Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Mbyllet pas më shumë se tre orësh dita e pestë e protestës, zbardhen pesë kërkesat e protestuesve 4 Qershor...
Mbyllet pas më shumë se tre orësh dita e pestë e protestës, zbardhen pesë kërkesat e protestuesve 4 Qershor...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Krahasuar me një vit më parë, fitimi i siguruesve shqiptarë është rritur me pothuajse 70%. Kthimi nga kapitali në nivel tregu u rrit në 15.99%, nga 11.92% që kishte qenë një vit më parë. Ndërsa kthimi nga aktivet arriti në 5.46%, nga 3.74% që kishte qenë në vitin 2022.
TIRANË- Fitimet e tregut të sigurimeve arritën një rekord të ri për vitin 2023. Sipas të dhënave nga Autoriteti i Mbikëqyrjes Financiare (AMF), rezultati financiar neto i tregut arriti vlerën e 2.76 miliardë lekëve ose 26.6 milionë eurove. Krahasuar me një vit më parë, fitimi i siguruesve shqiptarë është rritur me pothuajse 70%. Kthimi nga kapitali në nivel tregu u rrit në 15.99%, nga 11.92% që kishte qenë një vit më parë. Ndërsa kthimi nga aktivet arriti në 5.46%, nga 3.74% që kishte qenë në vitin 2022.
Kontributin kryesor në rritjen e fitimeve e dha segmenti më i madh i tregut, ai i sigurimit të Jo-Jetës. Statistikat tregojnë se kompanitë e sigurimit të Jo-Jetës raportuan fitim neto në vlerën e 2.44 miliardë lekëve ose 23.5 milionë eurove (me kursin e fundit të vitit 2023). Fitimi i tregut të Jo-Jetës u rrit me 69% krahasuar me vitin 2022.
Rritja e fitimeve u ndikua pozitivisht nga dyfishimi i rezultatit teknik, që lidhet direkt me aktivitetin sigurues, ndërsa rezultati final nga investimet ishte negative, për shkak të humbjeve që disa shoqëri të veçanta raportuan në zërin “fitime/humbje të tjera nga investimet”. Rezultati teknik i tregut rezultoi më i lartë se rezultati final neto, në vlerën e 2.67 miliardë lekëve, me një rritje prej 76% krahasuar me vitin 2022.
Rritja e rezultati teknik erdhi në radhë të parë nga rritja e primeve të fituara neto nga siguruesit, që arritën në 16.67 miliardë lekë, në rritje me 8.5% krahasuar me një vit më parë. Edhe dëmet neto të paguara nga shoqëritë e sigurimit vitin e kaluar shënuan rritje, me 5.4% krahasuar me një vit më parë. Sidoqoftë, raporti i dëmeve neto (dëmet e ndodhura në raport me primet e fituara, neto nga risigurimi) vitin e kaluar ra në 33.72%, nga 34.8% që kishte qenë një vit më parë.
Por, një ndikim shtesë në rritjen e fitimeve të siguruesve duket se ka pasur rënia e shpenzimeve operative të kompanive. Shpenzimet operative neto të veprimtarisë ranë me 2.2% krahasuar me një vit më parë. Efektin kryesor e ka dhënë ulja e shpenzimeve administrative dhe veçanërisht të atyre të lidhura me personelin.
Në një kohë kur pothuajse të gjithë sektorët e ekonomisë po përballen me rritjen e shpenzimeve për paga dhe të kostos së punës në tërësi, në sektorin e sigurimeve vitin e kaluar ka ndodhur e kundërta.
Raporti i shpenzimeve, që përfaqëson raportin midis shpenzimeve operative dhe shpenzimeve të tjera neto për sigurimet, kundrejt primeve të fituara neto, vitin e kaluar ra në 41.04%, nga 44.84% që kishte qenë një vit më parë. Edhe kompanitë e sigurimit të Jetës arritën rritje të fortë të fitimit neto, në shumën e 323 milionë lekëve, gati 74% më shumë krahasuar me një vit më parë.
Ndikimin kryesor e dha rritja e rezultatit teknik me pothuajse 79% krahasuar me një vit më parë, ndërsa rezultati nga zërat e tjerë dha edhe në këtë segment dha një ndikim negativ, duke e reduktuar disi shkallën e rritjes së rezultatit financiar neto. Rritja e rezultati teknik dhe e fitimit të tregut të Jetës erdhi kryesisht rritja e primeve të fituara neto, me 19.3% më shumë krahasuar me një vit më parë.
Paralelisht, edhe shpenzimet neto për dëme të paguara u rritën me 20% krahasuar me një vit më parë. Ndërkohë, shpenzimet operative të kompanive vijuan të rriteshin edhe vitin e kaluar, si në segmentin e shpenzimeve të marrjes në sigurim, ashtu edhe në shpenzimet e tjera administrative.
Kompanitë e sigurimit të jetës vazhdojnë të kenë komisione të larta shitjeje, element që ka një ndikim të rëndësishëm në strukturën e shpenzimeve të tyre. Për shoqëritë e sigurimit të Jetës, raporti i shpenzimeve neto u rrit më tej në 59.65%, nga 56.94% që kishte qenë një vit më parë./ Monitor
foto ilustruese TIRANË- Banka e Shqipërisë ka vendosur të aplikojë për herë të parë një shtesë kund&...
foto ilustruese TIRANË- Pushimet në Jug këtë vit janë më të shtrenjta se asnjëherë. Vlora, Saranda dhe zonat p...
Foto ilustruese TIRANA- Energjia diellore duket se po rrit ndjeshëm peshën e saj në totalin e kapaciteteve të prodhimit në vend. T...
Takimi TIRANA- Guvernatori i Bankës së Shqipërisë, Gent Sejko, zhvilloi takimin përmbyllës me misionin e Fondit Monetar Nd&eu...
Foto ilustruese TIRANA- Shoqata Kombëtare e Ndërmjetësve të Pasurive të Paluajtshme të Shqipërisë (NAREA) propozon ...
Foto ilustruese KOSOVA- Qeveria e Kosovës ka mbrojtur Projektligjin për Komisionin e Pavarur të Mediave (KPM), që u miratua në lex...
Takimi TIRANA- Ministri i Financave, z. Ervin Mete, priti në një takim Shefen e Misionit të Fondit Monetar Ndërkombëtar për S...
Foto ilustruese TIRANA- Industria ka hyrë në vitin e dytë të krizës, ku rënia e sektorit nuk po ndalet. Të dhënat e...
Foto ilustruese TIRANA- Normat tavan të interesit për kreditë konsumatore janë ulur përsëri për gjashtëmujorin e dy...
Foto ilustruese TIRANË- Banka e Shqipërisë, në bashkëpunim me Qendrën mbi Ekspertizën e Tranzicionit Ekonomik (CETEx &nd...
