Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
BRUKSEL– Kryeministri Edi Rama është shprehur se çështja e hapjes së negociatave dhe integrimit të Shqipërisë në Bashkimin Evropian është një nga prioritetet e tij. Në një intervistë nga Brukseli, Rama tha se Bullgaria em veton e saj po e mban peng Maqedoninë e Veriut, por që Shqipëria kërkon të ndryshojë kurs. Siç ka deklaruar edhe më herët, Rama tha se do të presë deri në qershor për të marrë një përgjigje së bashku me Maqedoninë e Veriut dhe nëse kjo do të jetë negative, do të kërkojnë ndarjen. Kryeministri tha se imazhi i vendit tonë është totalisht tjetër në ditët e sotme në çdo aspect dhe se meriton të integrohet në BE. Përsa i përket çështjes së Kosovës e Serbisë, sipas Ramës, dialogu është e vetmja zgjidhje.
Intervista e plotë:
Pyetje: Zoti kryeministër, morëm sinjale pozitive nga takimi i mbrëmshëm që patët ju me zotin Borell, sa i takon një vendimmarrjeje të mundshme në 6 qershor për Shqipërinë?
Kryeministri Edi Rama: Tani situata dihet dhe të përsërisim atë që vazhdon të përsëritet mbase nuk ia vlen. Megjithatë, po e përsërisim që është shumë e qartë që për Shqipërinë opinioni është tejet pozitiv, ne presim një tjetër raport-progresi dhe jemi të bindur që do jetë edhe më pozitiv për shkak se shumë gjëra kanë ndodhur dhe janë të gjitha në drejtimin e duhur. Imazhi i Shqipërisë është komplet tjetër sot në çdo aspekt. Shqipëria konsiderohet një model për rajonin, jo vetëm këtu, por dhe në Hagë është shumë e qartë kjo gjë.
Megjithatë, dje biseda është përqendruar tek situata social-ekonomike, si rezultat i pasojave të luftës dhe për hir të vërtetës, nëse do kishim mundur ta ndanim me opinionin publik në Shqipëri atë bisedë, do kishim dëgjuar vërtetë situata shumë më problematike sesa situata jonë, në aspektin e qëndrueshmërisë financiare, në aspektin e financimit të mëtejshëm të ekonomisë, në aspektin e inflacionit e kështu me radhë.
Sa i përket pjesës tjetër, ne jemi në pozicionin që dihet, do presim dhe presidencën franceze. Këtu çështja është tek Bullgaria që ka marrë peng Maqedoninë dhe që si rezultat, ka bërë që ne të jemi peng i një ngërçi të madh që ne nuk kemi lidhje fare.
Ndërkohë, besoj që të gjithë e kanë të qartë që kjo situatë nuk mund të vazhdojë më gjatë. Megjithatë, ne do të ndryshojmë menjëherë kurs, siç e kemi thënë dhe siç e kemi marrë nga Këshillimi Kombëtar në rast se nuk do të kalojë në fazën tjetër vendi ynë për t’u ulur formalisht në tryezë për negociata.
-Zoti kryeministër, do ta asistojë apo ndihmojë Bashkimi Europian, 6 vendet e Ballkanit Perëndimor, duke patur parasysh zhvillimet dhe pasojat që mund të vijnë nga lufta Rusi-Ukrainë, dhe në çfarë forme?
Kryeministri Edi Rama: Bashkimi Europian është një makineri e rëndë dhe e madhe, që edhe kur ka kthesa për të marrë, i merr shumë ngadalë, por ne kemi, prej disa kohësh, punuar me disa kryeqytete, duke bërë disa propozime tonat sepse ka edhe një vullnet të ri për të dëgjuar nga ne dhe kur them nga ne nuk kam parasysh vetëm Shqipërinë, por edhe vendet të tjera, por edhe duke pasur parasysh faktin që ne tani kemi garantuar një akses të drejtpërdrejtë me kancelarinë kryesore dhe kemi një dialog të vazhdueshëm, pra nuk jemi më në kohën kur një bisedë mes kryeministrit të Shqipërisë dhe Kancelarit apo Presidentit të Francës ishte një ngjarje e madhe për të cilën flitej në televizor, bëheshin njoftime për shtyp. Sot këto janë rutinë, por nga ana tjetër gjithçka është e hapur dhe gjithçka mund të ndodhë. Mund të ndodhë që të ketë një ndryshim të rëndësishëm. Mund të ndodhë që mund të mos ndodhë asgjë, kjo është e gjitha për tu parë.
– Pas Serbisë z. Kryeministër dhe nga Maqedonia po importojmë mallra. A tregon kjo që “Open Balkan” po funksionon dhe çfarë pritet të ndodhë me Malin e Zi? Pak më herët në një konferencë për shtyp më konfirmuat ftesën që ju i keni bërë kryeministrit shqiptar të zgjedhur të Malit të zi, cili do jetë qëndrimi i këtij vendi?
Kryeministri Edi Rama: Ballkani i Hapur funksionon dhe do funksionojë gjithmonë e më mirë. Tani ne presim që edhe Mali i Zi t’i bashkohet, domethënë është çështje kohe, unë e kam thënë gjithmonë, është çështje kohe që t’i bashkohen të gjithë në fakt se nuk ka ku shkon tjetër kjo punë përveçse tek kooperimi, tek bashkëpunimi, kështu që sigurisht që është humbje kohe patjetër për ata që ngurojnë apo refuzojnë të bashkohen, por ne nuk kemi kohë për të humbur.
– Përpara darkës së mbrëmshme presidenti i Serbisë Aleksandar Vučić deklaroi për mediat e tij që e shoqëronin se Serbia do të rishikojë qëndrimin e saj nëse Kosova do të kërkojë anëtarësimin e Europës. Shqipëria ka një qëndrim në lidhje me këtë? Cila do të jetë vota e saj?
Kryeministri Edi Rama: Kjo nuk do diskutim fare. Ne jemi shumë të qartë. Ne nuk kemi asnjë ekuivok. Ne jemi në mbështetje absolute të Kosovës në çdo hap dhe për çdo gjë që lidh Shqipërinë, Kosovën dhe komunitetin ndërkombëtar. Ndërkohë që ne kemi qasje komplet tjetër kur vjen puna tek normalizimi i marrëdhënieve hap pas hapi në aspektin ekonomik, në aspektin e lirisë së lëvizjes e të tjera e të tjera, me Serbinë paralelisht me betejën në tryezë, betejën diplomatike për dialog e kështu me radhë sepse besojmë që kjo është rruga, kjo është rruga dhe nga ana tjetër respektojmë plotësisht zgjedhjen e bërë nga autoritetet legjitime, të votuara, të mandatuara, përgjegjëse të Kosovës për të patur një qasje komplet tjetër në këtë aspekt. Por kur vjen puna tek demarshet e Kosovës në arenën ndërkombëtare, ne jemi 100% me Kosovën. Serbia sigurisht është në të drejtën e vetë të mendojë krejt ndryshe, na vjen keq për Serbinë në këtë rast, por ne do të mbështesim Kosovën!
Liderët e Ballkanit Perëndimor janë pritur mbrëmjen e kaluar në një darkë jozyrtare nga Përfaqësuesi i Lartë i Bashkimit Evropian për Politikën e Jashtme, Joseph Borrell në Bruksel. Në konferencë për shtyp doli edhe presidenti serb Aleksander Vuçiç tha se aplikimi i Kosovës për anëtarësimin në Këshillin e Evropës do të ishte një “shkelje” e marrëveshjeve të Brukselit dhe Uashingtonit. Ndaj dhe premtoi një reagim të ashpër politik nga ana e tij, ndërsa premtoi se brenda 48 orëve do të mbledhë me urgjencë Këshillin e Sigurisë për të mbajtur një qëndrim zyrtar. Të pranishëm në takimin ishin dhe kryeministri Edi Rama, presidenti malazez Milo Gjukanoviç, kryetari i Këshillit të Ministrave të BiH-së Zoran Tegelti, kryeministri i Maqedonisë së Veriut Dimitar Kovaçevski dhe Komisioneri për Zgjerim, Oliver Varhelyi.
(F.m/dosja.al)
Kryeministri Rama, prej disa ditësh po sulmon SPAK për arrestimet nga radhët e PS dhe kërkoi prangosjen e Berishës dhe Metës. Cilat janë arsyet sipas jush?
ELBASAN– Një bombë e Luftës së Dytë Botërore është gjetur në fshatin Mengël të Elbasanit, në afërsi të një shkollë. Bomba, e cila mendohet se i përket vit...
TIRANË– Kardiologu Edvin Prifti ende nuk e ka përfunduar përballjen me drejtësinë. Vendimi i Gjykatës së Posaçme Kundër Korrupsionit dhe Krimi...
TIRANË– Drejtuesi i Prokurorisë së Posaçme Kundër Korrupsionit dhe Krimit të Organizuar (SPAK) Arben Kraja ka raportuar sot para Këshillit të ...
TIRANË– Raportimi i Arben Krajës në Këshillin e Lartë të Prokurorisë u zhvillua mes debateve e ironisë. Nënkryetari i Këshillit të Lartë të Prokurori...
TIRANË– Kreu i Prokurorisë së Posaçme kundër Korrupsionit dhe Krimit të Organizuar (SPAK), Arben Kraja është shprehur se nuk ndjen asnjë lloj ...
TIRANË– Nënshkruhet Marrëveshja e Bashkëpunimit ndërmjet Kontrollit të Lartë të Shtetit dhe Zyrës së Audituesit të Përgjithshëm të Norvegjisë. Kryeta...
ELBASAN– Një granatë është gjetur pranë shkollës 9-vjeçare të fshatit Mengël në Labinot Fushë të Elbasanit. Në vendin e ngjarjes ka mbërritur polic...
TIRANË– Kreu i grupit parlamntar të Aleancës për Ndryshim dhe i Partisë Republikane Fatmir Mediu ka kërkuar që Opozita të dalë me një kandidat për Pr...
TIRANË– Ditën e nesërme do të zhvillohet një takim të përfaqësuesve të grupeve të ndryshme parlamentare për zgjedhjen e presidentit të ri. Në orën 10...
“Heqja e barrierave është hapi i parë për pozicionimin e Ballkanit Perëndimor në hartën botërore të turizmit. Ne pyetemi shpesh se çfare bëri për turizmi...
