Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
TIRANË– Akuzat për raportin e Dick Marty-t rikthehen sërish! Kryetari i Partisë Demokratike Lulzim Basha u është përgjigjur akuzave të kryeministrit Edi Rama, pasi ky i fundit prej ditësh i është ‘sulur’ prej ditësh duke e quajtur zëdhënës të raportit të Dick Marty-t. Përmes një video-mesazhi, Basha i thotë Ramës se duhet t’i vijë turp nga vetja dhe se është personi i fundit që duhet t’i japë këshilla kreut të Partisë Demokratike për patriotizmin dhe për bensikërinë ndaj Shqipërisë e Kosovës.
Të gjitha këto akuza Basha i quan shpifje, dhe se sipas tij shërbejnë për t’i mbuluar Ramës të gjithë dështimet në qeveri. Basha e këshillon kryeministrin të zbatojë planin me pesë pika për të të nxjerrë vendin nga kriza dhe të mos merret me shpifje.
Mesazhi i plotë i Lulzim Bashës: Rama, duhet të të vijë turp nga vetja. Në vend që të luftosh kovidin, në vend që të marrësh masa për të shpëtuar ekonominë, në vend që të ndihmosh qytetarët – ti po përhap gënjeshtra monstruoze kundër meje. Harxhon gjithë kohën për të përhapur gënjeshtra në vend që të shpëtosh jetën e qytetarëve shqiptarë dhe ekonominë tonë. Si nuk ke turp? Edhe për nivelin tënd të ulët, kjo është e papranueshme. Si të gjithë qytetarët shqiptarë, unë jam mësuar të dëgjoj gënjeshtra nga ti. Sepse ti nuk je ne gjendje të mbash asnjë premtim të vetëm. E vetmja gjë që bën është shkatërrimi i ekonomisë dhe i të ardhmes tonë. Ndërkohë që merresh me vizatime dhe nuk shkulesh nga Instagrami, unë e kam vënë tërë jetën time në shërbim të vendit. Për Shqipërinë. Për shqiptarët. Për pavarësinë e Kosovës. Ti nuk më bën dot moral mua për patriotizëm. Ti nuk më mëson dot mua çfarë është besnikëria ndaj Shqipërisë. Edhe sot me gënjeshtrat, mashtrimet dhe veprimet e tua ti dëmton Shqipërinë, Kosovën dhe interesat kombëtare. Po ta them qartë dhe prerë, të gjitha akuzat e tua janë shpifje dhe mashtrime për të larguar vëmendjen nga skandalet dhe dështimet e tua që po i paguajmë me jetë njerëzish. Për të gjitha këto po vjen dita të japësh llogari para drejtësisë. Por tani do të investoj çdo minutë të kohës time që pas 8 vitesh dështimesh të tua, të të mposht në zgjedhje, dhe bashkë me shqiptarët të punoj për të shëruar vendin tonë. Për ti dhënë një shpresë të re njerëzve. Për ti korrigjuar të gjitha dështimet e tua. Gjithçka që premtove dhe nuk përmbushe. Zbato planin tim për të luftuar pandeminë, për të ulur infeksionet dhe për të shpëtuar jetë. Hiqua paratë që u dhe miqve të tu dhe jepja ato spitaleve për më shumë mjekë, infermierë dhe kujdes për të sëmurët. Jepu ndihmë financiare qytetarëve, të gjithëve pa përjashtim. Merr urgjentisht masa për çmimet e ilaçeve dhe të ushqimeve që vetëm janë rritur gjatë kohës tënde. Rikupero dëmet e tërmetit, për të cilat shumë flet e pak bën. Mjaft e bllokove rrugën drejt Bashkimit Europian dhe të ardhmen e vendit dhe brezave që vijnë. Ne do të mposhtim ty dhe do t’i japim fund gënjeshtrave dhe premtimeve të tua të rreme. Do ecim të sigurtë drejt Europës për të garantuar njëherë e mirë të ardhmen tonë.
Këtij video-mesazhi Rama i është përgjigjur me një status në rrjetet sociale. Rama shkruan se ai vetë nuk fshihet pas Komiteteve teksa shton se me anë të Komiteteve, kreu i PD-së ka ‘vrarë’ çunin e Fariut me patllaken Bujar Nishanit e Salianjin me thikën e Genc Rulit.
Si nisën akuzat për raportin e Dick Marty-t?
Debati politik lidhur me raportin e Dick Marty-t nisi pak ditë më parë, ku Rama ka pyetur ish-kryeministrin Sali Berisha dhe presidentin Ilir Meta, pse kanë votuar pro raportin që akuzonte krerët më të lartë të UÇK-së se kishin kryer krime lufte në Shqipëri. Aktualisht Hashim Thaçi, Rexhep Selimi, Kadri Veseli dhe Jakup Krasniqi janë prangosur. Disa bashkëluftëtarë të tjerë, akuzohen se kanë bashkëpunuar me ta, mes tyre dhe Fatmir Limaj. Krasniqi dhe Thaçi kanë dalë sot para Gjykatës Speciale, ndërsa nesër dhe pasnesër në bankën e të akuzuarve do të ulen dhe të akuzuarit e tjerë.
(f.m/dosja.al)
1 vit nga zgjedhjet e 25 prillit si e shikoni gjendjen e vendit:
TIRANË– Kryetari i Partisë Demokratike, Lulzim Basha, zhvilloi ditën e sotme një bashkëbisedim me disa qytetarë të cilët kanë kaluar COVID-19. Gjatë bisedë...
TIRANË– Kryetari i Partisë Demokratike Lulzim Basha gjatë bashkëbisedimit të tij me qytetarë të cilët janë prekur nga Covid ngriti shqetësimet që ka në lid...
TIRANE– Gjatë bashkëbisedimit që kryetari i PD, Lulzim Basha pati ditën e sotme me qytetarët të cilët e kanë kaluar COVID, u thanë rrëfime të rënda.Një prej qyt...
TIRANË– Presidenti Ilir Meta ka dekretuar marrëveshjen mes qeverisë dhe aleancës GAVI për blerjen e vaksinës anti-covid.“Kjo marrëveshje edhe pse është një...
TIRANË– Numri një i qeverisë, Edi Rama ka fajësuar klubet e natës për përhapjen e infeksionit në pandemisë. Ai ka shpjeguar arsyet se përse Shqipëria do të...
TIRANË– Kryeministri Edi Rama nuk është ndalur në akuza ndaj kundërshtarëve të tij politikë lidhur me akuzat që i kanë bërë lidhur me menaxhimin e situatës...
TIRANË– Ministrja e Shëndetësisë, Ogerta Manastirliu ka folur lidhur me përgatitjen që stafi mjekësor ka bërë për të përballuar pandeminë e koronavirusit. ...
TIRANE- Ministrja e Shëndetësisë, Ogerta Manastirliu ka deklaruar se fluksi për vonimin e tamponit ka kaluar, duke mohuar denoncimet se përgjigjia për një tampo...
GJIROKASTËR– Kryetari i Këshillit të Lartë të Prokurorisë Gent Ibrahimi ka njoftuar se Drejtuesi i Prokurorisë pranë Gjykatës së Apelit në Gjirokastër ësht...
