Protesta për Zvërnecin/ Protestuesit çajnë kordonin metalik, policia i sulmon me ujë. Tubimi shpërndahet në gjithë Tiranën
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
"Shqipëria është e shqiptarëve"/ Qytetarët mbushin rrugët e Tiranës, kërkojnë anulimin e pr...
Nga Enton Abilekaj
TIRANË– Dorëheqja si akt personal nuk mund të mos përshëndetet. Pavarësisht vonesës, pavarësisht pasojave, është gjithmonë një mundësi për një zgjidhje më të mirë, hap një rrugë, jep një shpresë.
Kështu dukej edhe ajo e Lulzim Bashës, kur pranoi pasojat e vendimeve te tij, kur foli për një parti më të përçarë, për një rezultat më të dobët dhe për një luftë te brendshme që i sherben Edi Ramës. Kështu dukej kur foli për rimëkëmbjen e PD- së, një fushatë pajtimi që do t’i paraprinte zgjedhjeve për kryetar.
Në fakt, Lulzim Basha nuk e arriti as solemnitetin minimal të dorëheqjes. Ikja e tij pasoi një paçavure politike të mbështetësve të tij, vazhdimin e një rruge qorre, që ashtu si pushtuesit e tokave që ndërtojnë pa leje, për tu legjitimuar ngre flamurin amerikan. Nuk do dukej si e Bashës nëse deklarata e gatshme e Alibeajt nuk do të përsëriste fjalë për fjalë tekstin e gatshëm të dorëheqjes.
Një skemë e qartë, të largohet Berisha nga vendimmarrja, të krijojet një grup i përbashkët me “deputetët e pezulluar”, të bëhet fushatë pajtimi që nënkupton të lëpijnë ato që kanë përshtyrë dhe të bëjnë garë.
Zgjidhja mungonte në tekstin e dorëheqjes së Bashës, jo pa arsye. Ajo u ishte lënë pasuesve të tij, që me një proces fals, të ribëjnë zgjedhje për të rizgjedhur problemin në krye të partisë. Me një deklaratë të gatshme, me lëvizjen e parë që e kishin gati sepse vetëm ata e dinin, bënë një votim fals për të filluar një proces fals që do ta rrënonte sërish opozitën sikur të vihej në zbatim.
Kjo sepse askush, as Ambasada Amerikane që përshëndeti dorëheqjen, as deputetët e vulës, nuk duan të pranojnë se janë në këtë situatë për shkak të zgjedhjeve të 6 marsit, për shkak të rezultatit të turpshëm të logos së PD-së. Nuk duan të pranojnë që i mundi ai që duan të largojnë me skema bajate që ofrohen nga diplomatë që, as e njohin Shqipërinë, as mbajnë përgjegjësi për gabimet, as vuajnë pasojat e vendimeve që imponojnë.
Këta nuk duan të kuptojnë që Berisha nuk fitoi vetëm se është lideri historik i PD-së, as vetëm se për 23 vjet e shndërroi PD-në në parti personale. Nuk fitoi se përfaqëson shpresën e opozitare për të mundur Edi Ramën, as shpresën e shqiptarëve për një qeverisje më të mirë se ajo që rrëzuan në 2013 me 1 milion vota. Ai fitoi përballë logos, strukturave të partisë dhe ndërhyrjes amerikane, sepse kishte me vete legjitimitetin. Që në ditën e parë të vendimit kundër tij, deri tek mohimi i firmave të delegatëve, injorimi i Kuvendit të 11 dhjetorit dhe më pas referendumit të 18 dhjetorit. Ai fitoi se iu mohua e drejta për tu gjykuar me votë, se u dënua pa gjyq.
Dorëheqja e Bashës duhet të ishte në shërbim të rikthimit të legjitimitetit, duke pranuar çfarë mohoi për 6 muaj, duke e njohur shumicën dhe duke i hapur partinë asaj për një zgjidhje unifikuese. Skemat e lodhura që diskretitohen sa dalin, jo vetëm që nuk e zhbëjnë dot shumicën, por janë shërbim për Edi Ramën. Ata deputetë që po përpiqen akoma sot të mbajnë dështimin në krye të PD- së, janë ushtarët e turpit që nuk e kanë problem shkatërrimin e opozitës, nëse hipotekojnë asetet e saj, qoftë edhe duke mashtruar publikisht.
Dosja.al
Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?
Nga Ben BlushiSa më shumë lexoj shtypin perëndimor, aq më shumë besoj se bota jeton në të shkuarën. Nuk lexon dot asgjë për të ardhmen. Ka qindra pyetje për sot...
Nga Meri Lika Që ta dini, dje e mora vesh se unë jam me Putinin dhe sa për dijeni këtë nuk e mora vesh nga persiatjet e mia. Pozicionin tim të armikut, ma sqaro...
Nga Dosja.alTurp është të sillesh si spekulant lufte, jo të protestosh. Protesta nuk është turp, për sa kohë qytetarët nuk dalin kundër pasojave të luftës, por ...
Nga Enton Abilekaj“Paketa e Rezistencës” nuk rezistoi as 24 orë, nuk mjaftoi as për të ulur pak numrin e protestuesve, as për të rrëzuar ndonjë prej kërkesave t...
Nga Meri LikaNë politikë, ekziston një term për ata që humbasin dhe largohen me dinjitet, quhen Humbës Etik. Humbësit etik janë ata që preferojnë më mirë të hu...
Po jetojmë në kohë të vështira. Sapo globi po dukej se po e merrte veten nga pandemia e Covid-19, që për dy vjet prishi shumë ekuilibra shëndetësorë, ekonomikë ...
Nga Meri LikaKemi një shprehje ne shqiptarët “i ra b*tha në ujë”. Në këtë situatë është sot lideri ynë suprem, pas protestave kundër rritjes pa frena dhe pa asn...
TIRANË– Kryeministri Edi Rama pas monologut që bëri dje në zyrën e tij për situatën dhe pasojat e luftës, premtoi që do të ndërmerrte masa për të kon...
TIRANË- Mijëra qytetarë të Tiranës dolën dje në Bulevardin “Dëshmorët e Kombit”, dhe kërkuan një ndërhyrje urgjente nga shteti për të mos lejua...
Nga Dosja.alPërpjekjet e Lulzim Bashës për të qëndruar në krye të Partisë Demokratike pas disfatës së 6 marsit, morën një goditje të rëndë mbrëmjen e së hënës, ...
