Protesta për Zvërnecin/ Protestuesit çajnë kordonin metalik, policia i sulmon me ujë. Tubimi shpërndahet në gjithë Tiranën
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
"Shqipëria është e shqiptarëve"/ Qytetarët mbushin rrugët e Tiranës, kërkojnë anulimin e pr...
Ish-presidenti shprehet, se qëllimi i kësaj çështje ishte, që përmes skandalit të krijohej ideja se Mali i Zi ishte i korruptuar, i lidhur me trafikimin dhe pa kapacitet për të ndërtuar shtet funksional. Sipas tij pas gjithë këtij operacionit qëndronin struktura të afërta me ish-presidentin jugosllav Vojisllav Koshtunica dhe shërbimet ushtarake serbe.
MAL I ZI- Ish-presidenti malazez Milo Gjukanoviç ka folur së fundimi lidhur me aferën “S.Ç”, e cila u bë e njohur në vitin 2002. Duke folur në një intervistë për Televizionin E, Gjukanoviç thotë se afera “S.Ç.” nuk ishte vetëm një çështje kriminale, por pjesë e një operacioni më të madh nga Beogradi për destabilizimin e Malit të Zi dhe pengimin e shkëputjes nga Serbia.
Ish-presidenti shprehet se qëllimi i kësaj çështje ishte, që përmes skandalit të krijohej ideja se Mali i Zi ishte i korruptuar, i lidhur me trafikimin dhe pa kapacitet për të ndërtuar shtet funksional. Sipas tij pas gjithë këtij operacionit qëndronin struktura të afërta me ish-presidentin jugosllav Vojisllav Koshtunica dhe shërbimet ushtarake serbe.
Gjatë intervistë, Gjukanoviç thekson, se në të njëjtën periudhë po përgatitej edhe një operacion për komprometimin e KFOR-it. Pra sipas ish-presidenti malazez, 27 vajza po trajnoheshin për të joshur zyrtarë të lartë të misionit ndërkombëtar në Kosovë, me qëllim krijimin e skandaleve seksuale që do të dëmtonin imazhin e KFOR-it dhe pranisë ndërkombëtare në rajon.
“Qëllimi ishte komprometimi i KFOR-it në Kosovë dhe i drejtuesve të tij ushtarakë. Për këtë qëllim po përgatiteshin 27 vajza, të cilat duhej t’u afroheshin zyrtarëve të lartë ushtarakë të KFOR-it. Mes tyre ishte edhe S.Ç. Informacionet që kishim atëherë tregonin se ajo po trajnohej në ambientet e stadiumit të Obiliçit. Fatmirësisht, KFOR-i dhe UNMIK-u siguruan informacionet në kohë dhe e penguan këtë aktivitet”, tha Gjukanoviç.
Gjatë intervistës, ish-presidenti akuzon edhe disa figura brenda institucioneve malazeze të kohës për mungesë profesionalizmi dhe ambicie personale që ndihmuan në fryrjen e skandalit. Ai përmend ish-ministrin e Brendshëm Andrija Joviçeviç, për të cilin thotë se e përdori çështjen për interesa politike personale.
Gjukanoviç thotë, se në krijimin e aferave të tilla, përdoret gjithmonë ndonjë problem i vërtetë. Ai thekson se "S.Ç", që njihet si aferë, por në fakt përfshihet një grua nga Moldavia, e cila pati një jetë të vështirë vite më parë, në Republikën Srpska, Serbi, dhe rrallë në Mal të Zi. Gjukanoviç u shpreh se Svetlana Cebotarenko, ose S.Ç u përpoq të shpëtonte nga jeta e saj e vështirë, duke u vendosur në një Shtëpi të Sigurt për Gra dhe duke rrëfyer torturat që ajo kishte përjetuar.
Gjukanoviç bën me dije se më pas, shërbimet e sigurisë u përpoqën ta përdornin këtë situatë për të ndërtuar rrjedhën e "aferës", ku përfshinë në të kreun e prokurorisë malazeze, dhe më pas edhe Gjukanoviçin. Ai vëren se reagoi menjëherë dhe dha një deklaratë para gjyqtarit hetues dhe pohoi diçka që është e vërteta absolute se nuk e kishte parë kurrë atë person në jetën e tij. Në atë kohë Gjukanoviç, kuptoi se për çfarë bëhej fjalë konkretisht.
Çfarë është afera “S.Ç”?
Mali i Zi u përfshi në vitin 2002, në një prej skandaleve më të mëdha politike dhe mediatike të periudhës post-Jugosllavi. Gjithçka nisi kur një grua nga Moldavia, e identifikuar si Svetlana Cebotarenko, ose ndryshe e njohur me inicialet S.Ç, akuzoi zyrtarë të lartë, policë, biznesmenë dhe figura politike për trafikim seksual dhe prostitucion.
Svetlana Cebotarenko ose S.Ç deklaroi asokohe se, ishte mbajtur me forcë, ishte rrahur, uritur dhe shfrytëzuar seksualisht nga persona të lidhur me rrjete kriminale. S.Ç në nëntor të vitit 2002 arriti të largohej nga personat që e mbanin peng dhe gjeti strehim në një shtëpi të sigurt për gratë në Podgoricë.
Aty ajo dha dëshmi tronditëse për abuzimet që pretendonte se kishte përjetuar. Deklaratat e saj çuan në arrestimin e katër personave në dhjetor 2002, mes tyre edhe zëvendësprokurorit të shtetit në Mal të Zi, Zoran Piperoviç. Rasti bëri bujë në media dhe shkaktoi krizë politike, pasi opozita dhe një pjesë e opinionit publik nisën të kërkonin përgjegjësi nga pushteti i asaj kohe, i drejtuar nga koalicioni DPS-SDP. DPS, ose Partia Demokratike e Socialistëve, ishte partia e drejtuar nga Milo Gjukanoviç dhe forca kryesore politike në Mal të Zi për dekada.
Ndërsa SDP ishte Partia Socialdemokrate, aleate e DPS-së dhe mbështetëse e linjës pro-perëndimore dhe të pavarësisë nga Serbia. Në atë periudhë, Mali i Zi ishte ende në union shtetëror me Serbinë dhe po afrohej momenti kur Podgorica po mendonte seriozisht për referendum pavarësie./Dosja.al
Luciano Boçi DURRËS- Nënkryetari i Partisë Demokratike dhe kryetari i Komisionit për Reformën Territoriale, Luciano Bo&cced...
Foto nga takimi SARANDA- Ministri i Brendshëm, Besfort Lamallari, ka zhvilluar një takim me drejtues të policisë, IKMT dhe institu...
Igor Filkov SHKUP- Ministri i Drejtësisë, Igor Filkov, ka reaguar ndaj protestave dhe debatit publik për kërkesat që provimi ...
Bledi Himçi TIRANË- Deputeti i Partisë Demokratike, Bledi Himçi ka reaguar pas rritjes së tarifave nga Posta Shqipta...
Denion Meidani SHKUP- Ministri i Jashtëm Ferit Hoxha ka ndërmarrë një lëvizje në kulmin e krizës në Maqedonin...
Floriana Garo TIRANË- Partia Demokratike ka reaguar pas kërcënimit ndaj gazetarëve Ervin Dushi dhe Fatjon Gjinaj. Pë...
Sali Berisha TIRANË- Kreu i Partisë Demokratike, Sali Berisha ka deklaruar se, Salianji është vetëpërjashtuar nga partia...
TIRANË- Ministri i Drejtësisë Toni Gogu, deklaroi se Amnistia Penale do të zbatohet si një instrument i politikës penale pë...
Sali Berisha TIRANË- Kreu i Partisë Demokratike, Sali Berisha deklaroi se procesi për zgjedhjen e kryetarit të PD-së si &eum...
sali berisha TIRANË- Kryedemokrati Sali Berisha, deklaroi se opozita nuk do të ketë pushime verore, por do të vijojë një...
