"Komisioni Europian na refuzoi 3 herë sepse s’ka qenë dëshira!" Rama në Lezhë: I kemi hequr prangat drejtësisë nga pushteti politik
"Thajeni kënetën duke votuar PS-në!" Rama: Mund të na mundin vetëm me AI, as me "bufin" dhe as me atë që ul&e...
"Thajeni kënetën duke votuar PS-në!" Rama: Mund të na mundin vetëm me AI, as me "bufin" dhe as me atë që ul&e...
Rrjedhja e planit të sulmeve në Jemen, Hillary Clinton: Duhet të jeni duke bërë shaka me mua 25 Mars, 12:32 ...
"Primaret ishin proces hipokrit", Rama: Disa politikanë të djathtë kanë ardhur me ne! Nuk janë socialistë por Shqi...
VIDEO/ Nuk ndalet Manaj në Air Albania, shënon golin e dytë për kombëtaren 24 Mars, 21:06 VIDEO/ Mung...
Vetëm një muaj pas hapjes së shumëpërfolur të këtyre qendrave, vetëm 24 azilkërkues janë dërguar në Shqipëri dhe asnjë nuk ka mbetur atje tani, pesë kaluan më pak se 12 orë në një qendër paraburgimi, ndërsa pjesa tjetër qëndruan për pak më shumë se 48 orë.
ITALI- Një marrëveshje shumëmilionëshe e migracionit midis Italisë dhe Shqipërisë që synon frenimin e ardhjeve u prezantua nga presidentja e Komisionit Evropian, Ursula von der Leyen, si një model i ri për mënyrën e krijimit të qendrave të përpunimit dhe ndalimit për azilkërkuesit jashtë BE-së.
Objektet në Shqipëri duhej të prisnin deri në 3000 burra të ndaluar në ujërat ndërkombëtare ndërsa kalonin nga Afrika në Evropë. Por duket se as Von der Leyen dhe as kryeministrja e ekstremit të djathtë të Italisë, Giorgia Meloni, nuk e kishin marrë parasysh ligjin ekzistues.
Vetëm një muaj pas hapjes së shumëpërfolur të këtyre qendrave, vetëm 24 azilkërkues janë dërguar në Shqipëri dhe asnjë nuk ka mbetur atje tani, pesë kaluan më pak se 12 orë në një qendër paraburgimi, ndërsa pjesa tjetër qëndruan për pak më shumë se 48 orë.
Të gjithë u transferuan në Itali pasi gjyqtarët italianë e konsideruan të paligjshme ndalimin e tyre në Shqipëri përpara riatdhesimit në vende, si Bangladeshi dhe Egjipti, të konsideruara "të sigurta" nga Roma. Duke vepruar kështu, gjyqtarët po mbështesnin një vendim të 4 tetorit nga gjykata e drejtësisë e Bashkimit Evropian (ECJ)që thotë se një vend jashtë bllokut nuk mund të shpallej i sigurt nëse i gjithë territori i tij nuk konsiderohej i sigurt.
Sikleti i Italisë mbi skemën, i sulmuar nga partitë opozitare dhe i cilësuar si një "dështim i plotë" që do të kushtojë rreth 1 miliardë euro (830 milion £) gjatë pesë viteve, ka ndezur një konflikt midis autoriteteve dhe gjyqtarëve, të cilët janë akuzuar nga partitë e ekstremit të djathtë si "pengues të projektit".
Megjithatë, vëzhguesit thonë se Meloni dhe aleatët e saj e dinin që në fillim se ekzistonte rreziku që marrëveshja të mos funksiononte, me vendimin e GJED-së që ishte vetëm një nga shumë çështje ligjore. Chiara Favilli, profesoreshë e së drejtës së Bashkimit Evropian në Universitetin e Firences, tha: “Që nga viti 1993, disa shtete evropiane kanë propozuar zgjidhje të ngjashme me marrëveshjen e Italisë me Shqipërinë. Megjithatë, ata gjithmonë janë refuzuar. Marrëveshjet si ajo mes Shqipërisë dhe Italisë janë të papajtueshme me disa norma themelore”.
Muaj përpara nënshkrimit të marrëveshjes ndërmjet Shqipërisë dhe Italisë, shumë OJQ, akademikë dhe ekspertë kishin ngritur dyshime nëse ajo mund të konsiderohet humane apo edhe e ligjshme sipas ligjit ndërkombëtar.
Thirrjet e tyre u injoruan. Mbështetësit këmbëngulën se skema ishte më humane sesa dërgimi i njerëzve në vendet në zhvillim, siç do të kishte bërë skema kryesore e dëbimit të qeverisë së fundit të Mbretërisë së Bashkuar, me shtetin italian përgjegjës për fatin e burrave dhe respektimin e disa normave, dhe më pak problematike se sa Praktika aktuale e BE-së për dhënien e parave për vendet e Afrikës Veriore në mënyrë që të përmirësojnë kontrollet e tyre kufitare.
Meqenëse duket se do të përballet me sfida të mëtejshme ligjore, megjithatë, marrëveshja po bëhet një fiasko. Sipas një sondazhi të fundit, 55% e italianëve nuk e pëlqejnë atë. Besueshmëria është në rrezik për një qeveri që e ka bërë emigracionin një çështje qendrore të fushatës dhe që në të kaluarën ka kritikuar paraardhësit për shpenzimin e parave publike për menaxhimin e krizës së migracionit. (Transporti përmes detit në një anije ushtarake italiane të tetë burrave që mbërritën në Shqipëri fundjavën e kaluar kushtoi 250,000 €, më shumë se 31,000 € për azilkërkues në bord.)
Përballë rënies graduale të marrëveshjes, qeveria italiane ka dalë kundër gjyqësorit, duke i përshkruar ata që vendosën kundër marrëveshjes si "magjistratë të politizuar" që "do të donin të shfuqizojnë kufijtë e Italisë".
Edhe Elon Musk ka ndikuar, duke treguar mbështetjen e tij pas mikeshës të tij Meloni dhe duke denoncuar vendimin e magjistratëve, ku tha: "Këta gjyqtarë duhet të shkojnë". Në një lëvizje shumë të pazakontë, presidenti i Italisë, Sergio Mattarella, i dha Musk një përgjigje të memjëhershme dhe kritike për reagimin e tij: "Italia di si të kujdeset për veten".
Javën e kaluar, policia forcoi mbrojtjen për Silvia Albanon, një nga gjashtë gjyqtaret e seksionit të imigracionit të gjykatës së Romës, e cila më 18 tetor nuk lejoi ndalimin e azilkërkuesve në Shqipëri. Ajo ka marrë kërcënime me vdekje që nga dhënia e vendimit.
Stefano Musolino, zëvendësprokuror i Reggio Calabria dhe anëtar i shoqatës kombëtare të magjistratëve, tha: “Ajo që nuk kuptohet është se nëse një gjykatës do të autorizonte riatdhesimin ose ndalimin e emigrantëve në Shqipëri, në kundërshtim me ligjet ndërkombëtare që detyrojnë Italinë, verdiktet e tyre do të ishin të paligjshme.”
Në një kohë kur qeveria po përpiqet të balancojë buxhetin, duke shkurtuar fondet për arsimin, shëndetësinë dhe sigurimet shoqërore, partitë opozitare e kanë përshkruar marrëveshjen si një “katastrofë financiare”.
Elly Schlein, kryetarja e Partisë Demokratike të Italisë, tha: “Meloni rrit taksat dhe shpërdoron gati një miliard euro paratë e taksapaguesve në qendrat e emigrantëve në Shqipëri. Ne mund t'i kishim përdorur ato për të forcuar shërbimin kombëtar shëndetësor ku më shumë se 4.5 milionë njerëz nuk janë në gjendje të marrin trajtim çdo vit. Tani është koha që Meloni të çmontojë qendrat. Pastaj, është koha që ajo të kërkojë falje për të gjithë italianët.”/THE GUARDIAN
Agim Nesho Zgjedhja e Presidentit Trump në SHBA u prit me entuziazëm nga shumica e shqiptarëve të Shqipërisë dhe me ankth n...
Foto ilustruese KOSOVA- Nga marrëveshja ekonomike ndërmjet Kosovës e Serbisë, njohja nga Izraeli, deri te mospajtimet politike dhe akuz...
Flamur fitoreje Donald Trump nuk i vodhi zgjedhjet e 2024. Ai i ka fituar, në mënyrë të qartë dhe gjithëpërfshirëse...
Biden, Rama dhe Stotlenberg Marrëdhëniet midis Shteteve të Bashkuara dhe Shqipërisë, të dyja anëtare të NATO-s, ren...
ditmir bushati TIRANË- Para një viti ftova në podcastin tim “Public Square”, Arjan Gjonça, profesor në Shkollë...
Enton Abilekaj Mund të ishte ndjekur në gjendje të lirë, ashtu si po ndodhte këto 2 vite që ishte nën hetim, pasi u larg...
enton abilekaj TIRANË- Përdorimi i Gardës për të nxjerrë deputeten nga salla ishte një skandal që u harrua vetë...
Agim Nesho Integrimi i Shqipërisë në BE nuk është një gjetje e politikës së jashtme, por një kërkesë...
Giorgia Meloni dhe Ursula von der Leyen Ka shumë interes për marrëveshjen e kryeministres italiane Giorgia Meloni me procedurat e azilit n&e...
Enton Abilekaj TIRANA- Mbeti një spektakël fishekzjarresh dhe molotovësh, ajo që mbrëmë u pretendua të ishte fillim...
