Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
Dosja e Erion Veliajt/ Avokati Ndreca nuk u paraqit, gjobitet me 50 mijë lekë! Shtyhet seanca 21 Korrik, 10:54 Dosja...
“Nuk shiten malet, është mundësi për pronarët dhe emigrantët” Rama: Paketa e Maleve, nuk anulohet 21 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
TIRANË– Zëdhënësja e qeverisë Elisa Spiropali, pas deklaratave të ish-kryeministrit Sali Berisha se nuk do të ketë zgjedhje më datë 30 qershor është shprehur se me këtë gjë ish-kryeministri u ka treguar shqiptarëve që duhet mbyllur puseta që sipas saj ka qelbur vendin për 30 vite.
Në një reagim në rrjetet sociale, Spiropali shkruan se nuk duhet lejuar që anormaliteti I Berishës të trajtohet si normalitet.
Ajo thekson më tej se ndërkohë që kryeministri Edi Rama po bën thirrje me letra publike për dialog, sipas Spiroaplit, ‘Saliu dhe të paudhët e tij u bien të njëjtave daulle lufte frontale’.
Reagimi i plotë
“Mbrëmë shqiptarët panë fytyrën e degradimit më të skajshëm të politikës së 30 vjeteve dhe dëgjuan gojën më të shqyer të asaj politike! Ish-President i Republikes, ish-kryeministër i Shqipërisë, ish kryetar i Partisë Demokratike për cerek shekulli dhe lider sot e gjithë ditën i opozitës me histerike që Shqipëria ka njohur, Sali Berisha mbrëmë u tregoi shqiptarëve më mirë se sa çdo ta bënim të gjithë ne, pse në 30 qershor duhet mbyllur njëherë e mirë puseta që ka qelbur politikën shqiptare për 30 vjet me radhë; pse nuk duhet të lejohet në asnjë mënyre që Kushtetuta të bëhet lodra e partive politike; pse nuk duhet te pranohet në asnjë mënyrë që anormaliteti i mëndjes se Sali Berishës të vazhdojë të trajtohet si normalitet, në emër të mirëkuptimit me ata që s’duan të kuptojnë!
Pa pikën e turpit dje dhe sot, një deklaratë shtypi e një grupi njerëzish vullnetmirë në partine simotër të PD-së në CDU/CSU, që duan të ndihmojnë Shqipërinë, keqpërdoret si vendim i parlamentit gjerman për të shtyrë datën e zgjedhjeve!
Ndërkohë që ata miq të Shqipërise dhe partnere politike të PD, kryfjalën e tyre e kanë prej ditësh dialog pa kushte dhe ndërkohë që kryeministri ka tre ditë rresht që publikon me shkrim, ftesën për Dialog pa Kushte, Saliu dhe të paudhët e tij u bien të njëjtave daulle lufte frontale, duke bërë sikur ajo kryefjalë nuk ekziston!
Që këta janë tallur me shqiptarët sa kanë dashur dhe kanë bërë rëndom si kanë dashur me Shqipërinë, kjo dihet! Por që sot sharra e tyre ka ngecur përfundimisht në gozhdë dhe o duhet ta braktisin sharrën bashkë me politikën e shantazhit e të dhunës, o s’ka asnjë të ardhme për ta, ketë mesa duket do ta marrin vesh tamam tamam vetëm në 30 qershor!
Koha për Dialog po mbaron dhe fushata e zgjedhjeve është pak ditë larg. Si të duan! Ne jemi edhe për pak ditë në dispozicion të dialogut. Ndërsa kush nuk e ka kuptuar akoma pse duhen bërë zgjedhjet në 30 qershor, le të rishohë shfaqjen e marrosjes së Saliut mbrëmë!
Kush nuk e ka kuptuar akoma pse kjo betejë kundër zgjedhjeve, eshte ne thelb beteje e frikes se Lulzim Bashes nga humbja dhe beteje e frikës së Saliut e jo vetëm Saliut, nga drejtësia, le t’i kthehet logoresë pa autokontroll të të marrit që u shfaq mbrëmë në ekranet e shqiptarëve!
Kush nuk e ka kuptuar akoma qe 30 qershori eshte kthyer ne momentin qe ose mbyllet puseta e epidemive politike te 30 vjeteve, ose Shqiperia bie mbrapsht ne ate pusete perseri per kushedi sa vjet te tjera, le te shohe pa ze thjesht fytyren e Saliut mbreme!
Mbrëmë ai ishte sa Saliu, aq edhe Shqipëria që nuk duam më, politika që nuk duam më, sjellja publike që nuk duam më, komunikimi që nuk duam më, gjithckaja që nuk duam me në rrugën e Shqiperisë që duam.
Ah edhe diçka, kush ka frike se çoç do bëjë Luli me punonjësit e bashkive te PD-së dhe disa grupe ekstremistësh të dhunshëm në 30 qershor, le të shohe rrangallën e mbrëmshme, Saliun, që tanimë është thjesht lehësi i dalë mendsh qe veç bishtit te tij, s’kafshon dot asgjë.
(f.m/dosja.al)
Tirana është boshatisur për ditët e pushimit. Cilën nga ritet e shenjta po ndiqni:
TIRANË– Kryeministri Edi Rama ka reaguar pas njoftimit të kompanisë së kërkimit të naftës, “SHELL”, se në Berat janë gjetur rezerva nafte. (Lexo këtu)Me an...
TIRANË– Tjetër kandidat i Bindjes Demokratike është tërhequr nga gara për kryetar bashkie. Bëhet fjalë për Ylber Gjetën, i cili do të kandidonte për Bashki...
TIRANË- Ish-deputeti i LSI, Vangjel Tavo ka reaguar sot për rihapjen e çështjes për masakrën e Peshkëpisë, teksa është marrë në hetim dhe kreu i OMO...
TIRANË- Ish-kryetari i grupit të Lëvizjes Socialiste për Integrim, Petrit Vasili, ka reaguar pas dorëheqjes së kryeministres britanike Theresa May ditën e ...
TIRANË– Ish-deputeti i Partisë Demokratike është shfaqur mjaft i irrituar pas deklaratës së Kryetarit të Grupit Parlamentar të Partisë Socialiste, Ta...
Presidenti i Kosovës, Hashim Thaçi i është përgjigjur ashpër akuzave që ish-kryeministri Sali Berisha i bëri mbrëmjen e djeshme, ku tha se ishte i përfsh...
Tiranë– Kreu i PD-së Lulzim Basha i ka bërë qytetarëve që nesër të marrin pjesë në protestën kombëtare të radhës të opozitës. Basha shprehet se nuk do të ...
CËRRIK- Kryetari i Grupit Parlamentar të Partisë Socialiste, Taulant Balla ka zhvilluar disa takime para-elektorale në Belsh dhe Cërrik, ku është shprehur ...
TIRANË- Prokuroria e Krimeve të Rënda ka mbyllur hetimet për dosjen 339. Burime për Dosja.al bëjnë me dije se hetimet janë mbyllur dhe pritet që në ditët ...
Ndërsa të gjithë presin se çfarë do të ndodhë në Shqipëri, a do mund të votojnë në 30 qershor, a do të ketë një zgjidhje për krizën, kryetari i Partisë D...
