Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
Dosja e Erion Veliajt/ Avokati Ndreca nuk u paraqit, gjobitet me 50 mijë lekë! Shtyhet seanca 21 Korrik, 10:54 Dosja...
“Nuk shiten malet, është mundësi për pronarët dhe emigrantët” Rama: Paketa e Maleve, nuk anulohet 21 ...
Diçka e pazakontë ka ndodhur në raportet Kosovë -Shqipëri. Edi Rama ka paditur Ramush Haradinajn pas zënkave disa mujore me deklarata. I akuzuar se është bërë pjesë e planeve për ndarjen e Kosovës dhe pasurisë së Trepçës, Rama po dëshiron ta pastrojë emrin e tij para Gjykatave në Prishtinë. Lajmi u publikua pikërisht kur në Kosovë po shënohej përvjetori i Masakrës së Reçakut. Në reagimet e shumëta, Kryeministrit të Shqipërisë iu përmend miqësia me Vuçiqin dhe qasja armiqësore ndaj vëllait kosovar. Ka kohë që Edi Rama s’ka shkelur në Kosovë, e kur të vijë duket se destinacioni i vetëm i tij do të jetë Gjykata ku do t’i duhet të japë prova kundër deklaratave të Haradinajt.
Serinë e sulmeve dhe fyerjeve ndaj Ramush Haradinajt, kryeministri i Shqipërisë, Edi Rama, ashtu siç kishte deklaruar para disa muajsh, e ka konkretizuar me një padi të cilën e ka dorëzuar në Gjykatën Themelore të Prishtinës. Kjo padi ka ardhur pas deklarimeve të më hershme të kryeministrit në detyrë, se Edi Rama, bashkë me Hashim Thaçin e Aleksandar Vuçiqin kishin hartuar planin e ndarjes së Kosovës dhe grabitjes së 10 miliardë eurove.
Haradinaj. Me t’u publikuar lajmi ka thënë se Ramës do t’i përgjigjet në gjykatë, ndërsa Zyra e Haradinajt ende nuk ka pranuar ndonjë shkresë zyrtare lidhur me padinë. Lajmi ka bërë bujë për shkak se një rasti të tillë vështirë se mund t’i gjendet precedenti, ndërkohë zërat që kritikojnë Ramën pas një veprimi të tillë janë të shumtë.
Avokati i njohur kosovar Dastid Pallaska ka shpjeguar sot se si ligjërisht mund të zhvillohet e gjithë kjo. Ai ka thënë se Edi Ramës do t’i duhet ta vërtetojë vet para gjykatës se nuk është ‘tradhtar’.
“Kjo do të thotë se – po që se padia tejkalon pengesat e shumta procedurale dhe do të shqyrtohet meritorisht – Kryeministri i Shqipërisë do ta ketë barrën e provës për të vërtetuar se nuk është “tradhtar.”, ka shkruar Pallaska.
Pa reaguar nuk kanë qëndruar as nga kampi i Haradinajt. Ish-deputeti Muharrem Nitaj, ka thënë se bazuar në logjikën e padisë, Rama duhet të ngre edhe mijëra të tilla për gjithë ata që kanë thënë se Rama është një prej ideatorëve të korrigjimit të kufijve e shkëmbimit të territoreve.
“Kjo ma kujton perlën e atij plakut: “S’pata gajle qe m’ranë ujqit ndër dele, por u merzita shumë pse qent’ e mi hanin mish bashkë me ta! Dhe meqë ra fjala, ky zotnia u dashka të ngre padi ndaj mijëra njerëzve, shqiptarë e të huaj, të cilët kanë thënë se pikërisht Edi Rama ishte njëri prej ideatorëve të shkëmbimit të territoreve!”, ka shkruar Nitaj.
Ka folur edhe kreu i PD’së, Lulzim Basha, duke e quajtur një ‘perversitet të shëmtuar anti-kombëtar’.
Ndërkohë në mediat serbe është bërë një ‘festë’ e vërtetë, të cilat kanë raportuar me shumë pompozitet lidhur me një padi të tillë të cilën Rama ia ka ngritur Ramush Haradinajt.
Por kur kishte filluar fundi i raporteve Rama-Haradinaj.
Gjatë takimit në Berlin në fundin e prillit 2019, presioni i Edi Ramës ndaj Haradinajt në sy të Macronit dhe Merkelit për ta hequr taksën, kishte bërë që kryeministri në detyrë të shpërthente në ofendime banale ndaj Ramës.
Një presion të tillë Haradinaj e kishte zbuluar në një intervistë për T7, ku kishte thënë se kryeministri i Shqipërisë i kishte bërë presion për ta heq taksën më shumë se sa Merkel dhe Macron, gjë që nuk i kishte pëlqyer fare Ramës.
Rama kishte mohuar deklarimet e Haradinajt atë kohë dhe kishte thënë se në mënyrë jo të drejtë po bënë publike pjesë të bisedave konfidenciale.
“Askush s’i ka bere Ramushit presion ne Berlin për te hequr taksen. Unë jo e jo. Madje askush as ia ka kërkuar hiç qe ta heqë taksen! Unë jo e jo. Përkundrazi”, kishte thënë Rama.
Kjo përplasje në Berlin kishte qenë vetëm fillimi. Në çdo studio televizive të dy politikanët sa herë u jepe rasti shkëmbenin akuza dhe kundër akuza.
E deklarimet për të cilat Rama ka ngritur padi, Haradinaj i kishte thënë në një intervistë për emisionin e gazetarit shqiptar, Artur Zheji.
Haradinaj pati thënë se ai, me anë vendosjes së taksës dhe ngrirjes së dialogut me Serbinë, kishte shpëtuar minierën e Trepçës nga ndarja, si një ndërmarrje me shumë fitim që ishte parashikuar ti takonte serbëve në planin e ndarjes së kufijve, duke përmendur kështu emrat e Ramës, Thaçit e Vuçiqit.
“Me një investim jo më të madh se sa 140 milionë euro, Trepça jep një fitim neto rreth 500 milionë euro në vit, për 20 vjet bëjnë 10 miliardë euro, të cilat duhet ti gëzojë Kosova dhe jo Serbia”. Unë Ndalova grabitjen e këtyre 10 miliardë euro, që do të realizohej, nëpërmjet planit të ndarjes së Kosovës! Ky dhe ishte pikësynimi i fshehtë ekonomik, në planin e shkëmbimit të territoreve ndërmjet Kosovës dhe Serbisë. Thaçi, Vuçiç dhe Rama, ishin bashkëpunëtorë në realizimin e kësaj skeme. Por unë e ndalova këtë grabitje dhe miniera e Trepçës, sot e prej dy muajsh, i përket vetëm Kosovës”, kishte thënë Haradinaj.
Pas këtyre deklarimeve të Haradinajt, Rama kishte paralajmëruar padi gjatë një intervistë të dhënë për Opinion, pasi sipas tij deklarime të tilla janë gënjeshtra të Ramush Haradinajt.
Ndërkohë përplasjet nuk ndaleshin. Ato u rikthyen përsëri pas lansimit të idesë së ashtuquajtur ‘minishengen ballkanik’. Mohimi që një ide e tillë kishte marrë nga Prishtina zyrtare kishte zemëruar Edi Ramën i cili nuk ngurronte që të drejtonte kritika dhe akuza në drejtim të Kosovës duke e pasur Vuçiqin në krah.
Haradinajn e kishte cilësuar si gënjeshtar dhe të paditur, pasi kryeministri në detyre kishte thënë se përmes idesë së Minishengenit, Edi Rama po tenton që të heq taksën 100 % që Kosova kishte vendosur ndaj produkteve të Serbisë. Ndërkohë vendimin e institucioneve të Kosovës për të mos marrë pjesë në takimet për projektin e Minishengenit e kishte quajtur si ‘vetëizolim’. Kësaj here Rama se kishte në anën e tij as Hashim Thaçin.
Marrën nga /GazetaExpress/
Tirana është boshatisur për ditët e pushimit. Cilën nga ritet e shenjta po ndiqni:
TIRANË- Opozita e Bashkuar pas mbledhjes së parë të Këshillit Politik ka dalë në një qëndrim të unifikuar në lidhje me Reformën Zgjedhore. Në një deklaratë...
TIRANË- Ish-deputeti i Partisë Demokratike, Oerd Bylykbashi ka folur për mediat pas takimit të Këshillit Politik. Në deklaratën e tij u shpreh se është kon...
TIRANË- Bashkëkryetari i Komisionit të Reformës Zgjedhore ka folur për mediat pas takimit të Këshillit Politik, duke thënë se e rëndësishme është që në fun...
TIRANË– Kryetarja e Grupit Demokrat, njëherësh dhe bashkëkryetare e Komisionit të Reformës Zgjedhore, Rudina Hajdari, pas përfundimit të mbledhjes së Këshi...
TIRANË- Komisionieri për Zgjerimin në Bashkimin Evropian, Oliver Varhelyi, ka reaguar pas takimit me Lulzim Bashën dhe aleatët e tij. Në një postim në medi...
TIRANË– Kreu i Lëvizjes Vetëvendosje në Shqipëri, Boiken Abazi, ka reaguar në lidhje me padinë që Edi Rama ka bërë kundër Ramush Haradinajt. Në një reagim ...
TIRANË- Para fillimit të mbledhjes së Këshillit Politik, deputeti Myslim Murrizi është zëvendësuar me Alban Zenelin. Murrizi do të përfaqësonte grupin parl...
TIRANË- Kreu i Partisë Demokratike, Lulzim Basha, në një deklaratë për mediat ka bërë me dije detaje nga takimi me Komisionerin për Zgjerimin të BE, Olivér...
TIRANË- Ish-deputetja e Partisë Demokratike, Albana Vokshi ka reaguar sot për koncensionin e Check up dhe shkruan se ka prova për fiktivitetin e numrit të ...
TIRANË- Partitë Shqiptarë në Serbi janë bërë bashkë dhe në zgjedhjert e ardhshme do kandidojnë nën një logo. Marrëveshja e tyre është bërë sot publike nga ...
