"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
Hoxha tha se Beleri është kandiduar për të marrë votat e ekstremit të djathtë dhe të ultra nacionalistëve
TIRANË- Gazetari Artan Hoxha ka komentuar kandidimin e Fredi Belerit nga partia Demokracia e Re në Greqi, për të qenë eurodeputet. I ftuar në emisionin "Të Paekspozuarit" në MCN TV, Hoxha tha se Beleri është kandiduar për të marrë votat e ekstremit të djathtë dhe të ultra nacionalistëve. Po ashtu Hoxha e quajti një sfidë të hapur ndaj Shqipërisë këtë kandidaturë pasi Beleri është i dënuar për blerje votash.
"Duke e ditur se cili ishte qëllimi i Greqisë që kur e promovoi, nuk më çudit. Autoritetet greke e dinë më mirë se ato shqiptare, se çfarë ka bërë Fredi Beleri. Ka qenë i dënuar dhe burgosur në Greqi. Ka qëndruar në Greqi për t’ju shmangur një dënimi në Shqipëri. Padyshim që qëllimi i Belerit nuk ka qenë të zgjidhej dhe të rivendoste vjedhjen e pronave dhe abuzimet me pronat, të rikthente shkeljen e të drejtave të njeriut, këto janë përralla. Në fakt, veprimi i sotëm është në vazhdën e veprimeve që kanë ndodhur prej më shumë se një viti. Nuk di çfarë duhet të bëjë më Greqia?
Kemi përjashtuar të zgjedhur vendorë, deputetë, etj, sepse Greqia i ka kapur për shkelje të kufirit. Nëse ne u kemi ndërprerë karrierën, me ligjin e dekriminalizimit dhe ne e zbatojmë, kurse një vend i BE, i cili ka financuar edhe reformën e drejtësisë, jo vetëm nuk e merr parasysh por promovon figura të tilla. Greqia ka të drejtë për 21 eurodeputetë. Në zgjedhjet e fundit, partia Demokracia e Re, ka marrë vetëm 8 mandate. Në sondazhet e fundit, ajo ka rënë 6% nga zgjedhjet e kaluara. Pra numri mund të jetë edhe më pak se tetë.
Kanë vendosur një kandidat si Beleri, sepse edhe në zgjedhjet që ndodhën përpara, rezultoi që një emër si Beleri u solli vota nga ekstremi i djathtë, si Agimi i Artë, apo parti të tjera me traditë ultra nacionaliste. Emri i Belerit është aty për të sjellë votat e ekstremit të djathtë. Kjo histori i ka sjellë vota Mitsotakisit dhe na ka marrë një të dënuar… I kam nxjerrë të filmuar në Himarë, përfaqësues të Agmit të Artë në ditën e zgjedhjeve në Himarë, me në krye Karathanon. Beleri është përfaqësues i së djathtës ekstreme. Prezantimi i Belerit është bërë si martir që po lufton për Vorio Epirin.
E njëjta gjë me Pirro Dhimën, që doli në TV dhe tha kam lindur në kryeqytet të Vorio Epirit, pra për Himarën. Kur kandidoi për herë të parë ka qenë për PASOK dhe Venizelos e vuri në krye të listës, si sportisti me më shumë trofe në Greqi. Ka fituar mandatin e parë, ka humbur të dytin. Por këtë rradhë kandidon për llogari të ekstremit tjetër. Këtë e kanë zgjedhur sepse merr vota të qendrës. Që të shpallet eurodeputet Beleri, duhet të kapë rreth 200 mijë vota. Beleri reagoi nga burgu dhe falenderoi për kandidimin. A lejohet që një njeri i burgosur të kandidojë? Hapa legjislacionin e BE dhe është e përcaktuar në kapitullin për Greqinë, e ka të përcaktuar, që dënimi i caktuar penal rezulton në humbjen e të drejtave politike nga 2-10 vjet. Kur është me burgim në të paktën një vit, të drejtat politike humbasin nga 1-5 vjet. Pra legjislacioni grek e pengon vetë. Shqipëria është vend që ka aplikuar për të qenë anëtar dhe ka filluar të plotësojë dhe nënshkruajë kapitujt. Është një sfidë e hapur që i bëhet Shqipërisë", tha Hoxha.
edi rama PARIS- Kryeministri Edi Rama i ka konsideruar shpifje, akuzat ndaj vëllait të tij, Olsi Rama për lidhje me laboratorin e drogë...
Edi Rama TIRANË- Kryeministri Edi Rama ka deklaruar se ministrat dhe ish-ministrat, të cilët kanë rënë në pranga, tanim&...
edi rama PARIS- Kryeministri Edi Rama ka folur edhe për mandatin e ish-ministres dhe deputetes Olta Xhaçka ku tha se Gjykata Kushtetuese d...
edi rama TIRANË- Kryeministri Edi Rama ka komentuar edhe problemet me regjistrimin e pronave në Himarë. Ai tha se ka probleme me regjistrimi...
edi rama PARIS- Kryeministri Edi Rama ka folur mes të tjerash edhe për Himarën, ku tha se është një komunitet që k&...
edi rama PARIS- Kryeministri Edi Rama tha se nuk duan konflikte dhe as estradë ballkanike me gërhama nacionaliste në rajon. Sipas tij, Greqi...
edi rama PARIS- Kryeministri Edi Rama në një intervistë nga Parisi ka folur për vizitën dhe pritjen që i bëri presi...
sali berisha TIRANË- Kreu i PD-së, Sali Berisha ka mbajtur fjalimin e tij mbrëmjen e sotme para mbështetësve të tij të m...
GREQI- Media greke "Protothema" ka shkruar se çfarë pritet të ndodhë kryebashkiakun e zgjedhur të Himarës, Fredi Belerin, i ci...
GREQI- Fredi Beleri, është zyrtarisht kandidat për eurodeputet i partisë greke "Demokracia e Re". Në videon e mëposhtme shihet mom...
