Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Dhjetëra mijëra kompani kërcënohen me mbyllje në vitet e ardhshme. Pronarët kërkojnë pasardhës, por kjo është gjithnjë e më e vështirë.
GJERMANI - "Njohuritë do të humbasin e kjo është e rrezikshme," thotë Hartmut Petzold, ndërsa grumbullon disa kuti me argjilë dhe pastrues të xhamave të makinës në depon e tij në Hagen. Që nga viti 1988, 68-vjeçari Hartmut dhe vëllai i tij 66-vjeçar Christian kanë prodhuar dhe shitur produkte dhe bojëra për automjete.
"Kemi punuar nësipërfaqet e automjeteve për kaq shumë vite, kemi përpunuar mijëra litra bojë, kemi fituar çmime dhe konkurse, ndaj e kemi vështirë ta lëmë këtë punë”, thotë Christian Petzold. "Por tani jemi në moshën e pensionit dhe duhet t'u themi gjërave lamtumirë." Vëllezërit Petzold e duan punën e tyre, por ata besojnë se kohët në Gjermani janë përkeqësuar.
Puna duhet të përfundojë në duar të mira
Të ardhurat janë ulur vitet e fundit, shumë klientë të dikurshëm kanë falimentuar dhe vëllezërit e dinë që dorëzimi ikompanisë është i nevojshëm. Ata janë përpjekur të gjejnë një pasardhës dhe po kërkojnë prej vitesh – deri tani pa sukses.
"Nëse ju intereson diçka, ju dëshironi që kompania të vazhdojë të funksionojë, jo të dështojë”, thotë Christian Petzold. Ata duan që ajo që kanë krijuar të përfundojë në duar të mira. Por akoma nuk kanë gjetur askend në familje apo jashtë.
"Veprimtaria e biznesit përfaqëson një sfidë të madhe për bizneset e mesme gjermane," konfirmon Marc Evers, një ekspert në Dhomën Gjermanetë Industrisë dhe Tregtisë (DIHK). "Numri i sipërmarrësve që kërkojnë një pasardhës është tre herë më i madh se numri i të interesuarve për vazhdimin e këtyre bizneseve”. Sipas vlerësimit të DIHK-së, gjatë pesë viteve të ardhshme më shumë se 250.000 kompani do të mbyllen nëse nuk gjejnë ndonjë pasardhës.
Problemi është demografia
Problemet demografike në Gjermani po lënë pasoja. Nga mosha 18 deri në 40 vjeç zakonisht merret vendimi nëse dikush do të marrë përgjegjësinë si sipërmarrës apo jo. "Megjithatë, këto breza po zvoglohen çdo vit. Në të njëjtën kohë, gjithnjë e më shumë sipërmarrës po arrijnë moshën e pensionit," thotë Evers.
Një nga arsyet janë vetë sipërmarrësit: 29 për qind e tyre e kanë të vështirë të ndahen emocionalisht nga kompania e tyre. Një në pesë sipërmarrës pret tepër gjatë për të transferuar biznesin e tij, duke shpresuar ta shesë më shumë dikur.
Një kompani e ndërtuar me zemër
Megjithatë, vëllezërit Petzold nga Hagen nuk mendojnë kështu. "Biznesi ynë është ndërtuar kryesisht me zemër," thotë Hartmut Petzold. "Dikur ishim të uritur për sukses. Kemi punuar shumë, shpesh deri në 20-orë në ditë. Sigurisht që ka probleme me ekuilibrimin e punës me jetën e përditshme. Të jesh sipërmarrës do të thotë sakrificë dhe bindje absolute, thotë Hartmut Petzold. "Motivimi duhet të jetë i madhe prej fillimit."
DIHK parashikon se Gjermanisë do t'i mungojnë pikërisht këta sipërmarrës në të ardhmen. "Njohuritë dhe vlerat po zhduken. Nëse ka më pak kompani, do të kemi më pak konkurrencë dhe më pak inovacion", thonë nga DIHK. "Përfundimisht çmimet do të rriten dhe do të kemi problem me konkurrencën ndërkombëtare”.
Përgatitja e mirë
Është e rëndësishme që kompanitë të jenë gati për të ardhmen. Rreth tre deri në dhjetë vjet përpara transferimit, pronarët duhet të fillojnë të përgatiten për gjeneratën e ardhshme. Kalimi nga një pronar tek tjetri duhet të përgatitet mirë dhe të mendohen të gjitha detajet. Por vëllezërit Petzold nga Hageni akoma nuk kanë gjetur ndonjë zgjidhje dhe nuk janë shumë optimistë./DW
Trump, Meloni SHBA - I rrethuar me flamuj amerikanë, presidenti i zgjedhur i Shteteve të Bashkuara, Donald Trump, e lexoi një listë t&e...
Donald Trump SHBA- Donald Trump kthehet në presidencën amerikane të hënën me një ceremoni inaugurimi në Uashington, q&eu...
Melania Trump, Ivanka Trump dhe Tiffany Trump SHBA- Gjatë fundjavës që çon në inaugurimin e Donald Trump si president i 47-...
Donald Trump SHBA - Presidenti i zgjedhur i Shteteve të Bashkuara, Donald Trump, ka thënë përsëri se do t’i bëjë U...
Pamje nga azili SERBI - Një ngjarje e rëndë raportohet të ketë ndodhur në Serbi, në shtëpinë e të mo...
Foto ilustruese SHBA- TikTok-u i riktheu shërbimet për 170 milionë përdoruesit e vet në Shtetet e Bashkuara të dielën, p...
Melania Trump SHBA- Zonja e parë e ardhshme amerikane, Melania Trump, ka lançuar një kriptomonedhë në prag të inauguri...
Foto ilustruese GJERMANI - Julian Gamper është nën presion. Ai jo vetëm që punon në kompaninë e tij, por së bashku ...
Foto nga takimi HAMAS - Ky është momenti emocionues kur Emily Damari dhe dy pengje të tjerë të Hamasit përqafuan më...
Foto ilustruese SHBA- Inagurimi i një presidenti në SHBA tradicionalisht organizohet më 20 janar dhe sivjet këtë të h&eu...
