Dosja e Erion Veliajt/ Avokati Ndreca nuk u paraqit, gjobitet me 50 mijë lekë! Shtyhet seanca 21 Korrik, 10:54 Dosja...
“Nuk shiten malet, është mundësi për pronarët dhe emigrantët” Rama: Paketa e Maleve, nuk anulohet 21 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
SPV Blue 2 është një kompani që ka si objekt kryesor të aktivitetit projektin e mësipërm. Ajo zotërohet nga kompanitë Blessed Investment dhe Matrix Konstruksion, ndërmarrje përkatësisht në pronësi të biznesmenëve Besnik Leskaj dhe Arian Leskaj.
FIER- Sektori bankar shqiptar po konsolidon më tej praktikën e dhënies së kredive sindikale (të përbashkëta). Një grup (sindikatë) bankash tregtare, i përbërë nga Tirana Bank, Banka OTP Albania, Intesa Sanpaolo Bank Albania dhe Union Bank kanë rënë dakord të japin një kredi në shumën e 20 milionë eurove për kompaninë SPV Blue 2. Kredia ka qëllim të financojë investimin për ndërtimin e një impianti fotovoltaik në Sheq-Marinas të Fierit.
SPV Blue 2 është një kompani që ka si objekt kryesor të aktivitetit projektin e mësipërm. Ajo zotërohet nga kompanitë Blessed Investment dhe Matrix Konstruksion, ndërmarrje përkatësisht në pronësi të biznesmenëve Besnik Leskaj dhe Arian Leskaj.
SPV Blue 2 ka marrë gjatë muajit gusht edhe miratimin e Entit Rregullator të Energjisë për vendosjen e barrës siguruese mbi aksionet në favor të bankave huadhënëse.
Kreditë sindikale janë një instrument që po gjejnë përdorim të zgjeruar nga bankat tregtare shqiptare në vitet e fundit. Ato përdoren nga bankat si një zgjidhje për të ndarë rrezikun dhe për të financuar projekte të mëdha që, përndryshe, një bankë e vetme lokale nuk do të mund t’i financonte.
Vitin e kaluar, katër banka tregtare shqiptare i dhanë kompanisë Ayen AS Energji kredinë më të madhe sindikale në historinë e sektorit bankar shqiptar. Raiffeisen Bank (banka udhëheqëse e sindikatës), Banka OTP Albania, Intesa Sanpaolo Bank Albania dhe Tirana Bank disbursuan një kredi në vlerën e 110 milionë eurove në favor të kompanisë koncesionare të sektorit energjetik. Qëllimi i kredisë dishte rifinancimi i një kredie ekzistuese që kompania në fjalë kishte marrë nga banka turke Türkiye İş Bankasi (İş Bank).
Në raste të tjera, kreditë sindikale janë shfrytëzuar kryesisht për financimin e projekteve të të partneritetit-publik privat në infrastrukturën rrugore.
Në vitin 2023, Banka Amerikane e Investimeve, Tirana Bank dhe Union Bank miratuan një linjë kredie të përbashkët shoqërinë Dragobia Energy, në pronësi të Gener 2, subjekti kontraktor për ndërtimin e rrugës Thumanë-Kashar.
Kredia kishte fillimisht vlerën e 26 milion eurove, ndërsa në vazhdim palët nënshkruan edhe shtesa të tjera në kontratën e huasë.
Në vitin 2021, Intesa Sanpaolo Bank Albania, OTP Albania dhe Tirana Bank financuan një kredi të përbashkët prej 26 milion eurosh shoqërinë koncesionare “Orikum-Llogara”.
Në raste të tjera, financimi i PPP-ve është marrë përsipër nga një bankë e vetme. Në gusht të vitit 2018, BKT miratoi një hua deri në vlerën maksimale 9.5 miliardë lekë te kompania “Gjoka 87”, kompania që po zbaton projektin e ndërtimit të Rrugës së Arbrit përmes një kontrate PPP-je me qeverinë shqiptare.
Në vitin 2017, BKT gjithashtu ka miratuar gjithashtu një kredi prej 28.5 milion euro te “Albania Highway Concession”, kompania që po zbaton kontratën koncesionare të përfundimit dhe mirëmbajtjes së Rrugës së Kombit.
Në vitin 2024, BKT ka financuar, gjithashtu, me një hua prej afërsisht 36 milionë eurosh kompaninë Vlora International Airport (VIA), me qëllim ndërtimin e aeroportit të Vlorës, sipas marrëveshjes që subjekti koncesionar ka nënshkruar me qeverinë shqiptare.
Në muajin korrik të këtij viti, Këshilli Mbikëqyrës i Bankës së Shqipërisë miratoi disa ndryshime rregullatore, që lehtësojnë dhënien e kredive nga bankat tregtare për projektet strategjike në infrastrukturë.
Bankat do të ponderojnë ekspozimet ndaj shoqërive tregtare që financojnë projekte në infrastruktura strategjike transporti, me peshën e rrezikut 50% (më parë këto kredi ponderoheshin me peshë rreziku 100%), nëse plotësohen kushtet e parashikuara në rregullore.
Një veprim i tillë e bën më pak të kushtueshme dhënien e kredive të këtij lloji në terma të kapitalizimit dhe zgjeron hapësirat e bankave për të financuar projekte të këtij lloji./Monitor.al
Foto Ilustruese Tregu i shoqërive të kursim-kreditit (SHKK) ka shënuar rritje të shpejtë në gjysmën e parë të ...
Foto Ilustruese TIRANË- INSTAT raportoi se në vitin 2024 rreth 120 mijë persona të moshuar mbi 65 vjeç janë përfshir&...
Foto Ilustruese TIRANË- Pesë kompani kanë ankimuar njëra pas tjetrës ditët e fundit një procedurë të Agjencis&...
TIRANË- Paga minimale mujore bruto në Shqipëri ishte 408 euro në fund të muajt qershor, sipas të dhënave të fundit t&e...
Foto Ilustruese TIRANË- Shuma që Albcontrol, kompania me pronësi shtetërore, që menaxhon trafikun ajror, nuk ka arritur të ar...
Foto Ilustruese TIRANË- Drejtoria e Përgjithshme e Taksave dhe Tarifave Vendore ka njoftuar se bizneset do të kenë afat deri më 3...
TIRANË- Ndonëse gushti supozohet të jetë një muaj i nxehtë për ekonominë për shkak të hyrjeve të të...
Foto Ilustruese TIRANË- Autoriteti i Komunikimeve Elektronike dhe Postare (AKEP) propozon të ulë tarifat e terminimit t&eum...
Foto Ilustruese Tregu i pensioneve private vullnetare vijoi zgjerimin edhe në gjysmën e parë të këtij viti, duke kaluar shifrë...
TIRANË- Administrata Tatimore do të nisë nga tetori 2025 një Plan Operacional të dedikuar për sektorin e ndërtimit, me q&eu...
