"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
Delina Ibrahimaj shpjegon politikën e qeverisë për të mos patur as ulje as rritje të rëndësishme taksash, që, siç shprehet ajo, do ta destabilizonin sistemin fiskal në këtë moment.
TIRANË- Paketa fiskale e vitit të ardhshëm nuk ka parashikuar ulje taksash, si një masë që mund të zbusë efektin e rritjes së çmimeve. Por Ministrja e Financave e sheh në një këndvështrim tjetër. E ftuar në emisionin "Pa censurë", Delina Ibrahimaj shpjegon politikën e qeverisë për të mos patur as ulje as rritje të rëndësishme taksash, që, siç shprehet ajo, do ta destabilizonin sistemin fiskal në këtë moment. Por ka dhe një arsye tjetër pse qeveria nuk propozon ulje taksash, që qytetarët të kenë më shumë të ardhura nga puna.
“Arsyeja kryesore është se në historikun e ekonomisë shqiptare, lehtësirat fiskale nuk kanë ndikuar në çmim”, thotë Ibrahimaj, e cila kujdeset të theksojë politikën e qeverisë për të ndihmuar kategoritë më në nevojë, si pensionistët, ata që marrin pagë minimale me rritjen e saj, rritjen e pagave në disa sektorë.
Pjesë nga intervista e Ministres së Financave, Delina Ibrahimaj për emisionin “Pa Censurë”
Elona Meço: Që të xhirojë më mirë ekonomia, pse nuk ulni taksat? Nuk ka asnjë ulje taksash në këtë paketë fiskale.
Delina Ibrahimaj: Kemi menduar që në nisje të krizës që gjatë krizës të mos kemi politika fiskale të qenësishme qoftë ulje apo rritje, që do ta destabilizonin sistemin fiskal në këtë moment. Kemi thënë që në fillim që ne do të ndjekim subvencionimin e kategorive në nevojë dhe jo të subvencionimit përmes lehtësimit apo politikave fiskale. Arsyeja kryesore është se në historikun e ekonomisë shqiptare, lehtësirat fiskale nuk kanë ndikuar në çmim. Mund të kenë ndikuar në zhvillimin e sektorëve të caktuar, por nuk kanë ndikuar në qëllimin final.
Elona Meço: Por unë mund të kem më shumë para në xhep duke m’u ulur taksat nga qeveria dhe e përballoj më mirë rritjen e çmimeve.
Delina Ibrahimaj: Për kategorinë që ka paga më të ulëta, ne rrisim kufirin e patatueshëm nga 40 në 50 mijë lekë. Pra, janë rreth 70 mijë të punësuar që nuk do të paguajnë tatim mbi të ardhurat e pagës. Do të ketë më shumë të ardhura për ata që marrin pagë minimale, pasi është parashikuar për vitin e ardhshëm nga 34 mijë lekë që është sot në 36 mijë lekë. Janë hapa që duhen bërë me kujdes, pasi nga njëra duhet të ruajmë qëndrueshmërinë fiskale dhe të punojmë për mbledhjen e të ardhurave që të përballojmë më mirë krizën dhe nga ana tjetër duhet të kujdesemi që të mos dëmtojmë bizneset duke rritur shumë shpejt pagën minimale dhe të ecim me një hap të qëndrueshëm për bizneset dhe për prodhimin.
Elona Meço: Pse qeveria e ka lënë barrën e krizës mbi qytetarët, pa shpërndarë të ardhurat nga rritja e çmimeve?
Delina Ibrahimaj: Në fakt jo, sepse ne nuk i kemi rritur taksat. Ne jemi kujdesur që buxhetet e familjeve shqiptare të mos dëmtohen nga elementi që po i dëmton në shumë vende të botës, energjia elektrike. Norma e inflacionit në Shqipëri ka qenë ndjeshëm më e ulët se norma e inflacionit të vendeve të rajonit apo dhe mesatarja e vendeve të BE-së. Ne kemi një normë mesatare inflacioni janar-shtator 6.3%, ndërsa për këtë periudhë, vendet e rajonit kanë një mesatare dyshifrore të inflacionit. Ndikim ka patur politika jonë e mos ndryshimit të çmimit të energjisë elektrike, e cila ka ndikuar në mosrritjen e kostove të prodhimit të produkteve që prodhohen në vend, duke ndikuar automatikisht dhe në inflacion. Pra, inflacioni që kemi aktualisht, është inflacion i importuar, ndërsa prodhimet vendase kanë patur një rritje të ulët të çmimeve duke ndikuar në shifrën totale që është mesatarisht 6%.
Elona Meço: A ka menduar ky buxhet për pagat? Do të rriten ato?
Delina Ibrahimaj: Ne bëmë një rritje të pagave në vjeshtë me 7%, që ka kosto edhe për vitin e ardhshëm. Në parashikimet aktuale të buxhetit, kemi parashikuar rritje pagash për sektorin e arsimit dhe të shëndetësisë dhe do të rriten agat për kategorinë e zjarrfikësve. Nga ana tjetër po punojmë për të patur një studim për rritjen e përgjithshme të pagave në vend, pasi pagat në sektorin publik duhet të arrijnë në një nivel më të lartë. Viti i krizës nuk është viti i duhur për të ndërmarrë politika agresive për rritjen e pagave, pasi ne duhet të jemi shumë të kujdesshëm që të targetojmë kategoritë më në nevojë. Për këtë arsye mendojmë një rritje të mëtejshme të pagës minimale që ndikon edhe në pagën minimale në sektorin privat.
Elona Meço: E keni fjalën që studimi mund të zbatohet që vitin e ardhshëm apo për një kohë të mëvonshme?
Delina Ibrahimaj: Studimi po bëhet për efektet e rritjes së pagave në mënyrë të përshkallëzuar. Ai do të duhet të përfundojë si studim dhe më pas të merret në konsideratë si politikë. Viti që vjen ka vështirësitë e tij dhe ne kemi në fokus të mbrojmë kategoritë në nevojë, të mbrojmë çmimin e energjisë elektrike./RTSH
Delina Ibrahimaj TIRANË- Të dhënat e ekonomikes tregojnë që konsumi nuk ka rënë, pavarësisht rritjes së ndjesh...
Ilir Alimehmeti TIRANË- Mjeku Ilir Alimehmeti, kandidat për primaret e PD në Tiranë, i është përgjigjur një pyetjej...
Dashamir Shehi Dashamir Shehi: Rama nuk është budalla. E di ai pse po ikin shqiptarët. Edhe ne mos të bëjmë qorrin mos të...
Richard Tice, Piers Morgan dhe Princ Leka II TIRANË- Gazetari Piers Morgan ka marrë në një intervistë Princ Leka II, lidhur me lar...
Ilir Alimehmeti TIRANË- Ilir Alimehmeti zyrtarisht do të kandidoj për Primaret e Tiranës, një proces që do të zhvillohe...
Partia Demokratike TIRANË-Deri në datën 12 nëntor është vendosur afati për vetëkandidim dhe kandidim për Prima...
Sali Berisha TIRANË- Kryetari i Partisë Demokratike, Sali Berisha deklaroi ditën e sotme se kryeministri Edi Rama duhet të ishte n...
Sali Berisha TIRANË- Kryetari i Partisë Demokratike Sali Berisha ishte i pranishëm ditën e sotme në një takim me qytetarë...
Erjon Veliaj dhe Ilir Alimehmeti TIRANË- Mjeku Ilir Alimehmeti deklaroi se do ta uronte Erjon Veliajn, nëse ky i fundit do fitonte zgjedhjet n&eu...
Petrit Doda TIRANË- Deputeti i Partisë Demokratike, Alfred Rushaj ka dorëzuar mandatin e deputetin, akt të cilin do ta bëjë n...
