6 interperlanca në Kuvend/ Seanca plenare nis me një minutë heshtje për vrasjen e efektivit në Korçë
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
E rëndë në Maliq/ Vritet polici gjatë operacionit për kapjen e një personi të kërkim, plagoset dhe nj&eu...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
Gjatë viteve, grupi ka marrë përsipër shumë sulme ndaj Izraelit dhe është cilësuar si organizatë terroriste nga Shtetet e Bashkuara, Bashkimi Evropian dhe Izraeli. Departamenti Amerikan i Shtetit në vitin 2021 tha se Hamasi merr fonde, armë dhe trajnime nga Irani, si dhe disa fonde që mblidhen në vendet arabe të Gjirit.
IZRAEL- Analistët thonë se sulmi i grupit militant palestinez Hamas ndaj Izraelit që filloi të shtunën do të shihet si një pikë kthese në konfliktin palestinezo-izraelit me pasoja të gjera. Në një artikull kushtuar konfliktit CNN shkruan se Izraeli nuk kishte parë sulm të tillë që nga lufta arabo-izraelite e vitit 1948.
Pasi grupi militant i Hamasit depërtoi në terrorin izraelit, vrau qindra ushtarë dhe civilë dhe mori dhjetëra pengje, kryeministri Benjamin Netanyah u zotua për hakmarrje. Hamasi nga ana tjetër tha se ishte i përgatitur për të gjithë skenarët, duke deklaruar se sulmi ishte ndëshkim për ato që i përshkroi si sulme ndaj grave, përdhosjen e xhamisë al-Aksa në Jerusalem dhe rrethimin e vazhdueshëm të Gazës.
Çfarë është Hamasi?
Një organizatë islamike, Hamasi u krijua për herë të parë në vitin 1987. Ishte një degë e Vëllazërisë Myslimane, një grup islamik sunit që u themelua në fund të viteve 1920 në Egjipt. Grupi, si shumica e fraksioneve dhe partive politike palestineze, këmbëngul se Izraeli është një fuqi pushtuese dhe se po përpiqet të çlirojë territoret palestineze. Ai e konsideron Izraelin një shtet të paligjshëm.
Ndryshe nga disa fraksione të tjera palestineze, Hamasi refuzon të angazhohet me Izraelin. Në vitin 1993, ajo kundërshtoi Marrëveshjen e Oslos, një pakt paqeje midis Izraelit dhe Organizatës për Çlirimin e Palestinës (PLO), ku kërkohej nga grupi të hiqte dorë nga rezistenca e armatosur kundër Izraelit në këmbim të premtimeve për një shtet të pavarur palestinez përkrah Izraelit. Marrëveshja themeloi gjithashtu Autoritetin Palestinez (PA) në Bregun Perëndimor të pushtuar nga Izraeli.
Gjatë viteve, grupi ka marrë përsipër shumë sulme ndaj Izraelit dhe është cilësuar si organizatë terroriste nga Shtetet e Bashkuara, Bashkimi Evropian dhe Izraeli. Departamenti Amerikan i Shtetit në vitin 2021 tha se Hamasi merr fonde, armë dhe trajnime nga Irani, si dhe disa fonde që mblidhen në vendet arabe të Gjirit.
Cila ishte strategjia e Hamasit në kryerjen e sulmeve?
Një objektiv do të ishte rikthimi i çështjes palestineze në axhendën rajonale dhe ndërkombëtare. Loja e re është normalizimi saudio-izraelit dhe ky integrim i ri rajonal. Princi i kurorës saudite Mohammed bin Salman muajin e kaluar pranoi publikisht për herë të parë se negociatat ishin duke u zhvilluar me Uashingtonin për të vendosur ndoshta lidhje me Izraelin, duke thënë se normalizimi po bëhet "më afër" çdo ditë. Normalizimi saudito-izraelit mund të jetë një moment historik për legjitimitetin rajonal të Izraelit pasi mund të nxisë vendet e tjera myslimane të ndjekin shembullin. Arabia Saudite më parë ishte zotuar të mos e njihte Izraelin derisa ai t'u japë pavarësinë palestinezëve.
Hamasi ia ka arritur qëllimit të tij për të rikthyer vëmendjen te kauza palestineze. Grupi mund të jetë gjithashtu duke u përpjekur të shkatërrojë çdo koncept rreth aftësive të tij ushtarake, thonë analistët.
Ndërkohë ushtria izraelite tha të hënën se Hamasi kishte marrë “dhjetëra” pengje dhe Hamasi ka thënë se ka rrëmbyer më shumë se 100 njerëz. Numri i pengjeve të marra dhe fakti që shumë prej tyre janë civilë, tregon se Hamasi po kërkon shumë më tepër sesa një shkëmbim të burgosurish, thanë ekspertët. Në një situatë të mëparshme rrëmbimi, Izraeli shkëmbeu më shumë se 1000 të burgosur për një peng izraelit.
Numri i madh i pengjeve siguron që "kjo nuk është një sulm ushtarak jetëshkurtër që do të shuhet dhe do të harrohet", por që ka implikime politike afatgjata. Si pjesë e fushatës së tij kundër Izraelit, Hamasi prodhoi video propagandistike që dokumentonin sulmin e tij ndaj Izraelit hap pas hapi. Në disa video, luftëtarët e saj mbanin kamera trupore për të filmuar operacionet teksa depërtonin fortifikimet izraelite dhe u panë të veshur me uniforma të stilit komando.
Nga njëra anë, është për të "rrënjosur frikën" në publikun izraelit dhe për të nënkuptuar se udhëheqësit e tyre nuk mund t'i mbajnë ata të sigurt. Nga ana tjetër, është edhe për konsum të brendshëm palestinez. Hamasi ka qenë prej kohësh i kapur në një luftë politike me Autoritetin Palestinez, i cili qeveris Bregun Perëndimor dhe angazhohet në koordinimin e sigurisë me Izraelin.
A mund t'i mbijetojë Hamasi përgjigjes së Izraelit?
Ofensiva në shkallë të gjerë e Hamasit tregon se grupi e di se lufta e ardhshme mund të jetë ekzistenciale, thonë ekspertët. Michael, nga INSS, spekulon se Hamasi mund të ketë qenë duke u përpjekur të provokojë një luftë të gjithanshme me Izraelin dhe mund t'i jetë premtuar mbështetje rajonale nga aleatët e tij nëse kjo ndodh.
Një zyrtar i lartë i Hamasit, Saleh al-Arouri, gjatë fundjavës tha se grupi militant ishte gati për "skenarin e rastit më të keq, duke përfshirë një pushtim tokësor". Ai tha se pushtimi tokësor do të ishte "më i miri për ne për të vendosur përfundimin e kësaj beteje".
Pamje nga Izraeli FRANCË- Franca ka ngritur dyshimet se mes 18 shtetasve francezë të zhdukur pas sulmeve të Hamasit në ...
Izrael IZRAEL- Izraeli po përgatit spitalet dhe sistemin e tij të kujdesit shëndetësor në rast përshkallëzimesh të ...
Parlamenti Evropian STRASBURG- Parlamenti Evropian mbajti homazhe për viktimat e sulmeve terroriste në Izrael, në prani të Presidentes ...
Joe Biden SHBA- Presidenti i Shteteve të Bashkuara Joe Biden shprehu të martën mbështetje të plotë për Izraelin dhe...
Benjamin Netanyahu IZRAEL- Kryeministri Benjamin Netanyahu dhe Gantz në një deklaratë të përbashkët njoftoi se ësh...
Foto ilustruese Sulmet terroriste të militantëve islamikë Hamas ndaj Izraelit kanë shkaktuar tashmë efekte që arrijnë p&...
foto ilustruese IZRAEL- Energjia elektrike është ndërprerë në Rripin e Gazës pasi termocentrali i vetëm nuk ka m&eu...
Gjermani GJERMANI- Gjermania deri më tani ka evakuuar nga Izraeli studentë nga 17 klasa, u tha ligjvënësve Ministrja e Jashtme gjerman...
Vjosa Osmani KOSOVË- Presidentja e Kosovës, Vjosa Osmani, në një intervistë për televizionin publik të Kroacisë...
Vjosa Osmani KROACI- Presidentja e Kosovës, Vjosa Osmani gjatë qëndrimit të saj në Kroaci ka vizituar fabrikën e armëve ...
