Sot protesta e opozitës/ Avokati i Popullit: Do të kemi monitoruesit tanë në terren, 4 grupe në komisariate 7 Tetor, ...
"Menduam se ishin fishekzjarre!" Vrasja e 37-vjeçarit shqiptar në Itali, dëshmitari: Po dilte nga furgoni kur dy prej tyre ndal...
365 ditë terror që nga sulmi i 7 tetorit/ 41,000 palestinezë të vrarë dhe më shumë se 300 persona të mar...
FOTO/ Sherri në Sarandë, del fotoja e autorit 6 Tetor, 21:50 Detaje të reja nga vrasja në Sarandë/ V...
Shumë shkencëtarë e kanë studiuar të qeshurën e tyre dhe kanë arritur në përfundimin se hienat lëshojnë të qeshurën e tyre histerike kur ndihen të frustruara, kryesisht kur sulmohen dhe margjinalizohen nga një individ dominues në tufën e tyre.
Hienat janë të vetmet kafshë që edhe pse qeshin, të kallin krupën. E qeshura e tyre nuk është si pasojë e humorit qoftë i zi apo humor i bardhë.
Pse qeshin hienat?
Shumë shkencëtarë e kanë studiuar të qeshurën e tyre dhe kanë arritur në përfundimin se hienat lëshojnë të qeshurën e tyre histerike kur ndihen të frustruara, kryesisht kur sulmohen dhe margjinalizohen nga një individ dominues në tufën e tyre.
Prandaj kur shihni hienat qeveritare tek qeshin e zgërdhihen përpara kamerave mendoni se janë duke u ngërdheshur sepse janë të frustuara dhe se shefi, pra individi dominues i tufës së tyre është duke i sulmuar për t’i detyruar të votojnë, të firmosin apo dhe të vulosin planet e pasurimit të tij.
Dominuesi i hienave është duke kafshuar vendin kafshata – kafshata dhe po e lëshon tufën e tij ngërdheshëse që pa mëshirë të coptojë toka, det, ajër, pasuri dhe relike që falë Zotit, ne i kemi pronësi.
Kujdes nga hienat e pushtetit!
Mos u habisni, sepse tek ne hienat janë ulur në karriget e pushtetit.
Janë ata individë shumë të shoqërueshëm, hipokritë dhe orator të shquar, të cilët i paguajmë me taksat tona. Ata që së bashku me karrigen kanë veshur edhe maskën që i bën të duken si një tufë qensh besnik, ata që krahas maskës mbajnë perversitetin dhe aftësinë për të bërë keq sapo t’iu jepet mundësia.
Ata janë të vetëdijshëm për sukseset e të tjerëve, i kanë zili dhe dëshirojnë të shtypin të gjitha shenjat e lumturisë që i bezdisin. Ata lëndohen nga gëzimi i të tjerëve, dhe të mbushur me zili e hidhërim fillojnë të komplotojnë sulmin e radhës.
Duhet të kemi kujdes se në pakujdesinë më të vogël ata të vjedhin dhe ushqehen me punën dhe pronën tënde.
Kini kujdes, por mos u trembni prej tyre, sepse edhe ata e kanë një dobësi, një dobësi të cilën e shfrytëzon shumë mirë dominanti i tyre.
Lajka i zbut dhe ata fillojnë të besojnë në pozicionin e tyre, të fituar shpesh nga mashtrimi, manipulimi dhe gënjeshtra, pas kësaj ata ndihen të plotëfuqishëm e të gatshëm të sulmojnë këdo që i prish rehatinë shefit të tyre.
Dominanti i tyre duke qenë se gjuan rrallë, në shumicën e rasteve vjedh dhe përfiton nga ajo që ka arritur një tjetër. Përdor zërin e tij ulëritës për të ngatërruar dhe larguar vëmendjen e të tjerëve, u këndon fitoreve të njerëzve të tjerë, mohon dhe fsheh dështimet.
Paaftësia e tij për të prodhuar triumfet e veta kompensohet nga aftësia që ka për të ndërtuar intriga. Virtyti i tij kryesor është të sulmojë kundërshtarin në disa fronte, në mënyrë që metoda e tij të përparojë.
Grumbullimet e lavdisë së të tjerëve i heqin identitetin, sukseset e tij janë të dyshimta, manovrat po ashtu janë gjithmonë të dyshimta. Këto përpjekje të vazhdueshme dhe etja për t'u dukur përfundojnë duke i pakësuar forcën dhe duke i gjeneruar ankth. Dhimbjet e shpinës i bëhen të zakonshme, të shkaktuara nga ndjenja e “fajit” dhe plogështia e stomakut të shkaktuar nga ushqimi i të tjerëve.
Kur zbulohet, ai arrin kufirin e mosbesnikërisë me tufën e tij, duke preferuar të humbasë anëtarë të tufës, por kurrsesi të humbasë ushqimin. Ai i dorëzon të pakujdesshëmit si Juda, pa asnjë pendim. Negocion gënjeshtrat dhe vogëlsirat, egoizmi i tij sa vjen e shtohet, sa më shumë që fiton pushtet.
Ai ia bën krejtësisht të trishtueshëm fundin hienës së pavleshme për sytë e tij.
E fut në një izolim, i cili është i barabartë me dëbimin nga tufa.
Pas dëbimit mbi të lëshohen hienat më të fuqishme dhe e shqyejnë njësoj si dikur ai ka bërë me të ngjashmit e tij.
Tufa e hienave të pushtetit tonë, sot është në ekstazën e orgjisë kolektive të sektit rilindas, ato punojnë për pastrimin e gjurmëve të korrupsionit që me aq përkushtim kryen dominanti i tyre dhe ngopen me thërrimet që mbeten nga tavolina e tij.
Kini kujdes nga hienat e pushtetit!
Mos kini frikë, por kini vetëm kujdes, kujdes që t’i dalloni dhe sapo kjo gjë të ndodh vendosni tabelën paralajmëruese siç e unë e kam vendosur sot:
“Kujdes! Këtu hienat janë në pushtet!”
Foto e autorit Nga Auron Tare Duke pritur barbarëtÇ’po presim ne të mbledhur te ky shesh?Barbarët do të mbërr...
Erdogan TURQI- “Prejardhja jonë është nga Selaniku dhe Maqedonia, ku lindi presidenti themelues i Turqisë, Ataturku, së bash...
Foto Ilustruese SHBA, vendi më i fuqishëm në botë, ka qenë i paaftë për të zgjidhur mosmarrëveshjen kufitare n...
Flora Xhemani Baba Në historinë e njerëzimit shtrirë përgjatë mijëvjeçarëve të fundit, sunduesi kryesor...
erblin jaku Vitet e fundit, Mbretëria e Bashkuar ka dëshmuar një intensifikimin të dukshëm të qasjes së saj ndaj emigrac...
Shqiponja e shqiptarëve dhe veprat e artit. Sa herë që luan futboll Shqipëria plasin këngët patriotike. Vërshon birra rrug&...
refik hasani Banka Qendrore e Kosovës, e ka miratuar një Rregullore, me të cilën përcakton se e vetmja valutë e vlefshme p&eu...
Foto ilustruese TIRANË- Strategjia e spitaleve psikiatrike me “dyer të hapura” ka funksionim të pjesshëm në zinxhiri...
erion malaj Në fillim të vitit 2023, u themelua një iniciativë që shënoi një hap të ri dhe të rëndës...
Foto ilustruese Shqiptarët e Maqedonisë së Veriut për herë të parë do të kenë një udhëheqës sh...
