Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
FOTO/ Protesta për Zvërnecin, babai i Martin Canit i bashkohet protestuesve në shesh 4 Qershor, 18:43 PAMJE ng...
FOTO/ Protesta për Zvërnecin, babai i Martin Canit i bashkohet protestuesve në shesh 4 Qershor, 18:43 PAMJE ng...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Nga ky hetim i dytë, u zbulua Fatjon Çardaku, i njohur si Fabio, i cili ndihmonte bashkëkombësit në zonën e Altotevere-s.
ITALI- Autoritetet italiane kanë sekuestruar sasi të mëdha lëndë narkotike, kokainë në kuadër të një operacioni policor, i cili goditit një rrjet të strukturuar kriminal. Gjithçka nisi me disa arrestime në Umbertide në maj të vitit 2022. Nga ky hetim i dytë, u zbulua Fatjon Çardaku, i njohur si Fabio, i cili ndihmonte bashkëkombësit në zonën e Altotevere-s.
Mediat italiane shkruajnë se ai kishte një rrjet të madh që shtrihej mes Perugias, Corcianos dhe Passignano sul Trasimeno, me lidhje në Napoli, Arezzo dhe disa qytete të veriut, pa përmendur furnizimin me sasi të jashtëzakonshme kokaine nga Holanda, Belgjika, Spanja, Ekuadori, Brazili, Zvicra, Shqipëria dhe Peruja.
Por, kohët e fundit u zbulua një raport ndihme i ndërsjelltë mes bandave të trafikantëve shqiptarë, që ka çuar financat e komandës provinciale të Perugias të zbulojnë dhe shkatërrojnë, vetëm në tre vitet e fundit, tre organizata kriminale që përmbytën me kokainë shumë të pastër gjysmën e Italisë. Nga kjo u arrestua kreu i një organizate dhe u sekuestruan 65 kilogramë e 500 gramë kokainë.
Sipas dokumenteve hetimore të Guardia di Finanza-s shqiptarët e përfshirë në hetimin e fundit, që furnizoheshin kryesisht nga Spanja, kishin si bazë territorin e Folignos, ku jo vetëm magazinonin sasi të mëdha kokaine, por sipas prokurorisë së Perugias, të drejtuar nga Raffaele Cantone, ri-investonin edhe një pjesë të fitimeve të paligjshme.
Artikulli i plotë nga CORRIERE DELL’UMBRIA
Sasi gjigante kokaine, sekuestrime të mëdha, të papara më parë në Umbria. Pajisje elektronike për t’u mbrojtur nga forcat e rendit. Kripto-telefona për të fshehur bisedat dhe për t’u bërë të pakapshëm. Por mbi të gjitha një “raport ndihme të ndërsjellë” mes bandave të trafikantëve shqiptarë, që ka çuar financat e komandës provinciale të Perugias të zbulojnë dhe shkatërrojnë, vetëm në tre vitet e fundit, tre organizata kriminale që përmbytën me kokainë shumë të pastër “Zemrën e Gjelbër” dhe qytete në gjysmën e Italisë.
Gjithçka nisi me disa arrestime në Umbertide në maj të vitit 2022: nga ai hetim doli se, në rast problemesh me kanalin e furnizimit, nuk mungonte kurrë ndonjë bashkëkombës – ndoshta pjesë e një organizate tjetër kriminale – i gatshëm të vinte në ndihmë për të furnizuar pikat e shitjes së drogës.
Operacioni “Aquila Bianca”
Kështu, mes viteve 2022 dhe 2023, pas atyre arrestimeve të para nga Guardia di Finanza e Città di Castello, u hap një hetim i dytë – nën drejtimin e prokurorit të DDA-së së Perugias, Gennaro Iannarone – sepse Fatjon Çardaku, i njohur si Fabio, që ndihmonte bashkëkombësit në zonën e Altotevere-s, kishte nga ana e tij një rrjet të madh që në Umbria shtrihej mes Perugias, Corcianos dhe Passignano sul Trasimeno, me lidhje në Napoli, Arezzo dhe disa qytete të veriut, pa përmendur furnizimin me sasi të jashtëzakonshme kokaine nga Holanda, Belgjika, Spanja, Ekuadori, Brazili, Zvicra, Shqipëria dhe Peruja.
Ky hetim çoi në dhjetor të vitit të kaluar në ekzekutimin e katër masave të arrestit me burg: tre shqiptarë dhe një italian. Për 13 persona të tjerë, të përfshirë në hetim, por jo të akuzuar për organizatë kriminale, u bë e nevojshme marrja në pyetje paraprake dhe ende nuk ka një përfundim. Në burg mund të përfundojnë edhe 13 persona të tjerë, siç ka kërkuar prokuroria.
Operacioni “Loco 2024”
Nga ky hetim i dytë, oficerët e Njësisë së Policisë Ekonomiko-Financiare të komandës provinciale të Perugias, të udhëhequra nga nënkoloneli Enrico Fiorenza, duke dëgjuar trafikantët teksa flisnin mes tyre, dhe duke i vëzhguar teksa shpërndanin sasi të mëdha kokaine, kuptuan se përmendej vazhdimisht një emër tjetër: ai i kreut të dyshuar të organizatës kriminale të shkatërruar së fundmi, që mbyll rrethin e bashkëpunëtorëve të Gianpaolo Coresit, restoratorit nga Foligno i arrestuar në janar 2025 me 65 kilogramë e 500 gramë kokainë.
E gjithë droga, sipas hetimeve, ruhej nga italiani në emër të bashkëpunëtorëve dhe, sipas analizave, mund të prodhonte rreth 283 mijë doza. Pra, jo një organizatë e vetme e madhe, por “kontakte” mes grupeve të ndryshme që nuk pushtonin as “territoret e kompetencës”, çka ka çuar në hapjen e disa hetimeve të ndryshme.
Goditje të tjera ndaj trafikut
Ndërkohë, si provë që Umbria – siç është theksuar nga prokurori i përgjithshëm Sergio Sottani – po bëhet gjithnjë e më shumë një nyje dhe magazinë për sasi të mëdha kokaine, në prill 2024 në zonën e Torricellas u arrestua një tjetër shqiptar me drogë në makinë. Në banesën e tij në Salsomaggiore, karabinierët gjetën gjithsej 40 kilogramë kokainë. Së fundmi ai u dënua me gjashtë vite burgim me gjykim të shkurtuar, përballë 14 viteve të kërkuara nga prokuroria.
Një dënim i konsideruar nga shumë si tepër i lehtë, që i shtohet atij të dhënë ndaj kreut të bandës së arrestuar së fundmi. Edhe ai – aktualisht mes tre “të pakapshmëve” dhe i shpallur në kërkim – është dënuar me tre vite burg për 17 kilogramë kokainë me të cilët u arrestua në Foligno në vitin 2022. Pas dënimit ishte edhe dëbuar, por siç rezulton nga urdhër-arresti i fundit, kjo nuk e ka penguar të drejtojë një kanal të madh trafiku nga Tirana drejt Umbrias.
Mafia shqiptare
Sipas dokumenteve hetimore të Guardia di Finanza-s – në Umbria nën drejtimin e gjeneral brigade Francesco Mazzotta dhe në Perugia të kolonelit Stefano Pietrosanto – shqiptarët e përfshirë në hetimin e fundit, që furnizoheshin kryesisht nga Spanja, kishin si bazë territorin e Folignos, ku jo vetëm magazinonin sasi të mëdha kokaine, por sipas prokurorisë së Perugias, të drejtuar nga Raffaele Cantone, ri-investonin edhe një pjesë të fitimeve të paligjshme.
Nga aty janë zhvendosur shpesh në Perugia (Collestrada, Ponte Valleceppi, Olmo dhe Ferro di Cavallo) për të dorëzuar kilogramë kokaine. Mes Perugias, Corcianos dhe Passignano sul Trasimeno lëviznin edhe shqiptarët e tjerë të arrestuar në dhjetor.
Në tre vite hetime, financat kanë dokumentuar dhjetëra e dhjetëra dorëzime: vetëm në disa raste kanë ndërhyrë për të sekuestruar drogën, duke realizuar operacione të rëndësishme (mbi 70 kilogramë) kundër krimit shqiptar që mban pjesën më të madhe të tregut të shitjes së kokainës. Në shumë raste të tjera kanë dëgjuar dhe vëzhguar, duke rindërtuar transaksione marramendëse.
E tregonin vetë të arrestuarit në disa raste: “Duhet të shesim të paktën një kilogram në muaj, se edhe po e kapën, e lirojnë”, i thoshte një nga trafikantët bashkëpunëtorit napoletan ndërsa prisnin të merrnin ato “200 copë” kokainë.
Ndërsa vetë restoratori nga Foligno, Coresi, i përgjuar pak para arrestimit që i kushtoi bandës humbjen e 65 kilogramëve, thoshte: “Çojmë tetë kilogramë në një parkim, pesë në një tjetër. A do ta shkatërroje jetën për një mijë euro në muaj?”/Dosja.al
Foto ilustruse Ndonëse jo pak tronditëse, pamjet e dhunës fizike mes një mësimdhënësi dhe një nxënësi k&e...
TIRANË- Festim Bexhdili ka bërë rekurs në Gjykatën e Lartë, kundër vendimit të Gjykatës së Posaçme t&...
Foto ilustruse TIRANA- Gjykata e Posaçme ka shpallur fajtorë dhe ka dënuar 7 anëtarët e një grupi të huajsh t&eum...
Afrim Qendro TIRANË- Afrim Qendro pak ditë pasi u lirua nga detyra e Prefektit të Tiranës, është emëruar n&e...
Foto ilustruse KUÇOVË- 40-vjeçarja Elona Bregu, punonjëse e një firme pastrimi në Kuçovë, e cila kë...
Foto ilustruse FIER- Policia ka arrestuar ditën e sotme 2 shtetase të huaja që ushtronin prostitucion në një banesë n&eu...
foto ilustuese DURRËS- Policia e Durrësit ka vënë në pranga 37-vjeçarin Xhulio Golgota, Inspektor i Autoritetit Portua...
Bankers TIRANË- Gjykata e Apelit të Posaçëm ka pranuar pjesërisht ankimimin e Ardit Keros kundër vendimit të gjy...
Foto ilustruse VORA- Policia ka arrestuar ditën e sotme dy të rinjë në Vorë. Ata u arrestuan nga forcat blu, pasi dyshohet se kan&...
Në takimin e parë zyrtar si Drejtor i Përgjithshëm i Doganës Shqiptare, Besmir Beja, priti Drejtorin e Doganës së Kosov&eum...
