Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
FOTO/ Protesta për Zvërnecin, babai i Martin Canit i bashkohet protestuesve në shesh 4 Qershor, 18:43 Mijë...
FOTO/ Protesta për Zvërnecin, babai i Martin Canit i bashkohet protestuesve në shesh 4 Qershor, 18:43 Mijë...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Në kërkesën me objekt “Deklarimi i mbarimit të mandatit të Gjyqtarit të Gjykatës Kushtetuese” të datës 30 janar 2025, Begaj duket qartësisht që synon të ndërpresë mandatin e gjyqtares Sonila Bejtja. Në këtë lojë të rëndomtë, por edhe tërësisht anti-kushtetuese, Bajram Begaj iu atashua një pjese të gjyqtarëve kushtetues, të cilët prej disa kohësh kanë nisur tentativat për të rrëmbyer mandatin e koleges së tyre.
TIRANË - Presidenti i Republikës, Bajram Begaj, ka kërkuar nga Gjykata Kushtetuese interpretimin e “skemës së ripërtëritjes” të anëtarëve të saj, në përmbajtje të së cilës godet njëkohësisht 4 institucione kushtetuese, duke krijuar një kolaps të plotë dhe tërësisht të panevojshëm.
Në kërkesën me objekt “Deklarimi i mbarimit të mandatit të Gjyqtarit të Gjykatës Kushtetuese” të datës 30 janar 2025, Begaj duket qartësisht që synon të ndërpresë mandatin e gjyqtares Sonila Bejtja. Në këtë lojë të rëndomtë, por edhe tërësisht anti-kushtetuese, Bajram Begaj iu atashua një pjese të gjyqtarëve kushtetues, të cilët prej disa kohësh kanë nisur tentativat për të rrëmbyer mandatin e koleges së tyre.
Ky qëllim u shfaq fare hapur, kur, ende pa u bërë publike kërkesa e Presidentit, “burime nga Kushtetuesja” trafikuan në media informacionin se “Presidenti Begaj shpall vakancën për në Gjykatën Kushtetuese”, kur e vërteta ishte “një kërkesë për intepretim”.
Megjithatë, zelli se si u shpërnda ky informacion paraprak tregon ekzaltimin e “gjyqtarëve puçistë”, të cilët duket se kanë arritur të shfrytëzojnë diletantizmin kushtetues të Bajram Begajt për ta përfshirë në lojën e tyre.
Rrëmbimi i mandatit të Sonila Bejtjas
Bajram Begaj po tenton ta realizojë rrëmbimin e mandatit të Sonila Bejtjas, duke shkelmuar në dekretet e mëparshme të nxjerra nga Presidenca e Republikës; duke kritikuar Gjykatën Kushtetuese; duke kërkuar të shndërrojë në “nul” vendimmarrjen e Kuvendit dhe duke hedhur poshtë praktikën e mëparshme dhe aktivitetin aktual të Këshillit të Emërimeve në Drejtësi.
Në kërkesën e tij, Bajram Begaj jep interpretimin e tij për skemën e ripërtëritjes së mandave në Gjykatën Kushtetuese.
“… Është fakt i provuar dhe i dokumentuarse gjyqtarët: Holta Zaçaj, Elsa Toska dhe Sonila Bejtja, që janë emëruar/zgjedhur nga Gjykata e Lartë, Kuvendi dhe nga Presidenti i Republikës për të ushtruar mandatet që i takojnë përtëritjes së parë, janë emëruar përkatësisht në datën 16.1.2023 (mandat i pjesshëm), në datën 11.11.2019 (mandat i plotë) dhe në datën 15.10.2019 (mandat të plotë), domethënë, me 5 vjet, 10 muaj dhe 6 ditë vonesë nga mbarimi i mandatit pararendës zonja Zaçaj, me 3 vjet, 6 muaj dhe 17 ditë vonesë nga mbarimi i mandatit pararendës zonja Toska dhe me 3 vjet, 5 muaj dhe 20 ditë vonesë nga mbarimi i mandatit pararendës zonja Bejtja”.
Nga tre emrat e përmendur në shkresën e Begaj për “ripërtëritjen” e vitit 2025, Elsa Toska nuk është më në detyrë, pasi dha dorëheqjen në shtator 2024. Gjyqtarja dhe njëkohësisht kryetarja Holta Zaçja pritet të mbarojë mandatin në mars 2025, me një vendim të Gjykatës Kushtetuese të fundit të dhjetorit 2024.
Pra, i gjithë qëllimi i Bajram Begajt në këtë “sipërmarrje parimore” është ndërprerja tërësisht antikushtetuese e gjyqtares Sonila Bejtja.
Begaj injoron Presidencën
Presidenti Begaj pretendon se mandati i gjyqtares Bejtja përfshihet në “ripërtëritjen e vitit 2025”, ndërkohë që në institucionin e drejtuar prej tij ekzistojnë dekrete që flasin tërësisht për të kundërtën.
Në 15 Tetor 2019, Presidenti i Republikës dekretoi emërimin e gjyqtarit Besnik Muçi në Gjykatën Kushtetuese, pasi Këshilli i Emërimeve në Drejtësi i kishte përcjellë “listën përfundimtare të renditjes së kandidatëve për gjyqtar në Gjykatën Kushtetuese në vendin vakant, vakancë e plotë, e shpallur nga Presidenti i Republikës në datën 7.2.20218”. Pra, e theksuar “vakancë e plotë”.
Gjyqtari Muçi u shkarkua nga Kolegji i Posaçëm i Apelimit (KPA), në nëntor 2019, kur kishte vetëm një muaj në detyrën e gjyqtarit kushtetues.
Presidenti i Republikës shpall menjëherë thirrjen për plotësimin e vakancës së krijuar nga shkarkimi i gjyqtarit Muçi, i cili kishte pasur “mandat të plotë” 9-vjeçar.
Në vijim të kësaj procedure, me dekretin nr. 11886, dt. 28.12.2020, Presidenti i Republikës emëron Sonila Bejtjan si gjyqtare në Gjykatën Kushtetuese. Pra, Sonila Bejtja vijon mandatin e plotë të pakonsumuar nga Besnik Muçi. Kjo është e gjitha e dokumentuar pranë Presidencës së Republikës, Gjykatës Kushtetuese, si edhe në Këshillin e Emërimeve në Drejtësi.
Pra, “interpretimi” i Bajram Begaj për “mandat të pjesshëm” të gjyqtares Sonila Bejtja është në kundërshtim flagrant me dokumentat dhe praktikën që ai ka në zyrën e tij.
Përplasje me Gjykatën Kushtetuese
Në njoftimin zyrtar që shoqëron kërkesën e tij për “interpretimin e skemës së ripërtëritjes”, Bajram Begaj ka rezervuar kritika për Gjykatën Kushtetuese.
Sipas tij, “Gjykata Kushtetuese ka patur detyrimin për të krijuar qartësi të plotë rreth vendimmarrjes së saj, sikundër duhet të ishte zbatuesi i parë, i devotshëm dhe korrekt i vendimeve të veta. Në fakt, Gjykata ka preferuar që këtë përgjegjësi ta transferojë tek institucionet e tjera”.
Në vijim, ai thotë se: “Mosmarrja e vendimit për deklarimin e mbarimit të mandatit pengon automatikisht Presidentin e Republikës, si organ emërtese, në ushtrimin e kompetencës së Tij kushtetuese për emërimin e gjyqtarit vijues” dhe se “Konflikti i kompetencave, nga buron edhe e drejta e Presidentit të Republikës, si organ emërtese, për të vënë në lëvizje Gjykatën Kushtetuese, ka lidhje, në logjikën e këtij vendimi, me faktin se Presidenti i Republikës është i kushtëzuar në ushtrimin e kompetencës së Tij kushtetuese nga vendimmarrja e Gjykatës Kushtetuese për deklarimin e mbarimit të mandatit të gjyqtarit”.
Ndërkohë, kjo kritikë e Presidentit është tërësishtë e pavend dhe, jo-logjike. Si President, ai ka rol për të mbajtur qëndrime mbi aktivitetin në përgjithësi të institucioneve. Por, as ai dhe askush tjetër nuk mund të interpretojë ose të orientojë në orientim vendimmarrjen e Gjykatës Kushtetuese.
Me këtë “kritikë”, Bajram Begaj ka marrë përsipër të luajë rolin e gjyqtarit kushtetues, një tagër që as e ka dhe as nuk mund ta ushtrojë për shkak të mungesës së përgatitjes arsimore të duhur për këto çështje.
Po ashtu, në bazën ligjore të shkresës, Begaj citon nenin 131, pika “ç” e Kushtetutës, që lidhet me konfliktin e kompetencave, ndërkohë që objekti dhe tërësia e dokumentit të nënshkruar prej tij është “kërkesë për interpretim”.
Duket qartë se Bajram Begaj ka pasur nxitim për të bërë këtë “kërkesë për interpretim” dhe nuk ka arritur të gjejë bazën kushtetuese për ta mbështetur, por ka cituar “të parën që i ka kapur syri e dora”.
Përplasje me Kuvendin
Në tentativën e tij për të ndërprerë dhe rrëmbyer mandatin e gjyqtares Sonila Bejtja, presidenti Begaj është përfshirë edhe në një përplasje kushtetuese me Kuvendin e Shqipërisë.
Në shkresën e tij, Bajram Begaj përfshin mandatin e (ish) gjyqtares të emëruar nga Kuvendi i Shqipërisë, Elsa Toska, në “ripërtëritjen e parë”, pra ai e konsideron “mandat të pjesshëm”.
Ky qëndrim i Begajt është tërësisht i gabuar dhe nuk përputhet me realitetin.
Gjyqtarja Elsa Toska është emëruar me Vendimin nr. 133/2019 të Kuvendit të Shqipërisë “për një mandat të plotë” 9-vjeçar.
Pas dorëheqjes së saj, në shtator të vitit 2024, Kuvendi i Shqipërisë shpalli thirrjen për “plotësimin e vakancës së plotë” të krijuar nga dorëheqja e gjyqtares Elsa Toska.
Pra, është e qartë se Kuvendi, në dy praktika, një një vitin 2019 dhe tjetra në vitin 2024, e ka konsideruar “mandat të plotë” atë që mori Elsa Toska.
Por, Bajram Begaj e mendon ndryshe, duke shprehur qëndrime që nuk janë në tagrin e tij dhe, për më tepër, synon që të rrëzojë vendimmarrjen e dyfishtë të pushtetit legjislativ.
Përplasje me Këshillin e Emërimeve në Drejtësi
Kërkesa e Bajram Begaj, si edhe “interpretimi” i tij për “mandatin e përkohshëm” të Sonila Bejtjas dhe Elsa Toskës, shkon tërësisht në të kundërt me vendimmarrjen në vijimësi të Këshillit të Emërimeve në Drejtësi.
Në rastin e Sonila Bejtjas, KED është shprehur qartësisht që në mandatin e paraardhësit të saj, Besnik Muçi, se është “mandat i plotë”.
Ndërkohë, për rastin e Elsa Toskës, Këshilli i Emërimeve në Drejtësi është në shqyrtim 10 kandidatura, të cilat kanë aplikuar pranë Kuvendit të Shqipërisë për të plotësuar “vakancën e mandatit të plotë” të krijuar nga dorëheqja e saj.
Bajram Begaj nuk jep asnjë sqarim, ose më saktë duket se as nuk i ka llogaritur pasojat e “intepretimit” të tij. Qëllimi është i qartë-rrëmbimi i mandatit të gjyqtares kushtetuese, Sonila Bejtja.
Për të arritur këtë qëllim, Bajram Begaj, i cili nuk është shquar për asgjë në krye të Shtetit, ka vendosur të krijojë konflikt kushtetues artificial me të gjithë institucionet e përfshirë në procesin e përzgjedhjes dhe emërimit të gjyqtarëve kushtetues.
Ermal Mulosmani TIRANA- Ajo që më habit më së shumti nga intervistat e Ahmetajt, është tallja e njerëzve me to, relativi...
Presidenti serb Aleksandar Vuçiç në një takim me Presidentin e SHBA Donald Trump në Shtëpinë e Bardhë në Uash...
Donald Trump Tashmë duket sikur është kthyer prej muajsh. Donald Trump po vendos një ritëm të furishëm në mandatin ...
Ben Blushi Në Greqinë e Lashtë ishte një mbret që quhej Mida, që kishte aftësinë të kthente në ar cdo gj&...
meri lika TIRANË- Në vitin 2022, kur termi i primareve u bë kryefjalë e ditës, kam shkruar një artikull ku, modestisht, ...
foto ilustruese TIRANË- Kthimi i Donald Trump në Shtëpinë e Bardhë është një pikë kthese në historinë...
Qendrat e emigranteve Në vitin 2023, Italia nënshkroi një marrëveshje prej 710 milionë dollarësh për të dërgua...
Enton Abilekaj TIRANË- Tani që u krye hetimi i plotë dhe doli cullak krijimi i rrethanave të kallëzimit të rremë, avokat...
Donald Trump Në libra dhe filma, është e lehtë të parashikosh se çfarë do të ndodhë me një ngacmues. At...
meri lika TIRANË- “Hajdeni se u hap dëngu!” Kjo shprehje, për të gjithë, është shprehja e famshme e shitjev...
