Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
Dosja e Erion Veliajt/ Avokati Ndreca nuk u paraqit, gjobitet me 50 mijë lekë! Shtyhet seanca 21 Korrik, 10:54 Dosja...
“Nuk shiten malet, është mundësi për pronarët dhe emigrantët” Rama: Paketa e Maleve, nuk anulohet 21 ...
SHKODËR-Gjenden pas 5 ditësh trupat e Vilson Çutaj dhe të Klement Pepaj, të dy të ekzekutuar me armë zjarri në fshatin Vrith të Malësisë së Madhe. Burime për Dosja.al nga terreni bëjnë me dije se dy kufomat janë gjetur në fshatin Vrith, pikërisht aty ku edhe janë parë për herë të fundit. Të mbuluar me shkurre në një distancë të largët nga njëri- tjetri por jo më shumë se 250 metra larg parcelës së mbjellë me kanabis që ishte gjysmë e djegur, policia ka pikasur kufomat, të cilët janë qëlluar për vdekje me armë zjarri. Kufomat, e identifikuara edhe nga familjarët, janë dërguar në morgun e Shkodrës, ku edhe do të kryhet ekspertiza mjeko-ligjore që do të përcaktojë shkakun dhe orën e vdekjes.
Ndërkohë që ende në kërkim është i dyshuari kryesor për vrasjen e të rinjve, Daniel Pepaj, i cili po kërkohet kudo nga Policia e Shtetit. Ai është dëshmitari kyç dhe i vetëm që do të zbardhë të plotë gjithë çfarë ndodhi më 3 tetor, pas një sherri të nisur për rreth 50 kilogramë kanabis. Pepaj e ka pranuar krimin gjatë një telefonate me vëllanë e tij që ndodhet në Itali. I frikësuar për fatin e tij pas vrasjes së dyfishtë që kishte kryer, Danieli ishte rrëfyer tek i vëllai dhe i kishte treguar çfarë kishte ndodhur: Njërin e kam qëlluar në ballë direkt ndërsa për tjetrin nuk e di nëse ka vdekur apo jo”. Por përgjigja nga ana tjetër e telefonit, nuk ishte ajo që priste. I vëllai i është përgjigjur shkurt dhe prerë: Spostohu 30 metër dhe qëllo edhe veten se nuk ke çfarë bën më!
Por, Daniel Pepaj, me hematoma në trup nga rrahja, i ka vënë flakën parcelës, ka zbritur nga mali dhe dyshohet se ka shkuar në shtëpinë e tij dhe ka ndërruar rrobat. Për këtë episod është thirrur të dëshmojnë i ati i tij, i cili pas një bisede me priftin e fshatit ka vendosur të rrëfehet për gjithë çka di, duke dërguar Policinë tek vendi ku ndodhej parcela. Ai ka rrëfyer se më pas i biri është shoqëruar nga një person deri në Zagorë. Aty, ai i ka kërkuar një tjetër personi që ta çojë me makinë drejt Kastratit në Malësinë e Madhe, duke paguar një shumë më të madhe parash për këtë rrugëtim. Danjel Pepaj, mësohet se i ka thënë personit të fundit: “Jam penduar që nuk kam qëlluar edhe vëllanë e Vilsonit se për ata dy nuk e kam problem”. Nga ai moment, i riu është zhdukur pa lënë gjurmë, megjithatë dyshohet se fshihet në një nga shpellat e zonës. Por nuk përjashtohet mundësia që të jetë larguar drejt Malit të Zi me këmbë, pasi në sistemin “Tims”, emri i tij nuk figuron gjëkundi.
Alarmin për zhdukjen e të rinjve e dha i pari gazetari Artan Hoxha. Ky i fundit pas informacioneve të marra, fliste për tre të ekzekutuar por dinamika ndryshoi. Tre të rinjtë kanë qenë kultivues të rregullt të kanabisit në fshatin Vuç Shkurtaj të Malësisë së Madhe. Ata kanë pasur parcela më kanabis, “biznes” që pavarësisht lidhjeve të tyre familjare u ka shkaktuar probleme mes tyre. Vilsoni dhe Klementi pretendonin se Danieli u kishte vjedhur 50 kg kanabis nga parcelat e tyre. Ka qenë Çutaj ai që ka hedhur dyshimet mbi Danielin, dhe duke kërkuar ndihmën e Klementit ka shkuar për ta takuar në mënyrë që të sqarohen por gjithçka ka përfunduar në konflikt fizik. Por gjatë javëve të fundit në fshatin Vrith nuk është vjedhur vetëm parcela e Vilson Çutaj dhe Klement Pepaj, por edhe dy parcela të tjera që kanë qenë aty afër. I zënë ngushtë, Pepaj u ka pranuar se e ka marrë ai sasinë e drogës për të cilën e akuzonte Çutaj duke i premtuar se do t’i kthente pjesën që i kishte mbetur ende, diku tek 7 kilogram. Me premtimin se do t’i çonte tek vendi që kishte fshehur drogën, Danieli i çon dy të rinjtë drejt vdekjes. Në pikëtakimin nxjerr armën dhe i qëllon për vdekje, ndërsa vetë largohet nga vendngjarja. Nata ra dhe asnjë nga tre të rinjtë nuk u kthye në shtëpi. Familjarët vunë alarmin dhe nisën që të kërkonin vetë të zhdukurit, ndërkohë që vetëm pak orë më pas u përfshi edhe Policia. U deshën 5 ditë që kufomat të gjendeshin, ndërkohë që pa kapjen e Danielit, dinamika e plotë e ngjarjes nuk do të mësohet kurrë. Mësohet se Danjel Pepaj ka qëlluar dy kushërinjtë, Klement Papajn në ballë dhe nga mbrapa Vilson Çutajn në brinjë dhe më pas i ka vendosur flakën gjithë parcelës së tij duke u larguar menjëherë teksa la trupat e pajetë të kushërinjve pak metra larg. Për t’u siguruar që nuk do të kërkonin ndihmë Danieli mori dhe telefonin e Çutajt me vete. Burime nga grupi hetimor bëjnë me dije se nëse do të ishin gjetur në kohë, babai i 4 fëmijëve do të kishte mundësi të mbijetonte.
Nga të ndjerët, vetëm Vilson Çutaj është emër i njohur për “blutë” e zonës. Ai kishte vetëm pak kohë që ishte liruar nga burgu i Reçit në Shkodër, ku qëndroi për 3 vite e 4 muaj për akuzën e “Prodhim dhe shitje të lëndëve narkotike”. Babai i katër fëmijëve u arrestua më 15 maj të vitit 2017, pasi pas një kontrolli në banesën ku jetonte me gruan dhe katër fëmijët, policia i gjeti pesë thasë plastikë me kanabis, të cilat shkonin në 63.5 kg. Mesa duket edhe pas lirimit, i është kthyer “zakonit të vjetër” që kësaj herë nuk i kushtoi lirinë…por jetën.
Danieli është larguar për t’i shpëtuar ligjit, por familja e tij vuan pasojat e veprimeve të të birit. Babai i tij, Rrok Pepaj dhe familjarët e tjerë, nga frika e hakmarrjes së dy familjeve të tjera është ngujuar në banesën e tij.
Krahas hetimit për kapjen e ekzektutorit, Policia ka nisur një aksion anti-kanabis në zonë duke shkatërruar deri më tani 50 parcela.
J.V/Dosja.al
1 vit nga zgjedhjet e 25 prillit si e shikoni gjendjen e vendit:
TIRANË- Durrësi, Fieri, Vlora, Gjirokastra, Saranda, Përmeti, Kavajëa dhe Lushnja, kanë mbetur pa drita. Sipas njoftimit që ka bërë OSHEE kjo gjë ka ndodhu...
TIRANË- Ish-drejtori i Drejtorisë Hetimore Qendrore në Policinë e Shtetit, Artan Shkëmbi ka ankimuar vendimin e dhënë ndaj tij nga Gjykata e Posaçme...
VLORË– Një kompani ndërtimi ka nisur punimet në lagjen “10 korriku në Vlorë”. Përmes disa fotove, nga vendi i ngjarjes, një qytetare ka ngritur shqet...
BALLSH- Naftëtarët e Ballshit ndodhen sot në ditën e 11-të të grevës së urisë. Ata sot kanë marrë një vendim të ri duke mos lejuar askënd që të futet në ambient...
TIRANË- Komisioni i Pavarur i Kualifikimit ka konfirmuar në detyrë prokuroren Afërdita Ndoi. Trupa gjykuese e përbërë nga Olsi Komici kryesues, Firdes Shul...
TIRANË- Eksperti i Shëndetit Publik, Erion Dasho nëpërmjet një postimi në Facebook shprehet se 80% deri 85% e pacientëve me COVID shërohen vetë. Teksa bën ...
TIRANË– Tre gazetarët e kronikës janë shprehur se Policia e Shtetit po kërkon në tym për tre të rinjtë e zhdukur në Malësinë e Madhe, pasi nuk ka asn...
DURRËS- Në 8 qytete të Shqipërisë ka ndërprerje të energjisë elektrike. OSHEE njofon se ditën e sotme qytetet si Durrësi, Fieri, Vlora, Gjirokastra, Sarand...
ELBASAN– Një 20-vjeçar me inicialet R. H., banues në Durrës, është vënë në pranga pasi akuzohet për trafik të klandestinëve. Sipas njoftimit të Pol...
