Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
Dosja e Erion Veliajt/ Avokati Ndreca nuk u paraqit, gjobitet me 50 mijë lekë! Shtyhet seanca 21 Korrik, 10:54 Dosja...
“Nuk shiten malet, është mundësi për pronarët dhe emigrantët” Rama: Paketa e Maleve, nuk anulohet 21 ...
Nëna e saj, Tetyana Okhrimenko, përmend të paktën 13 shtete ku është prezantuar puna e Nikas. Okhrimenko është vetë artiste dhe ligjëron për vizatim. Ajo ka qenë mësuese e më shumë se 250 fëmijëve në studion e saj në Dnjipro para se të niste lufta.
UKRAINË- Kur ushtria ruse e ka dëbuar Nika Streletskayan dhe nënën e saj nga shtëpia e tyre në lindje të Ukrainës, ajo ka mundur të marrë shumë pak gjëra me vete. Mirëpo talenti i saj ka udhëtuar bashkë me të. Dhe me sa duket, është i durueshëm. Gati një vit më vonë, shtatëvjeçarja është duke jetuar bashkë me shumë refugjatë ukrainas në qytetin e Varnas në Bullgari. Përmes pikturave të saj, Nika tenton të tejkalojë pasojat e luftës. Rezultatet janë po aq dramatike sa edhe trazirat që e kanë detyruar atë dhe miliona ukrainas që të largohen nga shtëpitë e tyre, prej kur presidenti rus, Vladimir Putin ka urdhëruar pushtimin e Ukrainës, në shkurt të vitit të kaluar.
Pikturat e Nikas kanë fituar vëmendjen e Radios Evropa e Lirë për herë të parë në vjeshtën e vitit të kaluar, gjatë një vizite në një kamp refugjatësh, ku ka qenë duke qëndruar ajo me nënën e saj. Pikturat e disa fëmijëve ukrainas kanë qenë të varura nëpër mure. Mirëpo pikturat e Nikas ka qenë më të veçantat.
E konsideruar si një nga artistet më shpresëdhënëse edhe para luftës, Nika veçse është njohur dhe është nderuar me çmime në Londër, Los Angjelos, Versajë e Vjenë. Ajo është përfshirë edhe në një libër të publikuar në Ukrainë me emrin Enciklopedia e fëmijëve talentë. Nika po ashtu ka organizuar më parë ekspozita nëpër Ukrainë, e deri në Japoni. Ajo ka fituar disa çmime edhe në Bullgari. Pak ditë pas nisjes së pushtimit rus, Nika dhe nëna e saj kanë ikur 1.000 kilometra e diçka në Bullgari për shkaqe të sigurisë.
Nëna e saj, Tetyana Okhrimenko, përmend të paktën 13 shtete ku është prezantuar puna e Nikas. Okhrimenko është vetë artiste dhe ligjëron për vizatim. Ajo ka qenë mësuese e më shumë se 250 fëmijëve në studion e saj në Dnjipro para se të niste lufta.
“Nika është rritur me brusha, ngjyra, lapsa dhe kanavaca. Ajo është rritur me piktura. Ajo ka qenë gjithmonë e rrethuar me njerëz që kanë pikturuar”, ka thënë nëna e vajzës për Shërbimin bullgar të Radios Evropa e Lirë.
“Mendoj se ky fakt i ka ndikuar në dëshirën për t’u bërë artiste”.
Okhrimenko dhe vajza e saj janë akomoduar fillimisht në hotelin Golden Sands, i cili gjendet në veri të qytetit Varna. Për fatin e saj, edhe familjet e shumë nxënësve të saj kanë qenë në hotelin e njëjtë. Të gjithë më pas kanë rinisur vizatimet. Përveç tyre, edhe fëmijë shtesë u janë bashkuar, duke hequr kështu mendjen nga presioni psikologjik që u është shkaktuar nga lufta.
Pas fazave të para të ndihmës së Qeverisë bullgare për refugjatët ukrainas, Nika, nëna e saj dhe refugjatë tjerë janë zhvendosur në një vend më modest ku janë duke qëndruar edhe tani. Atyre nuk u ofrohet më ushqimi falas, duke i bërë të varur nga ndihma e donatorëve dhe vullnetarëve. Një vullnetar i organizatës bamirëse, Open Heart, i ka parë disa prej pikturave të Nikas.
Shumë shpejt, Nikas dhe disa fëmijëve tjerë u është mundësuar që të ndjekin një kurs në qendër kulturore bullgaro-ukrainase, i cili është sponsoruar nga organizata bamirëse. Okhrimenko është kthyer në mësuese vullnetare në atë qendër. Babai i Nikas, punëtor shëndetësor, vazhdon të jetë me qindra burra tjera në Dnjipro.
Organizata bamirëse, Open Heart do të organizojë në muajin shkurt një ekspozitë me pikturat e Nikas, për të shënuar përvjetorin e luftës së Rusisë në Ukrainë dhe mënyrën se si ua ka ndryshuar jetën shumë personave, përfshirë fëmijëve si ajo./REL
Portugali PORTUGALI- Një ngjarje e rëndë është shënuar në Portugali. Dy persona humbën jetën dhe 14 t&eum...
Dombas UKRAINË- Luftimet e ashpra janë duke u zhvilluar në pjesët veriore të pikës së nxehtë të vijë...
Bossi i Cosa Nostras ITALI- “Dhe unë kam ngecur këtu me të katër gomat në tokë, të ngecura në asfalt. Dh...
peshkaqen AUSTRALI- Një ngjarje e rëndë është shënuar në Australi. Një vajzë 16-vjeçare ka vdekur ...
Koreja e Jugut KOREJA E JUGUT- Anijet dhe avionët e rojes bregdetare të Koresë së Jugut po kërkonin të dielën në uj...
Rishi Sunak BRITANI- Zyrtarët e lartë të BE-së, janë shfaqur të shqetësuar sa i takon pozicionit të Rishi Suna...
ushtria UKRAINË- Presidenti i Ukrainës, Volodymyr Zelenskyy, ka paralajmëruar se situata në vijën e frontit lindor po bë...
Volodymyr Zelenskyy UKRAINË- Kancelari gjerman Olaf Scholz ka thënë se ka një konsensus me presidentin ukrainas Volodymyr Zelenskyy se ...
incidenti me Kuranin në Suedi SUEDI- Planet e Suedisë, por edhe Finlandës, për t’u anëtarësuar shpejt në NATO, kan...
Naftali Bennet dhe Vladimir Putin IZRAEL- Ish-kryeministri Naftali Bennett ka zbardhur bisedën telefonike me presidentin rus Vladimir Putin. Ai k...
