Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
Dosja e Erion Veliajt/ Avokati Ndreca nuk u paraqit, gjobitet me 50 mijë lekë! Shtyhet seanca 21 Korrik, 10:54 Dosja...
“Nuk shiten malet, është mundësi për pronarët dhe emigrantët” Rama: Paketa e Maleve, nuk anulohet 21 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Lala tha se shenjat e para të dhunës, Gusholli i ka shfaqur që në momentin që që ka nisur bashkëjetesa, por ka eskaluar në momentin që nisi ta rrihte në mënyrë brutale.
TIRANË- Gazetarja Klodiana Lala ka zbardhur detaje nga dhunimi i 28-vjeçares në Tiranë. E ftuar në studion e emisionit “Open”, Lala tregoi se i dashuri i saj, Gleard Gusholli ka tentuar ta mbyste atë në mënyra makabre, si edhe e ka droguar duke e detyruar të konsumojë kokainë. Lala tha se shenjat e para të dhunës, Gusholli i ka shfaqur që në momentin që që ka nisur bashkëjetesa, por ka eskaluar në momentin që nisi ta rrihte në mënyrë brutale. Gazetarja tha se e reja i ka rrëfyer se ka tentuar të largohet edhe duke u hedhur nga ballkoni i katit të pestë ku po mbahej peng, por është ndaluar nga Gusholli i cili i ka thënë se ajo duhet të vuante.
“Sipas policisë ishim para heqjes së lirisë së një vajze të pafajshme. Ajo më ka rrëfyer gjithë historinë e saj. Ajo ishte e terrorizuar dhe në presion. Dridhej e tëra, nuk e hiqte cigaren nga goja. Në mënyrën si e rrëfeu historinë, vajza pretendon që është lindur dhe rritur në Gjermani. Ajo punonte si infermiere në një spital në Gjermani. Kishte shkuar një pacient shqiptar që nuk dinte gjuhën. Në këtë mënyrë u njoh me Gleard Gushollin dhe krijuan një lidhje intime. Ai ra në burg në Austri për 10 muaj dhe ajo e priti. Në Gjermani filloi dhuna deri sa prindërit e saj u detyruan ta largonin nga vajza. Familja e ka ndihmuar edhe financiarisht, i paguan edhe abonimin e palestrës. Pasi u ndanë, e telefonoi një numër shqiptar dhe ajo kërkoi t’i jepte një shans të dytë. Ajo erdhi në Shqipëri në ditën e Shën Valentinit dhe ka nisur bashkëjetesën me të. Java e parë ka qenë normale. Më pas Gusholli filloi të shfaqte shenja xhelozie të theksuara. Në ato ditë, 28-vjeçarja tregoi se ka tentuar të hidhet nga kati i pestë i banesës, e ka droguar. Ka tentuar të vrasë veten me medikamente. Kishte përdorur thikën duke e shpuar në pjesë të ndryshme të trupit. I kishte futur dorën në gojë për ta mbytur dhe e fut në dush për ta mbytur. Ai i tha se duhet të vuante. Ishte në gjendje shumë të rënduar psikologjike. Për një moment ai telefonoi kushërirën e tij, dhe i kërkoi të merrte informacion për ndalimin e tij nga Gjermania. Në atë moment ajo ka thirrur dhe për disa minuta ajo ka ardhur në banesë dhe e ka ndihmuar. Gusholli ishte aty dhe atë e larguan disa persona të tjerë të afërm. Sa i përket vajzës, në atë moment mbërriti dhe motra e Gushollit. Te ambulanca ajo i tha mjekëve që nuk e njihte vajzën dhe i tha që e kishin gjetur në rrugë atë,”- tha Lala.
E reja që është shtetase gjermane u mbajt peng për një javë dhe u dhunua në mënyrë brutale nga i dashuri i saj, Gleard Gusholli, 31 vjeç. Dyshja janë njohur në Gjermani ku vajza është lindur e rritur dhe kishte nisur punë si infermiere. Gusholli është paraqitur si pacient në një spital gjerman dhe aty ka rënë në kontakt me 28-vjeçaren. Njohja është kthye në një lidhje dashurie, por i riu nisi të ushtronte dhunë. Dyshja u ndanë, por muaj më vonë e reja e fali dhe vendosi t’i jepte një mundësi të dytë. Të dy u kthyen në Shqipëri për të nisur jetën nga e para, por i riu rinisi dhunën. Për një javë rresht e dhunoi me karrige e sende të forta dhe e detyroi të konsumonte lëndë narkotike. Deri më tani, dyshohet se shkak për ngjarjen e rëndë u bë xhelozia. 31-vjeçari Gusholli ka thënë se dhunën e ka ushtruar pasi dyshonte se e reja e tradhtonte. Por, i riu e fajësonte se për shkakun e saj nuk shkelte dot në Gjermani, pasi dyshonte se kjo e fundit e kishte kallëzuar pas dhunës së ushtruar ndaj saj. Vajza shpëtoi pasi në momentin që Gusholli telefonoi kushërirën e tij, ajo bëritit dhe kërkoi ndihmë. Ishte kushërira dhe motra e 31-vjeçarit që e dërguan në spital. Tashmë ajo është marrë në mbrojtje nga policia./Dosja.al
Enea Cenko TIRANË- Enea Cenko, avokati i 28-vjeçares së dhunuar nga partneri i saj në Tiranë ka deklaruar se e reja ndodhet ende...
Gjykata Kushtetuese TIRANË- Gjykata Kushtetuese ia ka kaluar ‘topin’ qeverisë për shkrirjen e Bordit të Karburanteve. N&eum...
Sherri TIRANË- Pamjet që po shikoni tregojnë momentin kur babë e bir dhunojnë 32-vjeçarin pasi makinat e tyre u përpla...
Ermonela Jaho TIRANË- Zhgënjimi i sopranes Ermonela Jaho që gjeti sallat bosh kur erdhi për të dhënë mësim në...
E reja e dhunuar TIRANË- Motra e 31-vjeçarit Gleard Gusholli, i cili ndodhet pas hekurave pasi ka dhunuar e torturuar të dashurën e t...
Britani e Madhe BRITANI E MADHE- Një 38-vjeçar shqiptar, i identifikuar si Shpend Hakili ka dalë në gjyq pasi akuzohet se ka vrar&eum...
Foto ilustruese ITALI- Një 35-vjeçar me origjinë shqiptare është arrestuar së fundmi në Itali pasi kishte fshehur drog...
Policia greke GREQI- Arbër Muçaj, një 17-vjeçar shqiptar është vënë në pranga në Greqi pasi akuzohet ...
Foto Ilustruese TIRANË- Një 32-vjeçar ka përfunduar në spital pasi është dhunuar nga dy persona, babë e bir. N&eu...
Dorjana Bezat TIRANË- Gazetarja Dorjana Bezat, e cila ka treguar me detaje ngjarjen që ka ndodhur në orët e para të mëngjesit...
