Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
Dosja e Erion Veliajt/ Avokati Ndreca nuk u paraqit, gjobitet me 50 mijë lekë! Shtyhet seanca 21 Korrik, 10:54 Dosja...
“Nuk shiten malet, është mundësi për pronarët dhe emigrantët” Rama: Paketa e Maleve, nuk anulohet 21 ...
Sipas kallëzimit, Emre Olur nuk i është lejuar asnjë kontakt me avokatët përpara marrjes në pyetje nga policia dhe përpara nisjes së procedimit penal.
TIRANË- Avokatët e gazetarit turk, Ahmet Emre Olur, i cili u dëbua nga vendi ynë disa ditë më parë, kanë kallëzuar penalisht Shefin e komisariatit të policisë Kufitare të Rinasit, Përparim Dema për shpërdorim detyre. Në kallëzimin e publikuar nga Panorama.al, avokatët ngrenë pretendime se shefi i komisariatit, nuk i ka lejuar që të përfaqësojnë gazetarin turk. Sipas kallëzimit, Emre Olur nuk i është lejuar asnjë kontakt me avokatët përpara marrjes në pyetje nga policia dhe përpara nisjes së procedimit penal.
“Shefi i komisariatit në policinë Kufitare Rinas na ka privuar të takojmë klientin që ne përfaqësojmë, dhe ky fakt bije ndesh me ligjin 85/2018 “Për profesionin e Avokatit në Republikën e Shqipërisë”, por nga ana tjetër ky shef policie në mënyrë kriminale ka privuar të drejtën e ushtrimit të profesionit të avokatit, fakt që është një e drejtë themelore e njeriut, e pa respektuar nga punonjësi i policisë Përparim Dema” – thuhet në kallëzim.
Një tjetër pretendim i ngritur nga avokatët është refuzimi i Komisariatit të Policisë për të protokolluar kërkesën për azil të gazetarit turk. Sipas kallëzimit të bërë, pretendohet se avokatët kanë kërkuar nga policia që të protokollojnë kërkesën për azil politik për gazetarin, por kjo është refuzuar.
“Nga kontaktet që kemi pasur me familjarët e shtetasit Ahmet Emre Olur me numër pasaporte U14867557 me origjinë shtetas Turk, na kanë komunikuar se i rrezikohet jeta nëse do të dëbohej nga vëndi ynë drejt vëndit të origjinës dhe ky fakt do të ndodh në bazë të bindjeve politike të tij. Dhe njëkohësishtë ka shfaqur vullnetin që të kërkoj azil politik në shtetin Shqiptar. Kërkesën për azil e bazojmë në ligjin me Nr. 10/2021 “Për Azilin në Republikën e Shqipërisë”, në nënin 2 të tij përcaktohet qartë se ky ligj zbatohet për të gjithë shtetasit e huaj dhe personat pa shtetësi, të cilët kanë deklaruar qëllimin për të paraqitur kërkesë për mbrojtje ndërkombëtare në territorin e Republikës së Shqipërisë, për aq kohë sa atyre u lejohet të qëndrojnë në territorin e Republikës së Shqipërisë si kërkues për mbrojtje ndërkombëtare, si dhe për anëtarët e familjes së tyre. Njëkohësisht bazuar në Neni 5 të ligjit me Nr. 10/2021 “Për Azilin në Republikën e Shqipërisë” , e drejta për azil Republika e Shqipërisë garanton të drejtën për azil të shtetasit të huaj ose personit pa shtetësi, i cili ndodhet jashtë vendit të shtetësisë së vet ose jashtë vendbanimit të zakonshëm të mëparshëm dhe nuk ka mundësi ose dëshirë të kërkojë mbrojtjen e atij vendi për shkak të frikës së bazuar për të qenë i persekutuar për arsye të racës, të besimit fetar, të kombësisë, të anëtarësisë në një grup të caktuar shoqëror ose të bindjes politike.
Kjo kërkesë nuk është protokolluar nga Policia Rinas në shkelje të hapur me ligjin Nr. 10/2021 “Për Azilin në Republikën e Shqipërisë” për këtë avari kemi njoftuar mbi 30 herë sallën operative të policisë Rinas dhe kemi kërkuar të njoftohen epërorët për këtë kërkesë të cilën po jua paraqisnim në mënyrë të shkruar , por nga salla na është konfirmuar fakti se shefi Përparim Dema është njoftuar për këtë kërkesë. Më pas jemi paraqitur pranë Policisë Kufitare Rinas për të paraqitur kërkesën tonë por nga nënpunësit e kësaj policie na është thënë se shefi i ka urdhëruar të mos marin këtë kërkesë. Me këtë veprim Shefi Përparim Dema ka shkelur haptaz edhe nenin 5 të ligjit të mësipërm që ka të bëj me të drejtat për azil në Republikën e Shqipërisë, I cili garanton të drejtën për azil të shtetasit të huaj ose personit pa shtetësi, i cili ndodhet jashtë vendit të shtetësisë së vet ose jashtë vendbanimit të zakonshëm të mëparshëm dhe nuk ka mundësi ose dëshirë të kërkojë mbrojtjen e atij vendi për shkak të frikës së bazuar për të qenë i persekutuar për arsye të racës, të besimit fetar, të kombësisë, të anëtarësisë në një grup të caktuar shoqëror ose të bindjes politike.
Për këtë kërkesë meqënse nuk na e ka protokolluar policia, kemi njoftuar shefin Përparim Dema në numrin e tij të telefonit 06******** ku i kemi paraqitur kërkesën për azil të shtetasit Emre Olur, por shefi nuk ka kthyer përgjigje dhe nuk e ka trajtuar këtë kërkesë në shkelje flagrante me ligjin Nr. 10/2021 “Për Azilin në Republikën e Shqipërisë” dhe si përfundim e ka dërguar shetasin Turk në Turqi pa shqyrtuar më parë kërkesën e tij për Azil”, thuhet në kërkesëpadinë.
SI U KRYE NDALIMI I TIJ?
Emre Olur u arrestua në Rinas më 17 shtator. Ishin mediat turke ato raportuan për arrestimin dhe ekstradimin e tij drejt Turqisë. Gazetari investigativ Erk Acarer postoi në Twitter se këshilltari i bosit të krimit turk ishte arrestuar në Shqipëri dhe se ishte i pajisur me nënshtetësinë shqiptare. Kur pritej që ai të ekstradohej drejt Turqisë procedurat u hasën në "ngërç", duke bërë që Olur të mbetej në paraburgimin e Rinasit për t'u ekstraduar mëngjesin e sotëm. Emre Olur njihet si këshilltari i Sedat Peker-it, një prej bosëve të mafias turke dhe ky i shpallur në kërkim si i lidhur me krimin e organizuar. Përmes një shkrese zyrtare kërkoi që të strehoej në Shqipëri, pasi pretendon se në Truqi ndiqet penalisht për shkak të qëndrimeve të tij editoriale, kundër qeverisjes së presidentit Erdogan.
Foto Ilustruese SHQIPËRI- Në Shqipëri, Prokuroria e Tiranës ka vendosur ndalimin e çdo të dhëne të botuar nga aut...
Blindat ushtarake TIRANË- Një numër i madh makinash të blinduara ushtarake kanë vendosur të bëjnë një ‘p...
Artan Gjermeni TIRANË- Këshilli i Lartë Gjyqësor, KLGj vendosi të hënën më 19 shtator të deklarojë m...
Anila Hoxha TIRANË- Gazetarja Anila Hoxha thotë se hakerat kanë sulmuar zemrën dhe trurin e Policisë së Shtetit. E ftuar n&e...
Klodiana Lala TIRANË- Gazetarja Klodiana Lala tha se përmes publikimit të e-maileve është cënuar rëndë siguria komb...
Klodiana Lala TIRANË- Gazetarja Klodiana Lala tha se konflikti i ndodhur mes Gledis Nanos, kryeministrit e Ministrit të Brendshëm ësht&...
Klodiana Lala TIRANË- Gazetarja Klodiana Lala tha se publikimi i të gjitha e-maileve të hakëruara do të sjellë hakmarrje. E f...
Gazetarja Dorjana Bezati TIRANË- Gazetarja Dorjana Bezati tha se publikimi i të dhënave sensitive nuk do të ndalet me e-mailet e ish-D...
Droga e sekuestruar SPANJË- Një ndër bandat më të rrezikshme, e drejtuar nga shqiptarë dhe italianë, këta t&eu...
Klodiana Lala Klodiana Lala: Janë marrë të dhëna nga sistemi MEMEX, ky sistem përmban të dhëna për persona të ...
