Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Siç fotografia e tregon u poqëm me Ditmirin! Letrës nuk iu përgjigj, por erdhi vetë përmes shumë mundimesh! Me një të njohur më la takim në Babrru me lutjen për mirëkuptim! Atje ku tha shkova! Prit e prit e dikur shoh një mesoburrë të veshur me kominoshe plot njolla vaji e një kapele Adidas që zbret nga një kamion! Hiç u zhduk!
Kur pas nja 5 minutash më bën me dorë kamerieri! E ndoqa nga pas drejt një qilari aty ishte Ditmiri që sapo kishte hequr kominoshet! Po ti? E janë kohe të këqija këto Gjegji! Pa u pyetur për shëndetin te shokët e kishte mendjen! Si e kam Damianin a mbahet me shëndet se ca si i hequr ngjan nga ekrani, halle ka mbi supe ai djalë, halle dhe një si lot i shkëlqeu në cep të syrit!? Mirë më duket mua i thashë si buçko edhe mendimet i ka të rrumbullakosura! Shoqen Etildë tha e shoh gjithmonë të trishtë me kokën mbi kompjuter, fjalë pak mesa duket konspekton tezat e Taulantit gjate debatit parlamentar!! Po ai Ahmetaj si i dobësuar ngjan mos kursen si gjirokastrit e ha pak, se helbete me rroge e ruan për çilimiqërit! E rëndësishme që me Braçen shkojnë si vëllezër se partia lyp unitet.
Po zgjatet Braçja nga pak? E hoqën edhe si dezhurn. Zërin e ngre, rrëfeva gjithnjë e më të përvajshëm e të hollë. Po Teze Mirela që kaq shumë të lëvdonte dikur e zemrën i thyeve, me atë dolloma të bukur qe kishte hedhur mbi shtat shumë po lodhet po nuk ankohet, u bë copash për këtë të uruar vatan. Të lutem shoqen Evis mos ma ngacmo se ti e di dikur të dy t’i admironim satirat në fshehtësi. Për Nikon s’po te ha kohë se ai vjen herë pas here, natën e më takon gati si fshehurazi, se kuptoj pse msheftas se Rama u ka dhënë liri të sillen me dinjitet njerëzor. Kur vjen nga ministralet e NATO-s më sjell ndonjë peshqesh. Por me rroba ushtarake kamuflazhi, çudi, herë si gjeneral e herë si kapter.
I menduar Klosi ë? Ashtu duket mbase kujton kafen me Fahron dhe teposhtën që ajo i dha shtova unë. Pyeti për të gjithë shokët e betejave dhe te idealit një nga një! Pastaj mu kthye erdha të them se mgjs investove shumë që unë të thyhesha me liderin tonë plot ymër nuk ia dole! Vërtetë në dukje me ka ndëshkuar mu Pandin, Fatmirin, Braçen, Musanë e ngratë, Taon, por vetëm në dukje është kështu! Ne tani po mendojmë ku e kemi prishur, ku vesi na ndyu virtytin e sapo ta gjejmë do bëjmë tjetër autokritike! Po jo mor burrë, i thashë pa të keq e kisha se mu dhimbse!
Ty të dhimbset vetja që nuk ju bashkove dy nipave të Hysniut nipit të Maxhunit e djalit të xha Rrustemit për të mbrojtur të djathtën historike dhe Doktorin e Hysniut! Unë djali i Sulës e vuaj shumë mungesën në këtë front. Ne si Parti mbështesim fort kauzën e Doktorit për demokratizim se atë morëm si model dhe demokratizuam tonën!! Me Bashën si kalon? Po mirë me duket. Kujdes porositi se tani ti i duhesh i ke dalë kundër Doktorit që të kishte qejf se sapo të kalojë kjo gjë ai do mendojë ky që i prishi qejfin Doktorit të madh, mua ma prish ku e ku ndaj të jep të shtyrën.
Po shoqja Blerinë se desh harrova qysh i ka punët e dertet, a i shënon ato që thotë Elisa për t’i lexuar në shtëpi? E shoh që shkruan i thashë po kushedi çfarë! Ato ato shënon mu përgjigj thatë se e ka shume përzemer!!! Po si nuk po më pyet për shoqen Xhaçka i thashë ministren e jashtme? Po pse tha nuk është Genti ende ministër, se pas meje të gjithë gentër me duken, psherëtiu. Se ngava më shumë!
Do flasim për gjera serioze tha tani? Po he flasim! Do ta bëjmë atë bashkëqeverisjen? Ke mandat për këtë temë? Po mo tha më ka dërguar Rama. Po pse na solle në Babrru? Më mirë të duket si takim sekret që të vishet me mister. Po je pajtuar aq sa të të ketë të besuar për këto gjera! Ta thashë se je shumë paragjykues. Rama e ka zemrën e madhe, ne gabojmë ai jo, ne urrejmë ai jo. Po mirë kthehemi tek tema! Pranoj të bisedojmë me kusht që Ulsiun, Muzhaqin dhe Elisën se njeh edhe kanunin të mos i preke asgjë. Vendet e tyre të ruhen në qeveri. E ke nga vetja apo nga Basha këtë pyeti? Partia jonë ka nderim për këta tre personalitete se edhe ne i kemi ca të tillë. More …dhe pat një pauzë …a të duket ty që Belinda Balluku në çdo seancë duket më e re, më e dobët, më e hajthme? Jo vallahi se kam shquar po do ta këqyr në vazhdim.
Një flesh u ndez diku, me gjase kamerieri na fotografoi, kjo është historia! U ngrit u mbështoll me kominoshe, rrasi kapelën mbi krye, ndezi kamionin e drejt për në Surrel!
Cila mendoni se është alternativa më e mirë:
FRANCË – Presidenti francez Emmanuel Macron ka akuzuar kryeministrin australian, Scott Morrison, se e ka gënjyer për një kontratë nëndetësesh prej 90...
Vota pro e opozite per Eurobondin eshte gabim i rende politik. Justifikimi se nuk mund te votohet kunder marreveshjeve nderkombetare eshte i rreme. Eurobondi es...
Dy javë më parë në Tiranë, Ambasada Britanike me një ceremoni të thjeshtë por mjaft domethënëse, nderoi një rreshter të humbur diku në malet e Jugut Shqiptar gj...
Këtë herë nuk flitet për rrëzimin e një statuje nga një turmë demonstruesish të zemëruar, siç ka ndodhur shumë herë të tjera. Dhe as për heqjen e një mon...
Imagjinoni që po prisni të merrni një përgjigje mbi një pozicion pune që e keni ëndërruar prej kohësh. Intervistuesi juaj ishte i vështirë për t’u “...
KRUJË– Propaganda dhe “show” i qeverisë me investimet kanë kushtuar shumë kësaj here! Në Krujë, 370 persona, mes tyre dhe fëmijë, janë helmuar dhe ka...
1- Kriza e PD-së po thellohet. Shumica e demokratëve e di që jemi në pikën më të ulët, por kjo nuk e pengon as Berishën as Bashën të zihen në distancë. As njëri...
Ndër të paktat gjëra i bëjnë gjermanët të humbasin qetësinë janë çmimet e larta të benzinës dhe naftës. Çmimi i naftës së fundmi është rritur më s...
Kur më tha Calja në telefon,vdiq Goni,m’u këputën gjunjët. U rritëm bashkë,jetuam në të njëjtën lagje deri sa ai fluturoi. Ashtu heshtur,siç jetoi. Shkov...
Ne boten e fese vlen vetem besimi, “mos e ver Perendine ne prove”. Ne boten e shkences vetem prova vendos cfare eshte e vertete dhe cfare nuk mund t...
