Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Gjatë një bashkëbisedimi me qytetarët, Berisha akuzoi qeverinë për shtypje të opozitës dhe pretendoi se në Shqipëri po kufizohet pluralizmi politik dhe po ndikohet procesi zgjedhor.
TIRANË- Kryetari i Partisë Demokratike Sali Berisha deklaroi se protesta e opozitës është një zgjedhje e qëllimshme politike që synon rrëzimin e qeverisë përmes një “kryengritjeje paqësore”. Gjatë një bashkëbisedimi me qytetarët, Berisha akuzoi qeverinë për shtypje të opozitës dhe pretendoi se në Shqipëri po kufizohet pluralizmi politik dhe po ndikohet procesi zgjedhor.
Berisha tha se krimi i organizuar, ka ndikim në zgjedhje dhe përmendi deklarata të zyrtarëve europianë në mbështetje të këtij shqetësimi. Ai shtoi gjithashtu se Partia Demokratike është në proces riorganizimi dhe se drejtimi i saj do të vendoset vetëm përmes votës së anëtarëve të partisë.
"Së pari, nuk na dikton njeri ne dhe nuk na e ka diktuar taktikën tonë. Kryengritja paqësore është zgjedhja jonë. Me besimin e plotë se kjo është më e mira. Vija e kuqe e jona është protesta gjerë në rrëzimin e Edi Ramës. E lodhshme, rraskapitëse, e mundimshme, por ne këtë kemi zgjedhur. Vija e kuqe e jona si protestë, gjer në rrëzimin e Edi Ramës është jetike jo vetëm për Shqipërinë, jo vetëm për Partinë Demokratike por dhe për Shqipërinë, që të ketë një opozitë me zë të fuqishëm. Ata që mërziten Kris, nga protesta e Partisë Demokratike, gabojnë, në qoftë se janë kundërshtarë të regjimit. Gabojnë shumë. Protesta e Partisë Demokratike është zëri i atyre qytetarëve që guxojnë të dalin në rrugë. Për çfarë çështjesh? Dalin në rrugë për çështje të cilat janë njëlloj rrënuese për çdo qytetar të ndershëm të këtij vendi, pavarësisht nga bindjet politike. Mendo pak njëherë sikur Partia Demokratike të mos dilte në rrugë, po të ndiqte shumicën e heshtur. Çfarë do të thoshte kjo për Shqipërinë? Çfarë do thoshte?
Do të keni një gjë parasysh, se Shqipëria sot është një diktaturë autoritare. Një diktaturë autoritare që dallon nga diktaturat totalitare, sepse kjo e pranon pluralizmin. Por kjo e shtyp pluralizmin. E shtyp pluralizmin. Ata të cilët kanë një dyshim në këtë, më lejo t'u shtrojmë pyetjen bashkë. Në të cilin regjim arrestohen si persona nën hetim vitin elektoral liderët e opozitës? A mund të realizoni ju se ç'do të thotë kjo? Në të cilin regjim? Vitin elektoral arrestohen liderët e opozitës si persona nën hetim. Cili është qëllimi i këtij, i këtij arrestimi? Qëllimi i tij është një dhe vetëm një, të marrë të grabisë zgjedhjet me çdo kusht. Në të cilin regjim përdoren kartelet e drogës për të përcaktuar rezultatet e zgjedhjeve, siç e përcaktuan në Durrës, siç e përcaktuan në Elbasan, siç e përcaktuan në Vlorë, në Fier dhe një seri qytetesh të tjera. Kur mendon, mos harro se këto kartela administrojnë miliarda, jo qindra milionë, miliarda euro. Dhe ato kanë vetëm një detyrë në bashkëpunimin politik, zgjedhjet, garantimin e fitores.
Nuk e di ku jeton, por do të përgjigjem për këtë lidhur me këtë fenomen me një deklaratë të Michael Gahler, deputet ndër më të nderuarit në Parlamentin Europian, koordinator i Partisë Popullore në Parlamentin Europian me grupe të tjera parlamentare. Çfarë tha? Çfarë deklaroi? Ai kryesoi delegacionin parlamentar të Parlamentit Europian në vëzhgimin e zgjedhjeve. Ai deklaroi në parlament, aty në Bruksel se në Shqipëri krimi i organizuar nuk lejon rotacionin e pushtetit. Ndaj dhe në formulimin e mendimeve është e domosdoshme të mbahet parasysh realiteti. Unë, këtu në këtë bisedë me ty, u ndala vetëm në një aspekt, në aspektin e krimit të organizuar dhe të terrorit politik ndaj opozitës. Por mund t'u them tjetrën. Vetëm dy ditë para zgjedhjeve u falën 2 miliardë gjoba dhe kamata. Me 2 miliardë gjoba e kamata, blen zgjedhjet jo në Shqipëri, me 1 milion e 400 mijë zgjedhës, por blen zgjedhjet në një vend dhe dy dhe tre herë më të madh. Vijmë tek Partia Demokratike. Partia Demokratike është në një proces riorganizimi, ripërtëritje, në demokratikun që ka njohur.
Partia Demokratike ka garë, në të cilën janë të ftuar të marrin pjesë të gjithë. Por ka një kusht, i dashur Kris. Kurrë, kurrë, Edi Rama nuk do mund të përcaktojë kryetarin e kësaj partie. Për këtë të garantoj. Dhe çdo demokrat është i mirëpritur të, në garë, është i mirëpritur të zërë pozicionin dhe siguroj që po bëhet shumë punë për hapësira gjithnjë më të mëdha për të rinjtë, po kryetarin e kësaj partie do e caktojnë vetëm demokratët me votën e tyre dhe asnjëherë askush tjetër,"tha Berisha./Dosja.al
Sali Berisha TIRANË- Kryetari i Partisë Demokratike Sali Berisha deklaroi se qeveria funksionon, në interes të vetes dhe rrethit familj...
Sali Berisha TIRANË- Kryetari i Partisë Demokratike Sali Berisha deklaroi se në Shqipëri gratë përbëjnë shumicë...
Sali Berisha TIRANË- Kryetari i Partisë Demokratike Sali Berisha deklaroi se Shqipëria, po qeveriset në kushte të një “...
Andis Salla DIBËR- Ministri i Bujqësisë dhe Zhvillimit Rural, Andis Salla, së bashku me Kryeministrin Edi Rama, drejtuesin politik t&eu...
Sali Berisha Kryetari i Partisë Demokratike Sali Berisha deklaroi se Shqipëria po qeveriset sipas tij në kushte të një “regj...
Edi Rama DIBËR- Kryeministri Edi Rama deklaroi se problemet në zhvillimin rural nuk lidhen me mungesën e fondeve, por me projektet dhe aplik...
Edi Rama DIBËR- Kryeministri Edi Rama deklaroi se bujqësia shqiptare duhet të transformohet përmes bashkimit të fermer&...
Edi Rama DIBËR- Kryeministri Edi Rama deklaroi se fermerët shqiptarë duhet të bashkohen sipas modelit të Bashkimit Europian pë...
Ilir Meta TIRANË- Ish-presidenti Ilir Meta i është drejtuar Gjykatës së Posaçme të Shkallës së Parë...
Mitsotakis dhe Rama GREQI- Marrëdhëniet shqiptaro-greke, çështja e detit dhe të drejtat e pronësisë ishin në qend...
