’i kalojë me prindërit.
“Zakonisht shkoj me familje, për shkak se i kam 16 vjet dhe nuk mund të shkoj vetë. Për financim, i kemi familjarët, babai që punon në Kosovë dhe i financon pushimet. Nuk jam e sigurt se ku, por me siguri në Shqipëri diku, për shkak se, në të kundërtën, na duhen financa më të mëdha dhe po ashtu nuk kemi as liberalizim të vizave dhe nuk mund të shkojmë diku në Evropë”, thotë Eleta.
Por, Arian Hysenaj, një shitës ambulant në sheshin “Nëna Terezë” në Prishtinë, thotë se pavarësisht dëshirës për të shkuar në pushime verore, nuk i ka mundësitë financiare për një gjë të tillë.
“Nuk ka të ardhura, nuk kemi buxhet tash për tash. S’kemi para për këtë. Tash po rrimë dhe po punojmë nga pak. Nuk kemi mundësi, edhe pse kohë mund të gjejmë për dy-tri ditë. Për dy-tri ditë, nëse shkoj, unë jam vetë i katërti në familje dhe pa i pasur 300 euro nuk mund të shkosh. Tash për tash nuk ka asgjë, nuk ka para”, thotë Ariani.
Gjatë verës së vitit të kaluar, pandemia e koronavirusit ka shkaktuar kaos në sektorin e turizmit të vendeve me bregdet, e që janë në fqinjësi të Kosovës.
Udhëtimet nga Kosova për në bregdetin e Shqipërisë dhe Malit të Zi kanë qenë mjaft të reduktuara, në krahasim me vitet paraprake.
Por, sivjet, të dyja këto vende i kanë ftuar turistët nga Kosova që t’i kalojnë pushimet verore atje.
Marre nga REL
Iftar dhe politikë, a u prek Muaji i Ramazanit nga politikanët?
RUSI- Një grua ka humbur jetën tragjikisht teksa 6 ekrane gjigante i ranë mbi kokë, ndërsa festonte 35 vjetorin e lindjes në një klub nate.Pamjet e tmerrshme të...
HAITI– E veja e plagosur e presidentit të Haitit ka përshkruar momentin kur vrasësit “shqyen” burrin e saj me plumba pasi u futën në shtëpinë ...
SHBA-Nxehtësia ekstreme do të përfëshijë Shtetet e Bashkuara të Amerikës në ditët në vijim duke thyer rekord kryesisht në shtetet e Kalifornisë dhe Nevada.BBC r...
TIRANË- Në 26-vjetorin e masakrës së Srebenicës të shumtë kanë qenë ata të cilët kanë përkujtuar viktimat dhe kanë shprehur mbështetjen e tyre.Kryetari i P...
SHBA– Disa nga emrat më të mëdhenj në teknologji, media dhe financa janë mbledhur këtë javë në Sun Valley, Idaho, për edicionin e fundit të konferencës vj...
BOSNJE– Janë varrosur sot në Qendrën Përkujtimore Potoçari. eshtrat e 19 viktimave të gjenocidit në Srebrenicë.Viktima më e re që varroset është Az...
GJERMANI– Kompanitë që merren me prodhimin e veturave, çdo ditë e më shumë janë duke shprehur kreativitetin e tyre me mjete të ndryshme motorike.Kë...
KOSOVË– Qytetarët e Luginës së Preshevës nuk kanë mundësi të lëvizjes së lirë. Tash e sa vjet ata janë shpërngulur në Kosovë, por të njëjtit nuk pose...
TIRANË– Kryeministri i vendit, Edi Rama ka përkujtuar sot 26-vjetorin e masakrës së Srebenicës.Në një postim në Facebook ai ka publikuar një foto nga...
