E rëndë në Maliq/ Vritet polici gjatë operacionit për kapjen e një personi në kërkim, plagoset dhe një tjetër (EMRAT)
Ngjarja në Maliq/ Zbardhen edhe identitetet e efektivëve 4 Qershor, 08:49 E rëndë në Maliq/ Vritet p...
Ngjarja në Maliq/ Zbardhen edhe identitetet e efektivëve 4 Qershor, 08:49 E rëndë në Maliq/ Vritet p...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
Kjo qasje me dy fytyra e Kinës, u pa edhe në samitin virtual të BRICS javën e kaluar, kur presidenti kinez Xi Jinping propozoi një plan me 6 pika, për të ndaluar njëherë e mirë luftimet në Gaza.
Nga Gordon G. Chang “Newsweek”
Një nga strategjitë më cinike të Kinës në luftën e saj në shumë fronte kundër Shteteve të Bashkuara, është të paraqitet si një paqe-bërëse, në një kohë që pretendon se është Amerika, ajo që nxit konfliktin. Pekini e përhap vazhdimisht këtë narrativë të rremë, edhe pse në fakt ndez zjarre kudo që mundet.
Kjo qasje me dy fytyra e Kinës, u pa edhe në samitin virtual të BRICS javën e kaluar, kur presidenti kinez Xi Jinping propozoi një plan me 6 pika, për të ndaluar njëherë e mirë luftimet në Gaza.
Sundimtari kinez bëri thirrje t’i jepet fund “dhunës dhe sulmeve kundër civilëve”, për sigurimin e “korridoreve humanitare” dhe ndihmë shtesë për Gazën, “krijimin e një shteti të pavarur të Palestinës”, thirrjen e një “konference ndërkombëtare të paqes, “miratimin e një rezolute në Asamblesë së Përgjithshme të OKB-së dhe Këshillit të Sigurimit, dhe zbatimin e “masave praktike për të parandaluar përhapjen e konfliktit dhe rrezikimin e stabilitetit në Lindjen e Mesme në tërësi.”
Shumë analistë të huaj, po e besojnë propagandën e Pekinit për Kinën si një fuqi që dëshiron paqen. “Ajo që dëshiron vërtet Kina në Lindjen e Mesme është rregulli”- shkruan në gazetën në “Globe and Mail” Omer Aziz, ish-këshilltar për politikën e jashtme në qeverinë e kryeministrit kanadez Justin Trudeau.
“Një luftë rajonale nuk është në interesin e Kinës, sidomos nëse ajo synon të rritet ekonomikisht dhe të vazhdojë t’i shërbejë interesave të veta, kryesisht ndaj Tajvanit”- thekson Aziz. Por e vërteta është se Xi Jinping nuk po promovon paqen në Lindjen e Mesme. Përkundrazi, ai po vazhdon të nxitë luftën në këtë rajon.
Veprimet e Kinës vitet e fundit, tregojnë se Kina jo vetëm që e ka nxitur luftën në Lindjen e Mesme, por që e dinte se po e bënte diçka të tillë. Ajo ka mbështetur vazhdimisht regjimin militant shiit në Iran, që flet hapur për luftë dhe punon vazhdimisht për të destabilizuar shtetet sunite në rajonin e Gjirit Persik.
Kina ka ndihmuar për dekada me radhë përpjekjet e pamëshirshme të Republikës Islamike të Iranit për të ndërtuar armët e saj bërthamore. Irani ka marrë teknologjinë dhe pajisjet kineze të pasurimit të uraniumit përmes kompanisë bërthamore AQ Khan në Pakistan të sponsorizuar nga Kina.
Dhe Koreja e Veriut, një regjim monist i mbështetur nga Kina, nuk mund të transferonte kurrë raketa balistike në Iran pa miratimin e Kinës, diçka që e ka bërë vazhdimisht dekadat e fundit. Për më tepër, Kina ka furnizuar me armë të vjetra milicitë që i shërbejnë interesave të Republikës Islamike.
Për shembull, Hamasi, duket se zotëron armë të vjetra të prodhimit kinez, të furnizuara përmes Iranit. Po kështu, në vitin 2021 por edhe këtë vit, Marina e SHBA-së ka sekuestruar armë kineze që po shkonin për milicinë Huthi në Jemen, sërish me mbështetjen e Teheranit.
Richard Fisher, analist mbi ushtrinë kineze në Qendrën Ndërkombëtare të Vlerësimit dhe Strategjisë, më tha së fundmi se Pekini gjithashtu ofron armë për Hezbollahun, përfaqësuesi i tretë i madh i Iranit. Ndërkohë, vetë armët e Iranit janë plot me pjesë këmbimi të marra nga Kina.
Kina ofron ato që Wall Street Journal i quan “blloqe ndërtimi” për programin e dronëve të Teheranit. Në prill, Ukraina rrëzoi një dron iranian “Shahed-136” të përdorur nga ushtria ruse. Pajisja përmbante një konvertues të tensionit, që dukej se ishte prodhuar në Kinë në janar të këtij viti.
Si Kombet e Bashkuara ashtu edhe Projekti Uiskonsin për Kontrollin e Armëve Bërthamore, kanë dokumentuar përfshirjen e Kinës në programet e armëve të Iranit. Republika Islamike nuk mund të prodhojë dot dronë dhe armë të tjera bazë. “Irani nuk prodhon asnjë çip që futet në asnjë nga armët e tij”- më tha javën e kaluar Raj Dutt, CEO i “Culver City, Advanced Photonic Integrated Circuits Corp”, me seli në Kaliforni, një kompani kontraktore amerikane në fushën e mbrojtjes që zhvillon qarqe të integruara të nivelit të lartë.
Çipat e tij duket se vijnë nga e gjithë Azia, përfshirë Kinën. Më e rëndësishmja:Kina e ka mbështetur plotësisht ekonominë iraniane. Në 9 muajt e parë të këtij viti, vëllimi i naftës iraniane të blerë nga Kina ishte 60 për qind më i lartë se në vitin 2017, viti i fundit para se Shtetet e Bashkuara të rivendosnin sanksionet ndaj blerjeve të tilla.
Nga ana tjetër, Kina e sheh Iranin si shërbëtoren e interesave të saj. Teherani jo vetëm që destabilizon miqtë sunitë të Amerikës në rajon, por promovon gjithashtu narrativën se Pekini është një mbështetës i “Jugut Global”. Për më tepër, vendndodhja e Iranit është thelbësore për strategët kinezë.
“Pekinit i duhet Teherani që të sigurojë urën thelbësore tokësore në Gjirin Persik dhe Lindjen e Mesme, si dhe në Oqeanin Indian”- më tha këtë muaj Gregory Copley, president i Shoqatës Ndërkombëtare të Studimeve Strategjike.
Prandaj, nuk është për t’u habitur që në vitin 2021 Pekini dhe Teherani nënshkruan një “Marrëveshje Gjithëpërfshirëse Bashkëpunimi” 25-vjeçare me vlerë 400 miliardë dollarë. Dhe në shkurt të këtij vitit, presidenti iranian Ebrahim Raisi shkoi në Pekin dhe nënshkroi 20 marrëveshje dhe memorandume mirëkuptimi për çështje të ndryshme, duke përfshirë tregtinë.
Megjithëse shpeshherë Kina nuk i ka përmbushur premtimet e saj për investime në Iran, siç e thekson edhe Copley, Pekini ka arritur gjithsesi të thellojë lidhjet me ekonominë iraniane. Kina ka qenë për 10 vjet rresht partnerja më e madhe tregtare e Republikës Islamike.
Tregtia dypalëshe u rrit me 7 për qind vetëm gjatë vitit të kaluar. Mbështetja e Pekinit për Teheranin është e hapur. Që nga fillimi i luftës Izrael-Hamas më 7 tetor, Pekini ka ofruar një mbështetje të madhe diplomatike dhe propagandistike për Hamasin. Javën e kaluar, Ministri i Jashtëm kinez, Ëang Yi, iu referua arabëve si “vëllezërit dhe motrat tona”.
Në fakt, lufta e vazhdueshme i shërben më së miri interesave kineze, duke e penguar Izraelin dhe Arabinë Saudite të nënshkruajnë një marrëveshje për normalizimin e marrëdhënieve midis tyre, e cila do të kishte pakësuar rëndësinë e Pekinit për Riadin.
Deri më tani, administrata Biden është përpjekur ta angazhojë Kinën në mbajtjen nën kontroll të Iranit, diçka kjo shumë e dukshme kur presidenti Joe Biden u takua me Xi në San Francisko në fillim të këtij muaji. Megjithatë forcimi i rolit global të Kinës, është tejet kundër-produktiv për interesat amerikane.
Kina e ka bërë të qartë se mbështet aktet barbare të Hamasit ndaj popullatës izraelite. Prandaj, politika e Uashingtonit duhet të sabotojë ndikimin keqdashës të Kinës në rajon, dhe të synojë shkatërrimin e plotë të këtij grupi terrorist. Fundi i Hamasit si organizatë ekstremiste do ta dobësonte ndjeshëm Iranin, por po ashtu do të ndihmonte në frenimin e Kinës nga të veprimeve të saj rrezikshme ndaj fqinjëve dhe mbarë botës në përgjithësi.
Shënim:Gordon G.Chang, autor i librit “Kolapsi i pritshëm i Kinës” dhe i librit më të ri “Kina do të hyjë në luftë”
Shtepia e Bardhe Nga Liz Truss “Wall Street Journal” Shtetet e Bashkuara e kanë udhëhequr prej 7 dekadash botën e lirë. Gj...
Nga Nouriel Roubini “Project Syndicate” Që nga publikimi i raportit mbi “Kërcënimet e Mëdha” në tetorin e vi...
Foto ilustruese Nga Sabino Cassese “Corriere della Sera” Çfarë shkoi keq në këtë botë? Së pari pandemia ...
Foto ilustruese Nga Damien Phillips “The Spectator” Edhe pse kaloi kryesisht pa vëmendje, javës që shkoi pati si rrallëher...
Ben Blushi Disa ditë më parë kur Kosova po luante futboll me Izraelin po mendoja se pse Izraeli nuk është antar i NATOs. Izraeli k...
Ben Blushi TIRANË- Ben Blushi ka treguar një episod që i ka ndodhur teksa po shkonte nga Tirana në Kosovë. Me anë të...
Nga Lily Lynch “Social Europe” Në vitin 2018, kryeministri i Shqipërisë, Edi Rama, deklaroi se vendi i tij nuk do të lejonte ...
foto ilustruese Nga Luke Coffey “Arab News” Komisioni Evropian, dega ekzekutive e Bashkimit Evropian, ka rekomanduar fillimin e bisedimev...
Pas sulmit të tmerrshëm terrorist të Hamasit ndaj Izraelit më 7 tetor, dukej e pashmangshme që Izraeli të hakmerrej në nj&e...
Joe Biden dhe Xi Jinping SHBA- Republika Popullore e Kinës, është një shtet leninist, i drejtuar nga një parti që beson...
