Dosja e Erion Veliajt/ Avokati Ndreca nuk u paraqit, gjobitet me 50 mijë lekë! Shtyhet seanca 21 Korrik, 10:54 Dosja...
“Nuk shiten malet, është mundësi për pronarët dhe emigrantët” Rama: Paketa e Maleve, nuk anulohet 21 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
TIRANË– Krydemokrati Lulzim Basha është shprehur se koha e ish-kryeministrit Sali Berisha si politikan ka mbaruar. Në një intervistë për Vizion Plus, Basha tha se Berisha ka filluar të flasë me një gjuhë të poshtër e me një gjuhë më denigruese se sa ajo e kryeministrit Edi Rama. Ai shtoi se rruga që zgjedhur Berisha është totalisht në kundërshtim me parimet dhe vlerat e Partisë Demokratike. Sipas kryedemokratit, Berisha po i përdor demokratët për hallet e veta personale.
Pjesë nga intervista:
Pyetja: Do të doja të kthehesha pas, në 9 shtator në fakt kur ju vendosët pezullimin e Sali Berishës nga grupi parlamentar i Partisë Demokratike. Aso kohe ju deklaruat, rrugëtimi i Sali Berishës në politikë, nuk ndahet dot nga rrugëtimi i Partisë Demokratike dhe sukseseve të saj në qeverisjen e vendit dhe mbrojtjen e interesit publik. Sot në fakt ju flisni për përjashtimin e Sali Berishës, çfarë ndryshoi në këto dy muaj e gjysmë.
Lulzim Basha: Nuk flas për përjashtimin e Sali Berishës, unë flas për zbatimin e statutit ndaj çdokujt, qoftë ky dhe Sali Berisha, e para. E dyta, ajo që ka ndodhur është e qartë, këto dy muaj kohë Sali Berisha nuk i shfrytëzoi për të bërë të vetmin akt që prisnin dhe meritonin demokratët. Dhe që ai e premtoi në verë që mos të përfshinte Partinë Demokratike dhe as grupin parlamentar, që ka një detyrë shumë të rëndë dhe shumë të rëndësishme para demokratëve dhe shqiptarëve, përballjen me regjimin e Edi Ramës, përballjen me masakrën zgjedhore, përballjen me përditshmërinë e shqiptarëve që është një vuajtje e pafund nga ky regjim. Përkundrazi, iu mbivendos kësaj detyre parësore të Partisë Demokratike dhe në dy muaj kohë, në vend që ta përdorte për të bërë atë që priste çdo demokratë, një qëndrim dinjitoz, ashtu siç e premtoi në një distancim nga Partia Demokratike, nga grupi parlamentar për ta vazhduar betejën e tij të cilën ka vendosur ta ndjek në rrugë ligjore, sepse është shpallur “non grata” nga Shtetet e Bashkuara të Amerikës, partneri strategjik i Shqipërisë, partneri strategjik i Partisë Demokratike në 30 vite. Përkundrazi, e përdori këtë kohë për të shpalosur anët e tij më të errëta. Siç kemi parë gjatë ditëve dhe javëve më të fundit, me kulturën e linçimit dhe sulmeve më të turpshme, më të ulëta, përfshirë ndaj drejtueseve gra demokrate që nuk mendojnë si ai. Me një gjuhë të poshtër, denigruese e cila i ngjan, madje mund të them në disa aspekte ia kalon edhe sulmeve që Edi Rama bën ndaj të njëjtëve persona. Prandaj, gjithçka ka ndryshuar që nga 9 shtatori. Rruga që Sali Berisha ka zgjedhur nuk ka asnjë lidhje më me vlerat dhe parimet për të cilat qëndron kjo parti, e ka bërë këtë sepse dëshiron, ka zgjedhur që të bëjë gjithçka për ta përdorur Partinë Demokratike edhe demokratët si mish për top për hallet e veta. Këtë nuk mund t’ia lejoj dhe t’ia fal asnjë demokrati të ndershëm.
Pyetja: Por zoti Basha, a ndani ju të njëjtat qëndrime me qeverinë e Shteteve të Bashkuara të Amerikës, se Sali Berisha, një, është i korruptuar, dy është minues i demokracisë?
Lulzim Basha: Unë nuk e kam komentuar dhe nuk e komentoj vendimin e qeverisë amerikane dhe përpjekja për të tërhequr njerëz që kanë sakrifikuar për këtë parti në një betejë me Shtetet e Bashkuara të Amerikës, është e pafalshme, madje do të thoja kriminale. Sepse është një betejë që çon në dobësimin dhe asgjësimin e Partisë Demokratike si e vetmja alternativë, si e vetmja shpresë për ta nxjerr Shqipërinë nga kjo gjendje.
Pyetja: Por a është Sali Berisha një politikan i korruptuar zoti Basha?
Lulzim Basha: Sali Berisha ka demonstruar dy muajt e fundit se është një njeri dhe një politikan që i ka mbaruar koha, është jashtë kohe. Është jashtë kohe me mënyrën se si është sjell.
Ç’po ndodh në PD?
Ish-kryeministri Sali Berisha kërkon të mbledhë Kuvendin Kombëtar të Partisë Demokratike më 11 dhjetor. Ai pretendon se ka dorëzuar mbi 5 mijë formularë me firmë të demokratëve, shumë më tepër se 1 e katërta që i nevojitet për të thirrur Kuvendin, por Basha nuk e njeh këtë procedurë. Edhe pse është ftuar nga vetë Berisha e Kryetari i Këshillit Kombëtar, Edi Paloka, të cilit i janë besuar formularët, Basha nuk është paraqitur për të bërë verifikime. Sekretari i Përgjithshëm i Partisë Demokratike, Gazmnet Bardhi është shprehur publikisht se firmat dorëzohet në sekretariatin e partisë, verifikohen aty e më pas nëse janë korrekte thirret Kuvendi. Sipas Bardhit nuk ka Kuvend më 11 dhjetor pasi është tejkaluar çdo limit kohor dhe në selinë blu s’ka shkuar asnjë kërkesë zyrtare. Basha ka thirru Kuvend më 18 dhjetor.
(F.m/dosja.al)
Cila mendoni se është alternativa më e mirë:
TIRANË– Kryedemokrati Lulzim Basha ka ‘shpërthyer’ ashpër ndaj Presidentit Ilir Meta pasi është shprehur se demokratët nuk i kanë asnjë b...
TIRANË– Kryedemokrati Lulzim Basha është shprehur se ish-kryeministri Sali Berisha po e saboton Partinë Demokratike. Në një intervistë për VizionPlus...
TIRANË– Deputeti i Partisë Demokratike Saimir Korreshi është shprehur se partia ku ai bën pjesë nuk e ka luksin të humbasë as liderin historik Sali B...
TIRANË– Dosja.al ka siguruar formularin që ka shpërndarë kryedemokrati Lulzim Basha për thirrjen e Kuvendit Kombëtar të Partisë Demokratike më datë 1...
TIRANË- Shtatë persona janë arrestuar për vepra të ndryshme penale.Në pranga është vë një 50-vjeçar, i cili kishte dhunuar gruan e tij. Dy persona t...
TIRANË-Arbër Çekaj do t’i bashkohet “grupit” në regjimin e posaçëm, “41-biss”. Pas Aleksandër Llanajt, Fatmir Pjetrit dhe Redjan Rrajës, sot ...
ELBASAN– Një ngjarje e rëndë ka ndodhur në qytetin e Elbasanit, ku një 35-vjeçar është arrestuar nga Policia pasi ka ushtruar dhunë ndaj babait të ...
Bert, gërmimet për By Pass-in e qytetit zbulojnë koletorin e ujit 100-vjeçar në qytet në lagjen “Goricë”, ndërpriten punimet.vijon…(F.m...
FIER– Inspektori i Autoritetit të Kontrollit Ushqimor, Mirel Koçi ka rënë në prangat e Policisë pasi akuzohet për shpërdorim detyre dhe falsifikim ...
TIRANË– Gjykata e Posaçme kundër Korrupsionit dhe Krimit të Organizuar ka pranuar kërkesën e SPAK për të pushuar padinë e presidentit Ilir Met...
