Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Berisha thotë se KiE duhet të promovojë Kosovën dhe të mos u kuhstojë rëndësi fjalëve të dala nga goja e Ramës. Sipas tij, kryeministri Rama me fjalimin e mbajtur ka miratuar ndarjen në dysh të kombit shqiptar.
TIRANË- Kryetari i Partisë Demokratike Sali Berisha ka 'dënuar' sërish fjalimin e mbajtur nga kryeministri Edi Rama në Këshillin e Evropës ku kërkoi rrëzimin e raportit të Dick Martyt. Në një konferencë me gazetarët, Berisha thotë se fjalimi i Ramës nuk i ka ndihmuar të arrestuarit që ndodhen në Hagë, por veçse i ka dëmtuar ata. Berisha u shpreh se fjalimi i Ramës në Strasburg ka qenë një thikë pas shpine ndaj Kosovës, ndërkohë që i bëri thirrje KiE-së të mos e marrë parasysh retorikën politike të bërë nga kryeministri shqiptar. Berisha thotë se KiE duhet të promovojë Kosovën dhe të mos u kuhstojë rëndësi fjalëve të dala nga goja e Ramës. Sipas tij, kryeministri Rama me fjalimin e mbajtur ka miratuar ndarjen në dysh të kombit shqiptar.
FJALA E BERISHËS:
Mirëdita! Sot jam para jush për të denoncuar me forcën më të madhe fjalimin antishqiptar të Edi Ramës, thikat pas shpine që ky armik i egër i kombit shqiptar i futi kombit tonë Kosovës dhe Shqipërisë në fjalën e tij. Edi Rama në Strasburg me fajlën e tij tërkuzë, dyfishin e kohës së lejuar, të cilën sot mund ta mbante vetëm Lukashenko i Bjellorusisë. Me këtë qëndrim groteskt detyroi Komitetin Presidencial të Asamblesë Parlamentare të Këshillit të Europës dhe grupin më të madh të kësaj asambljeje, krahas mallkimeve, fyerjeve, sharjeve që lëshoi andaj asamblesë dje KiE, të bojkotojnë zyrtarisht darkën pavarësisht se aty ai ishte kryeministër i një vendi anëtar të KiE. Dhe kryeministër i një vendi anëtar i NATO-s. Ky akt nuk ka ndodhur kurrë në historinë 73 vjeçare të këtij institucioni. Ndodhi për herë të parë me kryeministrin e Shqipërisë, de facto me kryeministrin e narkoshtetit të parë dhe të vetëm në Europë. Shqipëria dhe asnjë vend tjetër anëtar i këtij institucioni në 73 vite jetë të tij, nuk ka njohur kurrë një turpërim të tillë. Edi Rama shpalli aktin madhor të tradhëtisë kombëtare pas Enver Hoxhës ndaj Kosovës. Ai shkoi aty dhe shpalosi tezën serbe antishqiptare të kombit Kosovar. Enver Hoxha vërtet e la Kosovën nën pushtimin serb dhe jugosllav, por nuk foli ndonjëherë për kombin kosovar. Gjysmën e dytë të shekullit të kaluar Beogradi promovoi me gjithë propagandën e tij tezën e kombit kosovar dhe kombit shqiptar, apo shqiptarsi të këqinj të Kosovës dhe këta janë për t’u zhdukur. Dhe albanësi të mirë të Shqipërisë dhe këta janë fqinj për t’u respektuar. Me këtë tezë, Edi Rama jo vetëm miratoi ndarjen në dysh të kombit shqiptar, por indirekt edhe zhdukjen e kombit, pasi ai është kosovar.
Kjo është thika më e rëndë që i futet kombit tonë në 150 vitet e fundit nga një tradhëtar shqiptar. Ai futi thikën pas shpine Kosovës, pasi dështoi me turp me tezën e luftës civile në Kosovë të elaboruar për 2 vite me rradhë me propagandën e Rilindjes. Barbaritë serbe ndaj shqiptarëve të Kosovës të bazuara në racizmin e pushtuesve serbë në Strasburg i vlerësoi thjesht si një konflikt humanitar, ndërkohë që ai ishte një gjenocid me bazë racizmin e serbëve ndaj shqiptarëve. Edi rama në Strasburg i futi thikën Kosovën në momentin më të papërshtatshëm për Kosovën, pikërisht kur ajo kishte nevojë për lobim pozitiv për anëtarësim në Këshillin e Europës, ai në sallën e këtij tempulli, lëshoi lumë sharjesh e akuzash të padëgjuara në atë sallë në gjithë ekzistencën e atij institucioni. I bëj thirrje KiE, asamblesë parlamentare që të votojë Kosovën si anëtar të ri dhe të mos ndikohet nga retorika koprolaike dhe arkaike e një njeriu që është në mision kundër kombit të vet. Edi Rama i futi thikë pas shpine Kosovës, sepse me retorikën e tij ai mbuloi si vasali i Vuçiçit Beogradin. Mbrojti dhe mbuloi Beogradin, prokurorin e krimeve të luftës për Serbinë, Vladimir Vuçeviç, si burimin absolut kryesor të të gjitha trillimeve monstruoze të raportit të Dick Marty dhe kjo është publikisht e njohur. Së fundmi, Edi Rama i futi thikë pas shpine Kosovës, pasi zgjodhi si mbrojtje për udhëheqjen e Kosovës në Hagë, mjetin më të dëmshëm, presionin e hapur politik ndaj gjykatës. Reagimi i Edi Ramës zgjoi neveri dhe dënim në komunitetin ndërkombëtar, përfshi edhe te personaliteve që kanë lobuar për të liruar udhëheqjen politike të Kosovës. Unë njerëzisht u bëj thirrje autoriteteve të Kosovës të ndalojnë fushatën politike të Ramës ndaj gjykatës së Hagës si mjet që ai përdor për të maskuar vasalitetin e tij të plotë ndaj Beogradit, por de facto për të rënduar pozitën e kësaj udhëheqje në Hagë pasi kërkon të mbulojë me sulme politike institucionet ndërkombëtare.
Çfarë tha Rama në KiE?
Kryeministri Edi Rama kërkoi nga Asambleja Parlamentare e Këshillit të Europës që të rrëzonin akuzat kundër Kosovës dhe të pranojnë kërkesën e Shqipërisë, për një raport vijues ndaj atij të Dick Marty-t. Kreu i Qeverisë kërkoi rishikimin e Rezolutës 1782 (të miratuar në vitin 2011) për raportin e Dick Marty, për t'i shpallur të pabazuara akuzat e tij për trafikim të organeve njerëzore gjatë luftës së fundit në Kosovë. Rama e cilësoi raportin si një lajm të rremë që u shndërrua në rezolutë dhe që po dëmton Kosovën. Por kërkesat e kryeministrit shqiptar shkaktuan debate në seancën plenare, ku disa prej të pranishmëve i cilësuan “të pashembullta”.
Fotoja e postuar nga Rama TIRANE- Kryeministri Rama ka publikuar një foto të vjetër të kryedemokratit Sali Berisha, kryetarit të P...
Linda Karcanaj, drejtoresha e AKSHI TIRANE- Komisioni Parlamentar për Sigurinë Kombëtare i ka mbyllur sot dyert për tu zhvilluar pa pra...
Mark Zhuri SHKODËR- Sekretari i Përgjithshëm i bashkisë Vau Dejës, Mark Zhuri ka paditur shefin e komisariatit të Policis&eum...
Genc Gjokutaj TIRANË- Deputeti i Partisë së Lirisë, Petrit Vasili dhe mbrojtësi i kryetarit të Partisë së Liris&eum...
Sali Berisha TIRANË- Ish-kryeministri Sali Berisha u ka bërë thirrje studentëve e punonjësve të tjerë të universite...
Sali Berisha TIRANË- Ish-kryeministri Sali Berisha ka deklaruar se trinomi që do të sjellë triumfin e PD-së është p...
Sali Berisha TIRANË- Kryetari i Partisë Demokratike Sali Berisha ka deklaruar se ka vetëm dy mënyra që mund të heqi...
Sali Berisha TIRANË- Kryetari i PD, Sali Berisha e ka cilësuar fjalimin e kryeministrit Edi Rama në Këshillin e Europës l...
Sali Berisha TIRANË- Kryetari i Partisë Demokratike, Sali Berisha ka pranuar se edhe në kohën kur ai qeveriste vendin ka pasur korrups...
Sali Berisha TIRANË- Ish-kryeministri Sali Berisha nuk ka qëndruar dot pa hedhur kunja ndaj kryeministrit Edi Rama. Teksa po çohej pë...
