"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
Ndërsa për të pandehurit e tjerë në lidhje me këtë çështje, vazhdojnë të mbeten në fuqi masat e mëparshme të vendosura nga shkalla e parë.
TIRANË- Apeli i GJKKO ka lënë në fuqi masat e sigurisë të vendosura për të akuzuarit e dosjes së “AKSHI”-t. Bazuar në këtë vendim Mirlinda Karçanaj dhe Hava Delibashi do të vijojnë të qëndrojnë nën masën e sigurisë “arrest në shtëpi”.
Ndërsa për të pandehurit e tjerë në lidhje me këtë çështje, vazhdojnë të mbeten në fuqi masat e mëparshme të vendosura nga shkalla e parë. Ergys Agasi dhe Ermal Beqiraj vijojnë të mbeten në kërkim.
Njoftimi zyrtar:
Gjykata e Posaçme e Apelit për Korrupsionin dhe Krimin e Organizuar, me trup gjykues
monokratik të përbërë nga gjyqtar Florjan Kalaja, sot më datë 05.02.2026, disponoi për
çështjen penale nr. 4 akti, datë 27.01.2026 regjistrimi, mbi ankimin e ankuesve M.K, H.D,
E.I, R.Rr, A.P, G.H: “- Ankim kundër vendimit nr. 125, datë 15.12.2025, të Gjykatës së
Posaçme të Shkallës së Parë për Korrupsionin dhe Krimin e Organizuar, me objekt: Caktim
mase sigurimi personal. – Ankim kundër vendimit nr. 131, datë 18.12.2025, të Gjykatës së
Posaçme të Shkallës së Parë për Korrupsionin dhe Krimin e Organizuar, me objekt:
Verifikimin e kushteve dhe kritereve të caktimit të masës së sigurimit personale shtrënguese për personat nën hetim M.K, H.D, E.I, R.Rr, A.P, G.H”, duke miratuar vendimin nr. 125, datë 15.12.2025 të Gjykatës së Posaçme të Shkallës së Parë për Korrupsionin dhe Krimin e Organizuar, sa i takon disponimeve kundrejt znj. H.D, z. E.I., z. G.H, znj. M.K, z. A.P dhe z.
R.Rr dhe vendimin nr. 131, datë 18.12.2025 të Gjykatës së Posaçme të Shkallës së Parë për Korrupsionin dhe Krimin e Organizuar. Gjithashtu, disponoi për ndalimin e publikimit apo dekonspirimit të këtij vendimi deri në mbylljen e hetimeve paraprake, në zbatim të nenit 103 të Kodit të Procedurës Penale.
Prokuroria e Posaçme ka lëshuar urdhër arreste për drejtoreshën e AKSHI-t, Mirilinda Karçanaj, Ergys Agasin dhe biznesmenin Ermal Beqiraj. Për drejtoreshën e AKSHI-it, Mirlinda Kërçanaj, GJKKO ka caktuar masën e sigurisë “arrest shtëpie”, ndërsa për Ergys Agasi dhe biznesmenin Ermal Beqiri janë caktuar masat e sigurisë “arrest me burg”.
Mëngjesin e 16 dhjetorit, dy skuadra me agjentë të BKH-së, shoqëruar dhe nga patrulla të policisë së Shtetit, zbarkuan në ambientet në pronësi te biznesmenit Agasi. Bëhet fjalë për kontrollin e 4 vendeve, banesave në Durrës e Tiranë, si dhe bizneset që zotërohen Ergys Agasi.
Po ashtu është dhënë masë pezullimi nga detyra dhe për zëvendësdrejtorin e Policisë së Tiranës, Erion Ismaili. SPAK gjithsej ka vendosur në masë sigurie 8 persona që janë Ergys Agasi, Ermal Beqiraj, Mirilinda Karçanaj, Hava Delibashi, Erion Ismaili, Andis Papa, G.H dhe Rogers Rryta.
Akuzat kryesore të SPAK janë grup i strukturuar kriminal, shkelje e barazisë në tendera si dhe heqje e paligjshme e lirisë. Prokuroria e posaçme prej gati një viti po hetonte procedurat e 12 tenderave, që dyshohet se janë bërë në shkelje.
Ndërkohë personat e përmendur më sipër, por dhe zyrtarë të tjerë, për të cilët është dhënë masa, por që ende nuk dihen emrat e tyre, akuzohen për shkelje barazisë në tendera, korrupsion, shpërdorim detyre dhe pastrim parash.
Drejtoresha e Agjencisë Kombëtare të Shoqërisë së Informacionit (AKSHI), Mirlinda Karçanaj u paraqit më 3 dhjetor në Prokurorinë e Posaçme në kuadër të një hetimi për abuzime me tenderat e zhvilluar nga institucioni që ajo drejton. Ndërsa në banesa dhe zyrat e biznesit të Ergys Agasit janë kontrolluar me urdhër të SPAK në muajin qershor./Dosja.al
Sokol Sanxhaktarin dhe Henrik Hoxhaj TIRANË- Një nga të pandehurit e dosjes “Plumbi i artë”, Henrik Hoxhaj ka rr...
Fqinjet PEQIN- Fshati Gryksh i Madh i Peqinit është zhytur në zi pas tragjedisë së familjes Kola në Itali, 4 anëtarë...
Henrik Hoxhaj TIRANË- I arrestuari nga operacioni 'Plumbi i Artë' Henrik Hoxhaj ka dhënë detaje për konfliktin e tij të ...
Foto Ilustruese GJIROKASTËR- Tre persona janë arrestuar ditën e sotme për rrëmbim dhe dhunim në Gjirokastër. M&eum...
Brunilda Laboviti dhe Valbona Treska TIRANË- Valbona Treska, e vetëdeklaruar si Presidente e Urdhërit të Psikologut edhe pas zgjedhjeve...
Rruga THETH- Aksi Qafë Thore-Theth është bllokuar ditën e sotme për shkak të ortekëve që kanë rënë. ...
Qytetaret BERAT- Qytetarët e tre fshatrave në Berat kanë nisur një protestë para Bashkisë, për shkak të munges...
Saimir Gjoka ITALI- Familjarët e Saimir Gjokës, shqiptarit që humbi jetën në një aksident në Itali kanë bër&eu...
foto ilustruese BELSH- Një ngjarje e rëndë tronditi dje zonën e Cerragës në Belsh, ku një 65-vjeçare humbi j...
VELIPOJË- Një person me veshje civile ka dhunuar protestuesit në Rrjoll të Velipojës, të cilët po protestojnë kund&eum...
